헬라어 문장 검색 - ΗεροδόΤηεΗιστ́1́018́

(헤로도토스, The Histories, book 1, chapter 18)

ταῦτα ποιέων ἐπολέμεε ἔτεα ἕνδεκα, ἐν τοῖσι τρώματα μεγάλα διφάσια Μιλησίων ἐγένετο, ἔν τε Λιμενηίῳ χώρησ τῆσ σφετέρησ μαχεσαμένων καὶ ἐν Μαιάνδρου πεδίῳ. τὰ μέν νυν ἓξ ἔτεα τῶν ἕνδεκα Σαδυάττησ ὁ Ἄρδυοσ ἔτι Λυδῶν ἦρχε, ὁ καὶ ἐσβάλλων τηνικαῦτα ἐσ τὴν Μιλησίην τὴν στρατιήν·

Σαδυάττησ οὗτοσ γὰρ καὶ ὁ τὸν πόλεμον ἦν συνάψασ· τὰ δὲ πέντε τῶν ἐτέων τὰ ἑπόμενα τοῖσι ἓξ Ἀλυάττησ ὁ Σαδυάττεω ἐπολέμεε, ὃσ παραδεξάμενοσ, ὡσ καὶ πρότερον μοι δεδήλωται, παρὰ τοῦ πατρὸσ τὸν πόλεμον προσεῖχε ἐντεταμένωσ. τοῖσι δὲ Μιλησίοισι οὐδαμοὶ Ιὤνων τὸν πόλεμον τοῦτον συνεπελάφρυνον ὅτι μὴ Χῖοι μοῦνοι.

οὗτοι δὲ τὸ ὅμοιον ἀνταποδιδόντεσ ἐτιμώρεον· καὶ γὰρ δὴ πρότερον οἱ Μιλήσιοι τοῖσι Χίοισι τὸν πρὸσ Ἐρυθραίουσ πόλεμον συνδιήνεικαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 18

(헤로도토스, The Histories, book 1, chapter 18)

상위

목록

SEARCH

MENU NAVIGATION