헬라어 문장 검색 - Αππιαν́ΤηεΦορέ91́

(아피아노스, The Foreign Wars, chapter 11)

Λεύκιοσ δὲ Λεύκολλοσ ὑπατεύειν καὶ στρατηγεῖν αἱρεθεὶσ τοῦδε τοῦ πολέμου τέλοσ μέν τι στρατιωτῶν ἦγεν ἐκ Ῥώμησ, δύο δ’ ἄλλα τὰ Φιμβρίου καὶ ἐπ’ αὐτοῖσ ἕτερα δύο προσλαβών, σύμπαντασ ἔχων πεζοὺσ τρισμυρίουσ καὶ ἱππέασ ἐσ χιλίουσ ἐπὶ ἑξακοσίοισ, παρεστρατοπέδευε τῷ Μιθριδάτῃ περὶ Κύζικον. ἃ θεωρῶν ὁ Λεύκολλοσ τοὺσ φίλουσ ἀνεμίμνησκε τῆσ ὑποσχέσεωσ, καὶ τὸ ἐπαγγελθὲν ὡσ παρὸν ἐδείκνυ. καὶ δι’ αὐτομόλων ἐπιγνοὺσ εἶναι τῷ βασιλεῖ στρατιὰν μὲν ἀνδρῶν ἀμφὶ μυριάδασ τριάκοντα, ἀγορὰν δὲ εἴ τι σιτολογοῦντεσ ἢ ἐκ θαλάσσησ λάβοιεν, ἔφη πρὸσ τοὺσ ἀμφ’ αὑτὸν ἀμαχὶ λήψεσθαι τοὺσ πολεμίουσ αὐτίκα, καὶ τοῦ ἐπαγγέλματοσ αὐτοῖσ ἐνεκελεύετο μνημονεύειν. ὄροσ δὲ ἰδὼν εὔκαιρον ἐσ στρατοπεδείαν, ὅθεν αὐτὸσ μὲν εὔπορήσειν ἔμελλεν ἀγορᾶσ, τοὺσ δὲ πολεμίουσ ἀποκλείσειν, ἐπεχείρει καταλαβεῖν ὡσ ἐν τῷδε τὴν νίκην ἀκίνδυνον ἕξων. μιᾶσ δ’ οὔσησ ἐσ αὐτὸ διόδου στενῆσ, ὁ Μιθριδάτησ αὐτὴν ἐφύλαττεν ἐγκρατῶσ, ὧδε καὶ Ταξίλου καὶ τῶν ἄλλων ἡγεμόνων αὐτῷ παραινοῦντων. Λεύκιοσ δὲ Μάγιοσ ὁ Σερτωρίῳ καὶ Μιθριδάτῃ τὰ ἐσ ἀλλήλουσ διαιτήσασ, ἀνῃρημένου τοῦ Σερτωρίου πρὸσ Λεύκολλον ἐπεπόμφει κρύφα, καὶ πίστιν λαβὼν μετέπειθε τὸν Μιθριδάτην ὑπεριδεῖν Ῥωμαίων παροδευόντων τε καὶ στρατοπεδευόντων ὅπῃ θελήσειαν. τὰ γὰρ ὑπὸ Φιμβρίᾳ γενόμενα δύο τέλη βουλεύειν αὐτομολίαν, καὶ αὐτίκα τῷ βασιλεῖ προσέσεσθαι· τί οὖν χρῄζειν αὐτὸν ἀγῶνοσ καὶ φόνου, δυνάμενον ἀμαχὶ κρατῆσαι τῶν πολεμίων; οἷσ ὁ Μιθριδάτησ συνθέμενοσ ἀνοήτωσ μάλα καὶ ἀνυπόπτωσ, περιεῖδε Ῥωμαίουσ διὰ στενοῦ παροδεύοντασ ἀδεῶσ καὶ ἐπιτειχίζοντασ αὑτῷ μέγα ὄροσ, οὗ κρατοῦντεσ αὐτοὶ μὲν ὄπισθεν ἔμελλον ἀγορὰν ἀδεῶσ ἐπάξεσθαι, Μιθριδάτην δὲ λίμνῃ καὶ ὄρεσι καὶ ποταμοῖσ ἀποκλείσειν τῶν κατὰ γῆν ἁπάντων, ὅ τι μὴ γλίσχρωσ ποτὲ λάβοι, οὔτε ἐξόδουσ εὐρείασ ἔτι ἔχοντα, οὔτε βιάζεσθαι δυνάμενον ἔτι Λεύκολλον ὑπὸ τῆσ δυσχωρίασ, ἧσ κρατῶν κατεφρόνησεν. ὅ τε χειμὼν ἤδη πλησιάζων ἔμελλε καὶ τῶν ἀπὸ τῆσ θαλάσσησ αὐτὸν ἐν ἀπορίᾳ καταστήσειν. Ὁ δὲ Μιθριδάτησ δυνηθεὶσ ἂν ἴσωσ καὶ τότε διὰ τὸ πλῆθοσ διὰ μέσων ὤσασθαι τῶν πολεμίων, τούτου μὲν ὑπερεῖδε, Κυζίκῳ δὲ οἷσ παρεσκεύασε πρὸσ πολιορκίαν ἐπετίθετο, νομίσασ ἐν τῷδε διορθώσειν τὴν δυσχωρίαν ὁμοῦ καὶ τὴν ἀπορίαν.

