헬라어 문장 검색 - Αππιαν́ΤηεΦορέ32́

(아피아노스, The Foreign Wars, chapter 4)

Αννίβου δ’, ἐπεὶ τῆσ πείρασ ἐξέπιπτεν, αὐτίκα ἐσ τὸ στρατόπεδον ἐπανελθόντοσ καὶ τὴν ὑπόκρισιν ἐκφήναντοσ, οὐδὲ τοῦτ’ ἐδίδασκε τὸν Τερέντιον πάνθ’ ὑπονοεῖν τὰ Ἀννίβου, ἀλλ’ ὡσ εἶχεν, ἐν τοῖσ ὅπλοισ ἐσ τὸ στρατήγιον ἐσδραμών, παρόντων ἔτι τῶν τε ἀπὸ βουλῆσ καὶ ταξιάρχων καὶ χιλιάρχων, ᾐτιᾶτο περὶ τῶν οἰωνῶν τὸν Αἰμίλιον προφασίσασθαι καὶ νίκην φανερὰν ἀφελέσθαι τὴν πόλιν, ὀκνοῦντα ὑπὸ δειλίασ, ἢ οἱ φθονοῦντα διὰ ζηλοτυπίαν. οὕτω δ’ αὐτοῦ βοῶντοσ ὑπ’ ὀργῆσ ἡ στρατιὰ περιεστῶσα τὴν σκηνὴν ἐπήκουε, καὶ τὸν Αἰμίλιον ἐβλασφήμουν. ὁ δὲ πολλὰ μὲν εἶπε τοῖσ ἔνδον συμφέροντα μάτην, Τερεντίῳ δέ, πλὴν Σερουιλίου, τῶν ἄλλων συντιθεμένων εἶξεν. καὶ τῆσ ἐπιούσησ ἐξέτασσεν αὐτὸσ ἡγούμενοσ· παρεχώρει γὰρ ὁ Τερέντιοσ. Ἀννίβασ δ’ ᾔσθετο, καὶ τότε μὲν οὐκ ἐπεξῆλθεν οὑ̓ γάρ πω πρὸσ μάχην διετέτακτὀ, τῇ δ’ ἐπιούσῃ κατέβαινον ἐσ τὸ πεδίον ἑκάτεροι, Ῥωμαῖοι μὲν ἐσ τρία τεταγμένοι, μικρὸν ἀπ’ ἀλλήλων διεστῶτεσ, καὶ μέροσ ἕκαστον αὐτῶν εἶχε τοὺσ πεζοὺσ ἐν μέσῳ, τοὺσ δὲ ψιλοὺσ καὶ ἱππέασ ἑκατέρωθεν. στρατηγοὶ δ’ ἐφειστήκεσαν τῷ μέσῳ μὲν Αἰμίλιοσ, τῷ δὲ λαιῷ Σερουίλιοσ, Τερέντιοσ δὲ τοῖσ ἐπὶ δεξιά, χιλίουσ ἀμφ’ αὑτὸν ἕκαστοσ ἔχων ἱππέασ ἐπειλεγμένουσ, ἐπικουρεῖν ὅπῃ τι πονοίη. οὕτω μὲν ἐτάξαντο Ῥωμαῖοι· ὁ δ’ Ἀννίβασ πρῶτα μέν, εἰδὼσ περὶ μεσημβρίαν εὖρον ζοφώδη τὸν χῶρον ἐξ ἔθουσ ἐπιπνέοντα, προύλαβεν ὅπῃ κατὰ νώτου τὸ πνεῦμα ἔμελλεν ἕξειν·

