헬라어 문장 검색 - Αππιαν́ΤηεΦορέ70́

(아피아노스, The Foreign Wars, chapter 2)

Ὁ μὲν δὴ τοιοῖσδε λογισμοῖσ τοὺσ γάμουσ ἀπεώσατο, ὁ δ’ Ἀντίοχοσ αὖθισ ἐφ’ Ἑλλησπόντου κατῄει, καὶ περιπλεύσασ ἐσ Χερρόνησον πολλὰ καὶ τότε τῆσ Θρᾴκησ ὑπήγετό τε καὶ κατεστρέφετο. Ἕλληνασ δ’, ὅσοι τοῖσ Θρᾳξὶν ὑπήκουον, ἠλευθέρου, καὶ Βυζαντίοισ ἐχαρίζετο πολλὰ ὡσ ἐπίκαιρον ἐπὶ τοῦ στόματοσ πόλιν ἔχουσιν. Γαλάτασ τε δώροισ καὶ καταπλήξει τῆσ παρασκευῆσ ἐσ συμμαχίαν ὑπήγετο, ἀξιομάχουσ ἡγούμενοσ ἔσεσθαί οἱ διὰ τὰ μεγέθη τῶν σωμάτων. μετὰ δὲ τοῦτο ἐσ Ἔφεσον κατῇρε, καὶ πρέσβεισ ἐσ Ῥώμην ἔπεμπε Λυσίαν τε καὶ Ἡγησιάνακτα καὶ Μένιππον, οἳ τῷ μὲν ἔργῳ τῆσ βουλῆσ ἀποπειράσειν ἔμελλον, τῷ λόγῳ δ’ ὁ Μένιπποσ ἔφη τὸν βασιλέα περὶ τὴν Ῥωμαίων φιλίαν ἐσπουδακότα, καὶ βουλόμενον αὐτοῖσ εἶναι καὶ σύμμαχον ἂν ἀξιῶσι, θαυμάζειν ὅτι κελεύουσι τῶν ἐν Ιὠνίᾳ πόλεων ἀφίστασθαι, καὶ φόρουσ τισὶν ἀφιέναι, καὶ τῆσ Ἀσίασ ἔνια μὴ πολυπραγμονεῖν, καὶ Θρᾴκην ἐᾶν ἀεὶ τῶν προγόνων αὐτοῦ γενομένην· ἅπερ οὐ τοῖσ φίλοισ ἀλλὰ τοῖσ ἡττημένοισ τοὺσ κεκρατηκότασ ἐπικελεύειν. οἱ δὲ τῆσ πρεσβείασ συνιέντεσ ἐπὶ διαπείρᾳ σφῶν ἀφιγμένησ, διὰ βραχέοσ ἀπεκρίναντο αὐτοῖσ, ἐὰν Ἀντίοχοσ αὐτονόμουσ τοὺσ Ἕλληνασ ἐᾷ τοὺσ ἐν Ἀσίᾳ καὶ τῆσ Εὐρώπησ ἀπέχηται, Ῥωμαίοισ αὐτὸν ἔσεσθαι φίλον, ἂν ἐθέλῃ. Τοσάδε μὲν ἀπεκρίναντο Ῥωμαῖοι, καὶ τὰσ αἰτίασ ταῖσ ἀποκρίσεσιν οὐκ ἐπέθεσαν·

