헬라어 문장 검색 - ΗεροδόΤηεΗιστ́1́084́

(헤로도토스, The Histories, book 1, chapter 84)

Σάρδιεσ δὲ ἥλωσαν ὧδε. ἐπειδὴ τεσσερεσκαιδεκάτη ἐγένετο ἡμέρη πολιορκεομένῳ Κροίσῳ, Κῦροσ τῇ στρατιῇ τῇ ἑωυτοῦ διαπέμψασ ἱππέασ προεῖπε τῷ πρώτῳ ἐπιβάντι τοῦ τείχεοσ δῶρα δώσειν. μετὰ δὲ τοῦτο πειρησαμένησ τῆσ στρατιῆσ ὡσ οὐ προεχώρεε, ἐνθαῦτα τῶν ἄλλων πεπαυμένων ἀνὴρ Μάρδοσ ἐπειρᾶτο προσβαίνων, τῷ οὔνομα ἦν Ὑροιάδησ, κατὰ τοῦτο τῆσ ἀκροπόλιοσ τῇ οὐδεὶσ ἐτέτακτο φύλακοσ·

οὐ γὰρ ἦν δεινὸν κατὰ τοῦτο μὴ ἁλῷ κοτέ. ἀπότομόσ τε γὰρ ἐστὶ ταύτῃ ἡ ἀκρόπολισ καὶ ἄμαχοσ·

τῇ οὐδὲ Μήλησ ὁ πρότερον βασιλεὺσ Σαρδίων μούνῃ οὐ περιήνεικε τὸν λέοντα τὸν οἱ ἡ παλλακὴ ἔτεκε, Τελμησσέων δικασάντων ὡσ περιενειχθέντοσ τοῦ λέοντοσ τὸ τεῖχοσ ἔσονται Σάρδιεσ ἀνάλωτοι. ὁ δὲ Μήλησ κατὰ τὸ ἄλλο τεῖχοσ περιενείκασ, τῇ ἦν ἐπίμαχον τὸ χωρίον τῆσ ἀκροπόλιοσ, κατηλόγησε τοῦτο ὡσ ἐὸν ἄμαχόν τε καὶ ἀπότομον· ἔστι δὲ πρὸσ τοῦ Τμώλου τετραμμένον τῆσ πόλιοσ. ὁ ὦν δὴ Ὑροιάδησ οὗτοσ ὁ Μάρδοσ ἰδὼν τῇ προτεραίῃ τῶν τινα Λυδῶν κατὰ τοῦτο τῆσ ἀκροπόλιοσ καταβάντα ἐπὶ κυνέην ἄνωθεν κατακυλισθεῖσαν καὶ ἀνελόμενον, ἐφράσθη καὶ ἐσ θυμὸν ἐβάλετο·

τότε δὲ δὴ αὐτόσ τε ἀναβεβήκεε καὶ κατ’ αὐτὸν ἄλλοι Περσέων ἀνέβαινον·

προσβάντων δὲ συχνῶν οὕτω δὴ Σάρδιέσ τε ἡλώκεσαν καὶ πᾶν τὸ ἄστυ ἐπορθέετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 84

(헤로도토스, The Histories, book 1, chapter 84)

상위

목록

SEARCH

MENU NAVIGATION