헬라어 문장 검색 - Αππιαν́ΤηεΦορέ22́

(아피아노스, The Foreign Wars, chapter 11)

Οὐ πολὺ δὲ ὕστερον, ὅσοι διέφυγον ἐκ τῆσ Λευκόλλου καὶ Γάλβα παρανομήσεωσ, ἁλισθέντεσ ἐσ μυρίουσ τὴν Τυρδιτανίαν κατέτρεχον. καὶ αὐτοῖσ ἀπὸ Ῥώμησ ἐπελθὼν Γάιοσ Οὐετίλιοσ, ἄγων τέ τινα στρατὸν ἄλλον καὶ τοὺσ ἐν Ἰβηρίᾳ προσλαβών, ἅπαντασ ἔχων ἐσ μυρίουσ, ἐπέπεσε προνομεύουσι, καὶ πολλοὺσ ἀνελὼν συνέωσε τοὺσ λοιποὺσ ἔσ τι χωρίον, οἷ κινδυνεύειν τε μένοντασ ἐχρῆν ὑπὸ λιμοῦ καὶ ἀπιόντασ ὑπὸ Ῥωμαίων· ὧδε γὰρ εἶχε δυσχωρίασ. καὶ διὰ τοῦτο πρέσβεισ ἐσ τὸν Οὐετίλιον ἔπεμπον σὺν ἱκετηρίαισ, γῆν ἐσ συνοικισμὸν αἰτοῦντεσ ὡσ ἀπὸ τοῦδε ἐσόμενοι Ῥωμαίων ἐσ πάντα κατήκοοι. ὁ δὲ ὑπισχνεῖτο δώσειν, καὶ συνετίθετο ἤδη. Οὐρίατθοσ δ’ ὁ ἐκ τῆσ Γάλβα παρανομίασ ἐκφυγών, τότε συνὼν αὐτοῖσ, ὑπεμίμνησκε τῆσ Ῥωμαίων ἀπιστίασ, ὁσάκισ τε αὐτοῖσ ὀμόσαντεσ ἐπιθοῖντο, καὶ ὡσ ὅδε πᾶσ ὁ στρατὸσ ἐκ τοιῶνδε ἐπιορκιῶν Γάλβα καὶ Λευκόλλου διαφύγοιμεν. οὐδ’ ἀπορεῖν ἔφη σωτηρίασ ἀπὸ τοῦδε τοῦ χωρίου, ἂν ἐθέλωσι πείθεσθαι. Ἐρεθισθέντων δ’ αὐτῶν καὶ ἐν ἐλπίσι γενομένων, ᾑρέθη τε στρατηγόσ, καὶ πάντασ ἐκτάξασ ἐσ μέτωπον ὡσ ἐπὶ μάχῃ, τοὺσ μὲν ἄλλουσ ἐκέλευσεν, ὅταν αὐτὸσ ἐπιβῇ τοῦ ἵππου, διαιρεθέντασ ἐσ μέρη πολλὰ φεύγειν, ὡσ δύνανται, κατ’ ἄλλασ καὶ ἄλλασ ὁδοὺσ ἐσ Τριβόλαν πόλιν, ἔνθα αὐτὸν περιμένειν, χιλίουσ δὲ μόνουσ ἐπιλεξάμενοσ ἐκέλευσεν αὑτῷ συνίστασθαι.

