헬라어 문장 검색 - Αππιαν́ΤηεΦορέ52́

(아피아노스, The Foreign Wars, chapter 14)

Ἦν δὲ ἡ πόλισ ἐν μυχῷ κόλπου μεγίστου, χερρονήσῳ τι μάλιστα προσεοικυῖα. αὐχὴν γὰρ αὐτὴν ἀπὸ τῆσ ἠπείρου διεῖργεν, εὖροσ ὢν πέντε καὶ εἴκοσι σταδίων· ἀπὸ δὲ τοῦ αὐχένοσ ταινία στενὴ καὶ ἐπιμήκησ, ἡμισταδίου μάλιστα τὸ πλάτοσ, ἐπὶ δυσμὰσ ἐχώρει, μέση λίμνησ τε καὶ τῆσ θαλάσσησ . . . ἁπλῷ τείχει περίκρημνα ὄντα, τὰ δὲ πρὸσ μεσημβρίαν ἐσ ἤπειρον, ἔνθα καὶ ἡ Βύρσα ἦν ἐπὶ τοῦ αὐχένοσ, τριπλῷ τείχει. τούτων δ’ ἕκαστον ἦν ὕψοσ μὲν πηχῶν τριάκοντα, χωρὶσ ἐπάλξεών τε καὶ πύργων, οἳ ἐκ διπλέθρου διαστήματοσ αὐτοῖσ τετρώροφοι περιέκειντο, βάθοσ δὲ ποδῶν τριάκοντα, διώροφον δ’ ἦν ἑκάστου τείχουσ τὸ ὕψοσ, καὶ ἐν αὐτῷ κοίλῳ τε ὄντι καὶ στεγανῷ κάτω μὲν ἐστάθμευον ἐλέφαντεσ τριακόσιοι, καὶ θησαυροὶ παρέκειντο αὐτοῖσ τῶν τροφῶν, ἱπποστάσια δ’ ὑπὲρ αὐτοὺσ ἦν τετρακισχιλίοισ ἵπποισ, καὶ ταμιεῖα χιλοῦ τε καὶ κριθῆσ, ἀνδράσι τε καταγωγαὶ πεζοῖσ μὲν ἐσ δισμυρίουσ, ἱππεῦσι δὲ ἐσ τετρακισχιλίουσ. τοσήδε παρασκευὴ πολέμου διετέτακτο σταθμεύειν ἐν τοῖσ τείχεσι μόνοισ. γωνία δ’ ἣ παρὰ τὴν γλῶσσαν ἐκ τοῦδε τοῦ τείχουσ ἐπὶ τοὺσ λιμένασ περιέκαμπτεν, ἀσθενὴσ ἦν μόνη καὶ ταπεινή, καὶ ἠμέλητο ἐξ ἀρχῆσ. Οἱ δὲ λιμένεσ ἐσ ἀλλήλουσ διεπλέοντο, καὶ ἔσπλουσ ἐκ πελάγουσ ἐσ αὐτοὺσ ἦν ἐσ εὖροσ ποδῶν ἑβδομήκοντα, ὃν ἁλύσεσιν ἀπέκλειον σιδηραῖσ.

ὁ μὲν δὴ πρῶτοσ ἐμπόροισ ἀνεῖτο, καὶ πείσματα ἦν ἐν αὐτῷ πυκνὰ καὶ ποικίλα· τοῦ δ’ ἐντὸσ ἐν μέσῳ νῆσοσ ἦν, καὶ κρηπῖσι μεγάλαισ ἥ τε νῆσοσ καὶ ὁ λιμὴν διείληπτο. νεωρίων τε ἔγεμον αἱ κρηπῖδεσ αἵδε ἐσ ναῦσ διακοσίασ καὶ εἴκοσι πεποιημένων, καὶ ταμιείων ἐπὶ τοῖσ νεωρίοισ ἐσ τριηρετικὰ σκεύη. κίονεσ δ’ ἑκάστου νεωσοίκου προῦχον Ιὠνικοὶ δύο, ἐσ εἰκόνα στοᾶσ τὴν ὄψιν τοῦ τε λιμένοσ καὶ τῆσ νήσου περιφέροντεσ. ἐπὶ δὲ τῆσ νήσου σκηνὴ ἐπεποίητο τῷ ναυάρχῳ, ὅθεν ἔδει καὶ τὸν σαλπικτὴν σημαίνειν, καὶ τὸν κήρυκα προλέγειν, καὶ τὸν ναύαρχον ἐφορᾶν. ἔκειτο δ’ ἡ νῆσοσ κατὰ τὸν ἔσπλουν, καὶ ἀνετέτατο ἰσχυρῶσ, ἵνα ὅ τε ναύαρχοσ τὰ ἐκ πελάγουσ πάντα ἐφορᾷ, καὶ τοῖσ ἐπιπλέουσιν ἀφανὴσ ἡ τῶν ἔνδον ᾖ ὄψισ ἡ ἀκριβήσ. οὐ μὴν οὐδὲ τοῖσ ἐσπλεύσασιν ἐμπόροισ εὐθὺσ ἦν τὰ νεώρια σύνοπτα· τεῖχόσ τε γὰρ αὐτοῖσ διπλοῦν περιέκειτο, καὶ πύλαι, αἳ τοὺσ ἐμπόρουσ ἀπὸ τοῦ πρώτου λιμένοσ ἐσ τὴν πόλιν ἐσέφερον οὐ διερχομένουσ τὰ νεώρια. Οὕτω μὲν εἶχεν ἡ πόλισ ἡ Καρχηδονίων ἡ τότε, οἱ δ’ ὕπατοι διελόμενοι τὸ ἔργον ᾔεσαν ἐπὶ τοὺσ πολεμίουσ, Μανίλιοσ μὲν ἀπὸ τῆσ ἠπείρου κατὰ τὸν αὐχένα, ἐγχώσων τε τὴν τάφρον καὶ βραχὺ ἐπιτείχισμα τὸ ἐπ’ αὐτῇ βιασόμενοσ, καὶ ἐπ’ ἐκείνῳ τὰ ὑψηλὰ τείχη·