οἱᾶ δὲ εὐπορῶν στρατοῦ πολλοῦ, πᾶσιν ἔργοισ ἐπεχείρει, τόν τε σταθμὸν ἀποτειχίζων τείχει διπλῷ, καὶ τὰ λοιπὰ τῆσ πόλεωσ ἀποταφρεύων. χώματά τε ἤγειρε πολλά, καὶ μηχανὰσ ἐπήγνυτο, πύργουσ καὶ χελώνασ κριοφόρουσ, ἑλέπολίν τε ἑκατὸν πήχεων, ἐξ ἧσ ἕτεροσ πύργοσ ἐπῇρτο καταπέλτασ καὶ λίθουσ καὶ βέλη ποικίλα ἀφιείσ. κατὰ δὲ τοὺσ λιμένασ δύο πεντήρεισ ἐζευγμέναι πύργον ἕτερον ἔφερον, ἐξ οὗ γέφυρα, ὁπότε προσπελάσειαν ἐσ τὸ τεῖχοσ, ὑπὸ μηχανῆσ ἐξήλλετο. ὡσ δ’ ἕτοιμα αὐτῷ πάντα ἐγεγένητο, πρῶτα μὲν τρισχιλίουσ αἰχμαλώτουσ Κυζικηνοὺσ ἐπὶ νεῶν τῇ πόλει προσῆγεν, οἳ χεῖρασ ἐσ τὸ τεῖχοσ ὀρέγοντεσ ἐδέοντο σφῶν κινδυνευόντων φείσασθαι τοὺσ πολίτασ, μέχρι Πεισίστρατοσ αὐτοῖσ, ὁ στρατηγὸσ ὁ τῶν Κυζικηνῶν, ἀπὸ τοῦ τείχουσ ἐκήρυξε φέρειν τὸ συμβαῖνον ἐγκρατῶσ, αἰχμαλώτουσ γεγονότασ. Ὁ δὲ Μιθριδάτησ ὡσ ἀπέγνω τῆσδε τῆσ πείρασ, ἐπῆγε τὴν ἐπὶ τῶν νεῶν μηχανήν·