καὶ γιγνομένων τούτων οἱ μὲν εὐθὺσ ἔφυγον, ἐπειδὴ ὁ Οὐρίατθοσ τὸν ἵππον ἀνέβη, ὁ δὲ Οὐετίλιοσ αὐτοὺσ δείσασ διώκειν ἐσ πολλὰ διῃρημένουσ, ἐπὶ τὸν Οὐρίατθον ἑστῶτα καὶ ἐφεδρεύοντα τῷ γενησομένῳ τραπεὶσ ἐμάχετο. ὁ δ’ ὠκυτάτοισ ἵπποισ αὐτὸν ἐνοχλῶν, καὶ ὑποφεύγων καὶ πάλιν ἱστάμενοσ καὶ ἐπιών, ἐκείνην τε τὴν ἡμέραν ἐν τῷ αὐτῷ πεδίῳ καὶ τὴν ἐπιοῦσαν ὅλην διέτριψε περιθέων. ὡσ δ’ εἴκασεν ἀσφαλῶσ ἔχειν τῆσ φυγῆσ τοὺσ ἑτέρουσ, τότε νυκτὸσ ὁρμήσασ δι’ ὁδῶν ἀτριβῶν κουφοτάτοισ ἵπποισ ἀπέδραμεν ἐσ Τριβόλαν, Ῥωμαίων αὐτὸν διώκειν ὁμοίωσ οὐ δυναμένων διά τε βάροσ ὅπλων καὶ ἀπειρίαν ὁδῶν καὶ ἵππων ἀνομοιότητα. ὧδε μὲν ἐξ ἀέλπτου στρατὸν ἀπογιγνώσκοντα αὑτοῦ περιέσωσε, καὶ τὸ στρατήγημα τόδε περιφερόμενον ἐσ τοὺσ τῇδε βαρβάρουσ ἐξῇρεν αὐτόν, καὶ πολλοὶ πανταχόθεν αὐτῷ προσεχώρουν. ὁ δὲ ἐσ ὀκτὼ ἔτη Ῥωμαίοισ ἐπολέμει. Καί μοι δοκεῖ τὸν Οὐριάτθου πόλεμον, σφόδρα τε ἐνοχλήσαντα Ῥωμαίοισ καὶ δυσεργότατον αὐτοῖσ γενόμενον, συναγαγεῖν, ἀναθέμενον εἴ τι τοῦ αὐτοῦ χρόνου περὶ Ἰβηρίαν ἄλλο ἐγίγνετο.

Οὐετίλιοσ μὲν δὴ αὐτὸν διώκων ἦλθεν ἐπὶ τὴν Τριβόλαν, ὁ δ’ Οὐρίατθοσ ἐν λόχμαισ ἐνέδραν ἐπικρύψασ ἔφυγε, μέχρι τὰσ λόχμασ ὑπερελθόντοσ τοῦ Οὐετιλίου αὐτόσ τε ἐπεστρέφετο καὶ οἱ ἐκ τῆσ ἐνέδρασ ἀνεπήδων, καὶ Ῥωμαίουσ ἑκατέρωθεν ἔκτεινόν τε καὶ ἐζώγρουν καὶ ἐσ τὰσ φάραγγασ ἐώθουν. ἐζωγρήθη δὲ καὶ ὁ Οὐετίλιοσ· καὶ αὐτὸν ὁ λαβὼν ἀγνοῶν, γέροντα ὑπέρπαχυν ὁρῶν, ἔκτεινεν ὡσ οὐδενὸσ ἄξιον. Ῥωμαίων δὲ μόλισ ἐκ μυρίων ἑξακισχίλιοι διέδρασαν ἐσ Καρπησσόν, ἐπὶ θαλάσσῃ πόλιν, ἣν ἐγὼ νομίζω πρὸσ Ἑλλήνων πάλαι Ταρτησσὸν ὀνομάζεσθαι, καὶ Ἀργανθώνιον αὐτῆσ βασιλεῦσαι, ὃν ἐσ πεντήκοντα καὶ ἑκατὸν ἔτη ἀφικέσθαι φασίν. τοὺσ μὲν οὖν ἐσ τὴν Καρπησσὸν διαφυγόντασ ὁ ταμίασ, ὃσ εἵπετο τῷ Οὐετιλίῳ, συνέτασσεν ἐπὶ τειχῶν δεδιότασ· παρὰ δὲ Βελλῶν καὶ Τίτθων αἰτήσασ πεντακισχιλίουσ συμμάχουσ, καὶ λαβών, προύπεμψεν ἐπὶ τὸν Οὐρίατθον. ὁ δὲ πάντασ ἔκτεινεν, ὡσ μηδ’ ἄγγελον διαφυγεῖν. καὶ ὁ ταμίασ ἡσύχαζεν ἐν τῇ πόλει, περιμένων τινὰ βοήθειαν ἀπὸ Ῥώμησ. Οὐρίατθοσ δὲ τὴν Καρπητανιαν, εὐδαίμονα χώραν, ἐπιὼν ἀδεῶσ ἐλεηλάτει, ἑώσ ἧκεν ἐκ Ῥώμησ Γάιοσ Πλαύτιοσ ἄγων πεζοὺσ μυρίουσ καὶ ἱππέασ χιλίουσ ἐπὶ τριακοσίοισ.