Μανίλιοσ μὲν οὖν μικρὸν ἔτι προσκαμὼν καὶ μόλισ τι τοῦ προτειχίσματοσ καταβαλών, ἀπέγνω μηδὲ ἐπιχειρεῖν ἔτι ταύτῃ· Κηνσωρῖνοσ δὲ κλίμακασ ἔκ τε γῆσ καὶ νεῶν ἐπέφερε κατὰ τὴν εὐτελῆ τοῦ τείχουσ γωνίαν. ἄμφω δ’ ὡσ ἀνόπλων κατεφρόνουν, ἑώσ ἐντυχόντεσ ὅπλοισ τε καινοῖσ καὶ ἀνδρῶν προθυμίᾳ παραλόγῳ κατεπλάγησαν καὶ ὑπεχώρουν. καὶ εὐθὺσ αὐτοῖσ τοῦτο πρῶτον ἀντεκεκρούκει, ἐλπίσασιν ἀμαχὶ λήψεσθαι τὴν πόλιν. ὡσ δὲ καὶ αὖθισ ἐπεχείρουν καὶ αὖθισ ἀπετύγχανον, τὰ μὲν τῶν Καρχηδονίων φρονήματα ἐπῇρτο, οἱ δ’ ὕπατοι δεδιότεσ Ἀσδρούβαν ὄπισθεν σφῶν ὑπὲρ τὴν λίμνην οὐκ ἐκ μακροῦ διαστήματοσ ἐστρατοπεδευμένον, ὠχύρουν καὶ αὐτοὶ δύο στρατόπεδα, Κηνσωρῖνοσ μὲν ἐπὶ τῆσ λίμνησ ὑπὸ τοῖσ τείχεσι τῶν πολεμίων, Μανίλιοσ δ’ ἐν τῷ αὐχένι τῆσ ἐσ τὴν ἤπειρον ὁδοῦ. ὡσ δὲ αὐτοῖσ ἐγήγερτο τὰ στρατόπεδα, ὁ Κηνσωρῖνοσ ἐπὶ ὕλῃ ἐσ μηχανὰσ διέπλευσε διὰ τῆσ λίμνησ· καὶ ἀπέβαλεν ὑλοτόμων ἐσ πεντακοσίουσ ἄνδρασ ὅπλα τε πολλά, Ἱμίλκωνοσ αἰφνίδιον αὐτῷ, τοῦ Καρχηδονίων ἱππάρχου, προσπεσόντοσ, ᾧ Φαμέασ ἐπώνυμον ἦν. κομίσασ δ’ ὅμωσ τινὰ ὕλην, μηχανὰσ ἐποίησε καὶ κλίμακασ. καὶ πάλιν ἐπεχείρουν ἄμφω τῇ πόλει, καὶ ἀπετύγχανον ὁμοίωσ. Κηνσωρῖνοσ δὲ χώσασ τι τῆσ λίμνησ παρὰ τὴν ταινίαν, ἵνα εὐρύτερον εἰή, δύο μηχανὰσ κριοφόρουσ ἐπῆγε μεγάλασ, τὴν μὲν ὠθουμένην ἑξακισχιλίοισ πεζοῖσ, ἡγουμένων τῶν χιλιάρχων, τὴν δὲ ὑπὸ τῶν ἐρετῶν, ἡγουμένων καὶ τοῖσδε ναυάρχων.

