헬라어 문장 검색 - Αππιαν́ΤηεΦορέ08́

(아피아노스, The Foreign Wars, chapter)

Κελτοὶ Ῥωμαίοισ ἐπεχείρησαν πρῶτοι, καὶ τὴν Ῥώμην εἷλον ἄνευ τοῦ Καπιτωλίου, καὶ ἐμπεπρήκασιν. καὶ οἱ Βοιοὶ οὖν ὑπὸ Ῥωμαίων τότε ἐφθάρησαν πανστρατιᾷ. Κάμιλλοσ δὲ αὐτοὺσ ἐνίκησε καὶ ἐξήλασε, καὶ μετὰ χρόνον ἐπελθόντασ αὖθισ ἐνίκησε, καὶ ἐθριάμβευσεν ἀπ’ αὐτῶν ὀγδοήκοντα γεγονὼσ ἔτη. καὶ τρίτη δὲ Κελτῶν στρατιὰ ἐμβέβληκεν ἐσ τὴν Ἰταλίαν, ἣν καὶ αὐτὴν οἱ Ῥωμαῖοι διεφθάρκασιν ὑφ’ ἡγεμόνι Τίτῳ Κοϊντίῳ. μετὰ δὲ ταῦτα Βοιοί, Κελτικὸν ἔθνοσ θηριωδέστατον, ἐπῆλθε Ῥωμαίοισ, καὶ αὐτοῖσ Γάϊοσ Σουλπίκιοσ δικτάτωρ μετὰ στρατιᾶσ ἀπήντα, ὅσ τισ καὶ στρατηγήματι τοιούτῳ χρήσασθαι λέγεται· ἐκέλευσε γὰρ τοὺσ ἐπὶ τοῦ μετώπου τεταγμένουσ ἐξακοντίσαντασ ὁμοῦ συγκαθίσαι τάχιστα, μέχρι βάλωσιν οἱ δεύτεροι καὶ τρίτοι καὶ τέταρτοι, τοὺσ δ’ ἀφιέντασ ἀεὶ συνίζειν, ἵνα μὴ κατ’ αὐτῶν ἐνεχθείη τὰ δόρατα· βαλόντων δὲ τῶν ὑστάτων ἀναπηδᾶν ἅπαντασ ὁμοῦ, καὶ σὺν βοῇ τάχιστα ἐσ χεῖρασ ἰέναι· καταπλήξειν γὰρ ὧδε τοὺσ πολεμίουσ τοσῶνδε δοράτων ἄφεσιν καὶ ἐπ’ αὐτῇ ταχεῖαν ἐπιχείρησιν. τὰ δὲ δόρατα ἦν οὐκ ἀπεοικότα ἀκοντίοισ· ἃ Ῥωμαῖοι καλοῦσιν ὑσσούσ, ξύλου τετραγώνου τὸ ἥμισυ, καὶ τὸ ἄλλο σιδήρου, τετραγώνου καὶ τοῦδε καὶ μαλακοῦ χωρίσ γε τῆσ αἰχμῆσ. Ἄλλουσ δὲ πάλιν Κελτοὺσ ἐνίκα Ποπίλλιοσ, καὶ μετ’ ἐκεῖνον τοὺσ αὐτοὺσ Κάμιλλοσ ὁ τοῦ Καμίλλου υἱόσ.