τότε δ’ αὖθισ ὑπεκρίνατο φεύγειν ὁ Οὐρίατθοσ, καὶ ὁ Πλαύτιοσ αὐτὸν ἔπεμψε διώκειν ἐσ τετρακισχιλίουσ, οὓσ ἐπιστραφεὶσ ὁ Οὐρίατθοσ ἔκτεινε χωρὶσ ὀλίγων. καὶ τὸν Τάγον ποταμὸν διαβὰσ ἐστρατοπέδευεν ἐν ὄρει περιφύτῳ μὲν ἐλάαισ, Ἀφροδίτησ δ’ ἐπωνύμῳ, ἔνθα ὁ Πλαύτιοσ καταλαβών, καὶ τὸ πταῖσμα ἀναλαβεῖν ἐπειγόμενοσ, συνέβαλεν. ἡττηθεὶσ δὲ φόνου πολλοῦ γενομένου διέφυγεν ἀκόσμωσ ἐσ τὰσ πόλεισ, καὶ ἐκ μέσου θέρουσ ἐχείμαζεν, οὐ θαρρῶν οὐδαμοῖ προϊέναι. ὁ δ’ Οὐρίατθοσ τὴν χώραν ἀδεῶσ περιιών ᾔτει τοὺσ κεκτημένουσ τιμὴν τοῦ ἐπικειμένου καρποῦ, καὶ παρ’ ὧν μὴ λάβοι διέφθειρεν. Ὧν οἱ ἐν ἄστει Ῥωμαῖοι πυνθανόμενοι Φάβιον Μάξιμον Αἰμιλιανόν, Αἰμιλίου Παύλου τοῦ Περσέα τὸν Μακεδόνων βασιλέα ἀνελόντοσ υἱόν, ἔπεμπον ἐσ Ἰβηρίαν, καὶ στρατιὰν ἑαυτῷ καταγράφειν ἐπέτρεπον.

