헬라어 문장 검색 - Αππιαν́ΤηεΦορέ85́

(아피아노스, The Foreign Wars, chapter 5)

Καὶ ὁ μὲν ἐπὶ τοῖσδε ἦν, κατὰ δὲ τὴν Ἑλλάδα τοιάδε ἐγίγνετο. Ἀρχέλαοσ ἐπιπλεύσασ καὶ σίτῳ καὶ στόλῳ πολλῷ, Δῆλόν τε ἀφισταμένην ἀπὸ Ἀθηναίων καὶ ἄλλα χωρία ἐχειρώσατο βίᾳ καὶ κράτει. κτείνασ δ’ ἐν αὐτοῖσ δισμυρίουσ ἄνδρασ, ὧν οἱ πλέονεσ ἦσαν Ἰταλοί, τὰ χωρία προσεποιεῖτο τοῖσ Ἀθηναίοισ· καὶ ἀπὸ τοῦδε αὐτούσ, καὶ τὰ ἄλλα κομπάζων περὶ τοῦ Μιθριδάτου καὶ ἐσ μέγα ἐπαίρων, ἐσ φιλίαν ὑπηγάγετο· τά τε χρήματα αὐτοῖσ τὰ ἱερὰ ἔπεμπεν ἐκ Δήλου δι’ Ἀριστίωνοσ ἀνδρὸσ Ἀθηναίου, συμπέμψασ φυλακὴν τῶν χρημάτων ἐσ δισχιλίουσ ἄνδρασ, οἷσ ὁ Ἀριστίων συγχρώμενοσ ἐτυράννησε τῆσ πατρίδοσ, καὶ τῶν Ἀθηναίων τοὺσ μὲν εὐθὺσ ἔκτεινεν ὡσ ῥωμαΐζοντασ, τοὺσ δ’ ἀνέπεμψεν ἐσ Μιθριδάτην, καὶ ταῦτα μέντοι σοφίαν τὴν Ἐπικούρειον ἠσκηκώσ. ἀλλὰ γὰρ οὐχ ὅδε μόνοσ Ἀθήνησιν, οὐδὲ Κριτίασ ἔτι πρὸ τούτου, καὶ ὅσοι τῷ Κριτίᾳ συμφιλοσοφοῦντεσ ἐτυράννησαν, ἀλλὰ καὶ ἐν Ἰταλίᾳ τῶν πυθαγορισάντων καὶ ἐν τῇ ἄλλῃ Ἑλλάδι τῶν ἑπτὰ σοφῶν λεγομένων ὅσοι πραγμάτων ἐλάβοντο, ἐδυνάστευσάν τε καὶ ἐτυράννησαν ὠμότερον τῶν ἰδιωτικῶν τυράννων, ὥστε καὶ περὶ τῶν ἄλλων φιλοσόφων ἄπορον ποιῆσαι καὶ ὕποπτον, εἴτε δι’ ἀρετήν, εἴτε πενίασ καὶ ἀπραξίασ τὴν σοφίαν ἔθεντο παραμύθιον, ὧν γε καὶ νῦν πολλοὶ ἰδιωτεύοντεσ καὶ πενόμενοι, καὶ τὴν ἀναγκαίαν ἐκ τῶνδε σοφίαν περικείμενοι, τοῖσ πλουτοῦσιν ἢ ἄρχουσι λοιδοροῦνται πικρῶσ, οὐχ ὑπεροψίασ πλούτου καὶ ἀρχῆσ δόξαν σφίσι μᾶλλον ἢ ζηλοτυπίασ ἐσ αὐτὰ προφέροντεσ. ὑπερορῶσι δ’ αὐτῶν οἱ βλασφημούμενοι πολὺ σοφώτερον. ταῦτα μὲν οὖν ἡγήσαιτο ἄν τισ ἐσ Ἀριστίωνα τὸν φιλόσοφον εἰρημένα, αὐτὸν αἴτιον τῆσ ἐκβολῆσ τῷ λόγῳ γενόμενον· Ἀρχελάῳ δ’ Ἀχαιοὶ καὶ Λάκωνεσ προσετίθεντο, καὶ Βοιωτία πᾶσα χωρίσ γε Θεσπιέων, οὓσ περικαθήμενοσ ἐπολιόρκει.

