헬라어 문장 검색 - Αππιαν́ΤηεΦορέ40́

(아피아노스, The Foreign Wars, chapter 2)

Οὐ πολὺ δὲ ὕστερον οἱ Καρχηδόνιοι στρατεύουσιν ἐσ Ἰβηρίαν, καὶ αὐτὴν κατὰ μέροσ ὑπήγοντο, μέχρι Ζακανθαίων ἐπὶ Ῥωμαίουσ καταφυγόντων Καρχηδονίοισ ὁρ́οσ ἐν Ἰβηρίᾳ γίγνεται, μὴ διαβαίνειν τὸν Ἴβηρα ποταμόν. καὶ τάσδε αὖ τὰσ σπονδὰσ ἔλυσαν Καρχηδόνιοι, περάσαντεσ Ἀννίβου σφῶν ἡγουμένου. διαβάντεσ δέ, ὁ μὲν Ἀννίβασ διαστρατηγεῖν ἑτέροισ τὰ ἐν Ἰβηρία καταλιπὼν ἐσ τὴν Ἰταλίαν ἐσέβαλε· στρατηγοὶ δὲ Ῥωμαίων ἐν Ἰβηρίᾳ, Πόπλιόσ τε Κορνήλιοσ Σκιπίων καὶ Γναῖοσ Κορνήλιοσ Σκιπίων, ἀλλήλοιν ἀδελφώ, λαμπρὰ ἔργα ἀποδεικνυμένω θνήσκετον ἄμφω πρὸσ τῶν πολεμίων. καὶ οἱ μετ’ αὐτοὺσ στρατηγοὶ κακῶσ ἔπραττον, μέχρι Σκιπίων ὁ Ποπλίου Σκιπίωνοσ τοῦδε τοῦ περὶ Ἰβηρίαν ἀναιρεθέντοσ υἱὸσ ἐπιπλεύσασ, καὶ δόξαν ἅπασιν ἐμβαλὼν ὡσ ἥκοι κατὰ θεὸν καὶ δαιμονίῳ χρῷτο συμβούλῳ περὶ ἁπάντων, ἐκράτει τε λαμπρῶσ, καὶ ἐπὶ δόξησ ἐκ τοῦδε πολλῆσ γενόμενοσ τὴν μὲν στρατηγίαν τοῖσ ἐσ διαδοχὴν ἐπιπεμφθεῖσι παρέδωκεν, ἐσ δὲ Ῥώμην ἐπανελθῶν ἠξίου πεμφθῆναι στρατηγὸσ ἐσ Λιβύην ὡσ ἀναστήσων Ἀννίβαν ἐξ Ἰταλίασ καὶ Καρχηδονίοισ δίκην ἐπιθήσων ἐν τῇ πατρίδι. Τῶν δὲ πολιτευομένων οἱ μὲν ἀντέλεγον οὐ χρῆναι, κεκενωμένησ ἄρτι τῆσ Ἰταλίασ τοσοῖσδε πολέμοισ καὶ πορθουμένησ ἔτι πρὸσ Ἀννίβου, καὶ Μάγωνοσ ἐν πλευραῖσ ἐπ’ αὐτὴν Λίγυάσ τε καὶ Κελτοὺσ ξενολογοῦντοσ, ἐσ Λιβύην στρατεύειν, οὐδὲ τὴν ἀλλοτρίαν χειροῦσθαι πρὶν τὴν οἰκείαν ἀπαλλάξαι τῶν παρόντων·

