헬라어 문장 검색 - Αππιαν́ΤηεΦορέ94́

(아피아노스, The Foreign Wars, chapter 14)

Ὧδε μὲν δὴ καὶ ὁ Λευκόλλου πρὸσ Μιθριδάτην πόλεμοσ ἐσ οὐδὲν βέβαιον οὐδὲ κεκριμένον τέλοσ ἔληξεν· ἀφισταμένησ γὰρ τῆσ Ἰταλίασ ἐνοχλούμενοι, καὶ λῃστευομένησ τῆσ θαλάσσησ λιμῷ πιεζόμενοι, οὐκ ἐν καιρῷ σφίσιν ἡγοῦντο πολεμεῖν ἄλλον τοσόνδε πόλεμον, πρὶν τὰ ἐνοχλοῦντα διαθέσθαι. ὧν καὶ ὁ Μιθριδάτησ αἰσθανόμενοσ ἐσ Καππαδοκίαν ἐσέβαλε καὶ τὴν ἰδίαν ἀρχὴν ὠχύρου. καὶ τάδε αὐτὸν πράσσοντα οἱ Ῥωμαῖοι περιεώρων ἐφ’ ὅσον αὐτοῖσ ἡ θάλασσα ἐκαθαίρετο. ὡσ δ’ ἐκεκάθαρτο καὶ ὁ καθήρασ Πομπήιοσ ἔτι ἦν ἐν Ἀσίᾳ, τὸν Μιθριδάτειον πόλεμον ἀνελάμβανον αὐτίκα, καὶ ἐπέστελλον καὶ τοῦδε τῷ Πομπηίῳ στρατηγῆσαι. διό μοι δοκεῖ μέροσ ὄντα τῆσ Πομπηίου στρατείασ τὰ περὶ τὴν θάλασσαν αὐτῷ πρὸ Μιθριδάτου κατειργασμένα, καὶ ἐσ οὐδεμίαν συγγραφὴν οἰκείαν ἄλλην ἀπαντῶντα, ἐσ τόδε τὸ μέροσ συναγαγεῖν τε καὶ ἐπιδραμεῖν, ὡσ ἐγένετο. Μιθριδάτησ ὅτε πρῶτον Ῥωμαίοισ ἐπολέμει καὶ τῆσ Ἀσίασ ἐκράτει, Σύλλα περὶ τὴν Ἑλλάδα πονουμένου, ἡγούμενοσ οὐκ ἐσ πολὺ καθέξειν τῆσ Ἀσίασ, τά τε ἄλλα, ὥσ μοι προείρηται, πάντα ἐλυμαίνετο, καὶ ἐσ τὴν θάλασσαν πειρατὰσ καθῆκεν, οἳ τὸ μὲν πρῶτον ὀλίγοισ σκάφεσι καὶ μικροῖσ οἱᾶ λῃσταὶ περιπλέοντεσ ἐλύπουν, ὡσ δὲ ὁ πόλεμοσ ἐμηκύνετο, πλέονεσ ἐγίγνοντο καὶ ναυσὶ μεγάλαισ ἐπέπλεον.