φιλονεικίασ δ’, ὡσ ἐν ἴσῳ καὶ ὁμοιῳ ἔργῳ, τοῖσ τε ὑπηρέταισ καὶ τοῖσ ἄρχουσιν αὐτῶν γενομένησ, συνέπεσέ τι τοῦ τείχουσ, καὶ τὰ ἐντὸσ ἤδη κατεφαίνετο. Καρχηδόνιοι δὲ καὶ ὣσ αὐτοὺσ ἀπωσάμενοι, τὰ πεσόντα νυκτὸσ ᾠκοδόμουν. οὐκ ἀρκούσησ δ’ ἐσ τὸ ἔργον αὐτοῖσ τῆσ νυκτόσ, δεδιότεσ περὶ τῷ ἤδη γεγονότι, μὴ καὶ τοῦτο μεθ’ ἡμέραν αἱ Ῥωμαίων μηχαναὶ νεότευκτον καὶ ὑγρὸν ἔτι καταβάλοιεν, ἐξέδραμον ἐπὶ τὰ μηχανήματα τῶν πολεμίων, οἱ μὲν σὺν ὅπλοισ, οἱ δὲ γυμνοὶ λαμπάδασ ἡμμένασ ἔχοντεσ, καὶ ἐνέπρησαν μὲν οὐχ ὅλα οὑ̓ γὰρ ἔφθασαν Ῥωμαίων ἐπιδραμόντων̓, ἀχρεῖα δ’ ὅλα ποιήσαντεσ ἀνεχώρουν. ἅμα δ’ ἡμέρᾳ Ῥωμαίοισ ἐπέπεσεν ὁρμὴ διὰ τοῦ πεσόντοσ οὔπω τελέωσ ἐγηγερμένου βιάσασθαι καὶ ἐσδραμεῖν· καὶ γάρ τι πεδίον ἐντὸσ ἐφαίνετο εὐφυὲσ ἐσ μάχην, ἐν ᾧ τοὺσ ἐνόπλουσ ἔστησαν οἱ Καρχηδόνιοι κατὰ μετώπου, τοὺσ δ’ ἀνόπλουσ αὐτοῖσ ἐπέταξαν σὺν λίθοισ ὀπίσω καὶ ξύλοισ, ἑτέρουσ τε πολλοὺσ διαθέντεσ ἐπὶ τῶν περικειμένων οἰκιῶν ἀνέμενον τοὺσ ἐπερχομένουσ ἐσδραμεῖν. οἱ δ’ ἔτι μᾶλλον ἠρεθίζοντο ὡσ ὑπὸ γυμνῶν ἀνδρῶν καταφρονούμενοι, καὶ θρασέωσ ἐπεπήδων. Σκιπίων δέ, ὃσ μετ’ ὀλίγον εἷλε Καρχηδόνα καὶ παρὰ τοῦτο Ἀφρικανὸσ ἐπεκλήθη, χιλιαρχῶν τότε ὤκνει, καὶ τοὺσ ἑαυτοῦ λόχουσ ἐσ πολλὰ διελών, καὶ στήσασ ἐκ διαστήματοσ ἐπὶ τοῦ τειχίου, κατιέναι μὲν ἐσ τὴν πόλιν οὐκ εἰά, τοὺσ δὲ ἐσελθόντασ ἐξωθουμένουσ ὑπὸ τῶν Καρχηδονίων πάντοθεν αὐτοῖσ ἐπιπεσόντων ὑπεδέχετο καὶ περιέσωζεν. καὶ τοῦτο πρῶτον αὐτὸν ἐπὶ δόξησ ἐποίησεν, εὐβουλότερον τοῦ στρατηγοῦ φανέντα. Κυνὸσ δ’ ἦν ἐπιτολή, καὶ τὸ Κηνσωρίνου στρατόπεδον ἐνόσει, σταθμεῦον ἐπὶ λίμνῃ σταθεροῦ καὶ βαρέοσ ὕδατοσ καὶ ὑπὸ τείχεσι μεγίστοισ, οὐ καταπνεόμενον ἐκ τῆσ θαλάσσησ.