καὶ ἥ τε γέφυρα ἐσ τὸ τεῖχοσ ἐξήλατο ἄφνω, καὶ τέσσαρεσ ἀπ’ αὐτῆσ ἄνδρεσ ἐξέδραμον. ᾧ δὴ καὶ μάλιστα καινοτρόπῳ φανέντι καταπλαγέντεσ οἱ Κυζικηνοὶ ἐπὶ μέν τι ὑπεχώρησαν, οὐκ ὀξέωσ δὲ ἑτέρων ἐπιδραμόντων ἀνεθάρρησάν τε καὶ τοὺσ τέσσαρασ κατέωσαν ἐσ τὸ ἔξω, ταῖσ τε ναυσὶ πῦρ καὶ πίσσαν ἐπιχέαντεσ ἠνάγκασαν πρύμναν τε κρούσασθαι καὶ ὑποχωρεῖν ὀπίσω μετὰ τοῦ μηχανήματοσ. ὧδε μὲν δὴ τῶν κατὰ θάλασσαν ἐπενεχθέντων ἐκράτουν οἱ Κυζικηνοί· τρίτα δ’ αὐτοῖσ ἐπήγετο τῆσ αὐτῆσ ἡμέρασ τὰ ἐν τῇ γῇ μηχανήματα ὁμοῦ πάντα, πονουμένοισ τε καὶ μεταθέουσιν ἐσ τὸ ἀεὶ βιαζόμενον. τοὺσ μὲν οὖν κριοὺσ λίθοισ ἀπεκαύλιζον ἢ βρόχοισ ἀνέκλων ἢ φορμοῖσ ἐρίων τῆσ βίασ ἐξέλυον, τῶν δὲ βελῶν τοῖσ μὲν πυρφόροισ ὑπήντων ὕδατι καὶ ὄξει, τὰ δ’ ἄλλα προβολαῖσ ἱματίων ἢ ὀθόναισ κεχαλασμέναισ τῆσ φορᾶσ ἀνέλυον, ὅλωσ τε οὐδὲν προθυμίασ ἀνδρὶ δυνατῆσ ἐξέλειπον. καὶ τάδε αὐτοῖσ φερεπονώτατα δὴ κακοπαθοῦσιν ὅμωσ γε τοῦ τείχουσ ἐκαύθη τι καὶ συνέπεσεν ἐσ ἑσπέραν. οὐ μὴν ἔφθασέ τισ ἐσαλάμενοσ ἔτι θερμόν, ἀλλ’ αὐτὸ νυκτὸσ αὐτίκα περιῳκοδόμησαν οἱ Κυζικηνοί. τῶν δὲ αὐτῶν ἡμερῶν πνεῦμα σφοδρὸν ἐπιγενόμενον περιέκλασε τὰ λοιπὰ τῶν μηχανημάτων τοῦ βασιλέωσ. Λέγεται δ’ ἡ πόλισ ἐμπροίκιον ὑπὸ Διὸσ τῇ κόρῃ δοθῆναι, καὶ σέβουσιν αὐτὴν οἱ Κυζικηνοὶ μάλιστα θεῶν.

ἐπελθούσησ δὲ τῆσ ἑορτῆσ, ἐν ᾗ θύουσι βοῦν μέλαιναν, οἱ μὲν οὐκ ἔχοντεσ ἔπλαττον ἀπὸ σίτου, μέλαινα δὲ βοῦσ ἐκ πελάγουσ πρὸσ αὐτοὺσ διενήχετο, καὶ τὸ κλεῖθρον τοῦ στόματοσ ὑποδῦσά τε καὶ ἐσ τὴν πόλιν ἐσδραμοῦσα ὥδευσεν ἀφ’ ἑαυτῆσ ἐσ τὸ ἱερὸν καὶ τοῖσ βωμοῖσ παρέστη. ταύτην μὲν οὖν οἱ Κυζικηνοὶ μετὰ χρηστῆσ ἐλπίδοσ ἔθυον, οἱ δὲ φίλοι τῷ Μιθριδάτῃ συνεβούλευον ὡσ ἱερᾶσ τῆσ πόλεωσ ἀποπλεῦσαι. ὁ δ’ οὐ πεισθεὶσ ἐπὶ τὸ Δίνδυμον ὄροσ ὑπερκείμενον ἀνῄει, καὶ χῶμα ἀπ’ αὐτοῦ ἐσ τὴν πόλιν ἔχου, πύργουσ τε ἐφίστη, καὶ ὑπονόμοισ τὸ τεῖχοσ ἀνεκρήμνη. τοὺσ δ’ ἵππουσ ἀχρείουσ οἱ τότε ὄντασ, καὶ ἀσθενεῖσ δι’ ἀτροφίαν καὶ χωλεύοντασ ἐξ ὑποτριβῆσ, ἐσ Βιθυνίαν περιέπεμπεν· οἷσ ὁ Λεύκολλοσ περῶσι τὸν Ῥύνδακον ἐπιπεσὼν ἔκτεινε πολλούσ, καὶ αἰχμαλώτουσ ἔλαβεν ἄνδρασ μὲν ἐσ μυρίουσ καὶ πεντακισχιλίουσ, ἵππουσ δ’ ἐσ ἑξακισχιλίουσ καὶ σκευοφόρα πολλά. Καὶ τάδε μὲν ἦν περὶ Κύζικον, τῷ δ’ αὐτῷ χρόνῳ Φρυγίαν Εὔμαχοσ Μιθριδάτου στρατηγὸσ ἐπιτρέχων ἔκτεινε Ῥωμαίων πολλοὺσ μετὰ παίδων καὶ γυναικῶν, Πισίδασ τε καὶ Ἰσαύρουσ ὑπήγετο καὶ Κιλικίαν, μέχρι τῶν τισ Γαλατικῶν τετραρχῶν Δηιόταροσ ἐπιπολάζοντα αὐτὸν συνεδίωξε καὶ πολλοὺσ διέφθειρεν. Καὶ περὶ μὲν Φρυγίαν τοιάδε ἐγίγνετο, Μιθριδάτου δὲ χειμὼν ἐπιγενόμενοσ ἀφῄρητο καὶ τὴν ἐκ τῆσ θαλάττησ ἀγοράν, εἴ τισ ἦν, ὥστε πάμπαν ὁ στρατὸσ ἐλίμωττε, καὶ πολλοὶ μὲν ἀπέθνησκον, εἰσὶ δ’ οἳ καὶ σπλάγχνων ἐγεύοντο βαρβαρικῶσ·