γευσάμενοι δὲ κερδῶν μεγάλων, οὐδ’ ἡττωμένου καὶ σπενδομένου τοῦ Μιθριδάτου καὶ ἀναχωροῦντοσ ἔτι ἐπαύοντο· οἱ γὰρ βίου καὶ πατρίδων διὰ τὸν πόλεμον ἀφῃρημένοι, καὶ ἐσ ἀπορίαν ἐμπεσόντεσ ἀθρόαν, ἀντὶ τῆσ γῆσ ἐκαρποῦντο τὴν θάλασσαν, μυοπάρωσι πρῶτον καὶ ἡμιολίαισ, εἶτα δικρότοισ καὶ τριήρεσι κατὰ μέρη περιπλέοντεσ, ἡγουμένων λῃστάρχων οἱᾶ πολέμου στρατηγῶν. ἔσ τε ἀτειχίστουσ πόλεισ ἐμπίπτοντεσ, καὶ ἑτέρων τὰ τείχη διορύττοντεσ ἢ κόπτοντεσ ἢ πολιορκίᾳ λαμβάνοντεσ, ἐσύλων· καὶ τοὺσ ἄνδρασ, οἷσ τι πλέον εἰή, ἐσ ναυλοχίαν ἐπὶ λύτροισ ἀπῆγον. καὶ τάδε τὰ λήμματα, ἀδοξοῦντεσ ἤδη τὸ τῶν λῃστῶν ὄνομα, μισθοὺσ ἐκάλουν στρατιωτικούσ. χειροτέχνασ τε εἶχον ἐπ’ ἔργοισ δεδεμένουσ, καὶ ὕλην ξύλου καὶ χαλκοῦ καὶ σιδήρου συμφέροντεσ οὔποτε ἐπαύοντο· ἐπαιρόμενοι γὰρ ὑπὸ τοῦ κέρδουσ, καὶ τὸ λῃστεύειν οὐκ ἐγνωκότεσ ἔτι μεθεῖναι, βασιλεῦσι δ’ ἤδη καὶ τυράννοισ ἢ στρατοπέδοισ μεγάλοισ ἑαυτοὺσ ὁμοιοῦντεσ, καὶ νομίζοντεσ, ὅτε συνέλθοιεν ἐσ τὸ αὐτὸ πάντεσ, ἄμαχοι γενήσεσθαι, ναῦσ τε καὶ ὅπλα πάντα ἐτεκταίνοντο, μάλιστα περὶ τὴν τραχεῖαν λεγομένην Κιλικίαν, ἣν κοινὸν σφῶν ὕφορμον ἢ στρατόπεδον ἐτίθεντο εἶναι, φρούρια μὲν καὶ ἄκρασ καὶ νήσουσ ἐρήμουσ καὶ ναυλοχίασ ἔχοντεσ πολλαχοῦ, κυριωτάτασ δὲ ἀφέσεισ ἡγούμενοι τὰσ περὶ τήνδε τὴν Κιλικίαν, τραχεῖάν τε καὶ ἀλίμενον οὖσαν καὶ κορυφαῖσ μεγάλαισ ἐξέχουσαν. ὅθεν δὴ καὶ πάντεσ ὀνόματι κοινῷ Κίλικεσ ἐκαλοῦντο, ἀρξαμένου μὲν ἴσωσ τοῦ κακοῦ παρὰ τῶν Τραχεωτῶν Κιλίκων, συνεπιλαβόντων δὲ Σύρων τε καὶ Κυπρίων καὶ Παμφύλων καὶ τῶν Ποντικῶν καὶ σχεδὸν ἁπάντων τῶν ἑῴων ἐθνῶν οἳ πολλοῦ καὶ χρονίου σφίσιν ὄντοσ τοῦ Μιθριδατείου πολέμου δρᾶν τι μᾶλλον ἢ πάσχειν αἱρούμενοι τὴν θάλασσαν ἀντὶ τῆσ γῆσ ἐπελέγοντο, 93. ὥστε πολλαὶ τάχιστα αὐτῶν μυριάδεσ ἦσαν, καὶ οὐ μόνησ ἔτι τῆσ ἑῴασ θαλάσσησ ἐκράτουν, ἀλλὰ καὶ τῆσ ἐντὸσ Ἡρακλείων στηλῶν ἁπάσησ· καὶ γάρ τινασ ἤδη Ῥωμαίων στρατηγοὺσ ναυμαχίᾳ ἐνενικήκεσαν, ἄλλουσ τε καὶ τὸν τῆσ Σικελίασ περὶ αὐτῇ Σικελίᾳ. ἄπλωτά τε ἤδη πάντα ἦν, καὶ ἡ γῆ τῶν ἔργων ἐνδεὴσ διὰ τὴν ἀνεπιμιξίαν. ἥ τε πόλισ ἡ Ῥωμαίων ᾔσθετο μάλιστα τοῦ κακοῦ, τῶν τε ὑπηκόων σφίσι καμνόντων, καὶ αὐτοὶ διὰ πλῆθοσ ἴδιον ἐπιπόνωσ λιμώττοντεσ. τὸ δ’ ἔργον αὐτοῖσ ἐφαίνετο μέγα καὶ δυσχερέσ, ἐξελεῖν τοσάδε στρατόπεδα ἀνδρῶν ναυτικῶν, μεμερισμένα μὲν ἐσ πᾶσαν ἐν κύκλῳ γῆν καὶ θάλασσαν, κοῦφα δὲ ταῖσ κατασκευαῖσ ἐσ τὸ ὑποφεύγειν, οὐκ ἐκ πατρίδων ἢ φανερᾶσ χώρασ ὁρμώμενα, οὐδ’ οἰκεῖον οὐδὲν ἢ ἴδιον ἀλλ’ ἀεὶ τὸ προστυχὸν ἔχοντα. ὥστε πολὺσ ὢν ὁ τοῦδε τοῦ πολέμου παράλογοσ, ἔννομον οὐδὲν ἔχοντοσ οὐδὲ βέβαιον οὐδὲ φανερόν, ἀμηχανίαν ὁμοῦ καὶ φόβον εἰργάζετο. Μουρήνασ τε ἐγχειρήσασ αὐτοῖσ οὐδὲν ἐξείργαστο μέγα. ἀλλ’ οὐδὲ Σερουίλιοσ Ἰσαυρικὸσ ἐπὶ τῷ Μουρήνᾳ, ἀλλ’ ἤδη καὶ τῆσ γῆσ τῆσ Ἰταλικῆσ τοῖσ παραλίοισ, ἀμφί τε τὸ Βρεντέσιον καὶ τὴν Τυρρηνίαν, ἐπέβαινον οἱ λῃσταὶ σὺν καταφρονήσει, καὶ γύναια παροδεύοντα τῶν εὐπατριδῶν καὶ δύο στρατηγοὺσ αὐτοῖσ σημείοισ συνηρπάκεσαν. Ὧν οὔτε τὴν βλάβην οὔτε τὴν αἰσχύνην ἔτι φέροντεσ οἱ Ῥωμαῖοι τὸν τότε σφῶν ἐπὶ δόξησ ὄντα μεγίστησ Γναῖον Πομπήιον αἱροῦνται νόμῳ στρατηγὸν ἐπὶ τριετὲσ αὐτοκράτορα εἶναι θαλάσσησ τε ἁπάσησ ἣ στηλῶν Ἡρακλείων ἐντόσ ἐστι, καὶ γῆσ ἀπὸ θαλάσσησ ἐπὶ σταδίουσ τετρακοσίουσ ἄνω.