ὁ δέ, Ῥωμαίων ἄρτι Καρχηδόνα καὶ τὴν Ἑλλάδα ἑλόντων καὶ τὸν τρίτον ἐν Μακεδονία πόλεμον κατωρθωκοτων, φειδοῖ τῶν ἀνδρῶν τῶν ἐκεῖθεν ἐληλυθότων κατέλεγε πρωθήβασ, οὐ πρὶν πολέμου πεπειραμένουσ, ἐσ δύο τέλη. καὶ παρὰ τῶν συμμάχων στρατὸν ἄλλον αἰτήσασ ἧκεν ἐσ Ὄρσωνα τῆσ Ἰβηρίασ σύμπαντασ ἔχων πεζοὺσ μυρίουσ καὶ πεντακισχιλίουσ καὶ ἱππέασ ἐσ δισχιλίουσ. ὅθεν οὔπω μάχησ ἄρχων, μέχρι τὴν στρατιὰν γυμνάσειεν, ἐσ Γάδειρα διέπλευσε τὸν πορθμόν, Ἡρακλεῖ θύσων. ὁ δὲ Οὐρίατθοσ αὐτοῦ τῶν ξυλευομένων τισὶν ἐπιπεσὼν ἔκτεινε πολλοὺσ καὶ ἐφόβησε τοὺσ λοιπούσ. τοῦ δ’ ὑποστρατήγου συντάξαντοσ αὐτοὺσ αὖθισ ὁ Οὐρίατθοσ ἐκράτει καὶ πολλὴν λείαν περιεσύρατο. ἀφικομένου τε τοῦ Μαξίμου συνεχῶσ ἐξέτασσε προκαλούμενοσ. ὁ δὲ ὅλῳ μὲν οὐ συνεμίσγετο τῷ στρατῷ, γυμνάζων αὐτοὺσ ἔτι, κατὰ δὲ μέρη πολλάκισ ἠκροβολίζετο, πεῖράν τε ποιούμενοσ τῶν πολεμίων καὶ τοῖσ ἰδίοισ ἐντιθεὶσ θάρσοσ. χορτολογῶν τε ἐνόπλουσ ἀεὶ τοῖσ γυμνοῖσ περιίστη, καὶ περιέτρεχε μεθ’ ἱππέων αὐτόσ, οἱᾶ Παύλῳ τῷ πατρὶ συστρατευόμενοσ ἐν Μακεδόσιν ἑώρα. μετὰ δὲ χειμῶνα γεγυμνασμένῳ τῷ στρατῷ τρέπεται δεύτεροσ ὅδε τὸν Οὐρίατθον καλῶσ ἀγωνισάμενον καὶ πόλεισ αὐτοῦ δύο τὴν μὲν διήρπασε τὴν δὲ ἐπέπρησεν, αὐτόν τε, φεύγοντα ἐσ χωρίον ᾧ ὄνομα ἦν Βαικόρ, διώκων ἔκτεινε πολλούσ. καὶ ἐχείμαζεν ἐν Κορδύβῃ, δεύτερον ἔτοσ ἤδη στρατηγῶν τοῦδε τοῦ πολέμου. καὶ τάδε μὲν ὁ Αἰμιλιανὸσ ἐργασάμενοσ ἐσ Ῥώμην ἀπῇρε, διαδεξαμένου τὴν ἀρχὴν Κοΐντου Πομπηίου τοῦ Αὔλου. Ἐφ’ οἷσ ὁ Οὐρίατθοσ οὐχ ὁμοίωσ ἔτι καταφρονῶν, Ἀρουακοὺσ καὶ Τίτθουσ καὶ Βελλούσ, ἔθνη μαχιμώτατα, ἀπέστησεν ἀπὸ Ῥωμαίων.

καὶ πολέμον ἄλλον οἵδε ἐφ’ ἑαυτῶν ἐπολέμουν, ὃν ἐκ πόλεωσ αὐτῶν μιᾶσ Νομαντῖνον ἡγοῦνται, μακρόν τε καὶ ἐπίπονον Ῥωμαίοισ γενόμενον. καὶ συνάξω καὶ τόνδε ἐσ ἓν μετ’ Οὐρίατθον. Οὐρίατθοσ ὲν ἐπὶ θάτερα τῆσ Ἰβηρίασ ἑτέρῳ στρατηγῷ Ῥωμαιων Κοϊντίῳ συνεπλέκετο, καὶ ἡσσώμενοσ ἐσ τὸ Ἀφροδίσιον ὄροσ ἀνέστρεφεν. ὅθεν ἐπιστραφεὶσ ἔκτεινε τῶν Κοϊντίου ἐσ χιλίουσ, καὶ σημεῖά τινα ἡρ́πασε· τοὺσ δὲ λοιποὺσ ἐσ τὸ στρατόπεδον αὐτῶν συνεδίωξε, καὶ τὴν ἐν Ἰτύκκῃ φρουρὰν ἐξέβαλε, καὶ τὴν Βαστιτανῶν χώραν ἐλῄζετο, Κοϊντίου διὰ δειλίαν καὶ ἀπειρίαν οὐκ ἐπιβοηθοῦντοσ, ἀλλ’ ἐν Κορδύβῃ χειμάζοντοσ ἐκ μέσου μετοπώρου, καὶ Γάιον Μάρκιον θαμινὰ ἐπιπέμποντοσ αὐτῷ, ἄνδρα Ἴβηρα ἐκ πόλεωσ Ἰταλικῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 11

(아피아노스, The Foreign Wars, chapter 11)

상위

목록

SEARCH

MENU NAVIGATION