헬라어 문장 검색 - Αππιαν́ΤηεΦορέ67́

(아피아노스, The Foreign Wars, chapter 5)

Οἱ Δαλμάται δ’ ἐξ οὗ τὰσ ὑπὸ Γαβινίῳ πέντε τάξεισ ἀνῃρήκεσαν καὶ τὰ σημεῖα εἰλήφεσαν, ἐπαρθέντεσ ἐπὶ τῷδε τὰ ὅπλα οὐκ ἀπετέθειντο ἔτεσιν ἤδη δέκα, ἀλλὰ καὶ τοῦ Καίσαροσ ἐπιόντοσ αὐτοῖσ συμμαχήσειν ἀλλήλοισ συνετίθεντο. καὶ ἦσαν οἱ μαχιμώτατοι μυρίων καὶ δισχιλίων πλείουσ, ὧν στρατηγὸν Οὐέρσον αἱροῦνται. ὁ δὲ Πρωμόναν αὖθισ, τὴν τῶν Λιβυρνῶν πόλιν, καταλαβὼν ὠχύρου, καὶ τἆλλα οὖσαν ἐκφυῶσ ὀχυρωτάτην· ὄρειον γάρ ἐστι τὸ χωρίον, καὶ αὐτῷ περίκεινται λόφοι πάντοθεν ὀξεῖσ οἱᾶ πρίονεσ. ἐν μὲν δὴ τῇ πόλει τὸ πλέον ἦν, ἐν δὲ τοῖσ λόφοισ διέθηκεν Οὐέρσοσ φρούρια· καὶ πάντεσ ἐφεώρων τὰ Ῥωμαίων ἀφ’ ὑψηλοῦ. ὁ δὲ Καῖσαρ ἐσ μὲν τὸ φανερὸν πάντασ ἀπετείχιζε, λάθρᾳ δὲ τοὺσ εὐτολμοτάτουσ ἔπεμπε ζητεῖν ἄνοδον ἐσ τὸν ἀκρότατον τῶν λόφων. καὶ οἱ μέν, τῆσ ὕλησ αὐτοὺσ ἐπικαλυπτούσησ, νυκτὸσ ἐμπίπτουσι τοῖσ φύλαξιν εὐναζομένοισ, καὶ κτείνουσιν αὐτούσ, καὶ τῷ Καίσαρι κατέσεισαν ὑπὸ λύγῃ· ὁ δὲ τῆσ τε πόλεωσ ἐσ πεῖραν ᾔει τῷ πλέονι στρατῷ, καὶ ἐσ τὸ εἰλημμένον ἄκρον ἑτέρουσ ἐφ’ ἑτέροισ ἔπεμπεν, οἳ τοῖσ ἄλλοισ λόφοισ ἐπικατῄεσαν. φόβοσ τε καὶ θόρυβοσ ἦν τοῖσ βαρβάροισ ὁμοῦ πᾶσιν ἐπιχειρουμένοισ πάντοθεν· μάλιστα δὲ οἱ ἐν τοῖσ λόφοισ ἔδεισαν διὰ τὸ ἄνυδρον, μὴ τῶν διόδων ἀφαιρεθῶσιν. καὶ συμφεύγουσιν ἐσ τὴν Πρωμόναν. Ὁ δὲ Καῖσαρ αὐτήν τε καὶ δύο λόφουσ, οἳ ἔτι ἐκρατοῦντο ὑπὸ τῶν πολεμίων, ὁμοῦ περιετείχιζε, τεσσαράκοντα σταδίων περίμετρον.

κἀν τούτῳ Τέστιμον Δαλμάτην, στρατὸν ἕτερον ἄγοντα τοῖσ ἐν Πρωμόνῃ συμμάχον, ὑπαντήσασ ἐδίωκεν ἐσ τὰ ὄρη, καὶ ἐφορῶντοσ ἔτι τοῦ Τεστίμου τὴν Πρωμόναν εἷλεν, οὔπω τῆσ περιτειχίσεωσ τετελεσμένησ. ἐκδραμόντων γὰρ τῶν ἔνδον καὶ συνελαυνομένων ὀξέωσ, οἱ Ῥωμαῖοι φεύγουσιν αὐτοῖσ ἐσ τὴν πόλιν συνεσέπεσον, καὶ τὸ τρίτον τούτων ἔνδον ἔκτειναν· οἱ λοιποὶ δ’ ἐσ τὴν ἄκραν ἀνέδραμον. καὶ σπεῖρα Ῥωμαίων ἐφύλασσεν αὐτοὺσ ἐπὶ τῶν πυλῶν. οἷσ προσπίπτουσιν οἱ βάρβαροι νυκτὸσ τετάρτησ, καὶ ἐξέλιπεν ἡ σπεῖρα τὰσ πύλασ ὑπὸ δέουσ. ὁ δὲ Καῖσαρ τοὺσ μὲν πολεμίουσ ἀνέκοψε τῆσ ὁρμῆσ, καὶ τῆσ ἐπιούσησ εἷλε παραδόντασ ἑαυτούσ· τὴν δὲ σπεῖραν ἣ τὸ φυλάκιον ἐξέλιπε διακληρώσασ, ἐζημίωσε θανάτῳ τὸ δέκατον, καὶ λοχαγοὺσ ἐπὶ τῷ δεκάτῳ δύο. καὶ τοῖσ λοιποῖσ ἐκέλευεν ἐκείνου τοῦ θέρουσ κριθὴν ἀντὶ σίτου τραφῆναι δίδοσθαι. Οὕτω μὲν ἑάλω Πρωμόνα, Τέστιμοσ δ’ ὁρῶν διεσκέδασε τὸν στρατὸν ἑαυτοῦ, φεύγειν ἄλλουσ ἀλλαχοῦ·