οἱ δὲ ᾤοντο Καρχηδονίουσ νῦν μὲν ἀδεεῖσ ὄντασ ἐφεδρεύειν τῇ Ἰταλίᾳ, οὐδὲν ἐνοχλουμένουσ οἴκοι, πολέμου δὲ οἰκείου σφίσι γενομένου καὶ Ἀννίβαν μεταπέμψεσθαι. οὕτω μὲν ἐκράτησε πέμπειν ἐσ Λιβύην Σκιπίωνα, οὐ μὴν συνεχώρησαν αὐτῷ καταλέγειν στρατὸν ἐξ Ἰταλίασ πονουμένησ ἔτι πρὸσ Ἀννίβου· ἐθελοντὰσ δέ, εἴ τινεσ εἰε͂ν, ἐπέτρεψαν ἐπάγεσθαι, καὶ τοῖσ ἀμφὶ τὴν Σικελίαν ἔτι οὖσι χρῆσθαι. τριήρεισ τε ἔδοσαν αὐτῷ κατασκευάσασθαι δέκα, καὶ πληρώματα αὐταῖσ λαβεῖν, ἐπισκευάσαι δὲ καὶ τὰσ ἐν Σικελία. καὶ χρήματα οὐκ ἔδωκαν, πλὴν εἴ τισ ἐθέλοι τῷ Σκιπίωνι κατὰ φιλίαν συμφέρειν. οὕτωσ ἀμελῶσ ἥπτοντο τοῦδε τοῦ πολέμου τὰ πρῶτα, μεγίστου σφίσι καὶ ἀξιοτιμοτάτου μετ’ ὀλίγον γενομένου. Ὁ δὲ Σκιπίων ἔνθουσ ὢν ἐπὶ Καρχηδόνι ἐκ πολλοῦ, καί τινασ ἱππέασ τε καὶ πεζούσ, ἐσ ἑπτακισχιλίουσ μάλιστα.

ἀθροίσασ, διέπλευσεν ἐσ Σικελίαν ἔχων ἀμφ’ αὑτὸν ἀρτιγενείουσ ἐπιλέκτουσ τριακοσίουσ, οἷσ εἴρητο χωρὶσ ὅπλων ἕπεσθαι. Σικελῶν δ’ αὖ τριακοσίουσ καταγράψασ εὐδαίμονασ ἐκέλευσεν ἥκειν ἐσ ἡμέραν ῥητήν, ἐσκευασμένουσ ὅπλοισ τε καὶ ἵπποισ ὅτι δύναιντο καλλίστοισ. ὡσ δὲ ἀφίκοντο, προύθηκεν εἴ τισ ἑαυτοῦ θέλοι τὸν στρατευσόμενον ἀντιδοῦναι. δεξαμένων δὲ πάντων, ἤγαγεν ἐσ μέσον τοὺσ τριακοσίουσ τοὺσ ὅπλων ἐρήμουσ, καὶ ἐσ τούσδε ἐκείνοισ προσέταξε μετασκευάσασθαι. οἱ δ’ ἑκόντεσ παρεδίδοσαν ὅπλα καὶ ἵππουσ. καὶ περιῆν τῷ Σκιπίωνι τριακοσίουσ νέουσ Ἰταλιώτασ ἔχειν ἀντὶ Σικελιωτῶν, κάλλιστα ἵπποισ καὶ ὅπλοισ ἀλλοτρίοισ ἐσκευασμένουσ, καὶ χάριν εὐθὺσ ἐπὶ τῷδε εἰδότασ· οἷσ δὴ καὶ προθυμοτάτοισ ἐσ πάντα χρώμενοσ διετέλει. Καρχηδόνιοι δὲ ταῦτα πυνθανόμενοι Ἀσδρούβαν μὲν τὸν Γέσκωνοσ ἐπὶ θήραν ἐλεφάντων ἐξέπεμπον, Μάγωνι δ’ ἀμφὶ τὴν Λιγυστίνην ξεναγοῦντι πεζοὺσ ἀπέστελλον ἐσ ἑξακισχιλίουσ καὶ ἱππέασ ὀκτακοσίουσ καὶ ἐλέφαντασ ἑπτά, καὶ προσέτασσον αὐτῷ μεθ’ ὅσων δύναιτο ἄλλων ἐσβαλεῖν ἐσ Τυρρηνίαν, ἵνα τὸν Σκιπίωνα περισπάσειεν ἐκ Λιβύησ.

