헬라어 문장 검색 - Αππιαν́ΤηεΦορέ84́

(아피아노스, The Foreign Wars, chapter 4)

Καὶ τάδε μὲν ἦν ἀμφὶ τὸν Μιθριδάτην· Ῥωμαῖοι δ’ ἐξ οὗ τῆσ πρώτησ αὐτοῦ ὁρμῆσ τε καὶ ἐσ τὴν Ἀσίαν ἐσβολῆσ ἐπύθοντο, στρατεύειν ἐπ’ αὐτὸν ἐψηφίσαντο, καίπερ ἀσχολούμενοι στάσεσιν ἀτρύτοισ ἐν τῇ πόλει καὶ οἰκείῳ πολέμῳ χαλεπῷ, τῆσ Ἰταλίασ ἀφισταμένησ σχεδὸν ἁπάσησ ἀνὰ μέροσ. κληρουμένων δὲ τῶν ὑπάτων, ἔλαχε μὲν Κορνήλιοσ Σύλλασ ἄρχειν τῆσ Ἀσίασ καὶ πολεμεῖν τῷ Μιθριδάτῃ, χρήματα δ’ οὐκ ἔχοντεσ αὐτῷ ἐσενεγκεῖν, ἐψηφίσαντο πραθῆναι ὅσα Νουμᾶσ Πομπίλιοσ βασιλεὺσ ἐσ θυσίασ θεῶν διετέτακτο. τοσήδε μὲν ἦν τότε πάντων ἀπορία καὶ ἐσ πάντα φιλοτιμία. καὶ τινα αὐτῶν ἔφθασε πραθῆναι καὶ συνενεγκεῖν χρυσίου λίτρασ ἐνακισχιλίασ, ἃσ μόνασ ἐσ τηλικοῦτον πόλεμον ἔδοσαν. Σύλλαν μὲν οὖν ἐσ πολὺ αἱ στάσεισ κατέσχον, ὡσ ἐν τοῖσ ἐμφυλίοισ συγγέγραπται· ἐν τούτῳ δ’ ὁ Μιθριδάτησ ἐπί τε Ῥοδίουσ ναῦσ πλείονασ συνεπήγνυτο, καὶ σατράπαισ ἅπασι καὶ πόλεων ἄρχουσι δι’ ἀπορρήτων ἔγραφε, τριακοστὴν ἡμέραν φυλάξαντασ ὁμοῦ πάντασ ἐπιθέσθαι τοῖσ παρὰ σφίσι Ῥωμαίοισ καὶ Ἰταλοῖσ, αὐτοῖσ τε καὶ γυναιξὶν αὐτῶν καὶ παισὶ καὶ ἀπελευθέροισ ὅσοι γένουσ Ἰταλικοῦ, κτείναντάσ τε ἀτάφουσ ἀπορρῖψαι, καὶ τὰ ὄντα αὐτοῖσ μερίσασθαι πρὸσ βασιλέα Μιθριδάτην. ἐπεκήρυξε δὲ καὶ ζημίαν τοῖσ καταθάπτουσιν αὐτοὺσ ἢ ἐπικρύπτουσι, καὶ μήνυτρα τοῖσ ἐλέγχουσιν ἢ τοὺσ κρυπτομένουσ ἀναιροῦσι, θεράπουσι μὲν ἐπὶ δεσπότασ ἐλευθερίαν, χρήσταισ δ’ ἐπὶ δανειστὰσ ἥμισυ τοῦ χρέουσ. τάδε μὲν δὴ δι’ ἀπορρήτων ὁ Μιθριδάτησ ἐπέστελλεν ἅπασιν ὁμοῦ, καὶ τῆσ ἡμέρασ ἐπελθούσησ συμφορῶν ἰδέαι ποικίλαι κατὰ τὴν Ἀσίαν ἦσαν, ὧν ἔνια τοιάδε ἦν. Ἐφέσιοι τοὺσ ἐσ τὸ Αρτεμίσιον καταφυγόντασ, συμπλεκομένουσ τοῖσ ἀγάλμασιν, ἐξέλκοντεσ ἔκτεινον.