ἔστησε δὲ κατὰ Κελτῶν καὶ Πάπποσ Αἰμίλιοσ τρόπαια. πρὸ δὲ τῶν τοῦ Μαρίου ὑπατειῶν πλεῖστόν τι καὶ μαχιμώτατον, τῇ τε ἡλικίᾳ μάλιστα φοβερώτατον χρῆμα Κελτῶν ἐσ τὴν Ἰταλίαν τε καὶ Γαλατίαν ἐσέβαλε, καί τινασ ὑπάτουσ Ῥωμαίων ἐνίκησε καὶ στρατόπεδα κατέκοψεν· ἐφ’ οὓσ ὁ Μάριοσ ἀποσταλεὶσ ἅπαντασ διέφθειρε. τελευταῖα δὲ καὶ μέγιστα τῶν ἐσ Γαλάτασ Ῥωμαίοισ πεπραγμένων ἐστὶ τὰ ὑπὸ Γαϊῴ Καίσαρι στρατηγοῦντι γενόμενα. μυριάσι τε γὰρ ἀνδρῶν ἀγρίων, ἐν τοῖσ δέκα ἔτεσιν ἐν οἷσ ἐστρατήγησεν, ἐσ χεῖρασ ἦλθον, εἴ τισ ὑφ’ ἓν τὰ μέρη συναγάγοι, τετρακοσίων πλείοσι, καὶ τούτων ἑκατὸν μὲν ἐζώγρησαν, ἑκατὸν δ’ ἐν τῷ πόνῳ κατέκανον. ἔθνη δὲ τετρακόσια καὶ πόλεισ ὑπὲρ ὀκτακοσίασ, τὰ μὲν ἀφιστάμενα σφῶν, τὰ δὲ προσεπιλαμβάνοντεσ, ἐκρατύναντο. πρὸ δὲ τοῦ Μαρίου καὶ Φάβιοσ Μάξιμοσ ὁ Αἰμιλιανόσ, ὀλίγην κομιδῇ στρατιὰν ἔχων, ἐπολέμησε τοῖσ Κελτοῖσ, καὶ δώδεκα μυριάδασ αὐτῶν ἐν μιᾷ μάχῃ κατέκανε, πεντεκαίδεκα μόνουσ τῶν ἰδίων ἀποβαλών. καὶ ταῦτα μέντοι ἔπραξε πιεζόμενοσ ὑπὸ τραύματοσ ὑπογυίου, καὶ τὰ τάγματα ἐπιὼν καὶ παραθαρρύνων, καὶ διδάσκων ὅπωσ τοῖσ βαρβάροισ πολεμητέον, τὰ μὲν ἐπ’ ἀπήνησ φερόμενοσ, τὰ δὲ καὶ βάδην χειραγωγούμενοσ. Καῖσαρ δὲ πολεμήσασ αὐτοῖσ πρῶτον μὲν Ἑλουητίουσ καὶ Τιγυρίουσ ἀμφὶ τὰσ εἴκοσι μυριάδασ ὄντασ ἐνίκησεν.

οἱ Τιγύριοι δ’ αὐτῶν χρόνῳ ἔμπροσθεν Πίσωνοσ καὶ Κασσίου τινὰ στρατὸν ἑλόντεσ ὑπὸ ζυγὸν ἐξεπεπόμφεσαν, ὡσ ἐν χρονικαῖσ συντάξεσι δοκεῖ Παύλῳ τῷ Κλαυδίῳ. τοὺσ μὲν οὖν Τιγυρίουσ ὑποστράτηγοσ αὐτοῦ Λαβιηνὸσ ἐνίκησε, τοὺσ δὲ ἄλλουσ ὁ Καῖσαρ, καὶ Τρικούρουσ ἀμύνοντασ σφίσιν, ἔπειτα τοὺσ μετ’ Ἀριοουίστου Γερμανούσ, οἳ καὶ τὰ μεγέθη μείζουσ τῶν μεγίστων ὑπῆρχον καὶ τὸ ἦθοσ ἄγριοι καὶ τὴν τόλμαν θρασύτατοι, καὶ θανάτου καταφρονηταὶ δι’ ἐλπίδα ἀναβιώσεωσ, καὶ κρύοσ ὁμοίωσ ἔφερον θάλπει, καὶ πόᾳ ἐχρῶντο παρὰ τὰσ ἀπορίασ τροφῇ, καὶ ὁ ἵπποσ ξύλοισ. ἦσαν δέ, ὡσ ἐοίκεν, οὐ φερέπονοι ἐν ταῖσ μάχαισ, οὐδὲ λογισμῷ ἢ ἐπιστήμῃ τινὶ ἀλλὰ θυμῷ χρώμενοι καθάπερ θηρία, διὸ καὶ ὑπὸ τῆσ Ῥωμαίων ἐπιστήμησ καὶ φερεπονίασ ἡσσῶντο. οἱ μὲν γὰρ μετὰ ὁρμῆσ βαρυτάτησ ἐπεπήδων αὐτοῖσ, καὶ ὅλην ὁμοῦ τὴν φάλαγγα ἀνεώθουν· Ῥωμαῖοι δ’ ὑπέμενον ἐν τάξει, καὶ κατεστρατήγουν αὐτούσ, καὶ ὀκτακισμυρίουσ αὐτῶν τελευτῶντεσ ἀπέκτειναν. Μετὰ τούτουσ ὁ Καῖσαρ τοῖσ καλουμένοισ Βέλγαισ ἐπιπεσὼν ποταμόν τινα περῶσι, τοσούτουσ ἀπέκτεινεν ὡσ τὸν ποταμὸν γεφυρωθέντα τοῖσ σώμασι περᾶσαι.

Νέρβιοι δὲ αὐτὸν ἐτρέψαντο, ἄρτι στρατόπεδον ἐξ ὁδοιπορίασ κατασκευάζοντι αἰφνιδίωσ ἐπιπεσόντεσ, καὶ παμπόλλουσ ἐφόνευσαν, τοὺσ δὲ ταξιάρχασ καὶ λοχαγοὺσ ἅπαντασ· καὶ αὐτὸν ἐκεῖνον ἐσ λόφον τινὰ μετὰ τῶν ὑπασπιστῶν πεφευγότα περιέσχον κύκλῳ. ὑπὸ δὲ τοῦ δεκάτου τάγματοσ αὐτοῖσ ἐξόπισθεν ἐπιπεσόντοσ ἐφθάρησαν, ἑξακισμύριοι ὄντεσ. ἦσαν δὲ τῶν Κίμβρων καὶ Τευτόνων ἀπόγονοι. ἐκράτησε δὲ καὶ Ἀλλοβρίγων ὁ Καῖσαρ. Οὐσιπετῶν δὲ καὶ Ταγχαρέων τεσσαράκοντα μυριάδεσ, στρατεύσιμοί τε καὶ ἀστράτευτοι, συνεκόπησαν. Σούκαμβροι δὲ πεντακοσίοισ ἱππεῦσι τοὺσ πεντακισχιλίουσ ἱππεῖσ τοῦ Καίσαροσ ἔτρεψαν, ἐξαίφνησ ἐπιπεσόντεσ, καὶ δίκην ἔδοσαν ἡττηθέντεσ μετὰ ταῦτα. Ἐπέρασε καὶ τὸν Ῥῆνον πρῶτοσ Ῥωμαίων ὁ Καῖσαρ, καὶ ἐσ τὴν Βρεττανίδα νῆσον, ἠπείρου τε μείζονα οὖσαν μεγίστησ καὶ τοῖσ τῇδε ἀνθρώποισ ἄγνωστον ἔτι.

ἐπέρασε δὲ κατὰ τὸν καιρὸν τῆσ ἀμπώτεωσ· ἄρτι γὰρ τὸ πάθοσ ἥπτετο τῆσ θαλάσσησ, καὶ ὁ στόλοσ ἐσαλεύετο, ἠρέμα πρῶτον, εἶτα ὀξύτερον, μέχρι σὺν βιαίῳ τάχει διέπλευσεν ὁ Καῖσαρ ἐσ τὴν Βρεττανίαν. Ὅτι Ὀλυμπιάδων τοῖσ Ἕλλησιν ἑπτὰ καὶ ἐνενήκοντα γεγενημένων, τῆσ γῆσ τῶν Κελτῶν οὐκ ἀρκούσησ αὐτοῖσ διὰ τὸ πλῆθοσ, ἀνίσταται μοῖρα Κελτῶν τῶν ἀμφὶ τὸν Ῥῆνον ἱκανὴ κατὰ ζήτησιν ἑτέρασ γῆσ· οἳ τό τε Ἄλπειον ὄροσ ὑπερέβησαν, καὶ Κλουσίνοισ, εὐδαίμονα γῆν ἔχουσι Τυρρηνῶν, ἐπολέμουν. οὐ πάλαι δὲ οἱ Κλουσῖνοι Ῥωμαίοισ ἔνσπονδοι γεγονότεσ ἐπ’ αὐτοὺσ κατέφυγον. καὶ οἱ Ῥωμαῖοι πρέσβεισ συνέπεμψαν αὐτοῖσ, Φαβίουσ τρεῖσ, οἳ τοῖσ Κελτοῖσ ἔμελλον προαγορεύσειν ἀνίστασθαι τῆσ γῆσ ὡσ Ῥωμαίων φίλησ, καὶ ἀπειλήσειν ἀπειθοῦσιν. ἀποκριναμένων δὲ τῶν Κελτῶν ὅτι ἀνθρώπων οὐδένα δεδίασιν οὔτε ἀπειλοῦντα σφίσιν οὔτε πολεμοῦντα, χρῄζοντεσ δὲ γῆσ οὔπω τὰ Ῥωμαίων πολυπραγμονοῦσιν, οἱ πρέσβεισ οἱ Φάβιοι τοὺσ Κλουσίνουσ ἐνῆγον ἐπιθέσθαι τοῖσ Κελτοῖσ τὴν χώραν λεηλατοῦσιν ἀπερισκέπτωσ. καὶ συνεκδημοῦντεσ αὐτοῖσ ἀναιροῦσι τῶν Κελτῶν πολὺ πλῆθοσ ἐν προνομῇ, καὶ τὸν ἡγούμενον ἐκείνου τοῦ μέρουσ αὐτὸσ ὁ Ῥωμαίων πρεσβευτὴσ Κόιντοσ Φάβιοσ ἀνεῖλέ τε καὶ ἐσκύλευσε, καὶ τὰ ὅπλα φορῶν ἐπανῆλθεν ἐσ Κλούσιον. Ὅτι ὁ τῶν Κελτῶν βασιλεὺσ Βρέννοσ, τῶν Φαβίων τῶν Ῥωμαίων πολλοὺσ ἀνελόντων Κελτῶν, μὴ δεξάμενοσ τοὺσ Ῥωμαίων πρέσβεισ, ἐπὶ τούτοισ πρέσβεισ ἐπιλεξάμενοσ ἐσ κατάπληξιν, οἳ Κελτῶν ἁπάντων μεγάλων τὰ σώματα ὄντων ὑπερέβαλλον, ἐξέπεμπεν ἐσ Ῥώμην, αἰτιώμενοσ τοὺσ Φαβίουσ ὅτι πρεσβεύοντεσ παρὰ τοὺσ κοινοὺσ νόμουσ ἐπολέμησαν. ᾔτει τε τοὺσ ἄνδρασ ἐσ δίκην ἐκδότουσ οἱ γενέσθαι, εἰ μὴ θέλουσι Ῥωμαῖοι κοινὸν αὐτῶν εἶναι τὸ ἔργον. οἱ δὲ Ῥωμαῖοι συνεγίγνωσκον μὲν τοὺσ Φαβίουσ ἁμαρτεῖν, αἰδοῖ δὲ οἴκου διαφέροντοσ χρήματα τοὺσ Κελτοὺσ πράξασθαι παρὰ σφῶν παρεκάλουν. οὐ πειθομένων δὲ χειροτονοῦσι τοὺσ Φαβίουσ ἐπὶ τὴν ἐτήσιον ἀρχὴν χιλιάρχουσ, καὶ τοῖσ πρεσβεύουσι τῶν Κελτῶν ἔφασαν οὐ δύνασθαι νῦν οὐδὲν ἐσ τοὺσ Φαβίουσ ἄρχοντασ ἤδη. τοῦ δ’ ἐπιόντοσ ἔτουσ ἥκειν αὐτούσ, ἂν ἔτι μηνίωσιν, ἐκέλευον. Βρέννοσ δὲ καὶ ὅσοι Κελτῶν ἦσαν ὑπ’ ἐκείνῳ, νομίσαντεσ ὑβρίσθαι καὶ χαλεπῶσ ἐνεγκόντεσ ἐσ τοὺσ ἄλλουσ Κελτοὺσ περιέπεμπον, ἀξιοῦντεσ αὐτοὺσ συνεφάψασθαι τοῦδε τοῦ πολέμου. καὶ πολλῶν ἀφικομένων ἄραντεσ ἤλαυνον ἐπὶ τὴν Ῥώμην. Ὁ δὲ ὑφίσταται γράμματα διοίσειν διὰ τῶν ἐχθρῶν ἐσ τὸ Καπιτώλιον. συιδ. ϝ. ὑφίσταται. Ὅτι Καιδίκιοσ γράμμα φέρων ἀπὸ τῆσ βουλῆσ περὶ τῆσ ὑπάτου ἀρχῆσ, παρεκάλει τὸν Κάμιλλον μηδὲν ἐν τῷ παρόντι μηνῖσαι τῇ πατρίδι τῆσ ζημίασ. ὁ δὲ ἐπισχὼν αὐτὸν ἔτι λέγοντα εἶπεν, "οὐκ ἂν ηὐξάμην ἐπιποθῆσαί με Ῥωμαίουσ, εἰ τοιαύτην ἤλπισα τὴν ἐπιπόθησιν αὐτοῖσ ἔσεσθαι. νῦν δὲ δικαιοτέραν εὐχὴν εὔχομαι, γενέσθαι τῇ πατρίδι χρήσιμοσ ἐσ τοσοῦτον ἀγαθοῦ ἐσ ὅσον κακοῦ περιελήλυθεν. " Ὅτι Κελτοὶ μηδεμιᾷ μηχανῇ δυνηθέντεσ ἐπιβῆναι τῆσ ἀκροπόλεωσ, ἠρέμουν ὡσ λιμῷ τοὺσ ἔνδον παραστησόμενοι. καί τισ ἀπὸ τοῦ Καπιτωλίου κατέβαινεν ἱερεύσ, ὄνομα Δόρσων, ἐπὶ ἐτήσιον δή τινα ἱερουργίαν ἐσ τὸν τῆσ Ἑστίασ νεὼν στέλλων τὰ ἱερὰ διὰ τῶν πολεμίων, αἰδεσθέντων ἢ καταπλαγέντων αὐτοῦ τὴν τόλμαν ἢ τὴν εὐσέβειαν, ἢ τὴν ὄψιν ἱερὰν οὖσαν. ὁ μὲν δὴ κινδυνεύειν ὑπὲρ τῶν ἱερῶν ἑλόμενοσ ὑπ’ αὐτῶν ἐσώζετο τῶν ἱερῶν. καὶ τόδε φησὶν ὧδε γενέσθαι Κάσσιοσ ὁ Ῥωμαῖοσ. Τοῦ δὲ οἴνου καὶ τῶν ἄλλων ἄδην ἐνεπίμπλαντο οἱ Κελτοί, τήν τε φύσιν ὄντεσ ἀκρατεῖσ, καὶ χώραν ἔχοντεσ, ὅτι μὴ πρὸσ δημητριακοὺσ καρπούσ, τῶν ἄλλων ἄγονον καὶ ἀφυᾶ. τά τε σώματα αὐτοῖσ μεγάλα ὄντα καὶ τρυφηλὰ καὶ σαρκῶν ὑγρῶν μεστὰ ὑπὸ τῆσ ἀδηφαγίασ καὶ μέθησ ἐσ ὄγκον καὶ βάροσ ἐξεχεῖτο, καὶ πρὸσ δρόμουσ καὶ πόνουσ ἀδύνατα πάμπαν ἐγίγνετο· ὑπό τε ἱδρῶτοσ καὶ ἄσθματοσ, ὅπου τι δέοι κάμνειν, ἐξελύοντο ταχέωσ. ιδ. ιβ. ετ ηινξ συιδ. ϝ. ἄδην. Οὓσ γυμνοὺσ ἐπεδείκνυε Ῥωμαίοισ, "οὗτοί εἰσιν οἱ τὴν βοὴν βαρεῖαν ἱέντεσ ὑμῖν ἐν ταῖσ μάχαισ καὶ τὰ ὅπλα παταγοῦντεσ καὶ ξίφη μακρὰ καὶ κόμασ αἰωροῦντεσ. ὧν τὸ ἄτολμον ὁρῶντεσ, καὶ τὸ σῶμα μαλακὸν καὶ ἄτονον, προσίεσθε τῷ ἔργῳ. "συιδ. ϝ. ἱέντεσ. Τὸν δὲ δῆμον ἀπὸ τοῦ τείχουσ ὁρᾶν, καὶ τοῖσ πονουμένοισ ἑτέρουσ νεαλεῖσ ἐπιπέμπειν ἀεί. οἱ δὲ Κελτοὶ κεκμηκότεσ ἀκμῆσι συμπλεκόμενοι ἔφευγον ἀτάκτωσ. ιδ. ϝ. νεαλήσ. Ὁ δὲ Κελτὸσ ἀγανακτῶν καὶ λιφαιμῶν ἐδιωκε τὸν Οὐαλέριον, συγκαταπεσεῖν ἐπειγομενοσ· ὑπὸ δὲ τοὺσ πόδασ ἀναχωροῦντοσ ἀεὶ τοῦ Οὐαλερίου κατέπεσε πρηνὴσ ὁ Κελτόσ. καὶ δεύτερον τοῦτο μονομάχιον ἐπὶ Κελτοῖσ ἐμεγαλαύχουν οἱ Ῥωμαῖοι. ιδ. ϝ. λιφαιμεῖ. Ὅτι τὸ τῶν Σενόνων ἔθνοσ ἔνσπονδον ἦν Ῥωμαίοισ, καὶ ἐμισθοφόρουν κατὰ Ῥωμαίων. ἡ δὲ βουλὴ πρέσβεισ ἔπεμψεν ἐγκαλέσοντασ ὅτι ὄντεσ ἔνσπονδοι μισθοφοροῦσι κατὰ Ῥωμαίων. τούτουσ Βριτόμαρισ ὁ Κελτόσ, ἀγανακτῶν ὑπὲρ τοῦ πατρὸσ ὅτι συμμαχῶν Τυρρηνοῖσ ὑπὸ Ῥωμαίων ἐν τῷδε τῷ πολέμῳ διέφθαρτο, τά τε κηρύκεια φέροντασ καὶ τὴν ἄσυλον ἐσθῆτα περικειμένουσ κατέτεμεν ἐσ πολλά, καὶ τὰ μέρη τῶν σωμάτων διέρριψεν ἐσ τὰ πεδία. καὶ τοῦ μύσουσ ὁ Κορνήλιοσ ἐν ὁδῷ πυθόμενοσ, ἐσ τὰσ Σενόνων πόλεισ συντόνῳ σπουδῇ διὰ Σαβίνων καὶ Πικεντίνων ἐσβαλὼν ἅπαντα καθῄρει καὶ ἐνεπίμπρη, τῶν τε ἀνθρώπων τὰσ μὲν γυναῖκασ καὶ τὰ παιδία ἠνδραποδίζετο, τοὺσ δὲ ἐν ἥβῃ πάντασ ἔκτεινεν ὁμαλῶσ, καὶ τὴν χώραν ἐλυμαίνετο ποικίλωσ καὶ ἀοίκον ἐσ τὸ λοιπὸν ἐποίει. Βριτόμαριν δὲ μόνον ἦγεν αἰχμάλωτον ἐπὶ λύμῃ. ὕστερον δὲ Σένονεσ οὐκ ἔχοντεσ ἔτι πατρίδασ ἐσ ἃσ διαφύγωσι, συνέπεσον ἐσ χεῖρασ ὑπὸ τόλμησ τῷ Δομετίῳ, καὶ ἡττώμενοι σφᾶσ αὐτοὺσ ὑπ’ ὀργῆσ διεχρῶντο μανικῶσ. καὶ δίκη μὲν ἥδε παρανομίασ ἐσ πρέσβεισ ἐγένετο Σένοσιν. Ὅτι οἱ Σαλύων δυνάσται, τοῦ ἔθνουσ ἡττηθέντοσ ὑπὸ Ῥωμαίων, ἐσ Ἀλλόβριγασ κατέφυγον. καὶ αὐτοὺσ ἐξαιτοῦντεσ οἱ Ῥωμαῖοι στρατεύουσιν ἐπὶ τοὺσ Ἀλλόβριγασ οὐκ ἐκδιδόντασ, ἡγουμένου σφῶν Γναίου Δομετίου. ᾧ παροδεύοντι τὴν τῶν Σαλύων ἐντυγχάνει πρεσβευτὴσ Βιτοίτου βασιλέωσ τῶν Ἀλλοβρίγων, ἐσκευασμένοσ τε πολυτελῶσ, καὶ δορυφόροι παρείποντο αὐτῷ κεκοσμημένοι καὶ κύνεσ· δορυφοροῦνται γὰρ δὴ καὶ πρὸσ κυνῶν οἱ τῇδε βάρβαροι. μουσικόσ τε ἀνὴρ εἵπετο, βαρβάρῳ μουσικῇ τὸν βασιλέα Βιτοῖτον, εἶτ’ Ἀλλόβριγασ, εἶτα τὸν πρεσβευτὴν αὐτὸν ἔσ τε γένοσ καὶ ἀνδρείαν καὶ περιουσίαν ὑμνῶν· οὗ δὴ καὶ μάλιστα ἕνεκα αὐτοὺσ οἱ τῶν πρεσβευτῶν ἐπιφανεῖσ ἐπάγονται. ἀλλ’ ὁ μὲν συγγνώμην αἰτῶν τοῖσ Σαλύων δυνάσταισ ἀπέτυχεν. Ὅτι τῶν Τευτόνων μοῖρα λῃστεύουσα πολύανδροσ ἐσ τὴν γῆν τῶν Νωρικῶν ἐσέβαλε, καὶ ὁ Ῥωμαίων ὕπατοσ Παπίριοσ Κάρβων δείσασ μὴ ἐσ τὴν Ἰταλίαν ἐσβάλοιεν, ἐφήδρευε τοῖσ Ἀλπείοισ, ᾗ μάλιστά ἐστιν ἡ διάβασισ στενωτάτη. οὐκ ἐπιχειρούντων δ’ ἐκείνων αὐτὸσ ἐπέβαινεν αὐτοῖσ, αἰτιώμενοσ ἐσ Νωρικοὺσ ἐσβαλεῖν, Ῥωμαίων ξένουσ ὄντασ· ἐποιοῦντο δ’ οἱ Ῥωμαῖοι ξένουσ, οἷσ ἐδίδοσαν μὲν εἶναι φίλοισ, ἀνάγκη δ’ οὐκ ἐπῆν ὡσ φίλοισ ἐπαμύνειν. οἱ μὲν δὴ Τεύτονεσ πλησιάζοντι τῷ Κάρβωνι προσέπεμπον ἀγνοῆσαί τε τὴν ἐσ Ῥωμαίουσ Νωρικῶν ξενίαν, καὶ αὐτῶν ἐσ τὸ μέλλον ἀφέξεσθαι· ὁ δ’ ἐπαινέσασ τοὺσ πρέσβεισ, καὶ δοὺσ αὐτοῖσ ὁδῶν ἡγεμόνασ, κρύφα τοῖσ ἡγουμένοισ ἐνετείλατο μακροτέραν αὐτοὺσ περιάγειν. τῇ βραχυτέρᾳ δὲ αὐτὸσ διαδραμών, ἀδοκήτωσ ἀναπαυομένοισ ἔτι τοῖσ Τεύτοσιν ἐμπεσών, ἔδωκε δίκην ἀπιστίασ, πολλοὺσ ἀποβαλών. τάχα δ’ ἂν καὶ πάντασ ἀπώλεσεν, εἰ μὴ ζόφοσ καὶ ὄμβροσ καὶ βρονταὶ βαρεῖαι, τῆσ μάχησ ἔτι συνεστώσησ ἐπιπεσοῦσαι, διέστησαν αὐτοὺσ ἀπ’ ἀλλήλων, καὶ ὁ ἀγὼν ὑπὸ τῆσ ἄνωθεν ἐκπλήξεωσ διελύθη. σποράδεσ δὲ καὶ ὣσ ἐσ ὕλασ οἱ Ῥωμαῖοι διαφυγόντεσ, τρίτῃ μόλισ ἡμέρᾳ συνῆλθον. καὶ Τεύτονεσ ἐσ Γαλάτασ ἐχώρουν. Ὁ δὲ τοῖσ σώμασι τῶν Κίμβρων ἀψαυστεῖν ἐκέλευεν, ἑώσ ἡμέρα γένγται, πολύχρυσα εἶναι δοκῶν. συιδ. ϝϝ. ἀψαύστωσ ετ Κίμβροσ. Ὅτι ἔθνη δύο Τιγύριοι καὶ Ἑλουήτιοι ἐσ τὴν Ῥωμαίων Κελτικὴν ἐσέβαλον, καὶ τούτων τὸν στόλον ὁ Καῖσαρ Γάϊοσ πυθόμενοσ διετείχισεν ὅσα περὶ Ῥοδανόν ἐστι ποταμὸν ἐσ ἑκατὸν καὶ πεντήκοντα σταδίουσ μάλιστα. καὶ πρεσβευσαμένοισ ἐπὶ διαπείρᾳ τοῖσ πολεμίοισ ὑπὲρ σπονδῶν ἐκέλευεν ὅμηρα δοῦναι καὶ χρήματα. ἀποκριναμένων δ’ εἰθίσθαι ταῦτα λαμβάνειν, οὐ διδόναι, βουλόμενοσ φθάσαι τὴν ὁμαιχμίαν αὐτῶν, ἐπὶ μὲν τοὺσ Τιγυρίουσ ἐλάσσουσ ὄντασ ἔπεμπε Λαβιηνόν, αὐτὸσ δὲ ἐπὶ τοὺσ Ἑλουητίουσ ἐχώρει, προσλαβὼν Γαλατῶν τῶν ὀρείων ἐσ δισμυρίουσ. καὶ γίγνεται Λαβιηνῷ τὸ ἔργον εὐμαρέσ, ἀδοκήτοισ Τιγυρίοισ περὶ τὸν ποταμὸν ἐπιπεσόντι, καὶ τρεψαμένῳ καὶ σκεδάσαντι τοὺσ πολλοὺσ ἐν ἀσυνταξίᾳ. Ὅτι Ἀριόουιστοσ, Γερμανῶν βασιλεὺσ τῶν ὑπὲρ Ῥῆνον, ἐπιβαίνων τῆσ πέραν Αἰδούοισ ἔτι πρὸ τοῦ Καίσαροσ ἐπολέμει φίλοισ οὖσι Ῥωμαίων. τότε μὲν δή, τοῖσ Ῥωμαίοισ κελεύουσι πεισθείσ, ἀνέζευζεν ἀπὸ τῶν Αἰδούων, καὶ φίλοσ ἠξίωσε Ῥωμαίοισ γενέσθαι. καὶ ἐγένετο, ὑπατεύοντοσ αὐτοῦ Καίσαροσ καὶ ψηφισαμένου. Ὅτι Ἀριόουιστοσ ὁ Γερμανῶν βασιλεύσ, φίλοσ γενόμενοσ Ῥωμαίων, ἐσ λόγουσ ἦλθε τῷ Καίσαρι, καὶ διαχωρισθέντων ἀπ’ ἀλλήλων αὖθισ συνελθεῖν ἐσ λόγουσ ἠξίωσεν. τοῦ δὲ Καίσαροσ οὐ συνελθόντοσ, ἀλλὰ τοὺσ πρωτεύοντασ Γαλατῶν ἀποστείλαντοσ, ἔδησε τοὺσ πρέσβεισ. καὶ ὁ Καῖσαρ ἐστράτευεν ἐπ’ αὐτὸν μετ’ ἀπειλῆσ. δέοσ δ’ ἐμπίπτει τῷ στρατῷ κατὰ κλέοσ τῶν Γερμανῶν. Ὅτι Οὐσιπέται, ἔθνοσ Γερμανικόν, καὶ Ταγχρέαι δοκοῦσι πρότεροι σφετέροισ ἱππεῦσιν ὀκτακοσίοισ τρέψασθαι τῶν Καίσαροσ ἱππέων ἐσ πεντακισχιλίουσ, ὁ δὲ Καῖσαρ αὐτοῖσ πρεσβευομένοισ ἐσ αὐτὸν ἐπιθέσθαι, τοὺσ πρέσβεισ κατασχών, καὶ τὸ πάθοσ ἐκείνοισ ἐσ τέλοσ αἰφνίδιον οὕτω συνενεχθῆναι ὡσ τεσσαράκοντα μυριάδασ τούτων συγκοπῆναι. Κάτωνά τε ἐν Ῥώμῃ τῶν τισ συγγραφέων φησὶ γνώμην ἐσενεγκεῖν, ἐκδοῦναι τοῖσ βαρβάροισ τὸν Καίσαρα ὡσ ἐναγὲσ ἔργον ἐσ διαπρεσβευσαμένουσ ἐργασάμενον. ὁ δὲ Καῖσαρ ἐν ταῖσ ἰδίαισ ἀναγραφαῖσ τῶν ἐφημέρων ἔργων φησὶ τοὺσ Οὐσιπέτασ καὶ Ταγχρέασ κελευομένουσ ἐκπηδᾶν ἐσ τὰ ἀρχαῖα σφῶν, φάναι πρέσβεισ ἐσ τοὺσ ἐκβαλόντασ Σουήβουσ ἀπεσταλκέναι καὶ τὰσ ἀποκρίσεισ αὐτῶν ἀναμένειν, καὶ ἐν ταῖσδε ταῖσ διαπρεσβεύσεσιν ἐπιθέσθαι τοῖσ ὀκτακοσίοισ, καὶ παρ’ αὐτὸ τρέψαι τοὺσ Ῥωμαίων πεντακισχιλίουσ. ἐπιπρεσβευομένων δ’ αὐτῶν καὶ περὶ τοῦ παρασπονδήματοσ ἀπολογουμένων, ὑποτοπήσασ ἐνέδραν ὁμοίαν, ἐπιθέσθαι πρὸ τῶν ἀποκρίσεων. Εὐθὺσ ἠρέθιζον τοὺσ Βρεττανοὺσ παρορκῆσαι, ἔγκλημα ἔχοντασ ὅτι σπονδῶν σφίσι γενομένων ἔτι παρῆν τὸ στρατόπεδον. συιδ. ϝ. παρορκῆσαι. Δείσασ ὁ Καῖσαρ περὶ τῷ Κικέρωνι ὑπέστρεφεν εἰσ τοὐπίσω. ιδ. ϝ. δείσαντεσ. Ὅτι ὁ Βριτόρησ διέφθειρεν Αἰδούουσ Ῥωμαίων ἀποστῆναι, καὶ τοῦ Καίσαροσ ὀνειδίσαντοσ αὐτοῖσ φιλίαν ἔφασαν παλαιὰν ἐφθακέναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter

(아피아노스, The Foreign Wars, chapter)

상위

목록

SEARCH

MENU NAVIGATION