헬라어 문장 검색 - Αππιαν́ΤηεΦορέ74́

(아피아노스, The Foreign Wars, chapter 6)

Τοῦτο μὲν δὴ τῇ ναυμαχίᾳ τῇ περὶ τὴν Μυόννησον ἦν τέλοσ· οὔπω δ’ αὐτῆσ ὁ Ἀντίοχοσ αἰσθόμενοσ Χερρόνησόν τε καὶ Λυσιμάχειαν ἐπιμελῶσ ὠχύρου, μέγα, ὥσπερ ἦν, τὸ ἔργον ἡγούμενοσ ἐπὶ Ῥωμαίοισ, ὅπου γε καὶ τὴν ἄλλην Θρᾴκην διελθεῖν στρατοπέδῳ δυσόδευτον αὐτοῖσ ἂν ἐγένετο καὶ δύσβατον, εἰ μὴ Φίλιπποσ διέφερεν. ἀλλ’ ὁ Ἀντίοχοσ ὢν καὶ τὰ ἄλλα κουφόνουσ ἀεὶ καὶ ταχὺσ ἐσ μεταβολήν, ἐπεὶ τῆσ ἥσσησ ἐπύθετο τῆσ περὶ Μυόννησον, πάμπαν ἐξεπλάγη, νομίσασ αὑτῷ τὸ δαιμόνιον ἐπιβουλεύειν· παρὰ γὰρ λόγον ἕκαστα χωρεῖν, Ῥωμαίων μὲν ἐν τῇ θαλάσσῃ κρατούντων, ἐν ᾗ πολὺ προύχειν αὐτὸσ ἐνόμιζε, Ῥοδίων δ’ Ἀννίβαν ἐσ Παμφυλίαν κατακεκλεικότων, Φιλίππου δὲ Ῥωμαίουσ παραπέμποντοσ ἀβάτουσ ὁδούσ, ὃν μάλιστα μνησικακήσειν αὐτοῖσ ὧν ἔπαθεν ὑπελάμβανεν. ὑπὸ δὴ τῶνδε πάντων ἐκταρασσόμενόσ τε, καὶ θεοῦ βλάπτοντοσ ἤδη τοὺσ λογισμούσ, ὅπερ ἅπασι προσιόντων ἀτυχημάτων ἐπιγίγνεται, Χερρόνησον ἐξέλιπεν ἀλογίστωσ, πρὶν καὶ ἐσ ὄψιν ἐλθεῖν τοῖσ πολεμίοισ, οὔτε μετενεγκὼν ὅσοσ ἦν ἐν αὐτῇ σῖτοσ σεσωρευμένοσ πολὺσ ἢ ὅπλα ἢ χρήματα ἢ μηχαναί, οὔτε ἐμπρήσασ, ἀλλ’ ὑγιεῖσ ἀφορμὰσ τοσάσδε τοῖσ πολεμίοισ καταλιπών. Λυσιμαχέασ τε αὐτῷ καθάπερ ἐκ πολιορκίασ συμφεύγοντασ μετ’ οἰμωγῆσ, ἅμα γυναιξὶ καὶ παιδίοισ, ὑπερεώρα, μόνου τοῦ διάπλου τοῦ περὶ Ἄβυδον εἶρξαι τοὺσ πολεμίουσ ἐπινοῶν, καὶ τὴν λοιπὴν ἔτι ἐλπίδα τοῦ πολέμου πᾶσαν ἐν τούτῳ τιθέμενοσ. οὐ μὴν οὔτε τὸν διάπλουν ἐφύλαξεν ὑπὸ θεοβλαβείασ, ἀλλ’ ἐσ τὸ μεσόγειον ἠπείχθη ἐπανελθεῖν, φθάνων τοὺσ πολεμίουσ, οὐδέ τινα φυλακὴν ἐν τῷ διάπλῳ κατέλιπεν. Οἱ δὲ Σκιπίωνεσ ἐπεὶ τὴσ ἀναχωρήσεωσ αὐτοῦ ἐπύθοντο, Λυσιμάχειάν τε δρόμῳ κατέλαβον, καὶ τῶν ἐν Χερρονήσῳ θησαυρῶν τε καὶ ὅπλων κρατήσαντεσ τὸν Ἑλλήσποντον ἔρημον ὄντα φυλακῆσ εὐθὺσ ἐπέρων μετὰ σπουδῆσ, ἔφθασάν τε Ἀντίοχον ἔτι ἀγνοοῦντα ἐν Σάρδεσι γενόμενοι.

