헬라어 문장 검색 - ΗεροδόΤηεΗιστ́1́185́

(헤로도토스, The Histories, book 1, chapter 185)

ἡ δὲ δὴ δεύτερον γενομένη ταύτησ βασίλεια, τῇ οὔνομα ἦν Νίτωκρισ, αὕτη δὲ συνετωτέρη γενομένη τῆσ πρότερον ἀρξάσησ τοῦτο μὲν μνημόσυνα ἐλίπετο τὰ ἐγὼ ἀπηγήσομαι, τοῦτο δὲ τὴν Μήδων ὁρῶσα ἀρχὴν μεγάλην τε καὶ οὐκ ἀτρεμίζουσαν, ἀλλ’ ἄλλα τε ἀραιρημένα ἄστεα αὐτοῖσι, ἐν δὲ δὴ καὶ τὴν Νίνον, προεφυλάξατο ὅσα ἐδύνατο μάλιστα. πρῶτα μὲν τὸν Εὐφρήτην ποταμὸν ῥέοντα πρότερον ἰθύν, ὅσ σφι διὰ τῆσ πόλιοσ μέσησ ῥέει, τοῦτον ἄνωθεν διώρυχασ ὀρύξασα οὕτω δή τι ἐποίησε σκολιὸν ὥστε δὴ τρὶσ ἐσ τῶν τινα κωμέων τῶν ἐν τῇ Ἀσσυρίῃ ἀπικνέεται ῥέων·

τῇ δὲ κώμῃ οὔνομα ἐστί, ἐσ τὴν ἀπικνέεται ὁ Εὐφρήτησ, Ἀρδέρικκα. καὶ νῦν οἳ ἂν κομίζωνται ἀπὸ τῆσδε τῆσ θαλάσσησ ἐσ Βαβυλῶνα, καταπλέοντεσ τὸν Εὐφρήτην ποταμὸν τρίσ τε ἐσ τὴν αὐτὴν ταύτην κώμην παραγίνονται καὶ ἐν τρισὶ ἡμέρῃσι. τοῦτο μὲν δὴ τοιοῦτον ἐποίησε, χῶμα δὲ παρέχωσε παρ’ ἑκάτερον τοῦ ποταμοῦ τὸ χεῖλοσ ἄξιον θώματοσ μέγαθοσ καὶ ὕψοσ ὅσον τι ἐστί.

κατύπερθε δὲ πολλῷ Βαβυλῶνοσ ὤρυσσε ἔλυτρον λίμνῃ, ὀλίγον τι παρατείνουσα ἀπὸ τοῦ ποταμοῦ, βάθοσ μὲν ἐσ τὸ ὕδωρ αἰεὶ ὀρύσσουσα, εὖροσ δὲ τὸ περίμετρον αὐτοῦ ποιεῦσα εἴκοσί τε καὶ τετρακοσίων σταδίων·

τὸν δὲ ὀρυσσόμενον χοῦν ἐκ τούτου τοῦ ὀρύγματοσ ἀναισίμου παρὰ τὰ χείλεα τοῦ ποταμοῦ παραχέουσα. ἐπείτε δέ οἱ ὀρώρυκτο, λίθουσ ἀγαγομένη κρηπῖδα κύκλῳ περὶ αὐτὴν ἤλασε.

ἐποίεε δὲ ἀμφότερα ταῦτα, τόν τε ποταμὸν σκολιὸν καὶ τὸ ὄρυγμα πᾶν ἕλοσ, ὡσ ὅ τε ποταμὸσ βραδύτεροσ εἰή περὶ καμπὰσ πολλὰσ ἀγνύμενοσ, καὶ οἱ πλόοι ἐώσι σκολιοὶ ἐσ τὴν Βαβυλῶνα, ἔκ τε τῶν πλόων ἐκδέκηται περίοδοσ τῆσ λίμνησ μακρή.

κατὰ τοῦτο δὲ ἐργάζετο τῆσ χώρησ τῇ αἵ τε ἐσβολαὶ ἦσαν καὶ τὰ σύντομα τῆσ ἐκ Μήδων ὁδοῦ, ἵνα μὴ ἐπιμισγόμενοι οἱ Μῆδοι ἐκμανθάνοιεν αὐτῆσ τὰ πρήγματα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 185

(헤로도토스, The Histories, book 1, chapter 185)

상위

목록

SEARCH

MENU NAVIGATION