헬라어 문장 검색 - Αππιαν́ΤηεΦορέ36́

(아피아노스, The Foreign Wars, chapter 8)

Καὶ Βλάτιοσ μὲν οὕτω περιῆν Δασίου, τρὶσ ἀντενεδρεύων, Φούλουιοσ δὲ Ῥωμαίων ὕπατοσ Ἐρδονίαν ἐπολιόρκει· καὶ αὐτὸν Ἀννίβασ ἔλαθεν ἑσπέρασ ἐγγὺσ γενόμενοσ, καὶ ἀπεῖπε πυρὰ μὴ καίειν, καὶ σιωπὴν παρήγγειλεν. περὶ δὲ ἑώ, γενομένησ ὁμοῦ τι καὶ ὁμίχλησ, τοὺσ μὲν ἱππέασ ἔπεμψεν ἐπιχειρεῖν τῷ Ῥωμαίων στρατοπέδῳ, καὶ αὐτοὺσ ἠμύνοντο ἐκεῖνοι, σὺν θορύβῳ μὲν ὡσ ἀπ’ εὐνῆσ, σὺν θάρσει δὲ οἱᾶ ὀλίγουσ ποθὲν αὑτοῖσ ἐπιφανέντασ. ὁ δ’ Ἀννίβασ ἐπὶ θάτερα τῷ πεζῷ τὴν πόλιν περιῄει, κατασκεπτόμενοσ ἅμα καὶ τοὺσ ἔνδον ἐπελπίζων, ἑώσ ἐπῆλθε τοῖσ Ῥωμαίοισ ἐν τῇ περιόδῳ, εἴτε προιδόμενοσ εἴτε κατὰ συντυχίαν, κυκλούμενοσ αὐτούσ. οἱ δ’ ἔπιπτον ἤδη λάβρωσ καὶ ἀθρόωσ, ἀμφίβολοι γεγονότεσ· καὶ ἀπέθανον αὐτῶν ἐσ ὀκτακισχιλίουσ, καὶ ὁ ὕπατοσ αὐτὸσ ὁ Φούλουιοσ. οἱ λοιποὶ δ’ ἔσ τι χῶμα πρὸ τοῦ στρατοπέδου ἀναθορόντεσ αὐτό τε διέσωσαν, γενναίωσ ἀμυνόμενοι, καὶ τὸν Ἀννίβαν ἐκώλυσαν λαβεῖν τὸ στρατόπεδον. Μετὰ δὲ τοῦτο Ῥωμαῖοι μὲν τὴν Ιἀπύγων ἀποστάντων ἐδῄουν, Ἀννίβασ δὲ τὴν Καμπανῶν, ἐσ Ῥωμαίουσ μεταθεμένων χωρὶσ Ἀτέλλησ μόνησ.

καὶ Ἀτελλαίουσ μετῴκιζεν ἐσ Θουρίουσ, ἵνα μὴ τῷ Βρεττίων καὶ Λευκανῶν καὶ Ιἀπύγων ἐνοχλοῖντο πολέμῳ. καὶ Ῥωμαῖοι τοὺσ ἐκ Νουκερίασ ἐκπεσόντασ ἐν Ἀτέλλῃ μετῴκιζον· ἔσ τε τὴν Ἀννίβου ἔτι ὑπήκοον ἐσβαλόντεσ, Αὐλωνίαν τε εἷλον καὶ τὴν Βρεττίων γῆν ἐπέτρεχον, καὶ Τάραντα φρουρουμένην ὑπὸ Καρθάλωνοσ ἐκ γῆσ καὶ θαλάσσησ ἐπολιόρκουν. ὁ δὲ Καρθάλων, ὀλίγων Καρχηδονίων παρόντων, Βρεττίουσ ἐσ τὴν φρουρὰν προσέλαβεν. τῶν δὲ Βρεττίων ὁ φρούραρχοσ ἤρα γυναικόσ, ἧσ ἀδελφὸσ ὑπὸ Ῥωμαίοισ στρατευόμενοσ ἔπραξε διὰ τῆσ ἀδελφῆσ τὸν φρούραρχον ἐνδοῦναι Ῥωμαίοισ, ἐπάγουσι τὰσ μηχανὰσ ᾗ τοῦ τείχουσ αὐτὸσ ἐφρούρει. Τάραντα μὲν δὴ Ῥωμαῖοι τόνδε τὸν τρόπον ἀνέλαβον, εὔκαιρον ἐσ πολέμουσ χωρίον καὶ κατὰ γῆν καὶ κατὰ θάλασσαν. Ἀννίβασ δὲ ἐπειγόμενοσ ἐσ αὐτήν, ὡσ ἔμαθεν εἰλημμένην, παρῆλθεν ἀχθόμενοσ ἐσ Θουρίουσ κἀκεῖθεν ἐσ Οὐενουσίαν, ἔνθα αὐτῷ Κλαύδιόσ τε Μάρκελλοσ ὁ Σικελίαν ἑλών, πέμπτον ὑπατεύων τότε, καὶ Τίτοσ Κρισπῖνοσ ἀντιστρατοπεδεύοντεσ οὐκ ἐτόλμων ἄρχειν μάχησ.