ὁ δ’ Ἀντίοχοσ ἐσ πρώτην ἐπινοῶν τὴν Ἑλλάδα ἐσβαλεῖν, κἀκεῖθεν ἄρξασθαι τοῦ πρὸσ Ῥωμαίουσ πολέμου, ὑπετίθετο τὴν γνώμην τῷ Καρχηδονίῳ Ἀννίβᾳ· ὁ δ’ ἔφη τὴν μὲν Ἑλλάδα ἐκ πολλοῦ τετρυμένην ἔργον εὐχείρωτον εἶναι, τοὺσ δὲ πολέμουσ ἅπασι χαλεποὺσ μὲν οἴκοι διὰ λιμὸν τὸν ἐπιγιγνόμενον, ἔξω δὲ κουφοτέρουσ· καὶ τὰ Ῥωμαίων οὔ ποτε Ἀντίοχον ἐν τῇ Ἑλλάδι καθαιρήσειν, ἀγορᾶσ τε οἰκείασ καὶ παρασκευῆσ ἱκανῆσ εὐπορούντων. ἐκέλευεν οὖν τι προλαβεῖν τῆσ Ἰταλίασ καὶ πολεμεῖν ἐκεῖθεν ὁρμώμενον, ἵνα Ῥωμαίοισ ἀσθενέστερα ᾖ καὶ τὰ οἴκοι καὶ τὰ ἔξω. "ἔχω δ’ ἐμπείρωσ," ἔφη, "τῆσ Ἰταλίασ, καὶ μυρίοισ ἀνδράσι δύναμαι καταλαβεῖν αὐτῆσ τὰ ἐπίκαιρα, ἔσ τε Καρχηδόνα τοῖσ φίλοισ ἐπιστεῖλαι τὸν δῆμον ἐσ ἀπόστασιν ἐγεῖραι, δυσφοροῦντα τέωσ ἐφ’ ἑαυτοῦ καὶ πρὸσ Ῥωμαίουσ ἀπίστωσ ἔχοντα, τόλμησ τε καὶ ἐλπίδοσ ἐμπλησόμενον, εἰ πύθοιντό με πορθοῦντᾳ τὴν Ἰταλίαν αὖθισ. " ὁ δ’ ἄσμενοσ ἀκούσασ τοῦ λόγου, καὶ μέγα, ὥσπερ ἦν, ἐσ τὸν πόλεμον ἡγούμενοσ Καρχηδόνα προσλαβεῖν, αὐτίκα αὐτὸν ἐπιστέλλειν τοῖσ φίλοισ ἐκέλευεν. Ὁ δὲ οὐκ ἐπέστειλε μέν οὑ̓ γὰρ ἀσφαλὲσ ἡγεῖτό πω, Ῥωμαίων τε πάντ’ ἀνερευνωμένων, καὶ τοῦ πολέμου μή πω φανεροῦ γεγονότοσ, καὶ πολλῶν οἱ διαφερομένων ἐν Καρχηδόνι, καὶ τῆσ πολιτείασ οὐδὲν βέβαιον οὐδ’ εὐσταθὲσ ἐχούσησ, ἃ καὶ μετ’ ὀλίγον ἀνέτρεψε τὴν Καρχηδόνἀ, Ἀρίστωνα δ’ ἔμπορον Τύριον ἐπὶ προφάσει τῆσ ἐμπορίασ ἔπεμπε πρὸσ τοὺσ φίλουσ, ἀξιῶν, ὅταν αὐτὸσ ἐσ τὴν Ἰταλίαν ἐμβάλῃ, τότε ἐκείνουσ τὴν Καρχηδόνα ἐσ ἄμυναν ὧν ἐπεπόνθεσαν ἐγείρειν.