Περγαμηνοὶ τοὺσ ἐσ τὸ Ἀσκληπιεῖον συμφυγόντασ, οὐκ ἀφισταμένουσ, ἐτόξευον τοῖσ ξοάνοισ συμπλεκομένουσ. Ἀδραμυττηνοὶ τοὺσ ἐκνέοντασ ἐσβαίνοντεσ ἐσ τὴν θάλασσαν ἀνῄρουν, καὶ τὰ βρέφη κατεπόντουν. Καύνιοι Ῥοδίοισ ὑποτελεῖσ ἐπὶ τῷ Ἀντιόχου πολέμῳ γενόμενοι, καὶ ὑπὸ Ῥωμαίων ἀφεθέντεσ οὐ πρὸ πολλοῦ, τοὺσ Ἰταλοὺσ ἐσ τὴν βουλαίαν Ἑστίαν καταφυγόντασ ἕλκοντεσ ἀπὸ τῆσ Ἑστίασ, τὰ βρέφη σφῶν πρῶτα ἔκτεινον ἐν ὄψει τῶν μητέρων, αὐτὰσ δὲ καὶ τοὺσ ἄνδρασ ἐπ’ ἐκείνοισ. Τραλλιανοὶ δ’ αὐθένται τοῦ κακοῦ φυλαξάμενοι γενέσθαι, Παφλαγόνα Θεόφιλον, ἄγριον ἄνδρα, ἐσ τὸ ἔργον ἐμισθώσαντο, καὶ ὁ Θεόφιλοσ αὐτοὺσ συναγαγὼν ἐπὶ τὸν τῆσ ὁμονοίασ νεὼν ἥπτετο τοῦ φόνου, καὶ τινῶν τοῖσ ἀγάλμασι συμπλεκομένων τὰσ χεῖρασ ἀπέκοπτεν. τοιαύταισ μὲν τύχαισ οἱ περὶ τὴν Ἀσίαν ὄντεσ Ἰταλοὶ καὶ Ῥωμαῖοι συνεφέροντο, ἄνδρεσ τε ὁμοῦ καὶ βρέφη καὶ γυναῖκεσ, καὶ ἐξελεύθεροι καὶ θεράποντεσ αὐτῶν, ὅσοι γένουσ Ἰταλικοῦ. ᾧ καὶ μάλιστα δῆλον ἐγένετο τὴν Ἀσίαν οὐ φόβῳ Μιθριδάτου μᾶλλον ἢ μίσει Ῥωμαίων τοιάδε ἐσ αὐτοὺσ ἐργάσασθαι. ἀλλ’ οὗτοι μὲν δίκην ἔδοσαν διπλῆν, αὐτοῦ τε Μιθριδάτου μετ’ ὀλίγον ἀπίστωσ ἐξυβρίσαντοσ ἐσ αὐτούσ, καὶ ὕστερον Κορνηλίῳ Σύλλᾳ· Μιθριδάτησ δὲ ἐσ μὲν Κῶ κατέπλευσε, Κῴων αὐτὸν ἀσμένωσ δεχομένων, καὶ τὸν Ἀλεξάνδρου παῖδα τοῦ βασιλεύοντοσ Αἰγύπτου, σὺν χρήμασι πολλοῖσ ὑπὸ τῆσ μάμμησ Κλεοπάτρασ ἐν Κῷ καταλελειμμένον, παραλαβὼν ἔτρεφε βασιλικῶσ, ἔκ τε τῶν Κλεοπάτρασ θησαυρῶν γάζαν πολλὴν καὶ τέχνην καὶ λίθουσ καὶ κόσμουσ γυναικείουσ καὶ χρήματα πολλὰ ἐσ τὸν Πόντον ἔπεμψεν. Ἐν δὲ τούτῳ Ῥόδιοι τά τε τειχη σφῶν καὶ τοὺσ λιμένασ ἐκρατύναντο, καὶ μηχανὰσ ἅπασιν ἐφίστανον·

καί τινεσ αὐτοῖσ Τελμισέων τε καὶ Λυκίων συνέμαχουν. ὅσοι τε ἐξ Ἀσίασ Ἰταλοὶ διεπεφεύγεσαν, ἐσ Ῥόδον ἅπαντεσ ἐχώρουν, καὶ σὺν αὐτοῖσ Λεύκιοσ Κάσσιοσ ὁ τῆσ Ἀσίασ ἀνθύπατοσ. ἐπιπλέοντοσ δὲ τοῦ Μιθριδάτου τὰ προάστεια καθῄρουν, ἵνα μηδὲν εἰή χρήσιμα τοῖσ πολεμίοισ, καὶ ἐπὶ ναυμαχίαν ἀνήγοντο, ταῖσ μὲν ἐκ μετώπου ταῖσ δὲ πλαγίοισ. ὁ δὲ βασιλεὺσ ἐπὶ πεντήρουσ περιπλέων ἐκέλευε τοὺσ ἰδίουσ ἐσ τὸ πέλαγοσ ἀνάγειν ἐπὶ κέρωσ, καὶ τὴν εἰρεσίαν ἐπιταχύναντασ περικυκλοῦσθαι τοὺσ πολεμίουσ ὀλιγωτέρουσ ὄντασ, μέχρι δείσαντεσ οἱ Ῥόδιοι περὶ τῇ κυκλώσει ὑπεχώρουν κατ’ ὀλίγον· εἶτ’ ἐπιστρέψαντεσ ἐσ τὸν λιμένα κατέφυγον, καὶ κλείθροισ αὐτὸν διαλαβόντεσ ἀπὸ τῶν τειχῶν τὸν Μιθριδάτην ἀπεμάχοντο. ὁ δὲ τῇ πόλει παραστρατοπεδεύων καὶ συνεχῶσ τῶν λιμένων πειρώμενοσ καὶ ἀποτυγχάνων, ἀνέμενε τὸ πεζὸν ἐκ τῆσ Ἀσίασ οἱ παραγενέσθαι. κἀν τούτῳ βραχεῖαι καὶ συνεχεῖσ ἐγίγνοντο ἁψιμαχίαι τῶν ἐφεδρευόντων τοῖσ τείχεσιν, ἐν αἷσ οἱ Ῥόδιοι πλεονεκτοῦντεσ ἀνεθάρσουν κατ’ ὀλίγον, καὶ τὰσ ναῦσ διὰ χειρὸσ εἶχον ὡσ, εἴ πῃ καιρὸν εὑρ́οιεν, ἐπιθησόμενοι τοῖσ πολεμίοισ. Ὁλκάδοσ δὲ βασιλικῆσ ἱστίῳ παραπλεούσησ, Ῥοδία δίκροτοσ ἐπ’ αὐτὴν ἀνήχθη·