Μάγων μὲν δὴ καὶ τότε ἐβράδυνεν, Ἀννίβᾳ τε συνελθεῖν οὐ δυνάμενοσ πολὺ διεστῶτι, καὶ τὸ μέλλον ἀεὶ περιορώμενοσ. Ἀσδρούβασ δ’ ἀπὸ τῆσ θήρασ ἐπανελθὼν κατέλεγε Καρχηδονίων τε καὶ Λιβύων ἐσ ἑξακισχιλίουσ πεζοὺσ ἑκατέρων καὶ ἱππέασ ἑξακοσίουσ, δούλουσ τε ἠγόραζε πεντακισχιλίουσ, τὸ ναυτικὸν ἐρέσσειν, καὶ παρὰ τῶν Νομάδων ἔλαβε δισχιλίουσ ἱππέασ, καὶ ξένουσ ἐμισθοῦτο, καὶ πάντασ ἐγύμναζε, διακοσίουσ σταδίουσ ἀποσχὼν ἀπὸ Καρχηδόνοσ. Νομάδων δὲ τῶν ἐν Λιβύῃ δυνάσται μὲν ἦσαν κατὰ μέρη πολλοί, Σύφαξ δ’ ὑπὲρ ἅπαντασ, καὶ τιμὴν εἶχε πρὸσ τῶν ἄλλων ἐπιφανῆ.

Μασσυλίων δ’ αὖ, γένουσ ἀλκίμου, παῖσ ἦν τοῦ βασιλέωσ Μασσανάσσησ, ὃσ ἐτέθραπτο μὲν ἐν Καρχηδόνι καὶ ἐπεπαίδευτο, ὄντι δ’ αὐτῷ καὶ τὸ σῶμα καλῷ καὶ τὸν τρόπον ἀρίστῳ Ἀσδρούβασ ὁ Γέσκωνοσ, οὐδενὸσ Καρχηδονίων δεύτεροσ, ἠγγύησε τὴν θυγατέρα, καίπερ ὄντι Νομάδι, Καρχηδόνιοσ ὤν. ὡσ δ’ ἠλλύησεν, ἐπήγετο ἐσ Ἰβηρίαν στρατηγῶν τὸ μειράκιον. Σύφαξ δὲ κνιζό μενοσ ὑπ’ ἔρωτοσ ἐπὶ τῇ παιδὶ τὰ Καρχηδονίων ἐλεηλάτει, καὶ Σκιπίωνι διαπλεύσαντι πρὸσ αὐτὸν ἐξ Ἰβηρίασ συνέθετο συμμαχήσειν ἐπὶ Καρχηδονίουσ ἰόντι. αἰσθόμενοι δ’ οἱ Καρχηδόνιοι καὶ μέγα ποιούμενοι ἐσ τὸν πρὸσ Ῥωμαίουσ πόλεμον Σύφακα προσλαβεῖν, ἐξέδοσαν αὐτῷ τὴν παρθένον ἀγνοούντων καὶ ὄντων ἐν Ἰβηρίᾳ Ασδρούβου τε καὶ Μασσανάσσου. ἐφ’ οἷσ ὁ Μασσανάσσησ ὑπεραλγῶν συνετίθετο καὶ ὅδε ἐν Ἰβηρίᾳ τῷ Σκιπίωνι, λανθάνων, ὡσ ᾤετο, Ἀσδρούβαν. ὁ δ’ αἰσθόμενοσ βαρέωσ μὲν ἔφερεν ὑπὲρ τοῦ μειρακίου καὶ τῆσ θυγατρόσ, ὑβρισμένοιν ἀμφοῖν, ἡγεῖτο δ’ ὅμωσ τῇ πατρίδι συμφέρειν ἐκποδὼν Μασσανάσσην ποιήσασθαι, καὶ ἐπανιόντι ἐσ Λιβύην ἐξ Ἰβηρίασ ἐπὶ θανάτῳ τοῦ πατρὸσ συνέπεμπε προπομποὺσ ἱππέασ, οἷσ εἴρητο ἀφανῶσ ἐπιβουλεύειν αὐτῷ καὶ κτείνειν ὅπῃ δύναιντο. Ὁ δ’ αἰσθόμενοσ ἐξέφυγέ τε, καὶ τὴν πάτρῴαν ἀρχὴν ἐκρατύνετο, ἱππέασ ἀθροίζων, οἷσ ἡμέρασ τε καὶ νυκτὸσ ἦν ἔργον ἀκοντίοισ πολλοῖσ χρωμένουσ ἐπελαύνειν ἀεὶ καὶ ἀναχωρεῖν καὶ αὖθισ ἐπελαύνειν.