καὶ ὁ μὲν Ἀρίστον οὕτωσ ἔπραξεν, οἱ δὲ τοῦ Ἀννίβου ἐχθροί, αἰσθόμενοι τῆσ Ἀρίστωνοσ ἐπιδημίασ, ἐθορύβουν ὡσ ἐπὶ νεωτέροισ ἔργοισ, καὶ τὸν Ἀρίστωνα ἐζήτουν περιιόντεσ. ὁ δέ, ἵνα τὴν διαβολὴν μὴ ἐξαίρετον ἔχοιεν οἱ Ἀννίβου φίλοι, προύθηκε νυκτὸσ λαθὼν γράμματα πρὸ τοῦ βουλευτηρίου, ὅτι πάντασ ὁ Ἀννίβασ τοὺσ βουλευτὰσ παρακαλοίη τῇ πατρίδι συνάρασθαι μετ’ Ἀντιόχου. καὶ τοῦτο πράξασ ἀπέπλευσεν. ἅμα δ’ ἡμέρᾳ τὸ μὲν δέοσ ἐξῄρητο τῶν Ἀννίβου φίλων ἐκ τῆσ Ἀρίστωνοσ ἐπινοίασ, ὡσ πρὸσ ἅπασαν τὴν γερουσίαν ἀπεσταλμένου, ἡ δὲ πόλισ ἐπεπλήρωτο θορύβου ποικίλου, δυσμενῶσ μὲν ἔχουσα Ῥωμαίοισ, λήσεσθαι δ’ οὐ προσδοκῶσα. Καὶ τὰ μὲν Καρχηδονίων ὧδε εἶχε, Ῥωμαίων δὲ πρέσβεισ, ἕτεροί τε καὶ Σκιπίων ὁ Καρχηδονίουσ ἀφελόμενοσ τὴν ἡγεμονίαν, ἐσ ὁμοίαν πεμφθέντεσ Ἀντιόχου τῆσ τε γνώμησ ἀπόπειραν καὶ τῆσ παρασκευῆσ κατάσκεψιν, ἐπεὶ τὸν βασιλέα ηὑρ͂ον οἰχόμενον ἐσ Πισίδασ, ἐν Ἐφέσῳ περιέμενον, ἔνθα συνῄεσαν θαμινὰ ἐσ λόγουσ τῷ Ἀννίβᾳ, Καρχηδόνοσ τε σφίσιν ἔτι οὔσησ ἐνσπόνδου καὶ οὔπω φανερῶσ Ἀντιόχου πολεμίου, καταμεμφόμενοι τὸν Ἀννίβαν ὅτι τὴν πατρίδα φύγοι, Ῥωμαίων οὐδὲν οὔτε ἐσ αὐτὸν οὔτε ἐσ τοὺσ ἄλλουσ Καρχηδονίουσ ἐπὶ ταῖσ συνθήκαισ ἁμαρτόντων.

ἔπρασσον δὲ ταῦθ’, ὕποπτον ἐργαζόμενοι γενέσθαι τῷ βασιλεῖ τὸν Ἀννίβαν ἐκ τῆσ συνεχοῦσ σφῶν ὁμιλίασ τε καὶ συνόδου. καὶ τοῦθ’ ὁ μὲν στρατηγικώτατοσ Ἀννίβασ οὐχ ὑπενόησεν, ὁ δὲ βασιλεὺσ πυθόμενοσ ὑπώπτευσε, καὶ ἀμβλύτεροσ ἦν τἀπὸ τοῦδε πιστεύειν ἔτι τῷ Ἀννίβᾳ· καὶ γάρ τι καὶ ζήλου προὐπῆν ἐσ αὐτὸν ἤδη καὶ φθόνου, μὴ τῶν γιγνομένων τὸν ἔπαινον Ἀννίβασ ἀποφέροιτο. Λέγεται δ’ ἐν ταῖσδε ταῖσ διατριβαῖσ ἐν τῷ γυμνασίῳ λεσχηνεῦσαί ποτε πρὸσ ἀλλήλουσ Σκιπίωνα καὶ Ἀννίβαν περὶ στρατηγίασ πολλῶν ἐφεστώτων, καὶ τοῦ Σκιπίωνοσ ἐρομένου τίσ δοκοίη οἱ στρατηγὸσ ἄριστοσ γενέσθαι, τὸν Ἀννίβαν εἰπεῖν, "ὁ Μακεδὼν Ἀλέξανδροσ.

