헬라어 문장 검색 - ΗεροδόΤηεΗιστ́1́034́

(헤로도토스, The Histories, book 1, chapter 34)

μετὰ δὲ Σόλωνα οἰχόμενον ἔλαβέ ἐκ θεοῦ νέμεσισ μεγάλη Κροῖσον, ὡσ εἰκάσαι, ὅτι ἐνόμισε ἑωυτὸν εἶναι ἀνθρώπων ἁπάντων ὀλβιώτατον. αὐτίκα δέ οἱ εὕδοντι ἐπέστη ὄνειροσ, ὅσ οἱ τὴν ἀληθείην ἔφαινε τῶν μελλόντων γενέσθαι κακῶν κατὰ τὸν παῖδα. ἦσαν δὲ τῷ Κροίσῳ δύο παῖδεσ, τῶν οὕτεροσ μὲν διέφθαρτο, ἦν γὰρ δὴ κωφόσ, ὁ δὲ ἕτεροσ τῶν ἡλίκων μακρῷ τὰ πάντα πρῶτοσ·

οὔνομα δέ οἱ ἦν Ἄτυσ. τοῦτον δὴ ὦν τὸν Ἄτυν σημαίνει τῷ Κροίσῳ ὁ ὄνειροσ, ὡσ ἀπολέει μιν αἰχμῇ σιδηρέῃ βληθέντα. ὃ δ’ ἐπείτε ἐξηγέρθη καὶ ἑωυτῷ λόγον ἔδωκε, καταρρωδήσασ τὸν ὄνειρον ἄγεται μὲν τῷ παιδὶ γυναῖκα, ἐωθότα δὲ στρατηγέειν μιν τῶν Λυδῶν οὐδαμῇ ἔτι ἐπὶ τοιοῦτο πρῆγμα ἐξέπεμπε·

ἀκόντια δὲ καὶ δοράτια καὶ τά τοιαῦτα πάντα τοῖσι χρέωνται ἐσ πόλεμον ἄνθρωποι, ἐκ τῶν ἀνδρεώνων ἐκκομίσασ ἐσ τοὺσ θαλάμουσ συνένησε, μή τί οἱ κρεμάμενον τῷ παιδὶ ἐμπέσῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 34

(헤로도토스, The Histories, book 1, chapter 34)

상위

목록

SEARCH

MENU NAVIGATION