βασιλεῦσί τε καὶ δυνάσταισ καὶ ἔθνεσι καὶ πόλεσι πάσαισ ἐπέστελλον ἐσ πάντα συλλαμβάνειν τῷ Πομπηίῳ, καὶ αὐτῷ στρατιὰν καταλέγειν ἔδοσαν καὶ χρήματα ἀγείρειν. συνέπεμψαν δὲ καὶ παρὰ σφῶν στρατὸν πολὺν ἐκ καταλόγου, καὶ ναῦσ ὅσασ εἶχον, καὶ χρημάτων ἐσ ἑξακισχίλια τάλαντα Ἀττικά. οὕτω μέγα καὶ δυσεργὲσ ἡγοῦντο εἶναι τοσῶνδε κρατῆσαι στρατοπέδων, ἐν τοσῇδε θαλάσσῃ καὶ μυχοῖσ τοσοῖσδε διαλανθανόντων τε εὐμαρῶσ καὶ ὑποχωρούντων ῥᾳδίωσ καὶ ἐμπιπτόντων αὖθισ ἀφανῶσ. ἀνήρ τε οὐδείσ πω πρὸ τοῦ Πομπηίου ἐπὶ τοσήνδε ἀρχὴν αἱρεθεὶσ ὑπὸ Ῥωμαίων ἐξέπλευσεν, ᾧ στρατιὰ μὲν αὐτίκα ἦν ἐν δώδεκα μυριάσι πεζῶν καὶ ἱππεῖσ τετρακισχίλιοι, νῆεσ δὲ σὺν ἡμιολίαισ ἑβδομήκοντα καὶ διακόσιαι, ὑπηρέται δ’ ἀπὸ τῆσ βουλῆσ, οὓσ καλοῦσι πρεσβευτάσ, πέντε καὶ εἴκοσιν· οἷσ ὁ Πομπήιοσ ἐπιδιῄρει τὴν θάλασσαν, καὶ ναῦσ ἐδίδου καὶ ἱππέασ ἑκάστῳ καὶ στρατὸν πεζόν, καὶ στρατηγίασ σημεῖα περικεῖσθαι, ἵν’ αὐτοκράτωρ ἐντελὴσ οὗ πιστεύοιτο μέρουσ ἕκαστοσ ὑπάρχοι, αὐτὸσ δ’, οἱᾶ δὴ βασιλεὺσ βασιλέων, αὐτοὺσ περιθέοι καὶ ἐφορῴη μένοντασ ἐφ’ ὧν ἐτάχθησαν, μηδὲ μεταδιώκων τοὺσ λῃστὰσ περιφέροιτο ἐξ ἔργων ἀτελῶν ἔτι ὄντων ἐσ ἕτερα, ἀλλ’ εἰε͂ν οἱ πανταχόθεν αὐτοῖσ ἀπαντῶντέσ τε καὶ τὰσ ἐσ ἀλλήλουσ διαδρομὰσ ἀποκλείοντεσ. Οὕτω διαθεὶσ ὁ Πομπήιοσ ἅπαντα, ἐπέστησεν Ἰβηρίᾳ μὲν καὶ ταῖσ Ἡρακλείοισ στήλαισ Τιβέριον Νέρωνα καὶ Μάλλιον Τορκουᾶτον, ἀμφὶ δὲ τὴν Λιγυστικήν τε καὶ Κελτικὴν θάλασσαν Μᾶρκον Πομπώνιον, Λιβύῃ δὲ καὶ Σαρδόνι καὶ Κύρνῳ, καὶ ὅσαι πλησίον νῆσοι, Λέντλον τε Μαρκελλῖνον καὶ Πόπλιον Ἀτίλιον, περὶ δὲ αὐτὴν Ἰταλίαν Λεύκιον Γέλλιον καὶ Γναῖον Λέντλον.

Σικελίαν δὲ καὶ τὸν Ιὄνιον ἐφύλασσον αὐτῷ Πλώτιόσ τε Οὐᾶροσ καὶ Τερέντιοσ Οὐάρρων μέχρι Ἀκαρνανίασ, Πελοπόννησον δὲ καὶ τὴν Ἀττικήν, ἔτι δ’ Εὔβοιαν καὶ Θεσσαλίαν καὶ Μακεδονίαν καὶ Βοιωτίαν Λεύκιοσ Σισιννᾶσ, τὰσ δὲ νήσουσ καὶ τὸ Αἰγαῖον ἅπαν καὶ τὸν Ἑλλήσποντον ἐπ’ ἐκείνῳ Λεύκιοσ Λόλλιοσ, Βιθυνίαν δὲ καὶ Θρᾴκην καὶ τὴν Προποντίδα καὶ τὸ τοῦ Πόντου στόμα Πούπλιοσ Πείσων, Λυκίαν δὲ καὶ Παμφυλίαν καὶ Κύπρον καὶ Φοινίκην Μέτελλοσ Νέπωσ. ὧδε μὲν αὐτῷ διετετάχατο οἱ στρατηγοὶ ἐπιχειρεῖν τε καὶ ἀμύνεσθαι, καὶ φυλάσσειν τὰ τεταγμένα, καὶ τοὺσ παρ’ ἀλλήλων ἐκφεύγοντασ ὑπολαμβάνειν, ἵνα μὴ διώκοντεσ ἀφίσταιντο μακράν, μηδὲ ὡσ ἐν δρόμῳ περιφέροιντο, καὶ χρόνιον εἰή τὸ ἔργον, αὐτὸσ δ’ ἅπαντασ ἐπέπλει. καὶ τὰ ἐσ δύσιν πρῶτα ἡμέραισ τεσσαράκοντα ἐπιδὼν ἐσ Ῥώμην παρῆλθεν. ὅθεν ἐσ Βρεντέσιον, καὶ ἐκ Βρεντεσίου τοσῷδε διαστήματι τὴν ἑώ περιπλεύσασ, ἐξέπληξεν ἅπαντασ τάχει τε ἐπίπλου καὶ μεγέθει παρασκευῆσ καὶ φόβῳ δόξησ, ὥστε τοὺσ λῃστὰσ ἐλπίσαντασ αὐτῷ προεπιχειρήσειν, ἢ οὐκ εὐμαρέσ γε τὸ κατὰ σφῶν ἔργον ἀποδείξειν, δείσαντασ εὐθὺσ τῶν τε πόλεων ἃσ ἐπολιόρκουν ἐξαναχθῆναι, καὶ ἐσ τὰσ συνήθεισ ἄκρασ καὶ ναυλοχίασ ὑποφεύγειν, καὶ Πομπηίῳ τὴν μὲν θάλασσαν αὐτίκα ἀμαχὶ κεκαθάρθαι, τοὺσ δὲ λῃστὰσ ὑπὸ τῶν στρατηγῶν ἁλίσκεσθαι πανταχοῦ κατὰ μέρη. Αὐτὸσ δὲ ἐσ Κιλικίαν ἠπείγετο μετὰ ποικίλου στρατοῦ καὶ μηχανημάτων πολλῶν, ἐλπίσασ παντοίασ μάχησ καὶ πολιορκίασ αὐτῷ δεήσειν ἐπὶ ἄκρασ ἀποκρήμνουσ.