λείαν δέ τινα ὑπὸ Νομάδων ἀγομένην Μάρκελλοσ ἰδών, καὶ δόξασ ὀλίγουσ εἶναι τοὺσ ἄγοντασ, ἐπέδραμεν αὐτοῖσ μετὰ τριακοσίων ἱππέων σὺν καταφρονήσει, καὶ πρῶτοσ ἡγεῖτο, θυμικὸσ ὢν ἐσ μάχασ καὶ παρακινδυνευτικὸσ ἀεί. ἄφνω δὲ πολλῶν τῶν Λιβύων φανέντων καὶ πανταχόθεν αὐτῷ προσπεσόντων, οἱ μὲν οὐραγοῦντεσ Ῥωμαίων πρῶτοι φυγῆσ ἦρχον, ὁ δὲ Μάρκελλοσ, ὡσ ἑπομένων αὐτῶν, ἐμάχετο γενναίωσ, μέχρι κατακοντισθεὶσ ἀπέθανεν. καὶ αὐτοῦ τῷ σώματι ὁ Ἀννίβασ ἐπιστάσ, ὡσ εἶδε τὰ τραύματα πάντα ἐπὶ τῶν στέρνων, ἐπῄνεσε μὲν ὡσ στρατιώτην, ἐπέσκωψε δὲ ὡσ στρατηγόν. καὶ τὸν δακτύλιον αὐτοῦ περιελών, τὸ μὲν σῶμα ἔκαυσε λαμπρῶσ, καὶ τὰ ὀστᾶ τῷ παιδὶ προσέπεμψεν ἐσ τὸ Ῥωμαίων στρατόπεδον· Σαλαπίνοισ δὲ μηνίων εὐθὺσ ἐτύπωσεν ἐπιστολὴν τῇ σφραγῖδι Μαρκέλλου, πρὶν αἰσθέσθαι πολλοὺσ περὶ τοῦ θανάτου, καὶ αὐτόμολον ἄνδρα Ῥωμαῖον ἔπεμψε φέρειν, δηλοῦντα ὅτι στρατιὰ Μαρκέλλου κατόπιν ἔρχοιτο, καὶ ὁ Μάρκελλοσ αὐτὴν ὑποδέξασθαι κελεύοι.

ἄρτι δ’ εἰλήφεσαν Κρισπίνου γράμματα, περιπέμψαντοσ ἐσ ἅπαντασ ὅτι τῆσ Μαρκέλλου σφραγῖδοσ Ἀννίβασ κεκρατήκοι. τὸν οὖν ἄγγελον, ἵνα μὴ παραμένων ἐπιγνοίη τὰ γιγνόμενα, ἀπέπεμψαν ὑποσχόμενοι τὰ προστασσόμενα ποιήσειν, αὐτοὶ δ’ ὁπλισάμενοι τὴν ἐνέδραν ἐπὶ τῶν τειχῶν ἀνέμενον. καὶ προσιόντοσ τοῦ Ἀννίβου μετὰ Νομάδων, οὓσ Ῥωμαϊκοῖσ ὅπλοισ ἐσκεύασε, τὰσ μὲν πύλασ ἐκ μηχανήματοσ ἀνέσπασαν ὡσ δὴ Μαρκέλλου προσιόντοσ ἀσμενίζοντεσ, ἐσδεξάμενοι δὲ ὅσων εὐμαρῶσ κρατήσειν ἔμελλον, αὖθισ ἐκ τοῦ μηχανήματοσ αὐτὰσ ἐπικαθῆκαν, καὶ τοὺσ μὲν ἐσελθόντασ ἔκτειναν, τοὺσ δ’ ἔξω τῶν τειχῶν ἔτι περιεστῶτασ ἄνωθεν ἔβαλλόν τε καὶ κατετίτρωσκον. καὶ δευτέρασ τῆσδε πείρασ ὁ Ἀννίβασ ἐπὶ τῇ πόλει σφαλεὶσ ἀπεχώρει. Ἐν τούτῳ δὲ καὶ Ἀσδρούβασ ὁ ἀδελφὸσ Ἀννίβου, τὴν στρατιὰν ἣν ἐξενάγησεν ἐν τοῖσ Κελτίβηρσιν ἔχων, διέβαινεν ἐσ τὴν Ἰταλίαν, καὶ Κελτῶν φιλίωσ αὐτὸν δεχομένων τὰ Ἄλπεια ὄρη, ὡδοποιημένα πρότερον ὑπὸ Ἀννίβου, διώδευε δύο μησίν, ὅσα τέωσ Ἀννίβασ ἓξ διῆλθεν.

