헬라어 문장 검색 - ΗεροδόΤηεΗιστ́1́209́

(헤로도토스, The Histories, book 1, chapter 209)

ἐπείτε δὲ ἐπεραιώθη τὸν Ἀράξεα, νυκτὸσ ἐπελθούσησ εἶδε ὄψιν εὕδων ἐν τῶν Μασσαγετέων τῇ χωρῇ τοιήνδε· ἐδόκεε ὁ Κῦροσ ἐν τῷ ὕπνῳ ὁρᾶν τῶν Ὑστάσπεοσ παίδων τὸν πρεσβύτατον ἔχοντα ἐπὶ τῶν ὤμων πτέρυγασ καὶ τουτέων τῇ μὲν τὴν Ἀσίην τῇ δὲ τὴν Εὐρώπην ἐπισκιάζειν. Ὑστάσπεϊ δὲ τῷ Ἀρσάμεοσ ἐόντι ἀνδρὶ Ἀχαιμενίδῃ ἦν τῶν παίδων Δαρεῖοσ πρεσβύτατοσ, ἐὼν τότε ἡλικίην ἐσ εἴκοσί κου μάλιστα ἔτεα, καὶ οὗτοσ κατελέλειπτο ἐν Πέρσῃσι·

οὐ γὰρ εἶχέ κω ἡλικίην στρατεύεσθαι. ἐπεὶ ὦν δὴ ἐξηγέρθη ὁ Κῦροσ, ἐδίδου λόγον ἑωυτῷ περὶ τῆσ ὄψιοσ.

ὡσ δέ οἱ ἐδόκεε μεγάλη εἶναι ἡ ὄψισ, καλέσασ Ὑστάσπεα καὶ ἀπολαβὼν μοῦνον εἶπε "Ὕστασπεσ, παῖσ σὸσ ἐπιβουλεύων ἐμοί τε καὶ τῇ ἐμῇ ἀρχῇ ἑάλωκε. ὡσ δὲ ταῦτα ἀτρεκέωσ οἶδα, ἐγὼ σημανέω· ἐμεῦ θεοὶ κήδονται καί μοι πάντα προδεικνύουσι τὰ ἐπιφερόμενα.

ἤδη ὦν ἐν τῇ παροιχομένῃ νυκτὶ εὕδων εἶδον τῶν σῶν παίδων τὸν πρεσβύτατον ἔχοντα ἐπὶ τῶν ὤμων πτέρυγασ καὶ τουτέων τῇ μὲν τὴν Ἀσίην τῇ δὲ τὴν Εὐρώπην ἐπισκιάζειν. οὔκων ἐστὶ μηχανὴ ἀπὸ τῆσ ὄψιοσ ταύτησ οὐδεμία τὸ μὴ ἐκεῖνον ἐπιβουλεύειν ἐμοί·

σύ νυν τὴν ταχίστην πορεύεο ὀπίσω ἐσ Πέρσασ καὶ ποίεε ὅκωσ, ἐπεὰν ἐγὼ τάδε καταστρεψάμενοσ ἔλθω ἐκεῖ, ὥσ μοι καταστήσεισ τὸν παῖδα ἐσ ἔλεγχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 209

(헤로도토스, The Histories, book 1, chapter 209)

상위

목록

SEARCH

MENU NAVIGATION