λῃσταὶ δ’ ἀνῃρέθησαν ἐν ταῖσ μάχαισ ἀμφὶ τοὺσ μυρίουσ. οὐδενὸσ δὲ ἐδέησε· τὸ γὰρ κλέοσ αὐτοῦ καὶ τὴν παρασκευὴν οἱ λῃσταὶ καταπλαγέντεσ, καὶ ἐλπίσαντεσ, εἰ μὴ διὰ μάχησ ἔλθοιεν, τεύξεσθαι φιλανθρώπου, πρῶτοι μὲν οἳ Κράγον καὶ Ἀντίκραγον εἶχον, φρούρια μέγιστα, μετὰ δ’ ἐκείνουσ οἱ ὄρειοι Κίλικεσ καὶ ἐφεξῆσ ἅπαντεσ ἑαυτοὺσ ἐνεχείρισαν, ὅπλα τε ὁμοῦ πολλά, τὰ μὲν ἕτοιμα τὰ δὲ χαλκευόμενα, παρέδωκαν, καὶ ναῦσ τὰσ μὲν ἔτι πηγνυμένασ τὰσ δ’ ἤδη πλεούσασ, χαλκόν τε καὶ σίδηρον ἐσ ταῦτα συνενηνεγμένον καὶ ὀθόνασ καὶ κάλωσ καὶ ὕλην ποικίλην, αἰχμαλώτων τε πλῆθοσ, τῶν μὲν ἐπὶ λύτροισ τῶν δὲ ἐπὶ ἔργοισ δεδεμένων. ὧν ὁ Πομπήιοσ τὴν μὲν ὕλην ἐνέπρησε, τὰσ δὲ ναῦσ ἀπήγαγε, τοὺσ δ’ αἰχμαλώτουσ ἐσ τὰσ πατρίδασ ἀφῆκε· καὶ πολλοὶ κενοτάφια σφῶν κατέλαβον ὡσ ἐπὶ νεκροῖσ γενόμενα. τοὺσ δὲ πειρατὰσ οἳ μάλιστα ἐδόκουν οὐχ ὑπὸ μοχθηρίασ ἀλλ’ ἀπορίᾳ βίου διὰ τὸν πόλεμον ἐπὶ ταῦτα ἐλθεῖν, ἐσ Μαλλὸν καὶ Ἄδανα καὶ Ἐπιφάνειαν, ἢ εἴ τι ἄλλο πόλισμα ἔρημον ἢ ὀλιγάνθρωπον ἦν τῆσδε τῆσ τραχείασ Κιλικίασ, συνῴκιζε· τοὺσ δέ τινασ αὐτῶν καὶ ἐσ Δύμην τῆσ Ἀχαϊάσ ἐξέπεμπεν. ὧδε μὲν ὁ λῃστρικὸσ πόλεμοσ, χαλεπώτατοσ ἔσεσθαι νομισθείσ, ὀλιγήμεροσ ἐγένετο τῷ Πομπηίῳ· καὶ ναῦσ ἔλαβε τὰσ μὲν ἁλούσασ μίαν καὶ ἑβδομήκοντα, τὰσ δὲ ὑπ’ αὐτῶν παραδοθείσασ ἓξ καὶ τριακοσίασ, πόλεισ δὲ καὶ φρούρια καὶ ὁρμητήρια ἄλλα αὐτῶν ἐσ εἴκοσι καὶ ἑκατόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 14

(아피아노스, The Foreign Wars, chapter 14)

상위

목록

SEARCH

MENU NAVIGATION