ὁ δ’ ἐκπλαγεὶσ ἐβαρυθύμει, καὶ τὰ ἴδια αὑτοῦ ἁμαρτήματα ἐσ τὸ δαιμόνιον ἀνατιθεὶσ Ἡρακλείδην τὸν Βυζάντιον ἔπεμπεν ἐσ τοὺσ Σκιπίωνασ ἐπὶ διαλύσεσι τοῦ πολέμου, Σμύρναν τε καὶ Ἀλεξάνδρειαν αὐτοῖσ διδοὺσ τὴν ἐπὶ Γρανίκῳ καὶ Λάμψακον, δι’ ἃσ ἦρξεν αὐτοῖσ ὁ πόλεμοσ, καὶ τὸ ἥμισυ τῆσ δαπάνησ τοῦδε τοῦ πολέμου. ἐνετέλλετο δέ, εἰ δέοι, καὶ τῶν Ιἄδων πόλεων δοῦναι καὶ τῶν Αἰολίδων ὅσαι τὰ Ῥωμαίων ἐν τῷδε τῷ ἀγῶνι εἵλοντο, καὶ εἴ τι ἄλλο αἰτοῖεν οἱ Σκιπίωνεσ. ταῦτα μὲν εἶχεν ἐσ τὸ φανερὸν λέγειν ὁ Ἡρακλείδησ, ἰδίᾳ δὲ πρὸσ Πόπλιον Σκιπίωνα ἔφερε παρ’ Ἀντιόχου χρημάτων τε πολλῶν ὑποσχέσεισ καὶ τοῦ παιδὸσ ἀφέσεισ. ᾑρήκει γὰρ αὐτὸν ἐν τῇ Ἑλλάδι ὁ Ἀντίοχοσ, ἐσ Δηματριάδα ἐκ Χαλκίδοσ διαπλέοντα· καὶ ἦν ὁ παῖσ Σκιπίων ὁ Καρχηδόνα ὕστερον ἑλών τε καὶ κατασκάψασ, καὶ δεύτεροσ ἐπὶ τῷδε τῷ Σκιπίωνι Ἀφρικανὸσ ὀνομασθείσ, Παύλου μὲν υἱὸσ ὢν τοῦ Περσέα τὸν Μακεδόνα ἑλόντοσ, Σκιπίωνοσ δὲ τῷ γένει θυγατριδοῦσ καὶ θέσει παῖσ. κοινῇ μὲν οὖν οἱ Σκιπίωνεσ τῷ Ἡρακλείδῃ τήνδε ἔδοσαν τὴν ἀπόκρισιν, ἐὰν ὁ Ἀντίοχοσ εἰρήνησ δέηται, μὴ τῶν Ιἄδων μηδὲ τῶν Αἰολίδων αὐτὸν ἐκστῆναι πόλεων, ἀλλὰ πάσησ τῆσ ἐπὶ τάδε Ταύρου, καὶ τὴν δαπάνην τοῦ πολέμου πᾶσαν ἐσενεγκεῖν, δι’ αὐτὸν γενομένου. ἰδιᾳ δὲ ὁ Πόπλιοσ ἔφη τῷ Ἡρακλείδῃ Ῥωμαίουσ, εἰ μὲν ἔτι Χερρονήσου καὶ Λυσιμαχείασ κρατῶν ὁ Ἀντίοχοσ ταῦτα προύτεινεν, ἀσμένωσ ἂν λαβεῖν· τάχα δ’ εἰ καὶ μόνον ἔτι τοῦ Ἑλλησπόντου τὸν διάπλουν ἐφύλασσε· νῦν δ’ αὐτοὺσ ἤδη περάσαντάσ τε καὶ ἐν ἀσφαλεῖ γενομένουσ, καὶ τὸν χαλινόν, φασίν, ἐνθέντασ, καὶ ἐπὶ τῷ χαλινῷ τὸν ἵππον ἀναβάντασ, οὐκ ἀνέξεσθαι διαλύσεων ἐπ’ ὀλίγοισ. αὐτὸσ δὲ χάριν εἰδέναι τῷ βασιλεῖ τῆσ προαιρέσεωσ, καὶ μᾶλλον εἴσεσθαι λαβὼν τὸν υἱόν· ἀμείβεσθαι δ’ αὐτὸν ἤδη, καὶ συμβουλεύειν δέχεσθαι τὰ προτεινόμενα πρὶν ἐσ πεῖραν ἐλθεῖν μειζόνων ἐπιταγμάτων. Ὁ μὲν δὴ Πόπλιοσ ταῦτα εἰπὼν ἐσ Ἐλαίαν νοσηλευόμενοσ ὑπεχώρει, σύμβουλον τῷ ἀδελφῷ Γναῖον Δομίτιον καταλιπών·