τοῦ δ’ αὐτοῦ χρόνου Μητροφάνησ ἐπιπεμφθεὶσ ὑπὸ Μιθριδάτου μεθ’ ἑτέρασ στρατιᾶσ Εὔβοιαν καὶ Δημητριάδα καὶ Μαγνησίαν, οὐκ ἐνδεχομένασ τὰ Μιθριδάτεια, ἐλεηλάτει. καὶ Βρύττιοσ ἐκ Μακεδονίασ ἐπελθὼν σὺν ὀλίγῳ στρατῷ διεναυμάχησέ τε αὐτῷ, καὶ καταποντώσασ τι πλοῖον καὶ ἡμιολίαν ἔκτεινε πάντασ τοὺσ ἐν αὐτοῖσ, ἐφορῶντοσ τοῦ Μητροφάνουσ. ὁ δὲ καταπλαγεὶσ ἔφευγεν. καὶ αὐτὸν αἰσίῳ ἀνέμῳ χρώμενον ὁ Βρέττιοσ οὐ καταλαβὼν Σκίαθον ἐξεῖλεν, ἣ τῆσ λείασ τοῖσ βαρβάροισ ταμιεῖον ἦν, καὶ δούλουσ τινὰσ αὐτῶν ἐκρέμασε, καὶ ἐλευθέρων ἀπέτεμε τὰσ χεῖρασ. ἐπί τε Βοιωτίαν τραπείσ, ἑτέρων οἱ χιλίων ἱππέων καὶ πεζῶν ἐκ Μακεδονίασ ἐπελθόντων, ἀμφὶ Χαιρώνειαν Ἀρχελάῳ καὶ Ἀριστίωνι τρισὶν ἡμέραισ συνεπλέκετο, ἴσου καὶ ἀγχωμάλου παρ’ ὅλον τὸν ἀγῶνα τοῦ ἔργου γιγνομένου. Λακώνων δὲ καὶ Ἀχαιῶν ἐσ συμμαχίαν Ἀρχελάῳ καὶ Ἀριστίωνι προσιόντων, ὁ Βρύττιοσ ἅπασιν ὁμοῦ γενομένοισ οὐχ ἡγούμενοσ ἀξιόμαχοσ ἔτι ἔσεσθαι ἀνεζεύγνυεν ἐσ τὸν Πειραιᾶ, μέχρι καὶ τοῦδε Ἀρχέλαοσ ἐπιπλεύσασ κατέσχεν. Σύλλασ δ’ ὁ τοῦ Μιθριδατείου πολέμου στρατηγὸσ ὑπὸ Ῥωμαίων αἱρεθεὶσ εἶναι, τότε πρῶτον ἐξ Ἰταλίασ σὺν τέλεσι πέντε καὶ σπείραισ τισὶ καὶ ἴλαισ ἐσ τὴν Ἑλλάδα περαιωθεὶσ χρήματα μὲν αὐτίκα καὶ συμμάχουσ καὶ ἀγορὰν ἔκ τε Αἰτωλίασ καὶ Θεσσαλίασ συνέλεγεν, ὡσ δ’ ἀποχρώντωσ ἔχειν ἐδόκει, διέβαινεν ἐσ τὴν Ἀττικὴν ἐπὶ τὸν Ἀρχέλαον.

