호흡부호 보기
강세부호 보기
장단부호 보기
작은 Iota 보기
모든 부호 보기
ἐτετείχιστο μέν νυν ἡ Βαβυλὼν τρόπῳ τοιῷδε, ἔστι δὲ δύο φάρσεα τῆσ πόλιοσ. τὸ γὰρ μέσον αὐτῆσ ποταμὸσ διέργει, τῷ οὔνομα ἐστὶ Εὐφρήτησ· ῥέει δὲ ἐξ Ἀρμενίων, ἐὼν μέγασ καὶ βαθὺσ καὶ ταχύσ· ἐξιεῖ δὲ οὗτοσ ἐσ τὴν Ἐρυθρὴν θάλασσαν. τὸ ὦν δὴ τεῖχοσ ἑκάτερον τοὺσ ἀγκῶνασ ἐσ τὸν ποταμὸν ἐλήλαται·
τὸ δὲ ἀπὸ τούτου αἱ ἐπικαμπαὶ παρὰ χεῖλοσ ἑκάτερον τοῦ ποταμοῦ αἱμασιὴ πλίνθων ὀπτέων παρατείνει. τὸ δὲ ἄστυ αὐτό, ἐὸν πλῆρεσ οἰκιέων τριωρόφων καὶ τετρωρόφων, κατατέτμηται τὰσ ὁδοὺσ ἰθέασ τάσ τε ἄλλασ καὶ τὰσ ἐπικαρσίασ τὰσ ἐπὶ τὸν ποταμὸν ἐχούσασ.
κατὰ δὴ ὦν ἑκάστην ὁδὸν ἐν τῇ αἱμασιῇ τῇ παρὰ τὸν ποταμὸν πυλίδεσ ἐπῆσαν, ὅσαι περ αἱ λαῦραι, τοσαῦται ἀριθμόν·
ἦσαν δὲ καὶ αὗται χάλκεαι . . . . φέρουσαι καὶ αὐταὶ ἐσ αὐτὸν τὸν ποταμόν.
호흡부호 보기
강세부호 보기
장단부호 보기
작은 Iota 보기
모든 부호 보기