헬라어 문장 검색 - Αππιαν́ΤηεΦορέ79́

(아피아노스, The Foreign Wars, chapter 11)

Τοιόνδε μὲν δὴ τέλοσ ἑκατέρῳ τῶνδε τῶν βασιλέων συνηνέχθη, ἀνδρειοτάτων τε καὶ τὰ σώματα μεγίστων γενομένων, τοῦ μὲν ἐσ ἑβδομήκοντα ἔτη, τοῦ δὲ ἐσ πλέονα τούτων ἔτι ἄλλα τρία, μεμαχημένων ἐκ χειρὸσ οἰκείασ ἀεὶ μέχρι τοῦ θανάτου. Σελεύκου δ’ ἀποθανόντοσ διάδοχοι, παῖσ παρὰ πατρὸσ ἐκδεχόμενοι τὴν Σύρων ἀρχήν, ἐγένοντο οἵδε, Ἀντίοχοσ μὲν πρῶτοσ ὅδε ὁ τῆσ μητρυιᾶσ ἐρασθείσ, ὃσ καὶ σωτὴρ ἐπεκλήθη Γαλάτασ ἐκ τῆσ Εὐρώπησ ἐσ τὴν Ἀσίαν ἐσβαλόντασ, ἐξελάσασ, δεύτεροσ δὲ Ἀντίοχοσ ἕτεροσ, ἐκ τῶνδε τῶν γάμων γενόμενοσ, ὅτῳ θεὸσ ἐπώνυμον ὑπὸ Μιλησίων γίγνεται πρῶτον, ὅτι αὐτοῖσ Τίμαρχον τύραννον καθεῖλεν.

ἀλλὰ τόνδε μὲν τὸν θεὸν ἔκτεινεν ἡ γυνὴ φαρμάκῳ. δύο δὲ εἶχε, Λαοδίκην καὶ Βερενίκην, ἐξ ἔρωτόσ τε καὶ ἐγγύησ, . . . Πτολεμαίου τοῦ φιλαδέλφου θυγατέρα· καὶ αὐτὸν ἔκτεινε Λαοδίκη, καὶ ἐπ’ ἐκείνῳ Βερενίκην τε καὶ τὸ Βερενίκησ βρέφοσ. καὶ Πτολεμαῖοσ ὁ τοῦ φιλαδέλφου, ταῦτα τινύμενοσ, Λαοδίκην τε ἔκτεινε καὶ ἐσ Συρίαν ἐνέβαλε καὶ ἐσ Βαβυλῶνα ἤλασεν. καὶ Παρθυαῖοι τῆσ ἀποστάσεωσ τότε ἦρξαν ὡσ τεταραγμένησ τῆσ τῶν Σελευκιδῶν ἀρχῆσ. Ἐπὶ δὲ τῷ θεῷ βασιλεὺσ γίγνεται Συρίασ Σέλευκοσ, υἱὸσ τοῦ θεοῦ τε καὶ Λαοδίκησ, ᾧ καλλίνικοσ ἐπώνυμον.

" ὁ μὲν δὴ καταπλαγεὶσ ἀνέζευξε, καὶ τὸ τῆσ Ἐλυμαίασ Ἀφροδίτησ ἱερὸν ἐσύλησε, καὶ φθίνων ἐτελεύτησε, παιδίον ἐνναετὲσ ἀπολιπών, Ἀντίοχον τὸν εὐπάτορα, ὥσ μοι καὶ περὶ τοῦδε εἴρηται. ἐπὶ δὲ Σελεύκῳ δύο παῖδεσ αὐτοῦ Σελεύκου, καθ’ ἡλικίαν ἑκάτεροσ αὐτῶν, Σέλευκόσ τε καὶ Ἀντίοχοσ. Σελεύκῳ μὲν δὴ ἀσθενεῖ τε ὄντι καὶ πενομένῳ καὶ δυσπειθῆ τὸν στρατὸν ἔχοντι ἐπεβούλευσαν οἱ φίλοι διὰ φαρμάκων, καὶ ἐσ ἔτη δύο μόνα ἐβασίλευσεν· ὁ δὲ Ἀντίοχοσ ὅδε ἐστὶν ὁ μέγασ ἐπίκλην, περὶ οὗ μοι πάλαι εἴρηται, Ῥωμαίοισ πεπολεμηκότοσ. ἐβασίλευσε δὲ ἔτη ἑπτὰ καὶ τριάκοντα. καὶ αὐτοῦ περὶ τοῖν παίδοιν προεῖπον ἀμφοῖν βεβασιλευκότοιν, Σελεύκου τε καὶ Ἀντιόχου, Σελεύκου μὲν ἔτεσι δώδεκα, ἀπράκτωσ ἅμα καὶ ἀσθενῶσ διὰ τὴν τοῦ πατρὸσ συμφοράν, Ἀντιόχου δὲ δώδεκα οὐ πλήρεσιν, ἐν οἷσ Ἀρταξίαν τὸν Ἀρμένιον εἷλε, καὶ ἐσ Αἴγυπτον ἐστράτευσεν ἐπὶ ἕκτον Πτολεμαῖον, ὀρφανευόμενον μετ’ ἀδελφοῦ. καὶ αὐτῷ στρατοπεδεύοντι περὶ τὴν Ἀλεξάνδρειαν Ποπίλιοσ παρὰ Ῥωμαίων πρεσβευτὴσ ἧκε, φέρων δέλτον ἐν ᾗ τάδε ἐγέγραπτο, μὴ πολεμεῖν Πτολεμαίοισ Ἀντίοχον. ἀναγνόντι δὲ αὐτῷ, καὶ λέγοντι βουλεύσεσθαι, κύκλον τῇ ῥάβδῳ περιέγραψεν ὁ Ποπίλιοσ, καὶ εἶπεν· "ἐνταῦθα βουλεύου. Εἴρηται δὲ καὶ περὶ Δημητρίου τοῦ μετ’ αὐτόν, ὃσ ὡμήρευεν ἐν Ῥώμῃ καὶ τῆσ ὁμηρείασ ἐκφυγὼν ἐβασίλευσε, σωτὴρ καὶ ὅδε πρὸσ τῶν Σύρων, δεύτεροσ ἐπὶ τῷ Σελεύκου τοῦ νικάτοροσ παιδὶ ὀνομασθείσ.

ἐπανίσταται δὲ αὐτῷ τισ Ἀλέξανδροσ, ψευδόμενοσ εἶναι τοῦ Σελευκείου γένουσ· καὶ Πτολεμαῖοσ ὁ τῆσ Αἰγύπτου βασιλεὺσ κατὰ μῖσοσ Δημητρίου συνελάμβανεν Ἀλεξάνδρῳ. καὶ Δημήτριοσ μὲν διὰ Πτολεμαῖον ἐξέπεσε τῆσ ἀρχῆσ καὶ ἐτελεύτησε· τὸν δὲ Ἀλέξανδρον ἐξέβαλε Δημήτριοσ ὁ Δημητρίου τοῦδε τοῦ σωτῆροσ υἱόσ, καὶ ἐπὶ τῷδε, ὡσ νόθον τοῦ γένουσ ἄνδρα νικήσασ, νικάτωρ ὑπὸ τῶν Σύρων ὠνομάσθη, δεύτεροσ καὶ ὅδε μετὰ Σέλευκον. ἐπί τε Παρθυαίουσ καὶ ὅδε μετὰ Σέλευκον ἐστράτευσε, καὶ γενόμενοσ αἰχμάλωτοσ δίαιταν εἶχεν ἐν Φραάτου βασιλέωσ, καὶ Ῥοδογούνην ἔζευξεν αὐτῷ τὴν ἀδελφὴν ὁ βασιλεύσ. Παρὰ δὲ τὴν ἀναρχίαν τήνδε δοῦλοσ τῶν βασιλέων Διόδοτοσ παιδίον Ἀλέξανδρον, ἐξ Ἀλεξάνδρου τοῦ νόθου καὶ τῆσ Πτολεμαίου θυγατρόσ, ἐπὶ τὴν βασιλείαν ἤγαγεν.

καὶ τὸ παιδίον κτείνασ αὐτὸσ ἐπετόλμησε τῇ ἀρχῇ, Τρύφων ἀφ’ ἑαυτοῦ μετονομασθείσ. ἀλλ’ αὐτὸν Ἀντίοχοσ ὁ ἀδελφὸσ Δημητρίου τοῦ αἰχμαλώτου, πυθόμενοσ ἐν Ῥόδῳ περὶ τῆσ αἰχμαλωσίασ, κτείνει κατιὼν ἐσ τὰ πατρῷα σὺν πόνῳ πολλῷ. καὶ στρατεύει καὶ ὅδε ἐπὶ τὸν Φραάτην, τὸν ἀδελφὸν αἰτῶν. ὁ μὲν δὴ Φραάτησ αὐτὸν ἔδεισε καὶ τὸν Δημήτριον ἐξέπεμψεν· ὁ δ’ Ἀντίοχοσ καὶ ὣσ συνέβαλέ τε τοῖσ Παρθυαίοισ, καὶ ἡσσώμενοσ ἑαυτὸν ἔκτεινεν. ἔκτεινε δὲ καὶ Δημήτριον ἐσ τὴν βασιλείαν ἐπανελθόντα ἡ γυνὴ Κλεοπάτρα, δολοφονήσασα διὰ ζῆλον τοῦ γάμου Ῥοδογούνησ, δι’ ὃν δὴ καὶ Ἀντιόχῳ τῷ ἀδελφῷ τοῦ Δημητρίου προὐγεγάμητο. καὶ παῖδεσ ἦσαν αὐτῇ δύο μὲν ἐκ Δημητρίου, Σέλευκόσ τε καὶ Ἀντίοχοσ, ὅτῳ γρυπὸσ ἐπίκλησισ, ἐκ δὲ Ἀντιόχου Ἀντίοχοσ, ὅτῳ Κυζικηνὸσ ἐπώνυμον. τούτων τὸν μὲν γρυπὸν ἐσ Ἀθήνασ, τὸν δὲ Κυζικηνὸν ἐσ Κύζικον ἐπεπόμφει τρέφεσθαι. Σέλευκον δ’ εὐθὺσ ἐπὶ τῷ πατρὶ Δημητρίῳ τὸ διάδημα ἐπιθέμενον ἐπιτοξεύσασα ἔκτεινεν, εἴτε δείσασα περὶ τῆσ τοῦ πατρὸσ δολοφονήσεωσ, εἴτε καὶ μανιώδει πρὸσ πάντασ μίσει.

μετὰ δὲ Σέλευκον ὁ γρυπὸσ ἐγένετο βασιλεύσ, καὶ τὴν μητέρα οἱ φάρμακον κεράσασαν πιεῖν ἠνάγκασεν. ἡ μὲν δὴ δίκην ποτὲ ἔδωκεν, ἄξιοσ δὲ ἄρα τῆσ μητρὸσ ἦν καὶ ὁ γρυπόσ· ἐπεβούλευε γὰρ τῷ Κυζικηνῷ καίπερ ὄντι ὁμομητρίῳ. ὁ δὲ μαθὼν ἐπολέμησέ τε αὐτῷ καὶ τῆσ ἀρχῆσ αὐτόν ἐξήλασε, καὶ βασιλεὺσ ἀντ’ ἐκείνου τοῖσ Σύροισ ἐγένετο. ἀλλὰ καὶ τόνδε Σέλευκοσ ὁ Ἀντιόχου τοῦ γρυποῦ παῖσ, ἐπιστρατεύσασ ὄντι περ θείῳ, παρείλετο τὴν ἀρχήν. βίαιοσ δὲ καὶ τυραννικώτατοσ ὢν ἐν Ἑστίᾳ Μόψου τῆσ Κιλικίασ κατεπρήσθη κατὰ τὸ γυμνάσιον. καὶ αὐτὸν διεδέξατο Ἀντίοχοσ ὁ υἱὸσ τοῦ Κυζικηνοῦ· ὃν ἐπιβουλευόμενον ὑπὸ Σελεύκου τοῦ ἀνεψιοῦ οἱ μὲν Σύροι νομίζουσι περισωθῆναι δι’ εὐσέβειαν, καὶ διὰ τοῦτο εὐσεβῆ παρωνόμασαν ἑ̔ταίρα δ’ αὐτὸν ἔσωσεν, ἐρασθεῖσα τοῦ κάλλουσ̓, ἐμοὶ δὲ δοκοῦσιν ἐπὶ γέλωτι αὐτῷ ποιήσασθαι τὸ ὄνομα οἱ Σύροι· ἔγημε γὰρ οὗτοσ ὁ εὐσεβὴσ Σελήνην, ἣ καὶ τῷ πατρὶ αὐτοῦ ἐγεγάμητο τῷ Κυζικηνῷ καὶ τῷ γρυπῷ θείῳ γενομένῳ. τοιγάρτοι αὐτὸν θεοῦ μετιόντοσ ἐξήλασε τῆσ ἀρχῆσ Τιγράνησ. Καὶ τὸν υἱὸν ἐκείνου τὸν ἐκ τῆσ Σελήνησ αὐτῷ γενόμενον, ἐν Ἀσίᾳ τε τραφέντα καὶ ἀπὸ τοῦδε Ἀσιατικὸν ἐπίκλην, Πομπήιοσ ἀφείλετο τὴν Σύρων ἀρχήν, ὥσ μοι λέλεκται, ὄντα μὲν ἑπτακαιδέκατον ἐκ Σελεύκου Σύρων βασιλέα ἑ̓ξαίρω γὰρ Ἀλέξανδρόν τε καὶ τὸν Ἀλεξάνδρου παῖδα ὡσ νόθουσ, καὶ τὸν δοῦλον αὐτῶν Διόδοτον̓, βασιλεύσαντα δ’ ἐν ταῖσ ἀσχολίαισ ταῖσ Πομπηίου ἐπὶ ἓν μόνον ἔτοσ.

ἡ δὲ ἀρχὴ τῶν Σελευκιδῶν ἐσ τριάκοντα ἐπὶ διακοσίοισ ἐνιαυτοὺσ διίκετο· καὶ εἴ τισ ἐπισκοποίη τὸν ἐσ Ῥωμαίουσ χρόνον ἀπ’ Ἀλεξάνδρου, προσθετέον ἐπὶ τοῖσ διακοσίοισ τριάκοντα ἔτεσι τὰ Τιγράνουσ τεσσαρεσκαίδεκα. Τοσάδε μὲν δὴ καὶ περὶ Μακεδόνων τῶν Συρίασ βεβασιλευκότων εἶχον εἰπεῖν ὡσ ἐν ἀλλοτρίᾳ συγγραφῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 11

(아피아노스, The Foreign Wars, chapter 11)

상위

목록

SEARCH

MENU NAVIGATION