παροδεύοντι δ’ αὐτῷ Βοιωτία τε ἀθρόωσ μετεχώρει, χωρὶσ ὀλίγων, καὶ τὸ μέγα ἄστυ αἱ Θῆβαι, μάλα κουφόνωσ ἀντὶ Ῥωμαίων ἑλόμενοι τὰ Μιθριδάτεια, ὀξύτερον ἔτι, πρὶν ἐσ πεῖραν ἐλθεῖν, ἀπὸ Ἀρχελάου πρὸσ Σύλλαν μετετίθεντο. ὁ δ’ ἐπὶ τὴν Ἀττικὴν ἐχώρει, καὶ μέροσ τι στρατοῦ ἐσ τὸ ἄστυ περιπέμψασ Ἀριστίωνα πολιορκεῖν, αὐτόσ, ἔνθαπερ ἦν Ἀρχέλαοσ, ἐπὶ τὸν Πειραιᾶ κατῆλθε, κατακεκλεισμένων ἐσ τὰ τείχη τῶν πολεμίων. ὕψοσ δ’ ἦν τὰ τείχη πήχεων τεσσαράκοντα μάλιστα, καὶ εἴργαστο ἐκ λίθου μεγάλου τε καὶ τετραγώνου, Περίκλειον ἔργον, ὅτε τοῖσ Ἀθηναίοισ ἐπὶ Πελοποννησίουσ στρατηγῶν, καὶ τὴν ἐλπίδα τῆσ νίκησ ἐν τῷ Πειραιεῖ τιθέμενοσ, μᾶλλον αὐτὸν ἐκρατύνατο. Σύλλασ δὲ καὶ τοιοῖσδε οὖσι τοῖσ τείχεσιν εὐθὺσ ἐπῆγε τὰσ κλίμακασ, καὶ πολλὰ μὲν ἔδρα πολλὰ δ’ ἀντέπασχεν, ἰσχυρῶσ τῶν Καππαδοκῶν αὐτὸν ἀμυνομένων, ἔστε κάμνων ἐσ Ἐλευσῖνα καὶ Μέγαρα ἀνεχώρει, καὶ μηχανὰσ ἐπὶ τὸν Πειραιᾶ συνεπήγνυτο, καὶ χῶμα αὐτῷ προσχοῦν ἐπενόει. τέχναι μὲν δὴ καὶ παρασκευὴ πᾶσα αὐτῷ καὶ σίδηροσ καὶ καταπέλται, καὶ εἴ τι τοιουτότροπον ἄλλο, ἐκ Θηβῶν ἐκομίζετο, ὕλην δὲ τῆσ Ἀκαδημείασ ἔκοπτε, καὶ μηχανὰσ εἰργάζετο μεγίστασ. τά τε μακρὰ σκέλη καθῄρει, λίθουσ καὶ ξύλα καὶ γῆν ἐσ τὸ χῶμα μεταβάλλων. Δύο δ’ ἐκ τοῦ Πειραιῶσ Ἀττικοὶ θεράποντεσ, αἱρούμενοι τὰ Ῥωμαίων, ἢ σφίσιν αὐτοῖσ καταφυγήν, εἴ τι γίγνοιτο, προορώμενοι, πεσσοῖσ ἐκ μολύβδου πεποιημένοισ ἐγγράφοντεσ ἀεὶ τὸ γιγνόμενον ἐσ τοὺσ Ῥωμαίουσ ἠφίεσαν ἀπὸ σφενδόνησ.

καὶ τοῦδε γιγνομένου τε συνεχῶσ καὶ ἐσ γνῶσιν ἐλθόντοσ, Σύλλασ τοῖσ ἐσφενδονημένοισ προσέχων ηὑρ͂ε γεγραμμένον ὅτι τῆσ ἐπιούσησ ἐκ μετώπου πεζοὶ κατὰ τοὺσ ἐργαζομένουσ ἐκδραμοῦνται καὶ ἱππεῖσ ἑκατέρωθεν ἐσ τὰ πλάγια Ῥωμαίων ἐμβαλοῦσιν. κρύψασ οὖν τινὰ στρατιὰν ἀποχρῶσαν, ὡσ ἐγένετο τῶν πολεμίων ἡ ἐκδρομή, δόξασα δὴ μάλιστα αἰφνίδιοσ εἶναι, ὁ δὲ αἰφνιδιώτερον αὐτοῖσ τοὺσ κεκρυμμένουσ ἐπαφεὶσ ἔκτεινε πολλοὺσ καὶ ἐσ τὴν θάλασσαν ἑτέρουσ περιέωσεν. καὶ τοῦτο μὲν τῆσ πείρασ ἐκείνησ τέλοσ ἦν· αἰρομένοισ δὲ ἐπὶ μέγα ἄνω τοῖσ χώμασι πύργουσ ὁ Ἀρχέλαοσ ἀντεμηχανᾶτο, καὶ πλεῖστα ἐπ’ αὐτοῖσ ὄργανα ἐτίθει, τάσ τε δυνάμεισ ἐκ Χαλκίδοσ καὶ τῶν ἄλλων νήσων μετεπέμπετο, καὶ τοὺσ ἐρέτασ καθώπλιζεν, ὡσ ὄντοσ οἱ τοῦ κινδύνου περὶ τῶν ὅλων. ἐγίγνετο μὲν δὴ πλείων οὖσα τῆσ Σύλλα στρατιᾶσ ἡ Ἀρχελάου καὶ ἐκ τῶνδε πολὺ πλείων, νυκτὸσ δὲ μέσησ ὁ μὲν Ἀρχέλαοσ ἐκθορὼν μετὰ λαμπτήρων ἐνέπρησε τὴν ἑτέραν τῶν χελωνῶν καὶ τὰ ἐπ’ αὐτῇ μηχανήματα, ἡμέραισ δὲ δέκα μάλιστα ἄλλα ὁ Σύλλασ ἐργασάμενοσ ἐπέστησεν αὖθισ ἔνθα καὶ τὰ πρότερα ἦν. καὶ τούτοισ ὁ Ἀρχέλαοσ πύργον ἀνθίστη κατὰ τὸ τεῖχοσ. Καταπλευσάσησ δ’ αὐτῷ παρὰ Μιθριδάτου στρατιᾶσ ἑτέρασ, ἧσ ἡγεῖτο Δρομιχαίτησ, ἐξῆγεν ἅπαντασ ἐσ μάχην.

ἀναμίξασ δ’ αὐτοῖσ σφενδονήτασ καὶ τοξότασ ὑπὸ τὸ τεῖχοσ αὐτὸ παρέταττεν, ἵνα καὶ οἱ τειχοφύλακεσ ἐφικνοῖντο τῶν πολεμίων· ἕτεροι δ’ ὑπὸ ταῖσ πύλαισ αὐτῷ πυρφόροι καιρὸν ἐκδρομῆσ ἐπετήρουν. ἀγχωμάλου δ’ ἐσ πολὺ τῆσ μάχησ οὔσησ ἐνέκλινον ἑκατεροι παρὰ μέροσ, πρῶτον μὲν οἱ βάρβαροι, μέχρι Ἀρχέλαοσ αὐτοὺσ ἐπισχὼν ἐπανήγαγεν ἐσ τὴν μάχην. ᾧ δὴ καὶ μάλιστα καταπλαγέντεσ οἱ Ῥωμαῖοι μετ’ αὐτοὺσ ἔφευγον, ἔστε καὶ τούσδε Μουρήνασ ὑπαντήσασ ἐπέστρεφεν. ἄλλο δ’ ἀπὸ ξυλείασ τέλοσ ἐπανιόν, καὶ σὺν αὐτοῖσ οἱ ἄτιμοι, σπουδῇ τὸν ἀγῶνα εὑρόντεσ ἐπέπιπτον τοῖσ Μιθριδατείοισ πάνυ καρτερῶσ, μέχρι κτεῖναι μὲν αὐτῶν ἐσ δισχιλίουσ, τοὺσ δὲ λοιποὺσ ἐσ τὰ τείχη συνελάσαι. Ἀρχέλαοσ δ’ αὐτοὺσ ἐπιστρέφων αὖθισ, καὶ τῷ ἀγῶνι διὰ τὴν προθυμίαν ἐσ πολὺ παραμένων, καὶ ἀποκλεισθεὶσ ἀνιμήθη διὰ καλῳδίων. ὁ δὲ Σύλλασ τοὺσ μὲν ἀτίμουσ περιφανῶσ ἀγωνισαμένουσ ἐξέλυσε τῆσ ἀτιμίασ, τοὺσ δ’ ἄλλουσ ἐδωρήσατο πολλοῖσ. Καὶ χειμῶνοσ ἐπιόντοσ ἤδη στρατόπεδον ἐν Ἐλευσῖνι θέμενοσ, τάφρον ἄνωθεν ἐπὶ θάλατταν ἔτεμνε βαθεῖαν τοῦ μὴ τοὺσ πολεμίουσ ἱππέασ εὐμαρῶσ ἐπιτρέχειν οἱ.