ἔπειτα ἐσ ὄροσ περίφυτον καὶ φαραγγῶδεσ ἱππέασ προενήδρευσε καὶ ψιλούσ, οἷσ εἴρητο, ὅταν αἱ φάλαγγεσ ἔργων ἔχωνται καὶ τὸ πνεῦμα ἐπίῃ, κατόπιν γίγνεσθαι τῶν πολεμίων. ἄνδρασ τε πεντακοσίουσ Κελτίβηρασ ἐπὶ τοῖσ μακροῖσ ξίφεσιν ὑπὸ τοῖσ χιτῶσιν ἄλλα ξίφη βραχύτερα περιέζωσεν, οἷσ ἔμελλεν αὐτὸσ ὅτε δέοι χρῆσθαι σημανεῖν. σύμπασαν δὲ τὴν στρατιὰν κἀκεῖνοσ ἐσ τρία διῄρει, καὶ τοὺσ ἱππέασ τοῖσ κέρασιν ἐπέτασσεν ἐκ μεγάλων διαστημάτων, εἰ δύναιντο κυκλώσασθαι τοὺσ πολεμίουσ. ἐπέστησε δὲ τῷ μὲν δεξιῷ Μάγωνα τὸν ἀδελφόν, τῷ δὲ ἑτέρῳ τὸν ἀδελφιδοῦν Ἄννωνα· τὸ δὲ μέσον αὐτὸσ εἶχε κατὰ δόξαν Αἰμιλίου τῆσ ἐμπειρίασ. δισχίλιοί τε ἱππεῖσ ἐπίλεκτοι παρέθεον αὐτῷ, καὶ Μαάρβαλ ἑτέρουσ ἔχων χιλίουσ ἐφήδρευεν ὅπῃ τι πονούμενον ἴδοι. καὶ τάδε πράσσων ἐσ δευτέραν παρέτεινεν ὡρ́αν, ἵνα τὸ πνεῦμα θᾶσσον ἐπέλθοι. Γενομένων δὲ πάντων εὐτρεπῶν ἑκατέροισ, οἱ στρατηγοὶ διέθεον παρακαλοῦντεσ αὐτούσ, καὶ ὑπεμίμνησκον οἱ μὲν γονέων τε καὶ παίδων καὶ γυναικῶν καὶ τῆσ προγεγενημένησ ἥττησ, ὡσ ἐν τῇδε τῇ μάχῃ περὶ σωτηρίασ κριθησομένουσ, ὁ δ’ Ἀννίβασ τῶν τε προγεγονότων ἐπὶ τοῖσδε τοῖσ ἀνδράσι κατορθωμάτων, καὶ ὡσ αἰσχρὸν ἡττᾶσθαι τῶν ἡττημένων.

ἐπεὶ δ’ αἵ τε σάλπιγγεσ ἤχησαν καὶ αἱ φαλάγγεσ ἐβόησαν, πρῶτον μὲν αὐτῶν οἱ τοξόται καὶ σφενδονῆται καὶ λιθοβόλοι προδραμόντεσ ἐσ τὸ μέσον ἀλλήλων κατῆρχον, μετὰ δὲ τούτουσ αἱ φάλαγγεσ ἐχώρουν ἐπὶ τὸ ἔργον, φόνοσ τε καὶ πόνοσ ἦν πολὺσ ἐκθύμωσ ἀγωνιζομένων ἑκατέρων. ἐν ᾧ σημαίνει μὲν ὁ Ἀννίβασ τοῖσ ἱππεῦσι κυκλοῦσθαι τὰ κέρατα τῶν ἐχθρῶν, οἱ δὲ τῶν Ῥωμαίων ἱππεῖσ ὀλιγώτεροι τῶν πολεμίων ὄντεσ ἀντιπαρῆγον αὐτοῖσ, καὶ τὴν τάξιν ἐκτείναντεσ ἐπὶ λεπτὸν ἠγωνίζοντο ὅμωσ ὑπὸ προθυμίασ, καὶ μάλισθ’ οἱ τὸ λαιὸν ἔχοντεσ ἐπὶ τῇ θαλάσσῃ. Ἀννίβασ δὲ καὶ Μαάρβαλ ὁμοῦ τοὺσ περὶ σφᾶσ ἐπῆγον κραυγῇ ἀπλέτῳ καὶ βαρβαρικῇ, νομίσαντεσ ἐκπλήξειν τοὺσ ἐναντίουσ. οἱ δὲ καὶ τούτουσ εὐσταθῶσ καὶ ἀκαταπλήκτωσ ὑπέμενον. Διαπιπτούσησ δὲ καὶ τῆσδε τῆσ πείρασ, ὁ Ἀννίβασ τὸ σημεῖον ἐπῆρε τοῖσ Κελτίβηρσι τοῖσ πεντακοσίοισ.