ὅθεν ἐσ μάχην παρέτασσεν. ὁ δ’ Ἀντίοχοσ, οἱο͂́ν τι καὶ Φίλιπποσ ὁ Μακέδων, οἰηθεὶσ τῶνδε τῶν ἐπιταγμάτων πλέον οὐδὲν αὑτοῦ τὸν πόλεμον ἀφαιρήσεσθαι, συνέτασσε ἀπὸ τῶν πολεμίων, καὶ Σκιπίωνι τὸν υἱὸν ἀπέπεμπεν ἐσ Ἐλαίαν. ὁ δὲ τοῖσ ἄγουσι συνεβούλευε μὴ μάχεσθαι τὸν Ἀντίοχον ἑώσ αὐτὸσ ἐπανέλθοι. καὶ τῷδε πεισθεὶσ ὁ Ἀντίοχοσ μετεστρατοπέδευσεν ἀμφὶ τὸ ὄροσ τὸ Σίπυλον, τεῖχόσ τε καρτερὸν τῷ στρατοπέδῳ περιετείχιζε, καὶ τὸν Φρύγιον ποταμὸν ἐν προβολῇ τοῖσ πολεμίοισ ἐτίθετο, ἵνα μηδ’ ἄκων ἀναγκάζοιτο πολεμεῖν. Δομίτιοσ δὲ φιλοτιμούμενοσ τὸν πόλεμον ἐφ’ ἑαυτοῦ κριθῆναι, τὸν ποταμὸν ἐπέρα μάλα θρασέωσ, καὶ σταδίουσ εἴκοσιν ἀπ’ Ἀντιόχου διασχὼν ἐστρατοπέδευσεν. τέσσαρσί τε ἡμέραισ ἐφεξῆσ ἐξέτασσον ἑκάτεροι παρὰ τὸν χάρακα τὸν ἑαυτῶν, καὶ μάχησ οὐ κατῆρχον. τῇ πέμπτῃ δὲ ὁ Δομίτιοσ ἐξέτασσεν αὖθισ καὶ ἐπέβαινε σοβαρῶσ. οὐκ ἀντεπιόντοσ δὲ τοῦ Ἀντιόχου, τότε μὲν ἐγγυτέρω μετεστρατοπέδευσε, μίαν δὲ ἄλλην διαλιπὼν ἐκήρυσσεν ἐσ ἐπήκοον τῶν πολεμίων ἐσ αὔριον Ἀντιόχῳ καὶ ἄκοντι πολεμήσειν. ὁ δὲ συνταραχθεὶσ αὖθισ μεθίει τὰ δόξαντα, καὶ δυνηθεὶσ ἂν ἑστάναι μόνον ὑπὸ τὸ τεῖχοσ ἢ καλῶσ αὐτὸν ἀπὸ τοῦ τείχουσ ἀπομάχεσθαι μέχρι ῥαΐσειεν ὁ Πόπλιοσ, αἰσχρὸν ἡγεῖτο μετὰ πλειόνων φυγομαχεῖν· Καὶ ἐξῆγον ἔτι νυκτὸσ ἄμφω περὶ ἐσχάτην φυλακήν, διεκόσμει δ’ αὐτῶν ἑκάτεροσ ὧδε.

