호흡부호 보기
강세부호 보기
장단부호 보기
작은 Iota 보기
모든 부호 보기
ἐστρατεύετο δὲ ὁ Κροῖσοσ ἐπὶ τὴν Καππαδοκίην τῶνδε εἵνεκα, καὶ γῆσ ἱμέρῳ προσκτήσασθαι πρὸσ τὴν ἑωυτοῦ μοῖραν βουλόμενοσ, καὶ μάλιστα τῷ χρηστηρίῳ πίσυνοσ ἐὼν καὶ τίσασθαι θέλων ὑπὲρ Ἀστυάγεοσ Κῦρον. Ἀστυάγεα γὰρ τὸν Κυαξάρεω, ἐόντα Κροίσου μὲν γαμβρὸν Μήδων δὲ βασιλέα, Κῦροσ ὁ Καμβύσεω καταστρεψάμενοσ εἶχε, γενόμενον γαμβρὸν Κροίσῳ ὧδε.
Σκυθέων τῶν νομάδων εἴλῃ ἀνδρῶν στασιάσασα ὑπεξῆλθε ἐσ γῆν τὴν Μηδικήν·
ἐτυράννευε δὲ τὸν χρόνον τοῦτον Μήδων Κυαξάρησ ὁ Φραόρτεω τοῦ Δηιόκεω, ὃσ τοὺσ Σκύθασ τούτουσ τὸ μὲν πρῶτον περιεῖπε εὖ ὡσ ἐόντασ ἱκέτασ· ὥστε δὲ περὶ πολλοῦ ποιεόμενοσ αὐτούσ, παῖδάσ σφι παρέδωκε τὴν γλῶσσάν τε ἐκμαθεῖν καὶ τὴν τέχνην τῶν τόξων. χρόνου δὲ γενομένου, καὶ αἰεὶ φοιτεόντων τῶν Σκυθέων ἐπ’ ἄγρην καὶ αἰεί τι φερόντων, καὶ κοτε συνήνεικε ἑλεῖν σφεασ μηδέν·
νοστήσαντασ δὲ αὐτοὺσ κεινῇσι χερσὶ ὁ Κυαξάρησ ἦν γάρ, ὡσ διέδεξε, ὀργὴν ἄκροσ τρηχέωσ κάρτα περιέσπε ἀεικείῃ. οἳ δὲ ταῦτα πρὸσ Κυαξάρεω παθόντεσ, ὥστε ἀνάξια σφέων αὐτῶν πεπονθότεσ, ἐβούλευσαν τῶν παρὰ σφίσι διδασκομένων παίδων ἕνα κατακόψαι, σκευάσαντεσ δὲ αὐτὸν ὥσπερ ἐώθεσαν καὶ τὰ θηρία σκευάζειν, Κυαξάρῃ δοῦναι φέροντεσ ὡσ ἄγρην δῆθεν, δόντεσ δὲ τὴν ταχίστην κομίζεσθαι παρὰ Ἀλυάττεα τὸν Σαδυάττεω ἐσ Σάρδισ.
ταῦτα καὶ ἐγένετο.
καὶ γὰρ Κυαξάρησ καὶ οἱ παρεόντεσ δαιτυμόνεσ τῶν κρεῶν τούτων ἐπάσαντο, καὶ οἱ Σκύθαι ταῦτα ποιήσαντεσ Ἀλυάττεω ἱκέται ἐγένοντο.
호흡부호 보기
강세부호 보기
장단부호 보기
작은 Iota 보기
모든 부호 보기