ὅθεν αὐτοὺσ οὐκ ἐδύναντο οἱ Ῥωμαῖοι διώκειν ἐσ πολύ, τήν τε διαίρεσιν σφῶν τὴν ἐσ πολλὰ δείσαντεσ, καὶ τὴν ἀπειρίαν τῶν ὁδῶν καὶ τὰ ἴχνη τῆσ φυγῆσ συγκεχυμένα. Συνόδιον δ’ αἱροῦσι πόλιν ἐν ἀρχῇ τῆσ ὕλησ, ἐν ᾗ τὸν Γαβινίου στρατὸν ἐνήδρευσαν οἱ Δαλμάται περὶ φάραγγι βαθείᾳ καὶ ἐπιμήκει καὶ μέσῃ δύο ὀρῶν, ἔνθα καὶ τὸν Καίσαρα ἐνήδρευον. ὁ δὲ τό τε Συνόδιον ἐνέπρησε, καὶ ἐσ τὰ ὄρη περιπέμψασ ἄνω στρατὸν ἑκατέρωθεν αὐτῷ συμπαρομαρτεῖν, αὐτὸσ ᾔει διὰ τῆσ φάραγγοσ, κόπτων τὴν ὕλην καὶ τὰσ πόλεισ αἱρῶν, καὶ πάντα ἐμπιπρὰσ ὅσα κατὰ τὴν ὁδὸν ᾕρει. πολιορκουμένησ δὲ πόλεωσ Σετουϊάσ, ἐπῄει τισ αὐτοῖσ συμμαχία βαρβάρων, ἣν ὁ Καῖσαρ ὑπαντήσασ ἐκώλυσεν ἐσδραμεῖν ἐσ τὴν Σετουϊάν. κἀν τῷ πόνῳ τῷδε ἐπλήγη λίθῳ τὸ γόνυ, καὶ ἐσ πολλὰσ ἡμέρασ ἐθεραπεύετο. ῥαΐσασ δὲ ἐσ Ῥώμην ἐπανῆλθεν, ὑπατεύσων σὺν Οὐολκατίῳ Τύλλῳ, Στατίλιον Ταῦρον ἐσ τὰ λοιπὰ τοῦ πολέμου καταλιπών. Νουμηνίᾳ δ’ ἔτουσ ἀρξάμενοσ ὑπατεύειν, καὶ τὴν ἀρχὴν αὐτῆσ ἡμέρασ παραδοὺσ Αὐτρωνίῳ Παίτῳ, εὐθὺσ ἐξέθορεν αὖθισ ἐπὶ τοὺσ Δαλμάτασ, ἄρχων ἔτι τὴν τῶν τριῶν ἀρχήν·

δύο γὰρ ἔλειπεν ἔτη τῇ δευτέρᾳ πενταετίᾳ τῆσδε τῆσ ἀρχῆσ, ἣν ἐπὶ τῇ προτέρᾳ σφίσιν αὐτοῖσ ἐψηφίσαντο καὶ ὁ δῆμοσ ἐπεκεκυρώκει. οἱ Δαλμάται δ’ ἤδη κάμνοντεσ ὑπὸ λιμοῦ, τῶν ἔξωθεν ἀγορῶν ἀποκεκλεισμένοι, ἐρχομένῳ τῷ Καίσαρι ὑπήντων καὶ σφᾶσ παρέδοσαν σὺν ἱκετηρίᾳ, ὅμηρά τε δόντεσ ἑπτακοσίουσ παῖδασ, οὓσ καὶ ὁ Καῖσαρ ᾔτει, καὶ τὰ Ῥωμαϊκὰ σημεῖα τὰ Γαβινίου· τὸν δὲ φόρον τὸν ἀπὸ Γαϊού Καίσαροσ ἐκλειφθέντα ἀποδώσειν ὑποστάντεσ, εὐπειθεῖσ ἐσ τὸ ἔπειτα ἐγένοντο. τὰ σημεῖα δὲ ὁ Καῖσαρ ἀπέθηκεν ἐν τῇ στοᾷ τῇ Ὀκταουία λεγομένῃ. Δαλματῶν δ’ ἁλόντων καὶ Δερβανοὶ προσιόντα τὸν Καίσαρα συγγνώμην ᾔτουν σὺν ἱκετηρίᾳ, καὶ ὁμήρουσ ἔδοσαν, καὶ τοὺσ ἐκλειφθέντασ φόρουσ ὑπέστησαν ἀποδώσειν. τῶν δὲ . . . οἷσ μὲν ὁ Καῖσαρ ἐπλησίασε, καὶ ὁμήρουσ ἐπὶ ταῖσ συνθήκαισ ἔδοσαν· ὅσοισ δ’ οὐκ ἐπλησίασε διὰ νόσον, οὔτ’ ἔδοσαν οὔτε συνέθεντο. φαίνονται δὲ καὶ οἵδε ὕστερον ὑπαχθέντεσ. Οὕτω πᾶσαν ὁ Καῖσαρ τὴν Ἰλλυρίδα γῆν, ὅση τε ἀφειστήκει Ῥωμαίων, καὶ τὴν οὐ πρότερον ὑπακούσασαν αὐτοῖσ, ἐκρατύνατο. καὶ αὐτῷ ἡ βουλὴ θρίαμβον Ἰλλυρικὸν ἔδωκε θριαμβεῦσαι, ὃν ἐθριάμβευσεν ὕστερον ἅμα τοῖσ κατ Ἀντωνίου. Λοιποὶ δ’ εἰσὶ τῆσ ὑπὸ Ῥωμαίων νομιζομένησ Ἰλλυρίδοσ εἶναι πρὸ μὲν Παιόνων Ῥαιτοὶ καὶ Νωρικοί, μετὰ Παίονασ δὲ Μυσοὶ ἑώσ ἐπὶ τὸν Εὔξεινον Πόντον.