ἐσέβαλέ τε ἐσ Τυρρηνίαν ἄγων πεζοὺσ μὲν τετρακισμυρίουσ ἐπὶ ὀκτακισχιλίοισ, ἱππέασ δὲ ὀκτακισχιλίουσ καὶ ἐλέφαντασ πεντεκαίδεκα. καὶ γράμματα πρὸσ τὸν ἀδελφὸν ἔπεμπε, δηλῶν ὅτι παρείη. τούτων τῶν γραμμάτων ὑπὸ Ῥωμαίων ἁλόντων, οἱ ὕπατοι Σαλινάτωρ καὶ Νέρων μαθόντεσ αὐτοῦ τὸ πλῆθοσ τῆσ στρατιᾶσ ἀπὸ τῶν γραμμάτων, συνῆλθον ἐσ τὸ αὐτὸ πάσαισ ταῖσ δυνάμεσι, καὶ ἀντεστρατοπέδευσαν αὐτῷ περὶ πόλιν Σήνασ. ὁ δ’ οὔπω μάχεσθαι κεκρικώσ, ἀλλὰ τῷ ἀδελφῷ συνελθεῖν ἐπειγόμενοσ, ὑπεχώρει. καὶ νυκτὸσ ἀναζεύξασ περὶ ἕλη καὶ τέλματα καὶ ποταμὸν οὐκ εὔπορον ἠλᾶτο, μέχρι φανείσησ ἡμέρασ οἱ Ῥωμαῖοι καταλαβόντεσ αὐτοὺσ διερριμμένουσ τε καὶ κεκμηκότασ ὑπ’ ἀγρυπνίασ καὶ κόπου, πλείστουσ μὲν αὐτῶν ἅμα τοῖσ ταξιάρχοισ συντασσομένουσ ἔτι καὶ συνιόντασ διέφθειραν, καὶ αὐτὸν ἐπ’ ἐκείνοισ Ἀσδρούβαν, πλείστουσ δ’ αἰχμαλώτουσ ἔλαβον, καὶ μεγάλου δέουσ ἀπήλλαξαν τὴν Ἰταλίαν, ἀμάχου ἂν σφίσι του Ἀννίβου γενομένου, εἰ καὶ τήνδε τὴν στρατιὰν προσέλαβεν. Θεὸσ δέ μοι δοκεῖ τόδε Ῥωμαίοισ ἀντιδοῦναι τῆσ ἐπὶ Κάνναισ ἀτυχίασ, οὐ πόρρω τε ἐπ’ ἐκείνῃ καὶ ἰσοστάσιόν πωσ ἐκείνῃ γενόμενον·

στρατηγοί τε γὰρ οἱ ἑκατέρων ἀπώλοντο, καὶ στρατοῦ πλῆθοσ ἐγγυτάτω μάλιστα ἐπ’ ἴσησ, καὶ τὰ αἰχμάλωτα πολλὰ γενέσθαι καὶ τοῖσδε κἀκείνοισ συνηνέχθη, στρατοπέδων τε καὶ παρασκευῆσ τῆσ ἀλλήλων δαψιλοῦσ ἐκράτουν ἑκάτεροι. οὕτω παραλλὰξ ἡ πόλισ εὐτυχιῶν καὶ συμφορῶν ἐπειρᾶτο. Κελτιβήρων δ’ ὅσοι διέφυγον ἐκ τοῦ κακοῦ, οἱ μὲν ἐσ τὰ οἰκεῖα οἱ δ’ ἐσ Ἀννίβαν ἐχώρουν. Ὁ δ’ ἐπί τε τῷ ἀδελφῷ καὶ στρατιᾷ τοσῇδε δι’ ἀπειρίαν ὁδῶν αἰφνίδιον ἀπολωλυίᾳ δυσφορῶν, καὶ τεσσαρεσκαιδέκατον ἔτοσ ἔχων ἐν πονοισ ἀτρύτοισ ἐξ οὗ Ῥωμαίοισ ἐν Ἰταλίᾳ διεπολέμει, πάντων τε ὧν εἰλήφει πρότερον ἐκπεπτωκώσ, ἐσ Βρεττίουσ, ὅπερ αὐτῷ λοιπὸν ἔθνοσ ὑπήκοον ἦν, ἀνεχώρει, καὶ ἡσύχαζεν ὡσ ἑτέρασ δυνάμεωσ ἀφιξομένησ ἀπὸ Καρχηδόνοσ.

οἱ δ’ ἔπεμψαν μὲν αὐτῷ ναῦσ ἑκατὸν στρογγύλασ, ἐφ’ ὧν σῖτόσ τε ