호흡부호 보기
강세부호 보기
장단부호 보기
작은 Iota 보기
모든 부호 보기
μετὰ δὲ οὐ πολλὸν χρόνον τὠυτὸ φρονήσαντεσ οἵ τε τοῦ Μεγακλέοσ στασιῶται καὶ οἱ τοῦ Λυκούργου ἐξελαύνουσί μιν. οὕτω μὲν Πεισίστρατοσ ἔσχε τὸ πρῶτον Ἀθήνασ, καὶ τὴν τυραννίδα οὔκω κάρτα ἐρριζωμένην ἔχων ἀπέβαλε. οἳ δὲ ἐξελάσαντεσ Πεισίστρατον αὖτισ ἐκ νέησ ἐπ’ ἀλλήλοισι ἐστασίασαν. περιελαυνόμενοσ δὲ τῇ στάσι ὁ Μεγακλέησ ἐπεκηρυκεύετο Πεισιστράτῳ, εἰ βούλοιτό οἱ τὴν θυγατέρα ἔχειν γυναῖκα ἐπὶ τῇ τυραννίδι.
ἐνδεξαμένου δὲ τὸν λόγον καὶ ὁμολογήσαντοσ ἐπὶ τούτοισι Πεισιστράτου, μηχανῶνται δὴ ἐπὶ τῇ κατόδῳ πρῆγμα εὐηθέστατον, ὡσ ἐγὼ εὑρίσκω, μακρῷ, ἐπεί γε ἀπεκρίθη ἐκ παλαιτέρου τοῦ βαρβάρου ἔθνεοσ τὸ Ἑλληνικὸν ἐὸν καὶ δεξιώτερον καὶ εὐηθείησ ἠλιθίου ἀπηλλαγμένον μᾶλλον, εἰ καὶ τότε γε οὗτοι ἐν Ἀθηναίοισι τοῖσι πρώτοισι λεγομένοισι εἶναι Ἑλλήνων σοφίην μηχανῶνται τοιάδε.
ἐν τῷ δήμῳ τῷ Παιανιέι ἦν γυνὴ τῇ οὔνομα ἦν Φύη, μέγαθοσ ἀπὸ τεσσέρων πηχέων ἀπολείπουσα τρεῖσ δακτύλουσ καὶ ἄλλωσ εὐειδήσ·
ταύτην τὴν γυναῖκα σκευάσαντεσ πανοπλίῃ, ἐσ ἁρ́μα ἐσβιβάσαντεσ καὶ προδέξαντεσ σχῆμα οἱο͂́ν τι ἔμελλε εὐπρεπέστατον φανέεσθαι ἔχουσα, ἤλαυνον ἐσ τὸ ἄστυ, προδρόμουσ κήρυκασ προπέμψαντεσ· οἳ τὰ ἐντεταλμένα ἠγόρευον ἀπικόμενοι ἐσ τὸ ἄστυ, λέγοντεσ τοιάδε· "ὦ Ἀθηναῖοι, δέκεσθε ἀγαθῷ νόῳ Πεισίστρατον, τὸν αὐτὴ ἡ Αἠθναίη τιμήσασα ἀνθρώπων μάλιστα κατάγει ἐσ τὴν ἑωυτῆσ ἀκρόπολιν.
οἳ μὲν δὴ ταῦτα διαφοιτέοντεσ ἔλεγον· αὐτίκα δὲ ἔσ τε τοὺσ δήμουσ φάτισ ἀπίκετο ὡσ Ἀθηναίη Πεισίστρατον κατάγει, καὶ οἱ ἐν τῷ ἄστεϊ πειθόμενοι τὴν γυναῖκα εἶναι αὐτὴν τὴν θεὸν προσεύχοντό τε τὴν ἄνθρωπον καὶ ἐδέκοντο Πεισίστρατον.
호흡부호 보기
강세부호 보기
장단부호 보기
작은 Iota 보기
모든 부호 보기