καὶ τάδε αὐτῷ πονουμένῳ καθ’ ἑκάστην ἡμέραν ἐγίγνοντό τινεσ ἀγῶνεσ, οἱ μὲν ἀμφὶ τὴν τάφρον οἱ δὲ παρὰ τοῖσ τείχεσιν, ἐπεξιόντων θαμινὰ τῶν πολεμίων, καὶ λίθοισ καὶ βέλεσι καὶ μολυβδαίναισ χρωμένων. ὁ δὲ Σύλλασ νεῶν δεόμενοσ μετεπέμψατο μὲν ἐκ Ῥόδου. καὶ Ῥοδίων οὐ δυνηθέντων διαπλεῦσαι θαλασσοκρατοῦντοσ τοῦ Μιθριδάτου, Αεύκολλον, ἄνδρα Ῥωμαῖον περιφανῆ καὶ τοῦδε τοῦ πολέμου στρατηγὸν ἐπὶ Σύλλᾳ γενόμενον, ἐκέλευεν ἐσ Ἀλεξάνδρειαν καὶ Συρίαν λαθόντα διαπλεῦσαι, παρά τε τῶν βασιλέων καὶ πόλεων, ὅσαι ναυτικαί, στόλον τινὰ ἀγείραντα τὸ Ῥοδίων ναυτικὸν παραπέμψαι. ὁ μὲν δὴ πολεμίασ οὔσησ τῆσ θαλάσσησ, οὐδὲν ἐνδοιάσασ, ἐσ κελήτιον ἐνέβη, καὶ ναῦν ἐκ νεώσ, ἵνα λάθοι, διαμείβων ἐπ’ Ἀλεξανδρείασ ἐφέρετο· Οἱ δὲ προδιδόντεσ ἀπὸ τῶν τειχῶν, πεσσοῖσ πάλιν ἐγγράψαντεσ ὅτι πέμψοι τῆσδε τῆσ νυκτὸσ Ἀρχέλαοσ ἐσ τὸ τῶν Ἀθηναίων ἄστυ λιμῷ πιεζόμενον πυροὺσ ὑπὸ στρατιωτῶν φερομένουσ, ἐσφενδόνησαν, καὶ ὁ Σύλλασ ἐνεδρεύσασ ἐκράτησε τοῦ τε σίτου καὶ τῶν φερόντων.

τῆσ δ’ αὐτῆσ ἡμέρασ αὐτῷ καὶ Μουνάτιοσ περὶ Χαλκίδα Νεοπτόλεμον ἕτερον στρατηγὸν κατατρώσασ, ἔκτεινε μὲν ἐσ χιλίουσ καὶ πεντακοσίουσ, ἔλαβε δὲ αἰχμαλώτουσ ἔτι πλείονασ. οὐ πολὺ δὲ ὕστερον τῷ Πειραιεῖ νυκτόσ, ἔτι κοιμωμένων τῶν φυλάκων, Ῥωμαῖοι διὰ τῶν ἐγγὺσ μηχανῶν κλίμακασ ἐπενεγκόντεσ ἐπὶ τὸ τεῖχοσ ἐπέβησαν, καὶ τοὺσ φύλακασ τοὺσ ἐγγὺσ ἔκτειναν. ἐφ’ ᾧ τῶν βαρβάρων οἱ μὲν εὐθὺσ ἀπεπήδων ἐσ τὸν Πειραιᾶ, τὸ τεῖχοσ καταλιπόντεσ ὡσ εἰλημμένον ἅπαν, οἱ δ’ ἐσ ἀλκὴν τραπέντεσ ἔκτεινάν τε τὸν ἡγεμόνα τῶν ἐπιβάντων καὶ τοὺσ λοιποὺσ ἔξω κατεκρήμνισαν. οἱ δὲ καὶ διὰ τῶν πυλῶν ἐκδραμόντεσ ὀλίγου τὸν ἕτερον τῶν Ῥωμαϊκῶν πύργων ἐνέπρησαν, εἰ μὴ Σύλλασ ἐπιδραμὼν ἀπὸ τοῦ στρατοπέδου, νυκτόσ τε ὅλησ καὶ δι’ ἡμέρασ ἐπιπόνωσ ἀγωνισάμενοσ, περιέσωσεν. καὶ τότε μὲν ὑπεχώρουν οἱ βάρβαροι, τοῦ δ’ Ἀρχελάου πύργον ἕτερον μέγαν ἐπὶ τὸ τεῖχοσ ἄντικρυσ τοῦ Ῥωμαϊκοῦ πύργου στήσαντοσ ἐπυργομάχουν ἐσ ἀλλήλουσ, ἑκατέρωθεν πυκνὰ καὶ θαμινὰ πάντα ἀφιέντεσ, ἑώσ ὁ Σύλλασ ἐκ καταπελτῶν, ἀνὰ εἴκοσιν ὁμοῦ μολυβδαίνασ βαρυτάτασ ἀφιέντων, ἔκτεινέ τε πολλούσ, καὶ τὸν πύργον Ἀρχελάου κατέσεισε καὶ δυσάρμοστον ἐποίησεν, ὡσ εὐθὺσ αὐτὸν ὑπὸ Ἀρχελάου διὰ δέοσ ὀπίσω κατὰ τάχοσ ὑπαχθῆναι. Πιεζομένων δ’ ἔτι μᾶλλον ὑπὸ τοῦ λιμοῦ τῶν ἐν ἄστει, πεσσοὶ πάλιν ἐμήνυον ὅτι πέμψοι νυκτὸσ ἐσ τὸ ἄστυ τροφάσ.