καὶ δεύτερον ὁ Σκιπίων ἐδόκει τῷδε τῷ ἔργῳ περισῶσαι Ῥωμαίουσ, ἐν νυκτὶ θορυβουμένουσ. ὅθεν ὁ Κηνσωρῖνοσ ἐσ τὴν θάλασσαν ἀπὸ τῆσ λίμνησ μετεστρατοπέδευσεν. καὶ οἱ Καρχηδόνιοι, ὅτε γίγνοιτο πνεῦμα ἐσ τοὺσ Ῥωμαίουσ ἐπίφορον, σκάφασ φρυγάνων καὶ στυππίου εἷλκον ὑπὸ τοῖσ τείχεσιν, οὐ καθορώμενοι τοῖσ πολεμίοισ, ἀπὸ κάλων· εἰ δὲ ἐπικάμπτοντεσ ἔμελλον γενήσεσθαι καταφανεῖσ, θεῖον αὐταῖσ καὶ πίσσαν ἐπιχέοντεσ ἀνέτεινον τὰ ἱστία, καὶ πλήσαντεσ ἀνέμου πῦρ ἐνέβαλον ἐσ τὰ σκάφη. τὰ δὲ τῷ τε ἀνέμῳ καὶ τῇ ῥοπῇ τοῦ πυρὸσ ἐσ τὰσ Ῥωμαίων ναῦσ ἐωθεῖτο καὶ ἐλυμαίνετο καὶ ὀλίγου τὸν στόλον κατέφλεξεν. μετὰ δὲ οὐ πολὺ Κηνσωρῖνοσ μὲν ἐσ Ῥώμην ᾤχετο ἀρχαιρεσιάσων, οἱ δὲ Καρχηδόνιοι τῷ Μανιλίῳ θρασύτερον ἐπέκειντο· καὶ νυκτόσ, οἱ μὲν ὅπλα ἔχοντεσ οἱ δὲ γυμνοί, σανίδασ φέροντεσ ἐπετίθεσαν τῇ κατὰ σφᾶσ τάφρῳ τοῦ Μανιλίου, καὶ τὸ χαράκωμα διέσπων. ἀπορουμένων δὲ ὡσ ἐν νυκτὶ τῶν ἔνδον, ὁ Σκιπίων ἐξέδραμε σὺν ἱππεῦσιν ἐκ τοῦ στρατοπέδου κατὰ πύλασ ἄλλασ, ἔνθα οὐδεὶσ πόλεμοσ, καὶ περιδραμὼν τοὺσ Καρχηδονίουσ κατεφόβησεν. οἱ δὲ ἀνεχώρουν ἐσ τὴν πόλιν. Ὁ δὲ Μανίλιοσ τὸ μὲν στρατόπεδον ἔτι μᾶλλον ὠχύρου, τεῖχόσ τε ἀντὶ χάρακοσ αὐτῷ περιτιθεὶσ καὶ ἐπίνειον φρούριον ἐγείρων ἐπὶ τῆσ θαλάσσησ διὰ τὴν καταπλέουσαν ἀγοράν·

τραπεὶσ δ’ ἐσ τὰ μεσόγεια μυρίοισ πεζοῖσ καὶ ἱππεῦσι δισχιλίοισ τὴν χώραν ἐπόρθει, ξυλευόμενόσ τε καὶ χορτολογῶν καὶ ἀγορὰν συλλέγων. ἡγεῖτο δ’ ἀεὶ τῶν προνομευόντων χιλίαρχοσ ἕτεροσ παρ’ ἕτερον. καὶ Φαμέασ ὁ ἵππαρχοσ ὁ τῶν Λιβύων, νέοσ τε ὢν ἔτι καὶ θρασύτεροσ ἐσ μάχασ, καὶ ἵπποισ χρώμενοσ μικροῖσ καὶ ταχέσι, καὶ ποηφαγοῦσιν ὅτε μηδὲν εἰή, καὶ φέρουσι δίψοσ, εἰ δεήσειε, καὶ λιμόν, ὑποκρυπτόμενοσ ἐν λόχμαισ ἢ φάραγξιν, ὅπῃ τι ἀμελούμενον ἴδοι, ἐφίπτατο ἐξ ἀφανοῦσ ὥσ τισ ἀετόσ, καὶ λυμηνάμενοσ ἀπεπήδα· ὅτε δὲ Σκιπίων ἄρχοι, οὐδαμοῦ οὐδ’ ἐπεφαίνετο. ὁ γάρ τοι Σκιπίων ἀεὶ συντεταγμένουσ ἦγε τοὺσ πεζούσ, καὶ τοὺσ ἱππέασ τῶν ἵππων ἐπιβεβηκότασ· ἔν τε ταῖσ προνομαῖσ οὐ πρὶν διέλυε τὴν σύνταξιν ἢ τὸ πεδίον, ὃ ἔμελλε θεριεῖν, ἱππεῦσι καὶ ὁπλίταισ περιλάβοι· καὶ τότε κύκλῳ αὐτὸσ ἑτέραισ ἴλαισ ἱππέων ἀεὶ περιῄει, καὶ τῶν θεριζόντων τὸν ἀποσκιδνάμενον ἢ ἐξιόντα τοῦ κύκλου πικρῶσ ἐκόλαζεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 14

(아피아노스, The Foreign Wars, chapter 14)

상위

목록

SEARCH

MENU NAVIGATION