헬라어 문장 검색 - Αππιαν́ΤηεΦορέ21́

(아피아노스, The Foreign Wars, chapter 10)

Τοῦ δ’ αὐτοῦ χρόνου μέροσ ἄλλο Ἰβήρων αὐτονόμων, οἳ Λυσιτανοὶ καλοῦνται, Πουνίκου σφῶν ἡγουμένου τὰ Ῥωμαίων ὑπήκοα ἐλῄζοντο, καὶ τοὺσ στρατηγοῦντασ αὐτῶν, Μανίλιόν τε καὶ Καλπούρνιον Πίσωνα, τρεψάμενοι κτείνουσιν ἑξακισχιλίουσ, καὶ ἐπ’ αὐτοῖσ Τερέντιον Οὐάρρωνα ταμίαν. οἷσ ἐπαρθεὶσ ὁ Πούνικοσ τὰ μέχρι ὠκεανοῦ κατέδραμε, καὶ Οὐέττωνασ ἐσ τὴν στρατείαν προσλαβὼν ἐπολιόρκει Ῥωμαίων ὑπηκόουσ τοὺσ λεγομένουσ Βλαστοφοίνικασ, οἷσ φασὶν Ἀννίβαν τὸν Καρχηδόνιον ἐποικίσαι τινὰσ ἐκ Λιβύησ, καὶ παρὰ τοῦτο κληθῆναι Βλαστοφοίνικασ. Πούνικοσ μὲν οὖν λίθῳ πληγεὶσ ἐσ τὴν κεφαλὴν ἀπέθανε, διαδέχεται δ’ αὐτὸν ἀνὴρ ᾧ ὄνομα ἦν Καίσαροσ. οὗτοσ ὁ Καίσαροσ Μουμμίῳ, μετὰ στρατιᾶσ ἄλλησ ἐπελθόντι ἀπὸ Ῥώμησ, ἐσ μάχην συνηνέχθη καὶ ἡττώμενοσ ἔφυγεν. Μουμμίου δ’ αὐτὸν ἀτάκτωσ διώκοντοσ ἐπιστραφεὶσ ἔκτεινεν ἐσ ἐννακισχιλίουσ, καὶ τήν τε λείαν τὴν ἡρπασμένην καὶ τὸ οἰκεῖον στρατόπεδον ἀνεσώσατο, καὶ τὸ Ῥωμαίων προσέλαβέ τε, καὶ διήρπασεν ὅπλα καὶ σημεῖα πολλά, ἅπερ οἱ βάρβαροι κατὰ τὴν Κελτιβηρίαν ὅλην περιφέροντεσ ἐπετώθαζον. Μούμμιοσ δ’ ὑπολοίπουσ ἔχων πεντακισχιλίουσ ἐγύμναζεν ἔνδον ἐν τῷ στρατοπέδῳ, δεδιὼσ ἄρα προελθεῖν ἐσ τὸ πεδίον πρὶν τοὺσ ἄνδρασ ἀναθαρρῆσαι.

φυλάξασ δὲ εἴ τι μέροσ οἱ βάρβαροι τῆσ ἀφῃρημένησ λείασ παρέφερον, ἀδοκήτωσ αὐτοῖσ ἐπέθετο, καὶ πολλοὺσ διαφθείρασ ἔλαβε τὴν λείαν καὶ τὰ σημεῖα. Λυσιτανῶν δ’ οἱ ἐπὶ θάτερα τοῦ Τάγου ποταμοῦ, κἀκεῖνοι Ῥωμαίοισ πεπολεμωμένοι, Καυκαίνου σφῶν ἡγουμένου Κουνέουσ ἐπόρθουν, οἳ Ῥωμαίοισ ἦσαν ὑπήκοοι, καὶ πόλιν αὐτῶν μεγάλην εἷλον Κονίστοργιν. παρά τε τὰσ στήλασ τὰσ Ἡρακλείουσ τὸν ὠκεανὸν ἐπέρων, καὶ οἱ μὲν τὴν ἄλλην Λιβύην κατέτρεχον, οἱ δ’ Ὀκίλην πόλιν ἐπολιόρκουν. Μούμμιοσ δ’ ἑπόμενοσ ἐννακισχιλίοισ πεζοῖσ καὶ ἱππεῦσι πεντακοσίοισ ἔκτεινε τῶν μὲν δῃούντων ἐσ μυρίουσ καὶ πεντακισχιλίουσ, τῶν δ’ ἑτέρων τινάσ, καὶ τὴν πολιορκίαν διέλυσε τὴν Ὀκίλησ. ἐντυχὼν δὲ καὶ τοῖσ φέρουσιν ἃ ἐσεσυλήκεσαν, ἔκτεινε καὶ τούσδε πάντασ, ὡσ μηδ’ ἄγγελον ἀπὸ τοῦ κακοῦ διαφυγεῖν. τὴν δὲ λείαν διαδοὺσ τῷ στρατῷ τὴν δυνατὴν φέρεσθαι, τὰ λοιπὰ τοῖσ θεοῖσ τοῖσ ἐνυαλίοισ ἔκαυσεν. Καὶ Μούμμιοσ μὲν τάδε πράξασ ἐπανῆλθεν ἐσ Ῥώμην καὶ ἐθριάμβευσεν, 58. ἐκδέχεται δ’ αὐτὸν Μάρκοσ Ἀτίλιοσ, ὃσ Λυσιτανῶν μὲν ἐσ ἑπτακοσίουσ ἐπιδραμὼν ἀπέκτεινε, καὶ τὴν μεγίστην πόλιν ἐξεῖλεν, ᾗ ὄνομα Ὀξθράκαι, τὰ δ’ ἐγγὺσ καταπληξάμενοσ ἅπαντα ἐπὶ συνθήκαισ παρέλαβεν. καὶ τούτων ἦν ἔνια τοῦ Οὐεττώνων ἔθνουσ, ὁμόρου τοῖσ Λυσιτανοῖσ. ὡσ δ’ ἀνεζεύγνυε χειμάσων ὁ Ἀτίλιοσ, αὐτίκα πάντεσ μετετίθεντο καί τινασ Ῥωμαίοισ ὑπηκόουσ ἐπολιόρκουν· οὓσ ἐπειγόμενοσ ἐξελεῖν τῆσ πολιορκίασ Σέρουιοσ Γάλβασ ὁ Ἀτιλίου διάδοχοσ, ἡμέρᾳ μιᾷ καὶ νυκτὶ πεντακοσίουσ σταδίουσ διελθὼν ἐπιφαίνεται τοῖσ Λυσιτανοῖσ, καὶ εὐθὺσ ἐσ μάχην ἐξέτασσε, κατάκοπον τὸν στρατὸν ἔχων. τρεψάμενοσ δ’ εὐτυχῶσ τοὺσ πολεμίουσ, ἐπέκειτο φεύγουσιν ἀπειροπολέμωσ. ὅθεν ἀσθενοῦσ αὐτῷ καὶ ἀσυντάκτου τῆσ διώξεωσ οὔσησ διὰ κόπον, οἱ βάρβαροι κατιδόντεσ αὐτοὺσ διεσπασμένουσ τε καὶ ἀναπαυομένουσ κατὰ μέρη συνελθόντεσ ἐπέθεντο, καὶ κτείνουσιν ἐσ ἑπτακισχιλίουσ. ὁ δὲ Γάλβασ μετὰ τῶν ἀμφ’ αὐτὸν ἱππέων κατέφυγεν ἐσ Καρμώνην πόλιν, ἔνθα τοὺσ διαφυγόντασ ἀνελάμβανε, καὶ συμμάχουσ ἀθροίσασ ἐσ δισμυρίουσ διῆλθεν ἐσ Κουνέουσ, καὶ παρεχείμαζεν ἐν Κονιστόργει. Λεύκολλοσ δὲ ὁ τοῖσ Οὐακκαίοισ ἄνευ ψηφίσματοσ πολεμήσασ ἐν Τυρδιτανίᾳ τότε χειμάζων ᾔσθετο Λυσιτανῶν ἐσ τὰ πλησίον ἐμβαλόντων, καὶ περιπέμψασ τοὺσ ἀρίστουσ τῶν ἡγεμόνων, ἔκτεινε τῶν Λυσιτανῶν ἐσ τετρακισχιλίουσ.