καὶ ὁ Ἀρχέλαοσ ὑπονοῶν τι περὶ τὸν σῖτον γίγνεσθαι μήνυμα καὶ προδοσίαν, ἅμα τὸν σῖτον ἔπεμπε, καί τινασ ἐφίστη ταῖσ πύλαισ μετὰ πυρὸσ ἐσ τοὺσ Ῥωμαίουσ ἐκδραμουμένουσ, εἰ Σύλλασ γίγνοιτο περὶ τὸν σῖτον. καὶ συνέπεσεν ἄμφω, Σύλλᾳ μὲν ἑλεῖν τοὺσ σιταγωγοῦντασ, Ἀρχελάῳ δ’ ἐμπρῆσαί τινα τῶν μηχανημάτων. τοῦ δ’ αὐτοῦ χρόνου καὶ Ἀρκαθίασ ὁ Μιθριδάτου υἱόσ, μεθ’ ἑτέρασ στρατιᾶσ ἐσ Μακεδονίαν ἐμβαλών, οὐ δυσχερῶσ ὀλίγων ὄντων τῶν ἐκεῖ Ῥωμαίων ἐκράτησε, καὶ Μακεδονίαν πᾶσαν ὑπηγάγετο, καὶ σατράπαισ ἐπιτρέψασ αὐτὸσ ἐπὶ τὸν Σύλλαν ἐχώρει, μέχρι νοσήσασ περὶ τὸ Τίσαιον ἐτελεύτησεν. ἐν δὲ τῇ Ἀττικῇ τῷ μὲν ἄστει πονουμένῳ σφόδρα ὑπὸ λιμοῦ πολλὰ ὁ Σύλλασ ἐπετείχιζε φρούρια, τοῦ μὴ διαδιδράσκειν ἀλλ’ ἐμμένοντασ ὑπὸ τοῦ πλήθουσ μᾶλλον ἐνοχλεῖσθαι· Τῷ δὲ Πειραιεῖ, τὸ χῶμα ἐσ ὕψοσ ἐγείρασ, τὰ μηχανήματα ἐπῆγεν.