τὸ μὲν λαιὸν εἶχον ὁπλῖται Ῥωμαίων μύριοι, παρὰ τὸν ποταμὸν αὐτόν· καὶ μετ’ ἐκείνουσ ἦσαν Ἰταλῶν ἕτεροι μύριοι, τρεῖσ ἑκατέρων τάξεισ ἐπὶ βάθοσ. ἐπὶ δὲ τοῖσ Ἰταλοῖσ ὁ Εὐμένουσ στρατὸσ ἐτάσσετο, καὶ Ἀχαιῶν πελτασταὶ περὶ τρισχιλίουσ. ὧδε μὲν εἶχε τὸ λαιόν, τὸ δεξιὸν δ’ ἦν ἱππεῖσ, οἵ τε Ῥωμαίων καὶ Ἰταλῶν καὶ Εὐμένουσ, οὐ πλείουσ οὐδ’ οὗτοι τρισχιλίων. ἀνεμεμίχατο δ’ ἅπασι ψιλοί τε καὶ τοξόται πολλοί, καὶ ἀμφὶ τὸν Δομίτιον αὐτὸν ἦσαν ἱππέων ἶλαι τέσσαρεσ. οὕτω μὲν ἐγίγνοντο πάντεσ ἐσ τρισμυρίουσ, ἐπεστάτει δὲ τοῦ μὲν δεξιοῦ Δομίτιοσ αὐτόσ, καὶ ἐσ τὸ μέσον αὐτὸν ἵστη τὸν ὕπατον, τὸ δὲ λαιὸν ἔδωκεν Εὐμένει. τῶν δ’ ἐλεφάντων, οὓσ εἶχεν ἐκ Λιβύησ, οὐδένα νομίζων ἔσεσθαι χρήσιμον ὀλιγωτέρων τε ὄντων καὶ βραχυτέρων οἱᾶ Λιβύων ̔δεδίασι δ’ οἱ σμικρότεροι τοὺσ μείζονασ̓, ἔστησεν ὀπίσω πάντασ. Ὧδε μὲν δὴ διετετάχατο Ῥωμαῖοι, Ἀντιόχῳ δ’ ἦν μὲν ὁ στρατὸσ ἅπασ ἑπτακισμύριοι, καὶ τούτων τὸ κράτιστον ἦν ἡ φάλαγξ ἡ Μακεδόνων, ἄνδρεσ ἑξακισχίλιοι καὶ μύριοι, ἐσ τὸν Ἀλεξάνδρου καὶ Φιλίππου τρόπον ἔτι κοσμούμενοι·

