헬라어 문장 검색 - ΗεροδόΤηεΗιστ́1́216́

(헤로도토스, The Histories, book 1, chapter 216)

νόμοισι δὲ χρέωνται τοιοῖσιδε. γυναῖκα μὲν γαμέει ἕκαστοσ, ταύτῃσι δὲ ἐπίκοινα χρέωνται· τὸ γὰρ Σκύθασ φασὶ Ἕλληνεσ ποιέειν, οὐ Σκύθαι εἰσὶ οἱ ποιέοντεσ ἀλλὰ Μασσαγέται· τῆσ γὰρ ἐπιθυμήσῃ γυναικὸσ Μασσαγέτησ ἀνήρ, τὸν φαρετρεῶνα ἀποκρεμάσασ πρὸ τῆσ ἁμάξησ μίσγεται ἀδεῶσ. οὖροσ δὲ ἡλικίησ σφι πρόκειται ἄλλοσ μὲν οὐδείσ·

ἐπεὰν δὲ γέρων γένηται κάρτα, οἱ προσήκοντέσ οἱ πάντεσ συνελθόντεσ θύουσί μιν καὶ ἄλλα πρόβατα ἅμα αὐτῷ, ἑψήσαντεσ δὲ τὰ κρέα κατευωχέονται. ταῦτα μὲν τὰ ὀλβιώτατά σφι νενόμισται, τὸν δὲ νούσῳ τελευτήσαντα οὐ κατασιτέονται ἀλλ’ γῇ κρύπτουσι, συμφορὴν ποιεύμενοι ὅτι οὐκ ἵκετο ἐσ τὸ τυθῆναι.

σπείρουσι δὲ οὐδέν, ἀλλ’ ἀπὸ κτηνέων ζώουσι καὶ ἰχθύων· οἳ δὲ ἄφθονοί σφι ἐκ τοῦ Ἀράξεω ποταμοῦ παραγίνονται· γαλακτοπόται δ’ εἰσί.

θεῶν δὲ μοῦνον ἥλιον σέβονται, τῷ θύουσι ἵππουσ. νόοσ δὲ οὗτοσ τῆσ θυσίησ· τῶν θεῶν τῷ ταχίστῳ πάντων τῶν θνητῶν τὸ τάχιστον δατέονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 216

(헤로도토스, The Histories, book 1, chapter 216)

상위

목록

SEARCH

MENU NAVIGATION