περί τε Γάδειρα τὸν πορθμὸν ἑτέρων περώντων ἔκτεινεν ἐσ χιλίουσ καὶ πεντακοσίουσ, καὶ τοὺσ λοιποὺσ συμφυγόντασ ἔσ τινα λόφον ἀπετάφρευσε, πλῆθόσ τε ἔλαβεν ἀνδρῶν ἄπειρον. καὶ τὴν Λυσιτανίαν ἐπιὼν κατὰ μέροσ ἐπόρθει. ἐπόρθει δὲ καὶ Γάλβασ ἐπὶ θάτερα. καὶ τινῶν πρεσβευομένων ἐσ αὐτόν, καὶ θελόντων βεβαιοῦν καὶ ὅσα Ἀτιλίῳ τῷ πρὸ αὐτοῦ στρατηγῷ συνθέμενοι παρεβεβήκεσαν, ἐδέχετο καὶ ἐσπένδετο, καὶ ὑπεκρίνετο αὐτοῖσ καὶ συνάχθεσθαι ὡσ δι’ ἀπορίαν λῃστεύουσί τε καὶ πολεμοῦσι καὶ παρεσπονδηκόσιν. "τὸ γὰρ λυπρόγαιον," ἔφη, "καὶ πενιχρὸν ὑμᾶσ ἐσ ταῦτα ἀναγκάζει· δώσω δ’ ἐγὼ πενομένοισ φίλοισ γῆν ἀγαθήν, καὶ ἐν ἀφθόνοισ συνοικιῶ, διελὼν ἐσ τρία. Οἱ μὲν δὴ τάδε προσδοκῶντεσ ἀπὸ τῶν ἰδίων ἀνίσταντο, καὶ συνῄεσαν οἷ προσέτασσεν ὁ Γάλβασ·

ὁ δὲ αὐτοὺσ ἐσ τρία διῄρει, καὶ πεδίον ἑκάστοισ τι ὑποδείξασ ἐκέλευεν ἐν τῷ πεδίῳ περιμένειν, μέχρι πολίσειεν αὐτοὺσ ἐπελθών. ὡσ δ’ ἧκεν ἐπὶ τοὺσ πρώτουσ, ἐκέλευεν ὡσ φίλουσ θέσθαι τὰ ὅπλα, θεμένουσ δ’ ἀπετάφρευέ τε, καὶ μετὰ ξιφῶν τινασ ἐσπέμψασ ἀνεῖλεν ἅπαντασ, ὀδυρομένουσ τε καὶ θεῶν ὀνόματα καὶ πίστεισ ἀνακαλοῦντασ. τῷ δ’ αὐτῷ τρόπῳ καὶ τοὺσ δευτέρουσ καὶ τρίτουσ ἐπειχθεὶσ ἀνεῖλεν, ἀγνοοῦντασ ἔτι τὰ πάθη τὰ τῶν προτέρων, ἀπιστίᾳ μὲν ἄρα ἀπιστίαν μετιών, οὐκ ἀξίωσ δὲ Ῥωμαίων μιμούμενοσ βαρβάρουσ. ὀλίγοι δ’ αὐτῶν διέφυγον, ὧν ἦν Οὐρίατθοσ, ὃσ μετ’ οὐ πολὺ ἡγήσατο Λυσιτανῶν καὶ ἔκτεινε πολλοὺσ Ῥωμαίων καὶ ἔργα μέγιστα ἐπεδείξατο. ἀλλὰ τάδε μὲν ὕστερον γενόμενα ὕστερον λέξω. τότε δὲ ὁ Γάλβασ, Λευκόλλου φιλοχρηματώτεροσ ὤν, ὀλίγα μέν τινα τῆσ λείασ τῇ στρατιᾷ διεδίδου, καὶ ὀλίγα τοῖσ φίλοισ, τὰ λοιπὰ δὲ ἐσφετερίζετο, καίτοι πλουσιώτατοσ ὢν ὁμοῦ τι Ῥωμαίων· ἀλλ’ οὐδ’ ἐν τῇ εἰρήνῃ φασὶν αὐτὸν διαλιπεῖν ψευδόμενόν τε καὶ ἐπιορκοῦντα διὰ κέρδη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 10

(아피아노스, The Foreign Wars, chapter 10)

상위

목록

SEARCH

MENU NAVIGATION