καὶ ὅλωσ ἐστὶν αὐτοῖσ ἡ μάχη φυγὴ καὶ δίωξισ. ἴσασι δὲ καὶ λιμὸν φέρειν οἱ Νομάδεσ οἵδε, καὶ πόᾳ χρῆσθαι πολλάκισ ἀντὶ σίτου· καὶ τὸ πάμπαν ὑδροποτοῦσιν. ὅ τε ἵπποσ αὐτοῖσ κριθῆσ μὲν οὐδ’ ὅλωσ γεύεται, ποηφαγῶν ἀεί, πίνει δὲ διὰ πολλοῦ. τοιούτουσ ὁ Μασσανάσσησ ἐσ δισμυρίουσ συναγαγὼν ἐξῆγεν ἐπὶ θήρασ ἢ λεηλασίασ ἑτέρων ἐθνῶν· ἅπερ ᾤετο καὶ ἔργα καὶ γυμνάσια εἶναι. Καρχηδόνιοι δὲ καὶ Σύφαξ νομίζοντεσ ἐπὶ σφᾶσ εἶναι τὴν παρασκευὴν τοῦ μειρακίου οὑ̓ γὰρ ἠγνόουν ἃ ἐλελυπήκεσαν αὐτόν̓, ἔκριναν προτέρῳ τῷδε πολεμεῖν ἔστε καθέλωσι, καὶ τότε Ῥωμαίοισ ἀπαντᾶν. Σύφαξ μὲν οὖν καὶ Καρχηδόνιοι πλείουσ ἦσαν παρὰ πολύ, μετὰ δὲ ἁμαξῶν καὶ παρασκευῆσ βαρείασ καὶ τρυφῆσ ἐστρατεύοντο·

ὅθεν αὐτῷ πολλοὶ τῶν Νομάδων ἐπεφοίτων, μισθοὺσ μὲν οὐ διδόντι τεταγμένουσ, τὰσ δ’ ὠφελείασ πολὺ πλείονασ ἔχοντεσ. Μασσανάσσησ δὲ πόνων τε πᾶσιν ἐξῆρχε, καὶ ἱππικὸν μόνον εἶχε καὶ ὑποζύγιον οὐδέν, οὐδὲ ἀγοράν. ὅθεν ῥᾳδίωσ ὑπέφευγέ τε καὶ ἐπεχείρει καὶ ἐσ τὰ ὀχυρὰ ἀνεπήδα. πολλάκισ τε καὶ καταλαμβανόμενοσ διεσκίδνη τὸ στράτευμα, ὅπῃ δυνηθεῖεν ἀποφεύγειν κατὰ μέρη. καὶ σὺν ὀλίγοισ αὐτὸσ ὑπεκρύπτετό ποι, μέχρι συνέλθοιεν αὐτῷ νυκτὸσ ἢ μεθ’ ἡμέραν ἐσ τὸ συγκείμενον. τρίτοσ δέ ποτε ἐν σπηλαίῳ κρυπτόμενοσ ἔλαθε, τῶν πολεμίων περὶ τὸ σπήλαιον στρατοπεδευόντων. οὐδ’ ἔστιν ὅτε ἐστάθμευεν ἐν στρατοπέδῳ, ἀλλὰ καὶ μάλιστ’ ἐστρατήγει λανθάνειν ὅποι ποτε εἰή. ὅθεν οὐκ εἶχον αὐτῷ συνεχῶσ προεπιχειρεῖν οἱ πολέμιοι, ἀλλ’ ἠμύνοντο ἐπιόντα. ἀγορὰ δ’ ἦν αὐτῷ καθ’ ἑκάστην ἡμέραν, ὅ τι περὶ ἑσπέραν καταλάβοι χωρίον ἢ κώμην ἢ πόλιν, λῃζομένῳ τε πάντα καὶ διαρπάζοντι καὶ μεριζομένῳ τοῖσ συνοῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 2

(아피아노스, The Foreign Wars, chapter 2)

상위

목록

SEARCH

MENU NAVIGATION