οἱ δὲ οὔτε ἐκκλίνειν αὐτὰ προορῶντεσ οὔτ’ ἀφιέναι καλῶσ δυνάμενοι, σφίσι τε αὐτοῖσ περιπταίοντεσ, ἤδη ποικίλωσ ἐθορυβοῦντο. οἱ δὲ τῆσ τάξεωσ ἐκδραμόντεσ ἐσ τοὺσ Ῥωμαίουσ μετετίθεντο, καὶ τὰσ ἀσπίδασ αὐτοῖσ καὶ τὰ δόρατα καὶ τὰ ξίφη τὰ φανερὰ ὤρεγον ὥσπερ αὐτομολοῦντεσ. καὶ ὁ Σερουίλιοσ αὐτοὺσ ἐπαινέσασ τὰ μὲν ὅπλα αὐτῶν αὐτίκα παρεῖλεν, ἐν δὲ μόνοισ, ὡσ ᾤετο, τοῖσ χιτῶσιν ἔστησεν ὀπίσω· οὐ γὰρ ἐδοκίμαζε καταδεῖν αὐτομόλουσ ἐν ὄψει πολεμίων, οὐδὲ ὑπώπτευεν ἐν χιτῶσι μόνοισ ὁρῶν, οὐδὲ καιρὸσ ἦν ἐν τοσῷδε πόνῳ. σπεῖραι δ’ ἕτεραι Λιβύων προσεποιήσαντο φεύγειν ἄχρι τῶν ὀρῶν, συναλαλάξασαι μέγα. σύμβολον δ’ ἦν ἡ βοὴ τοῖσ ἐν ταῖσ φάραγξι κεκρυμμένοισ ἀναστρέφειν ἐσ τοὺσ διώκοντασ. καὶ εὐθὺσ οἵ τε ψιλοὶ καὶ ἱππεῖσ ἐκ τῆσ ἐνέδρασ ἐξεφαίνοντο, καὶ τὸ πνεῦμα κατέβαινε πολὺ καὶ ζοφῶδεσ, ἐσ τὰσ Ῥωμαίων ὄψεισ μετὰ κονιορτοῦ φερόμενον· ὃ καὶ μάλιστα αὐτοὺσ ἐκώλυε προορᾶν τοὺσ πολεμίουσ. τά τε βέλη Ῥωμαίοισ μὲν πάντα ἀμβλύτερα διὰ τὴν ἀντιπνοιαν ἦν, τοῖσ δὲ ἐχθροῖσ ἐπιτυχῆ, τοῦ πνεύματοσ τὴν βολὴν συνωθοῦντοσ. Τότε δὴ τὸν καιρὸν ὁρῶντεσ τὸν ἐπηγγελμένον σφίσιν οἱ πεντακόσιοι, τὰ ξίφη τὰ βραχύτερα ἐκ τῶν κόλπων ἐπισπάσαντεσ πρώτουσ ἀνῄρουν ὧν ἦσαν ὀπίσω, μετὰ δ’ ἐκείνουσ, ἁρπάσαντεσ αὐτῶν τὰ ξίφη τὰ μείζω καὶ τὰσ ἀσπίδασ καὶ τὰ δόρατα, πᾶσιν ἐνέπιπτον καὶ μετεπήδων ἀφειδῶσ·

