호흡부호 보기
강세부호 보기
장단부호 보기
작은 Iota 보기
모든 부호 보기
ἐπὶ μέν νυν ὀκτὼ καὶ εἴκοσι ἔτεα ἦρχον τῆσ Ἀσίησ οἱ Σκύθαι, καὶ τὰ πάντα σφι ὑπό τε ὕβριοσ καὶ ὀλιγωρίησ ἀνάστατα ἦν· χωρὶσ μὲν γὰρ φόρον ἔπρησσον παρ’ ἑκάστων τὸν ἑκάστοισι ἐπέβαλλον, χωρὶσ δὲ τοῦ φόρου ἡρ́παζον περιελαύνοντεσ τοῦτο ὅ τι ἔχοιεν ἕκαστοι. καὶ τούτων μὲν τοὺσ πλεῦνασ Κυαξάρησ τε καὶ Μῆδοι ξεινίσαντεσ καὶ καταμεθύσαντεσ κατεφόνευσαν, καὶ οὕτω ἀνεσώσαντο τὴν ἀρχὴν Μῆδοι καὶ ἐπεκράτεον τῶν περ καὶ πρότερον, καὶ τήν τε Νίνον εἷλον ὡσ δὲ εἷλον ἐν ἑτέροισι λόγοισι δηλώσω καὶ τοὺσ Ἀσσυρίουσ ὑποχειρίουσ ἐποιήσαντο πλὴν τῆσ Βαβυλωνίησ μοίρησ.
호흡부호 보기
강세부호 보기
장단부호 보기
작은 Iota 보기
모든 부호 보기