ἵστη δ’ αὐτοὺσ ἐν μέσῳ, διελὼν ἀνὰ χιλίουσ καὶ ἑξακοσίουσ ἐσ δέκα μέρη, καὶ τούτων ἑκάστου μέρουσ ἦσαν ἐπὶ μὲν τοῦ μετώπου πεντήκοντα ἄνδρεσ, ἐσ δὲ τὸ βάθοσ δύο καὶ τριάκοντα, ἐσ δὲ τὰ πλευρὰ ἑκάστου μέρουσ ἐλέφαντεσ δύο καὶ εἴκοσιν. ἡ δ’ ὄψισ ἦν τῆσ μὲν φάλαγγοσ οἱᾶ τείχουσ, τῶν δ’ ἐλεφάντων οἱο͂ν πύργων. τοιοῦτον μὲν ἦν τὸ πεζὸν Ἀντιόχῳ, ἱππεῖσ δ’ ἑκατέρωθεν αὐτοῦ παρετετάχατο Γαλάται τε κατάφρακτοι καὶ τὸ λεγόμενον ἄγημα τῶν Μακεδόνων. εἰσὶ δὲ καὶ οἵδε ἱππεῖσ ἐπίλεκτοι, καὶ παρ’ αὐτὸ ἄγημα λέγεται. τάδε μὲν ἔξ ἴσου τῆσ φάλαγγοσ ἦν ἑκατέρωθεν· ἐπὶ δ’ αὐτοῖσ τὰ κέρατα κατεῖχον ἐν μὲν δεξιᾷ ψιλοί τέ τινεσ καὶ ἕτεροι ἱππεῖσ ἀργυράσπιδεσ καὶ ἱπποτοξόται διακόσιοι, τὸ δὲ λαιὸν Γαλατῶν τ’ ἔθνη, Τεκτοσάγαι τε καὶ Τρόκμοι καὶ Τολιστόβοιοι, καὶ Καππαδόκαι τινὲσ οὓσ ἔπεμψεν Ἀριαράθησ, καὶ μιγάδεσ ἄλλοι ξένοι, κατάφρακτόσ τε ἵπποσ ἐπὶ τοῖσδε ἑτέρα, καὶ ἣν ἐκάλουν ἵππον ἑταιρικήν, ὡπλισμένη κούφωσ. ὧδε μὲν καὶ ὁ Ἀντίοχοσ ἐξέτασσεν. καὶ δοκεῖ τὴν ἐλπίδα λαβεῖν ἐν τοῖσ ἱππεῦσιν, οὓσ πολλοὺσ ἔστησεν ἐπὶ τοῦ μετώπου, τὴν δὲ φάλαγγα πυκνὴν ἐσ ὀλίγον συναγαγεῖν ἀπειροπολέμωσ, ᾗ δὴ καὶ μάλιστα ἔδει θαρρεῖν πάνυ ἠσκημένῃ. πολὺ δὲ καὶ ἄλλο πλῆθοσ ἦν λιθοβόλων τε καὶ τοξοτῶν καὶ ἀκοντιστῶν καὶ πελταστῶν, Φρυγῶν τε καὶ Λυκίων καὶ Παμφύλων καὶ Πισιδῶν Κρητῶν τε καὶ Τραλλιανῶν καὶ Κιλίκων ἐσ τὸν Κρητῶν τρόπον ἐσκευασμένων. ἱπποτοξόται τε ἐπὶ τοῖσδε ἕτεροι, Δᾶαι καὶ Μυσοὶ καὶ Ἐλυμαῖοι καὶ Ἄραβεσ, οἳ καμήλουσ ὀξυτάτασ ἐπικαθήμενοι τοξεύουσί τε εὐμαρῶσ ἀφ’ ὑψηλοῦ, καὶ μαχαίραισ, ὅτε πλησιάζοιεν, ἐπιμήκεσι καὶ στεναῖσ χρῶνται. δρεπανηφόρα τε ἁρ́ματα ἐν τῷ μεταιχμίῳ, προπολεμεῖν τοῦ μετώπου, ἐτετάχατο· καὶ εἴρητο αὐτοῖσ μετὰ τὴν πρώτην πεῖραν ὑποχωρεῖν. Ὄψισ τε ἦν ὥσπερ δύο στρατῶν, τοῦ μὲν ἀρχομένου πολεμεῖν, τοῦ δ’ ἐφεδρεύοντοσ·