Ἀρχελάου δὲ τὸ χῶμα ὑπορύττοντοσ καὶ τὴν γῆν ὑποφέροντόσ τε καὶ ἐσ πολὺ διαλανθάνοντοσ, τὸ χῶμα ὑφίζανεν ἄφνω· καὶ ταχείασ αἰσθήσεωσ γενομένησ οἱ Ῥωμαῖοι τὰ μηχανήματα ὑφεῖλκον καὶ τὸ χῶμα ἀνεπλήρουν. τῷ δ’ αὐτῷ τρόπῳ καὶ αὐτοὶ τὴν γῆν ἐσ τὰ τείχη τεκμαιρόμενοι διώρυττον· ἀλλήλοισ τε συμπίπτοντεσ κάτω ξίφεσι καὶ δόρασιν ἐκ χειρόσ, ὡσ δυνατὸν ἦν ἐν σκότῳ, διεμάχοντο. ὁμοῦ δὲ ταῦτα ἐγίγνετο, καὶ ὁ Σύλλασ ἀπὸ τῶν χωμάτων μηχανήμασι πολλοῖσ τὸ τεῖχοσ ἐκριοκόπει, μέχρι μέροσ αὐτοῦ καταβαλών, καὶ τὸν πλησιάζοντα πύργον ἐπειγόμενοσ ἐμπρῆσαι, πολλὰ μὲν ἠφίει πυρφόρα τοξεύματα ἐσ αὐτόν, τοὺσ δὲ εὐτολμοτάτουσ ἀνέπεμπεν ἐπὶ κλιμάκων. σπουδῆσ δὲ πολλῆσ γιγνομένησ ἑκατέρωθεν ὅ τε πύργοσ ἐνεπίμπρατο, καὶ μέροσ τι τοῦ τείχουσ ὀλίγον ὁ Σύλλασ καταβαλὼν εὐθὺσ ἐπέστησε φυλακεῖον· τά τε ὑπορωρυγμένα τοῦ τείχουσ θεμέλια, ξύλοισ ἀνηρτημένα καὶ θείου καὶ στυππίου καὶ πίσσησ γέμοντα, αὐτίκα πάντα ἐνεπίμπρη. τῶν δ’ ἄλλο παρ’ ἄλλο κατεπιπτε καὶ τοὺσ ἐφεστῶτασ αὐτοῖσ συγκατέφερεν. ὅ τε θόρυβοσ οὗτοσ δὴ μάλιστα αἰφνίδιοσ καὶ πολὺσ ὢν πάντῃ τοὺσ τειχοφύλακασ ἐτάραττεν, ὡσ καὶ τὸ ὑπὸ σφίσιν αὐτίκα πεσούμενον· ὅθεν ἐσ πάντα συνεχῶσ ἐπιστρεφόμενοι τήν τε γνώμην ὕποπτον εἶχον ὑπὸ τοῦ δέουσ καὶ ἀσθενῶσ τοὺσ πολεμίουσ ἀπεμάχοντο. Καὶ ὁ Σύλλασ αὐτοῖσ ὧδε ἔχουσιν ἐπικείμενοσ ἀπαύστωσ, καὶ τῶν ἰδίων τὸ ἀεὶ πονοῦν ἐναλλάσσων, ἑτέρουσ ἐφ’ ἑτέροισ ἀκμῆτασ ἐπῆγε σὺν κλίμαξι καὶ βοῇ καὶ παρακελεύσει, προτρέπων ἅμα καὶ ἀπειλῶν καὶ παρακαλῶν ὡσ ἐν τῷδε τῷ βραχεῖ τοῦ παντὸσ αὐτοῖσ κριθησομένου.

ἀντεπῆγε δὲ καὶ ὁ Ἀρχέλαοσ ἑτέρουσ ἀντὶ τῶν τεθορυβημένων, ἀνακαινίζων καὶ ὅδε τὸ ἔργον ἀεί, καὶ παρακαλῶν ἅμα καὶ ἐποτρύνων ἅπαντασ ὡσ ἐν ὀλίγῳ σφίσιν ἔτι τῆσ σωτηρίασ οὔσησ. πολλῆσ δὲ σπουδῆσ καὶ προθυμίασ ἑκατέρωθεν αὖθισ ἅπασιν ἐγγενομένησ φερεπονώτατοσ ἦν· καὶ ὁ φόνοσ ἴσοσ καὶ ὅμοιοσ ἐξ ἑκατέρων, ἑώσ ὁ Σύλλασ ἔξωθεν ἐπιών, καὶ μᾶλλόν τι κάμνων, ἀνεκάλει τῇ σάλπιγγι τὴν στρατιάν, καὶ θαυμάσασ πολλοὺσ ἀπῆγεν. ὁ δ’ Ἀρχέλαοσ αὐτίκα νυκτὸσ τὰ πεπτωκότα τοῦ τείχουσ ᾠκοδόμει, μηνοειδῆ αὐτοῖσ πολλὰ περιθεὶσ ἔνδοθεν. οἷσ ἔτι νεοδμήτοισ ὁ Σύλλασ αὖθισ ἐπεχείρει παντὶ τῷ στρατῷ, νομίσασ ἀσθενῆ καὶ ὑγρὰ ἔτι ὄντα ῥᾳδίωσ κατερείψειν. κάμνων δὲ ὡσ ἐν στενῷ, καὶ βαλλόμενοσ ἄνωθεν ἔκ τε μετώπου καὶ τῶν κεραιῶν ὡσ ἐν μηνοειδέσι χωρίοισ, τοῦ μὲν ἐπιχειρεῖν ἔτι τῷ Πειραιεῖ πάμπαν ἀπεῖχε τῇ γνώμῃ, καὶ ἐσ πολιορκίαν, ὡσ λιμῷ παραστησόμενοσ αὐτούσ, καθίστατο·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 5

(아피아노스, The Foreign Wars, chapter 5)

상위

목록

SEARCH

MENU NAVIGATION