καὶ ταῖσδε κατὰ σπουδὴν ἑκατέρων ἐπιβοηθούντων ναυμαχία γίγνεται καρτερά, Μιθριδάτου μὲν ἐπιβαρύνοντοσ ὀργῇ καὶ πλήθεσι νεῶν, Ῥοδίων δ’ αὐτοῦ τὰ σκάφη σὺν ἐμπειρίᾳ περιπλεόντων τε καὶ ἀνατιτρώντων, ὥστε καὶ τριήρη αὐτοῖσ ἀνδράσιν ἀναδησάμενοι καὶ ἀκροστόλια πολλὰ καὶ σκῦλα ἐσ τὸν λιμένα φέροντεσ ἐπανελθεῖν. πεντήρουσ δὲ σφῶν εἰλημμένησ ὑπὸ τῶν πολεμίων, ἀγνοοῦντεσ οἱ Ῥόδιοι ἐπὶ ζήτησιν αὐτῆσ ἓξ ταῖσ μάλιστα ταχυναυτούσαισ ἀνέπλεον, καὶ Δαμαγόρασ ἐπ’ αὐτῶν ὁ ναύαρχοσ ἐπέπλει. πέντε δ’ αὐτῷ καὶ εἴκοσιν ἐπιπέμψαντοσ τοῦ Μιθριδάτου, μέχρι μὲν ἐσ δύσιν ὁ Δαμαγόρασ ὑπεχώρει, συσκοτάζοντοσ δ’ ἤδη ταῖσ βασιλικαῖσ ἐσ ἀπόπλουν ἐπιστρεφομέναισ ἐμβαλὼν δύο κατεπόντωσε, δύο δ’ ἄλλασ ἐσ Λυκίαν συνεδίωξε, καὶ τὴν νύκτα πελαγίσασ ἐπανῆλθεν. τοῦτο Ῥοδίοισ καὶ Μιθριδάτῃ τέλοσ ἦν τῆσ ναυμαχίασ, παρὰ δόξαν Ῥοδίοισ τε διὰ τὴν ὀλιγότητα καὶ Μιθριδάτῃ διὰ τὸ πλῆθοσ γενόμενον. ἐν δὲ τῷ ἔργῳ περιπλέοντι τῷ βασιλεῖ, καὶ τοὺσ οἰκείουσ ἐπισπέρχοντι, Χία συμμαχὶσ ἐμβαλοῦσα ἐκ θορύβου κατέσεισε· καὶ ὁ βασιλεύσ, οὐδὲν τότε φροντίζειν ὑποκρινάμενοσ, τὸν κυβερνήτην ὕστερον ἐκόλασε καὶ τὸν πρῳρέα, καὶ Χίοισ ἐμήνισε πᾶσιν. Τῶν δ’ αὐτῶν ἡμερῶν τοῦ πεζοῦ τῷ Μιθριδάτῃ παραπλέοντοσ ἐπὶ ὁλκάδων καὶ τριήρων, πνεῦμα Καυνικὸν ἐμπεσὸν ἐσ αὐτὰσ ἐσ Ῥόδον παρήνεγκε·