ὡσ γὰρ ἐν διαστήματι μακρῷ καὶ πλήθει πυκνῷ καὶ βοῇ ποικίλῃ καὶ φόβῳ πολλῷ, τὸ μὲν ἀκριβὲσ οὐδὲ τοῖσ ἀγχοῦ τῶν πασχόντων καταληπτὸν ἦν, τὴν δὲ ὑπόνοιαν μειζόνωσ ἐσ τοὺσ ἑξῆσ ἕκαστοι μετέφερον. ἑκάτεροσ δ’ αὐτῶν ἐσ κατάπληξιν ἐσκεύαστο δεινῶσ πλήθει τε καὶ κόσμῳ. ἐφειστήκει δὲ τοῖσ μὲν δεξιοῖσ ἱππεῦσιν Ἀντίοχοσ αὐτόσ, τοῖσ δ’ ἐπὶ θάτερα Σέλευκοσ ὁ υἱὸσ Ἀντιόχου, τῇ δὲ φάλαγγι Φίλιπποσ ὁ ἐλεφαντάρχησ καὶ τοῖσ προμάχοισ Μύνδισ τε καὶ Ζεῦξισ. ἀχλυώδουσ δὲ καὶ ζοφερᾶσ τῆσ ἡμέρασ γενομένησ, ἥ τε ὄψισ ἔσβεστο τῆσ ἐπιδείξεωσ, καὶ τὰ τοξεύματα πάντα ἀμβλύτερα ἦν ὡσ ἐν ἀέρι ὑγρῷ καὶ σκοτεινῷ. ὅπερ ἐπεὶ κατεῖδεν Εὐμένησ, τῶν μὲν ἄλλων κατεφρόνησε, τὴν δὲ ῥύμην τῶν ἁρμάτων τεταγμένων ἐφ’ ἑαυτὸν μάλιστα δείσασ, ὅσοι ἦσαν αὐτῷ σφενδονῆται καὶ ἀκοντισταὶ καὶ ἕτεροι κοῦφοι, συναγαγὼν προσέταξε, τὰ ἁρ́ματα περιθέοντασ, ἐσ τοὺσ ἵππουσ ἀκοντίζειν ἀντὶ τῶν ἐπιβατῶν· ἵππου γὰρ ἐν ἁρ́ματι ζυγομαχοῦντοσ ἀχρεῖον τὸ λοιπὸν ἁρ́μα γίγνεται, καὶ πολλὰ καὶ τῆσ ἄλλησ εὐταξίασ παραλύεται, τὰ δρέπανα τῶν φιλίων δεδιότων. ὃ καὶ τότε συνηνέχθη γενέσθαι· πληγέντων γὰρ τῶν ἵππων ἀθρόωσ, καὶ τὰ ἁρ́ματα ἐσ τοὺσ φίλουσ περιφερόντων, αἵ τε κάμηλοι πρῶται τῆσ ἀταξίασ ᾐσθάνοντο, πλησίον τοῖσ ἁρ́μασι παρατεταγμέναι, καὶ μετὰ ταύτασ ἡ κατάφρακτοσ ἵπποσ, οὐ ῥᾳδίωσ ὑπὸ τοῦ βάρουσ τὰ δρέπανα ἐκφεύγειν δυναμένη. θόρυβόσ τε ἦν ἤδη πολὺσ καὶ τάραχοσ ποικίλοσ, ἀρξάμενοσ μὲν ἀπὸ τῶνδε μάλιστα, χωρῶν δὲ ἐπὶ ὅλον τὸ μεταίχμιον, καὶ μείζων ὑπόνοια τοῦ ἀκριβοῦσ· Ὁ δ’ Εὐμένησ, ἐπεὶ τὰ πρῶτα καλῶσ ἐπέπρακτο αὐτῷ, καὶ τὸ μεταίχμιον, ὅσον αἵ τε κάμηλοι καὶ τὰ ἁρ́ματα ἐπεῖχεν, ἐγεγύμνωτο, τοὺσ ἰδίουσ ἱππέασ, καὶ ὅσοι Ῥωμαίων αὐτῷ καὶ Ἰταλῶν παρετετάχατο, ἐπῆγεν ἐπὶ τοὺσ ἀντικρὺ Γαλάτασ τε καὶ Καππαδόκασ καὶ τὴν ἄλλην σύνοδον τῶν ξένων, μέγα κεκραγὼσ καὶ παρακαλῶν ἐπὶ ἄνδρασ ἀπείρουσ τε μάχησ καὶ γεγυμνωμένουσ τῶν προπολεμούντων.

οἱ δ’ ἐπείθοντο, καὶ βαρείασ σφῶν τῆσ ἐμβολῆσ γενομένησ τρέπονται τούτουσ τε καὶ τοὺσ παρεζευγμένουσ αὐτοῖσ ἱππέασ τε καὶ καταφράκτουσ, ἐκ πολλοῦ ταρασσομένουσ διὰ τὰ ἁρ́ματα· οὓσ δὴ καὶ μάλιστα, διὰ τὸ βάροσ ὑποφεύγειν ἢ ἀναστρέφειν εὐμαρῶσ οὐ δυναμένουσ, κατελάμβανόν τε καὶ συνέκοπτον. καὶ τάδε μὲν ἦν περὶ τὸ λαιὸν τῆσ φάλαγγοσ τῶν Μακεδόνων· ἐν δεξιᾷ δέ, ᾗπερ αὐτὸσ ὁ Ἀντίοχοσ ἐτέτακτο, διακόψασ τὸ σύνταγμα τῆσ Ρ̓ωμαίων φάλαγγοσ ἀπέσπασεν ἐπὶ πολὺ διώκων. Καὶ ἡ φάλαγξ ἡ τῶν Μακεδόνων, τεταγμένη μέν, ὡσ μεθ’ ἱππέων, ἐπὶ στενοῦ τε καὶ τετραγώνου, γεγυμνωμένη δὲ τῶν ἱππέων ἑκατέρωθεν, τοὺσ μὲν ψιλοὺσ τοὺσ ἐπὶ τοῦ μετώπου σφῶν ἔτι προπολεμοῦντασ διαστᾶσα ἐσ αὑτὴν ἐδέξατο καὶ πάλιν συνῄει, Δομιτίου δ’ αὐτὴν ἱππεῦσι πολλοῖσ καὶ ψιλοῖσ εὐμαρῶσ, οἱᾶ πλινθίον πυκνόν, κυκλώσαντοσ, οὔτ’ ἐκδραμεῖν ἔτι ἔχουσα οὔτ’ ἐξελίξαι βάθοσ οὕτω πολύ, μάλα καρτερῶσ ἐκακοπάθει.

οὐδὲ γὰρ τότε προσπελάζειν αὐτοῖσ ἐτόλμων, ἀλλὰ περιθέοντεσ ἔβλαπτον, μέχρι, τῶν ἐλεφάντων ἐν τῇ Μακεδόνων φάλαγγι συνταραχθέντων τε καὶ οὐχ ὑπακουόντων ἔτι τοῖσ ἐπιβάταισ, ὁ κόσμοσ ὁ τῆσ φυγῆσ συνεχεῖτο. καὶ ἠγανάκτουν αὐτοὶ μὲν ταῖσ ἐμπειρίαισ οὐδὲν ἔχοντεσ ἔτι χρῆσθαι, τοῖσ δὲ πολεμίοισ εὔβλητοι καὶ ἐπιτυχεῖσ πανταχόθεν ὄντεσ. ὅμωσ δὲ τὰσ σαρίσσασ ἐκ τετραγώνου προβαλλόμενοι πυκνὰσ προὐκαλοῦντο Ῥωμαίουσ ἐσ χεῖρασ ἐλθεῖν, καὶ δόξαν ἐπιβαινόντων ἀεὶ παρεῖχον. οὐ μήν τι προεπήδων, πεζοί τε καὶ βαρεῖσ ὄντεσ ὑπὸ τῶν ὅπλων, καὶ τοὺσ πολεμίουσ ἐπὶ ἵππων ὁρῶντεσ, μάλιστα δὲ ἵνα μὴ τὸ τῆσ τάξεωσ πυκνὸν ἐκλύσειαν· μετατάξασθαι γὰρ ἑτέρωσ οὐκ ἔφθανον. Ῥωμαῖοι δ’ αὐτοῖσ οὐ προσεπέλαζον μέν, οὐδ’ ἐσ χεῖρασ ᾔεσαν, δεδιότεσ ἀνδρῶν ἠσκημένων ἐμπειρίαν τε καὶ πυκνότητα καὶ ἀπόγνωσιν, περιθέοντεσ δὲ ἐσηκόντιζόν τε καὶ ἐσετόξευον. καὶ οὐδὲν ἦν ἀχρεῖον ὡσ ἐν ὀλίγῳ πολλῶν συνεστώτων. οὐ γὰρ εἶχον οὔτε ἐκκλῖναι τὰ βαλλόμενα οὔτε φερομένοισ διαστῆναι. ὅθεν ἤδη πολλὰ κάμνοντεσ ἐνεδίδοσαν ὑπὸ τῆσ ἀπορίασ, καὶ βάδην ὑπεχώρουν σὺν ἀπειλῇ, πάνυ εὐσταθῶσ καὶ Ῥωμαίοισ ἐπιφόβωσ· Καὶ ταύτῃ μὲν ὁ Δομίτιοσ ἐκράτει, καὶ ἐπὶ τὸ στρατόπεδον τοῦ Ἀντιόχου φθάσασ ἐβιάζετο τοὺσ ἐν αὐτῷ φυλάσσοντασ·