οἱ δ’ ἄλλοι ποηφαγοῦντεσ ἐνόσουν. καὶ τὰ νεκρὰ σφῶν ἀγχοῦ ἄταφα ῥιπτούμενα λοιμὸν ἐπῆγεν ἐπὶ τῷ λιμῷ. διεκαρτέρει δ’ ὅμωσ ὁ Μιθριδάτησ, ἐλπίζων ἔτι τὴν Κύζικον αἱρήσειν τοῖσ χώμασι τοῖσ ἀπὸ τοῦ Δινδύμου. ὡσ δὲ καὶ ταῦθ’ ὑπεσύροντο οἱ Κυζικηνοί, καὶ τὰσ ἐπ’ αὐτῶν μηχανὰσ ἐπίμπρασαν, καὶ αἰσθήσει τοῦ λιμοῦ πολλάκισ ἐπεκθέοντεσ τοῖσ πολεμίοισ ἀσθενεστάτοισ γεγονόσιν ἐπετίθεντο, δρασμὸν ὁ Μιθριδάτησ ἐβούλευε, καὶ ἔφευγε νυκτὸσ αὐτὸσ μὲν ἐπὶ τῶν νεῶν ἐσ Πάριον, ὁ δὲ στρατὸσ αὐτοῦ κατὰ γῆν ἐσ Λάμψακον. περῶντασ δ’ αὐτοὺσ τὸν Αἴσηπον ὅ τε ποταμὸσ τότε μάλιστα ἀρθεὶσ μέγασ, καὶ ἐπὶ τῷ ποταμῷ Λεύκολλοσ ἐπιδραμὼν ἔφθειρεν. ὧδε μὲν οἱ Κυζικηνοὶ πολλὴν βασιλέωσ παρασκευὴν διέφυγον, αὐτοί τε γενναίωσ ἀγωνισάμενοι, καὶ λιμῷ πιεσθέντοσ ὑπὸ Λευκόλλου. ἀγῶνά τε αὐτῷ θέμενοι μέχρι νῦν τελοῦσι, τὰ Λευκόλλεια καλούμενα. Μιθριδάτησ δὲ τοὺσ ἐσ Λάμψακον ἐσφυγόντασ, ἔτι τοῦ Λευκόλλου περικαθημένου, ναῦσ ἐπιπέμψασ ἐξεκόμισε σὺν αὐτοῖσ Λαμψακηνοῖσ. μυρίουσ δ’ ἐπιλέκτουσ ἐπὶ νεῶν πεντήκοντα Οὐαρίῳ, πεμφθέντι οἱ στρατηγεῖν ὑπὸ Σερτωρίου, καὶ Ἀλεξάνδρῳ τῷ Παφλαγόνι καὶ Διονυσίῳ τῷ εὐνούχῳ καταλιπών, ταῖσ πλέοσιν αὐτῶν ἐσ Νικομήδειαν ἔπλει. καὶ χειμὼν ἐπιγενόμενοσ πολλὰσ ἑκατέρων διέφθειρεν. Λεύκολλοσ δ’ ἐπεὶ τὸ κατὰ γῆν εἴργαστο διὰ τοῦ λιμοῦ, ναῦσ ἐκ τῆσ Ἀσίασ ἀγείρασ διέδωκε τοῖσ ἀμφ’ αὑτὸν στρατηγοῦσιν.