Ῥαιτοὺσ μὲν οὖν καὶ Νωρικοὺσ ἡγοῦμαι Γάιον Καίσαρα πολεμοῦντα Κελτοῖσ ἐπιλαβεῖν, ἢ τὸν Σεβαστὸν χειρούμενον Παίονασ· ἐν μέσῳ γάρ εἰσιν ἀμφοτέρων, καὶ οὐδὲν ηὑρ͂ον ἴδιον ἐσ Ῥαιτοὺσ ἢ Νωρικοὺσ γενόμενον· ὅθεν μοι δοκοῦσι τοῖσ ἑτέροισ τῶν γειτόνων συναλῶναι. Μυσοὺσ δὲ Μᾶρκοσ μὲν Λεύκολλοσ, ὁ ἀδελφὸσ Λικινίου Λευκόλλου τοῦ Μιθριδάτῃ πολεμήσαντοσ, κατέδραμε, καὶ ἐσ τὸν ποταμὸν ἐμβαλών, ἔνθα εἰσὶν Ἑλληνίδεσ ἓξ πόλεισ Μυσοῖσ πάροικοι, Ἴστροσ τε καὶ Διονυσόπολισ καὶ Ὀδησσὸσ καὶ Μεσημβρία, καὶ Καλλατίσ, καὶ Ἀπολλωνία·

ἐξ ἧσ ἐσ Ῥώμην μετήνεγκε τὸν μέγαν Ἀπόλλωνα τὸν ἀνακείμενον ἐν τῷ Παλατίῳ. καὶ πλεῖον οὐδὲν ηὑρ͂ον ἐπὶ τῆσ Ῥωμαίων δημοκρατίασ ἐσ Μυσοὺσ γενόμενον, οὐδ’ ἐσ φόρου ὑπαχθέντασ οὐδ’ ἐπὶ τοῦ Σεβαστοῦ· ὑπήχθησαν δὲ ὑπὸ Τιβέριου τοῦ μετὰ τὸν Σεβαστὸν τοῖσ Ῥωμαίοισ αὐτοκράτοροσ γενομένου. ἀλλά μοι τὰ μὲν πρὸ ἁλώσεωσ Αἰγύπτου πάντα ὑπὸ νεύματι τοῦ δήμου γενόμενα ἐφ’ ἑαυτῶν συγγέγραπται, ἃ δὲ μετ’ Αἴγυπτον οἱ αὐτοκράτορεσ οἵδε ἐκρατύναντο ἢ προσέλαβον, ὡσ ἴδια αὐτῶν ἔργα, μετὰ τὰ κοινὰ εἴρηται· ἔνθα καὶ περὶ Μυσῶν ἐρῶ πλέονα. νῦν δ’, ἐπεὶ τοὺσ Μυσούσ τε οἱ Ῥωμαῖοι τῆσ Ἰλλυρίδοσ ἡγοῦνται, καὶ τὸ σύγγραμμά μοι τοῦτο Ἰλλυρικόν ἐστιν, ὡσ ἂν εἰή τὸ σύγγραμμα ἐντελέσ, ἐδόκει προειπεῖν ὅτι καὶ Μυσοὺσ Λεύκολλόσ τε τῷ δήμῳ στρατηγῶν ἐπέδραμε καὶ Τιβέριοσ εἷλε κατὰ τὴν μόναρχον ἐξουσίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 5

(아피아노스, The Foreign Wars, chapter 5)

상위

목록

SEARCH

MENU NAVIGATION