ὁ δὲ Ἀντίοχοσ ἐσ πολὺ διώκων παρ’ οὓσ ἐκ τῆσ Ῥωμαϊκῆσ φάλαγγοσ ἐτέτακτο, οὐδενὸσ οὐδ’ ἐκείνοισ ἱππέων ἢ ψιλοῦ παρόντοσ ἐσ ἐπικουρίαν οὑ̓ γὰρ παρετετάχει Δομίτιοσ, ἡγούμενοσ οὐ δεήσεσθαι διὰ τὸν ποταμόν̓, μέχρι τοῦ Ῥωμαίων χάρακοσ ἦλθεν. ἐπεὶ δὲ αὐτὸν ὅ τε χιλίαρχοσ ὁ τοῦ χάρακοσ φύλαξ, ἀκμῆσι τοῖσ φύλαξιν ὑπαντιάσασ, ἐπέσχε τῆσ ὁρμῆσ καὶ οἱ φεύγοντεσ τοῖσ ἀναμιχθεῖσι θαρροῦντεσ ἐπεστρέφοντο, ἐπανῄει σοβαρὸσ ὁ Ἀντίοχοσ ὡσ ἐπὶ νίκῃ, οὐδενὸσ τῶν ἐπὶ θάτερα πεπυσμένοσ. Ἄτταλοσ δ’ αὐτόν, ὁ Εὐμένουσ ἀδελφόσ, ἱππεῦσι πολλοῖσ ὑπαντιάζει. καὶ τούσδε μὲν εὐμαρῶσ ὁ Ἀντίοχοσ διακόψασ διέδραμε, καὶ παρατρεχόντων ἔτι καὶ μικρὰ λυπούντων οὐκ ἐφρόντιζεν· ὡσ δὲ κατεῖδε τὴν ἧτταν καὶ τὸ πεδίον ἅπαν νεκρῶν ἰδίων πλῆρεσ, ἀνδρῶν τε καὶ ἵππων καὶ ἐλεφάντων, τό τε στρατόπεδον εἰλημμένον ἤδη κατὰ κράτοσ, τότε δὴ καὶ ὁ Ἀντίοχοσ ἔφυγεν ἀμεταστρεπτί, καὶ μέχρι μέσων νυκτῶν ἐσ Σάρδεισ παρῆλθεν. παρῆλθε δὲ καὶ ἀπὸ Σάρδεων ἐσ Κελαινάσ, ἣν Ἀπάμειαν καλοῦσιν, οἷ τὸν υἱὸν ἐπυνθάνετο συμφυγεῖν. τῆσ δ’ ἐπιούσησ ἐσ Συρίαν ἐκ Κελαινῶν ἀνεζεύγνυ, τοὺσ στρατηγοὺσ ἐν Κελαιναῖσ καταλιπὼν ὑποδέχεσθαί τε καὶ ἀθροίζειν τοὺσ διαφυγόντασ. περι τε καταλύσεωσ τοῦ πολέμου πρέσβεισ ἔπεμπε πρὸσ τὸν ὕπατον. ὁ δὲ τὰ οἰκεῖα ἔθαπτε, καὶ ἐσκύλευε τοὺσ πολεμίουσ, καὶ τὰ αἰχμάλωτα συνῆγεν. ἐφάνησαν δὲ νεκροὶ Ῥωμαίων μὲν τῶν ἐξ ἄστεοσ ἱππεῖσ εἴκοσι καὶ τέσσαρεσ καὶ πεζοὶ τριακόσιοι μάλιστα, οὓσ ὁ Ἀντίοχοσ ἔκτεινεν, Εὐμένουσ δὲ πεντεκαίδεκα ἱππεῖσ μόνοι. Ἀντιόχου δέ, σὺν τοῖσ αἰχμαλώτοισ εἰκάζοντο ἀπολέσθαι περὶ πεντακισμυρίουσ· οὐ γὰρ εὐμαρὲσ ἦν ἀριθμῆσαι διὰ τὸ πλῆθοσ. καὶ τῶν ἐλεφάντων οἱ μὲν ἀνῄρηντο, πεντεκαίδεκα δ’ αἰχμάλωτοι ἐγεγένητο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 6

(아피아노스, The Foreign Wars, chapter 6)

상위

목록

SEARCH

MENU NAVIGATION