καὶ Τριάριοσ μὲν Ἀπάμειαν εἷλεν ἐπιπλεύσασ, καὶ πολλὴ τῶν Ἀπαμέων συμφυγόντων ἐσ τὰ ἱερὰ ἐγένετο σφαγή· Βάρβασ δὲ Προυσιάδα εἷλε τὴν πρὸσ τῷ ὄρει, καὶ Νίκαιαν ἔλαβε, τῶν Μιθριδάτου φρουρῶν ἐκφυγόντων. Λεύκολλοσ δὲ περὶ τὸν Ἀχαιῶν λιμένα τρισκαίδεκα ναῦσ εἷλε τῶν πολεμίων. Οὐάριον δὲ καὶ Ἀλέξανδρον καὶ Διονύσιον περὶ Λῆμνον ἐν ἐρήμῃ νήσῳ καταλαβών, ἔνθα δείκνυται βωμὸσ Φιλοκτήτου καὶ χαλκοῦσ ὄφισ καὶ τόξα καὶ θώραξ ταινίαισ περίδετοσ, μνῆμα τῆσ ἐκείνου πάθησ, ἐπέπλει μὲν αὐτοῖσ ῥοθίῳ τε πολλῷ καὶ μετὰ καταφρονήσεωσ, εὐσταθῶσ δ’ ἐκείνων ὑπομενόντων ἔστησε τὴν εἰρεσίαν, καὶ κατὰ δύο ναῦσ ἐπιπέμπων ἠρέθιζεν ἐσ ἔκπλουν. οὐ σαλευόντων δ’ ἐκείνων ἀλλ’ ἀπὸ γῆσ ἀμυνομένων, περιέπλευσε τὴν νῆσον ἑτέραισ ναυσί, καὶ πεζοὺσ ἐσ αὐτὴν ἐκβιβάσασ συνήλασε τοὺσ ἐχθροὺσ ἐπὶ τὰσ ναῦσ. οἱ δ’ ἐσ μὲν τὸ πέλαγοσ οὐκ ἠφίεσαν, τὸν Λευκόλλου στρατὸν δεδιότεσ, παρὰ δὲ τὴν γῆν πλέοντεσ, ἔκ τε τῆσ γῆσ καὶ τῆσ θαλάσσησ ἀμφίβολοι γιγνόμενοι κατετιτρώσκοντο, καὶ φόνοσ πολὺσ ἦν αὐτῶν καὶ φυγή. ἐλήφθησαν δ’ ἐν σπηλαίῳ κρυπτόμενοι Οὐάριόσ τε καὶ Ἀλέξανδροσ καὶ Διονύσιοσ ὁ εὐνοῦχοσ. καὶ αὐτῶν ὁ μὲν Διονύσιοσ, πιὼν ὅπερ ἤγετο φάρμακον, αὐτίκα ἀπέθανε, Οὐάριον δ’ ἀναιρεθῆναι προσέταξε Λεύκολλοσ· οὐ γὰρ ἐδόκει Ῥωμαῖον ἄνδρα βουλευτὴν θριαμβεύειν. Ἀλέξανδροσ δὲ ἐσ τὴν πομπὴν ἐφυλάσσετο. καὶ Λεύκολλοσ περὶ τῶνδε Ῥωμαίοισ ἐπέστελλε, τὰ γράμματα δάφνῃ περιβαλών, ὡσ ἔθοσ ἐστὶν ἐπὶ νίκαισ· αὐτὸσ δὲ ἠπείγετο ἐσ Βιθυνίαν. Μιθριδάτῃ δ’ ἐσ Πόντον ἐσπλέοντι χειμὼν ἐσ δὶσ ἐπιγίγνεται, καὶ τῶν ἀνδρῶν ἀμφὶ τοὺσ μυρίουσ καὶ νῆεσ ἀμφὶ τὰσ ἑξήκοντα διεφθάρησαν·