καὶ οἱ Ῥόδιοι τάχιστα ἐπαναχθέντεσ, ἐνοχλουμέναισ ὑπὸ τοῦ κλύδωνοσ ἔτι καὶ διεσπαρμέναισ ἐμβαλόντεσ, ἀνεδήσαντό τινασ καὶ διέτρησαν ἑτέρασ καὶ ἐνέπρησαν ἄλλασ, καὶ ἄνδρασ αἰχμαλώτουσ εἷλον ἐσ τετρακοσίουσ. ἐφ’ οἷσ ὁ Μιθριδάτησ ἐσ ἑτέραν ναυμαχίαν ὁμοῦ καὶ πολιορκίαν ἡτοιμάζετο, σαμβύκην δέ τινα, μηχάνημα μέγιστον, ἐπὶ δύο νεῶν φερόμενον ἐποίει. αὐτομόλων δ’ αὐτῷ λόφον ὑποδειξάντων ἐπιβατόν, ᾗ Ἀταβυρίου Διὸσ ἱερὸν ἦν καὶ κολοβὸν τειχίον ἐπ’ αὐτοῦ, τὴν στρατιὰν ἐσ τὰσ ναῦσ νυκτὸσ ἐπέβησε, καὶ ἑτέροισ ἀναδοὺσ κλίμακασ ἐκέλευσε χωρεῖν ἑκατέρουσ μετὰ σιωπῆσ, μέχρι τινὲσ αὐτοῖσ πυρσεύσειαν ἐκ τοῦ Ἀταβυρίου, καὶ τότε ἀθρόωσ, μετὰ βοῆσ ὅτι μάλιστα μεγάλησ, τοὺσ μὲν τοῖσ λιμέσιν ἐμπίπτειν, τοὺσ δὲ τὰ τείχη βιάζεσθαι. οἱ μὲν δὴ μετὰ σιγῆσ βαθείασ προσεπέλαζον, Ῥοδίων δ’ οἱ προφύλακεσ αἰσθόμενοι τῶν γιγνομένων ἐπύρσευσαν, καὶ ἡ στρατιὰ τοῦ Μιθριδάτου, νομίσασα τοῦτο εἶναι τὸν ἐκ τοῦ Ἀταβυρίου πυρσόν, ἐκ βαθείασ σιωπῆσ ἠλάλαξαν ὁμοῦ πάντεσ, οἵ τε κλιμακοφόροι καὶ ὁ στόλοσ ὁ νηίτησ. Ῥοδίων δ’ αὐτοῖσ ἀκαταπλήκτωσ ἀντανακραγόντων, καὶ ἀθρόωσ ἀναδραμόντων ἐσ τὰ τείχη, οἱ βασιλικοὶ νυκτὸσ μὲν οὐδ’ ἐπεχείρουν, ἡμέρασ δ’ ἀπεκρούσθησαν. Ἡ σαμβύκη δ’ ἐπαχθεῖσα τοῦ τείχουσ ᾗ τὸ τῆσ Ἴσιδοσ ἱερόν ἐστιν, ἐφόβει μάλιστα, βέλη τε πολλὰ ὁμοῦ καὶ κριοὺσ καὶ ἀκόντια ἀφιεῖσα.

στρατιῶταί τε σκάφεσι πολλοῖσ αὐτῇ μετὰ κλιμάκων παρέθεον ὡσ ἀναβησόμενοι δι’ αὐτῆσ ἐπὶ τὰ τείχη. οἱ δὲ Ῥόδιοι καὶ τάδε εὐσταθῶσ ὑπέμενον, ἑώσ τό τε μηχάνημα ὑπὸ βάρουσ ἐνεδίδου, καὶ φάσμα τῆσ Ἴσιδοσ ἔδοξε πῦρ ἀφιέναι πολὺ κατ’ αὐτοῦ. καὶ ὁ Μιθριδάτησ ἀπογνοὺσ καὶ τῆσδε τῆσ πείρασ ἀνεζεύγνυεν ἐκ τῆσ Ῥόδου, Πατάροισ δὲ τὴν στρατιὰν περιστήσασ ἔκοπτε Λητοῦσ ἄλσοσ ἱερὸν ἐσ μηχανάσ, μέχρι φοβήσαντοσ αὐτὸν ἐνυπνίου τῆσ τε ὕλησ ἐφείσατο, καὶ Πελοπίδαν Λυκίοισ πολεμεῖν ἐπιστήσασ, Ἀρχέλαον ἐσ τὴν Ἑλλάδα ἔπεμπε, προσεταιριούμενον ἢ βιασόμενον αὐτῆσ ὅσα δύναιτο. αὐτὸσ δ’ ἀπὸ τοῦδε τοῖσ στρατηγοῖσ τὰ πολλὰ μεθεὶσ ἐστρατολόγει καὶ ὡπλοποίει, καὶ τῇ Στρατονικίδι γυναικὶ διετέρπετο, καὶ δίκασ ἐδίκαζε τοῖσ ἐπιβουλεύειν ἐσ τὸ σῶμα αὐτοῦ λεγομένοισ ἢ νεωτερίζουσιν ἢ ὅλωσ ῥωμαΐζουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 4

(아피아노스, The Foreign Wars, chapter 4)

상위

목록

SEARCH

MENU NAVIGATION