οὕτω μὲν ὁ Ἀννίβασ ἐπέμεινέ τε τῇ σεμνολογίᾳ, καὶ τὸν Σκιπίωνα λαθὼν ἐθεράπευσεν ὡσ καθελόντα τὸν ἀμεινονα Ἀλεξάνδρου· " Σκιπίωνα δ’ ἡσυχάσαι μὲν ἐπὶ τῷδ’, ἐξιστάμενον ἄρα Ἀλεξανδρῳ, ἐπανερέσθαι δὲ τίσ εἰή δεύτεροσ μετ’ Ἀλέξανδρον. καὶ τὸν φάναι, "Πύρροσ ὁ Ἠπειρώτησ," τὴν ἀρετὴν ἄρα τὴν στρατηγικὴν ἐν τόλμῃ τιθέμενον· οὐ γὰρ ἔστιν εὑρεῖν μεγαλοτολμοτέρουσ τῶνδε τῶν βασιλέων. δακνόμενον δ’ ἤδη τὸν Σκιπίωνα ὅμωσ ἐπανερέσθαι ἔτι τίνι διδοίη τὰ τρίτα, ταχὺ γοῦν ἐλπίζοντα ἕξειν τὰ τρίτα. τὸν δέ, "ἐμαυτῷ," φάναι· "νέοσ γὰρ ὢν ἔτι Ἰβηρίασ τε ἐκράτησα, καὶ στρατῷ τὰ Ἄλπεια ὄρη μεθ’ Ἡρακλέα πρῶτοσ ὑπερῆλθον, ἔσ τε τὴν Ἰταλίαν, ὑμῶν οὐδενόσ πω θαρροῦντοσ, ἐμβαλὼν τετρακόσια ἀνέστησα ἄστη, καὶ περὶ τῇ πόλει τὸν ἀγῶνα πολλάκισ ὑμῖν ἐπέστησα, οὔτε μοι χρημάτων οὔτε στρατιᾶσ ἐπιπεμπομένησ ἐκ Καρχηδόνοσ. " ὡσ δὲ αὐτὸν ὁ Σκιπίων εἶδεν ἀπομηκύνοντα τὴν σεμνολογίαν, ἔφη γελάσασ, "ποῦ δ’ ἂν ἑαυτὸν ἔταττεσ, ὦ Ἀννίβα, μὴ νενικημένοσ ὑπ’ ἐμοῦ; τὸν δέ φασιν, αἰσθανόμενον ἤδη τῆσ ζηλοτυπίασ, εἰπεῖν ὅτι ἔγωγε ἔταξα ἂν ἐμαυτὸν πρὸ Ἀλεξάνδρου. Διαλυομένησ δὲ τῆσ συνόδου Σκιπίωνα μὲν ὁ Ἀννίβασ ἐπὶ ξένια ἐκάλει, Σκιπίων δὲ ἐλθεῖν ἂν ἔφη μάλα προθύμωσ, εἰ μὴ συνῆσθα νῦν Ἀντιόχῳ πρὸσ Ῥωμαίουσ ὑπόπτωσ ἔχοντι.

ὧδε μὲν ἐκεῖνοι, τῆσ στρατηγίασ ἀξίωσ, τὴν ἔχθραν ὡρίζοντο τοῖσ πολέμοισ, Φλαμινῖνοσ δ’ ἀνομοίωσ. ἡττηθέντοσ γὰρ ὕστερον Ἀντιόχου φεύγοντα τὸν Ἀννίβαν καὶ ἀλώμενον περὶ Βιθυνίαν, πρεσβεύων, ἐφ’ ἕτερα πρὸσ Προυσίαν, οὔτε τι πρὸσ τοῦ Ἀννίβου προπαθών, οὔτε Ῥωμαίων ἐντειλαμένων, οὔτε φοβερὸν ἔτι αὐτοῖσ γενέσθαι δυνάμενον Καρχηδόνοσ κατεστραμμένησ, ἔκτεινε διὰ τοῦ Προυσίου φαρμάκῳ, λεγόμενον μὲν ἐσχηκέναι ποτὲ χρησμὸν ὧδε ἔχοντα "Λίβυσσα κρύψει βῶλοσ Ἀννίβου δέμασ," καὶ οἰόμενον ἐν Λιβύῃ τεθνήξεσθαι, ποταμὸσ δ’ ἔστι Λίβυσσοσ ἐν τῇ Βιθυνίᾳ, καὶ πεδίον ἐκ τοῦ ποταμοῦ Λίβυσσα. καὶ τάδε μὲν ἐσ ὑπόμνημα τῆσ Ἀννίβου καὶ Σκιπίωνοσ μεγαλονοίασ καὶ Φλαμινίνου σμικρότητοσ παρεθέμην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 2

(아피아노스, The Foreign Wars, chapter 2)

상위

목록

SEARCH

MENU NAVIGATION