αἱ δὲ λοιπαὶ διερρίφησαν, ὡσ ἑκάστην ὁ χειμὼν ἐξήνεγκεν. αὐτὸσ δὲ ῥηγνυμένησ τῆσ στρατηγίδοσ ἐσ λῃστῶν σκάφοσ, ἀπαγορευόντων τῶν φίλων, ὅμωσ ἐνέβη. καὶ ἐσ Σινώπην αὐτὸν οἱ λῃσταὶ διέσωσαν. ὅθεν ὁ μὲν ἐσ Ἀμισὸν ἀπὸ κάλω διαπλέων, πρόσ τε τὸν κηδεστὴν Τιγράνην τὸν Ἀρμένιον καὶ ἐσ Μαχάρην τὸν υἱόν, ἄρχοντα Βοσπόρου, περιέπεμπεν, ἐπικουρεῖν ἐπείγων ἑκάτερον. ἔσ τε Σκύθασ τοὺσ ὁμόρουσ χρυσὸν καὶ δῶρα πολλὰ Διοκλέα φέρειν ἐκέλευεν. ἀλλ’ ὁ μὲν αὐτοῖσ τε δώροισ καὶ αὐτῷ χρυσίῳ πρὸσ Λεύκολλον ηὐτομόλησε, Λεύκολλοσ δ’ ἐπὶ τῇ νίκῃ θρασέωσ προϊὼν ἐσ τὸ πρόσθεν καὶ τὰ ἐν ποσὶν ἅπαντα χειρούμενοσ προυνόμευεν. οἱᾶ δ’ εὐδαίμονοσ χώρασ καὶ πολὺν χρόνον ἀπολεμήτου, τὸ μὲν ἀνδράποδον τεττάρων δραχμῶν αὐτίκα ἐγίγνετο, ὁ δὲ βοῦσ μιᾶσ, αἶγεσ δὲ καὶ πρόβατα καὶ ἐσθὴσ καὶ τὰ λοιπὰ τούτων κατὰ λόγον. Λεύκολλοσ δ’ Ἀμισόν τε καὶ Εὐπατορίαν, ἥν τινα τῇ Ἀμισῷ παρῳκοδόμησεν ὁ Μιθριδάτησ Εὐπατορίαν τε ὠνόμαζεν ἀφ’ ἑαυτοῦ καὶ βασίλεια ἡγεῖτο, περικαθήμενοσ ἐπολιόρκει, καὶ ἑτέρῳ στρατῷ Θεμίσκυραν, ἣ τῶν Ἀμαζόνων τινὸσ ἐπώνυμοσ οὖσα παρὰ τὸν Θερμώδοντα ποταμὸν ἔστιν. τούτων δ’ οἱ μὲν τοῖσ Θεμισκυρίοισ ἐπικαθήμενοι πύργουσ ἐπῆγον αὐτοῖσ καὶ χώματα ἐχώννυον καὶ ὑπονόμουσ ὤρυττον, οὕτω δή τι μεγάλουσ ὡσ ἐν αὐτοῖσ ὑπὸ τὴν γῆν ἀλλήλοισ κατὰ πλῆθοσ ἐπιχειρεῖν· καὶ οἱ Θεμισκύριοι ὀπὰσ ἄνωθεν ἐσ αὐτοὺσ ὀρύττοντεσ, ἄρκτουσ τε καὶ θηρία ἕτερα καὶ σμήνη μελισσῶν ἐσ τοὺσ ἐργαζομένουσ ἐνέβαλλον. οἱ δ’ ἀμφὶ τὴν Ἀμισὸν ἕτερον τρόπον ἐμόχθουν, ἀπομαχομένων αὐτοὺσ τῶν Ἀμισέων καὶ πολλάκισ ἐκθεόντων καὶ ἐσ μονομαχίασ προκαλουμένων. Μιθριδάτησ δ’ αὐτοῖσ πολλὴν ἀγορὰν καὶ ὅπλα καὶ στρατιὰν ἔπεμπεν ἐκ Καβείρων, ἔνθα χειμάζων στρατὸν ἄλλον συνέλεγεν. καὶ συνῆλθον αὐτῷ πεζοὶ μὲν ἐσ τετρακισμυρίουσ, ἱππεῖσ δὲ ἐσ τετρακισχιλίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 11

(아피아노스, The Foreign Wars, chapter 11)

상위

목록

SEARCH

MENU NAVIGATION