καὶ φόνον εἰργάζοντο πλεῖστον οὗτοι μάλιστα, ἅτε πάντων ὄντεσ ὀπίσω. τό τε κακὸν ἤδη πολὺ τοῖσ Ῥωμαίοισ καὶ ποικίλον ἦν, πονουμένοισ μὲν ὑπὸ τῶν ἐναντίων, κεκυκλωμένοισ δ’ ὑπὸ τῆσ ἐνέδρασ, ἀναιρουμένοισ δ’ ὑπὸ τῶν ἀναμεμιγμένων. οὐδ’ ἐπιστρέψαι πρὸσ αὐτοὺσ ἐδύναντο διὰ τοὺσ ἐπικειμένουσ σφίσιν ἐκ μετώπου· οὐδ’ ἐπεγίγνωσκον ἔτι αὐτοὺσ εὐμαρῶσ, Ῥωμαϊκὰσ ἀσπίδασ ἔχοντασ. ὑπὲρ ἅπαντα δ’ αὐτοὺσ ὁ κονιορτὸσ ἠνώχλει, καὶ οὐκ εἶχον οὐδ’ εἰκάσαι τὸ συμβαῖνον, ἀλλ’ οἱο͂ν ἐν θορύβῳ καὶ φόβῳ, πάντα πλείω νομίζοντεσ εἶναι, καὶ τὰσ ἐνέδρασ οὐ τοσαύτασ, οὐδὲ τοὺσ πεντακοσίουσ εἰδότεσ ὅτι ἦσαν πεντακόσιοι, ἀλλ’ ὅλον σφῶν τὸ στρατόπεδον ὑπὸ ἱππέων καὶ αὐτομόλων ἡγούμενοι κεκυκλῶσθαι, τραπέντεσ ἔφευγον ἀκόσμωσ, πρῶτοι μὲν οἱ ἐπὶ τοῦ δεξιοῦ, καὶ ὁ Τερέντιοσ αὐτοῖσ ἐξῆρχε τῆσ φυγῆσ, μετὰ δ’ ἐκείνουσ οἱ τὸ λαιὸν ἔχοντεσ, ὧν ὁ Σερουίλιοσ ἡγούμενοσ πρὸσ τὸν Αἰμίλιον διέδραμε· καὶ περὶ αὐτοὺσ ἦν ὅσον ἄριστον ἱππέων τε καὶ πεζῶν, ἀμφὶ τοὺσ μυρίουσ. Καταθορόντεσ δ’ ἀπὸ τῶν ἵππων οἱ στρατηγοί, καὶ μετ’ αὐτοὺσ ὅσοι ἄλλοι ἦσαν ἐπὶ ἵππων, ἐπεζομάχουν τοῖσ ἱππεῦσι τοῖσ Ἀννίβου κεκυκλωμένοι.

καὶ πολλὰ μὲν ἐξ ἐμπειρίασ σὺν εὐψυχίᾳ καὶ ἀπονοίᾳ λαμπρὰ ἔδρασαν, ἐμπίπτοντεσ σὺν ὀργῇ τοῖσ πολεμίοισ, πανταχόθεν δὲ ἀνῃροῦντο, περιτρέχοντοσ αὐτοὺσ τοῦ Ἀννίβου, καὶ τοὺσ ἰδίουσ ὁτὲ μὲν ἐξοτρύνοντοσ καὶ παρακαλοῦντοσ τὸ λείψανον τῆσ νίκησ ἐκπονῆσαι, ὁτὲ δ’ ἐπιπλήσσοντόσ τε καὶ ὀνειδίζοντοσ, εἰ τὸ πλῆθοσ νενικηκότεσ ὀλίγων οὐ περιέσονται. Ῥωμαῖοι δ’, ἑώσ μὲν αὐτοῖσ ὁ Αἰμίλιοσ καὶ ὁ Σερουίλιοσ περιῆσαν, πολλὰ δρῶντέσ τε καὶ πάσχοντεσ ὅμωσ ὑπέμενον ἐν τάξει· ἐπεὶ δ’ ἔπεσον αὐτῶν οἱ στρατηγοί, διὰ μέσων βιαζόμενοι τῶν ἐχθρῶν μάλα καρτερῶσ κατὰ μέρη διέφευγον, οἱ μέν, ἔνθαπερ οἱ πρὸ αὐτῶν ἐπεφεύγεσαν, ἐσ τὰ στρατόπεδα δύο ὄντα· καὶ σύμπαντεσ οἵδε ἐγένοντο ἀμφὶ τοὺσ μυρίουσ καὶ πεντακισχιλίουσ, οἷσ ὁ Ἀννίβασ φυλακὴν ἐπέστησεν· οἱ δ’ ἐσ Κάννασ, περὶ δισχιλίουσ, καὶ παρέδωκαν ἑαυτοὺσ οἵδε οἱ δισχίλιοι τῷ Ἀννίβᾳ. ὀλίγοι δ’ ἐσ Κανύσιον διέδρασαν, καὶ οἱ λοιποὶ κατὰ μέροσ ἐσκεδάσθησαν ἀνὰ τὰσ ὕλασ. Τοῦτο τέλοσ ἦν τῆσ ἐπὶ Κάνναισ Ἀννίβου τε καὶ Ῥωμαίων μάχησ, ἀρξαμένησ μὲν ὑπὲρ ὡρ́αν δευτέραν, ληξάσησ δὲ πρὸ δύο τῆσ νυκτὸσ ὡρῶν, οὔσησ δ’ ἔτι νῦν ἀοιδίμου Ῥωμαίοισ ἐπὶ συμφορᾷ·

ἀπέθανον γὰρ αὐτῶν ἐν ταῖσδε ταῖσ ὡρ́αισ πεντακισμύριοι, καὶ ζώντων ἐλήφθη πολὺ πλῆθοσ ἀπό τε τῆσ βουλῆσ πολλοὶ παρόντεσ ἐτελεύτησαν, καὶ ἐπ’ αὐτοῖσ ταξίαρχοί τε ν άντεσ καὶ λοχαγοὶ καὶ τῶν στρατηγῶν αὐτῶν οἱ ἄριστοι δύο. ὁ δὲ φαυλότατόσ τε καὶ τῶν συμφορῶν αἴτιοσ ἀρχομένησ τῆσ τροπῆσ ἐπεφεύγει. καὶ Ῥωμαῖοι δύο ἔτεσιν ἤδη περὶ τὴν Ἰταλίαν Ἀννίβᾳ πολεμοῦντεσ ἀπωλωλέκεσαν ἀνδρῶν ἰδίων τε καὶ συμμάχων ἐσ δέκα μυριάδασ. Ἀννίβασ δὲ νίκην ἀρίστην τε καὶ σπάνιον ἐξενεγκάμενοσ ἡμέρασ μιᾶσ στρατηγήμασι τέσσαρσι, τοῦ τε πνεύματοσ τῇ φορᾷ καὶ τοῖσ ὑποκριθεῖσιν αὐτομολεῖν καὶ τοῖσ προσποιηθεῖσι φεύγειν καὶ τοῖσ ἐν μέσαισ ταῖσ φάραγξι κεκρυμμένοισ, εὐθὺσ ἀπὸ τοῦ ἔργου τοὺσ πεσόντασ ἐπῄει, θεώμενοσ δὲ τῶν φίλων τοὺσ ἀρίστουσ ἀνῃρημένουσ ᾤμωξε, καὶ δακρύσασ εἶπεν οὐ χρῄζειν ἑτέρασ τοιᾶσδε νίκησ.

ὃ καὶ Πύρρον φασὶν εἰπεῖν πρὸ αὐτοῦ, τὸν Ἠπείρου βασιλέα, Ῥωμαίων κἀκεῖνον ἐν Ἰταλίᾳ κρατοῦντα σὺν ὁμοίᾳ ζημίᾳ. τῶν δὲ φυγόντων ἐκ τῆσ μάχησ οἱ μὲν ἐν τῷ μείζονι στρατοπέδῳ στρατηγὸν αὑτῶν ἑσπέρασ ἑλόμενοι Πόπλιον Σεμπρώνιον, ἐβιάσαντο τοὺσ Ἀννίβου φύλακασ ὕπνου καὶ κόπου πλήρεισ ὄντασ, καὶ διέδραμον ἐσ Κανύσιον περὶ μέσασ νύκτασ, ἀμφὶ τοὺσ μυρίουσ, οἱ δ’ ἐν τῷ βραχυτέρῳ πεντακισχίλιοι τῆσ ἐπιούσησ ἡμέρασ ἐλήφθησαν ὑπὸ τοῦ Ἀννίβου. Τερέντιοσ δὲ στρατὸν ἀγείρασ τοὺσ διερριμμένουσ ἐπειρᾶτο παραθαρρύνειν, καὶ στρατηγὸν αὐτοῖσ ἐπιστήσασ τῶν χιλιάρχων τινὰ Σκιπίωνα ἐσ Ῥώμην διέδραμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 4

(아피아노스, The Foreign Wars, chapter 4)

상위

목록

SEARCH

MENU NAVIGATION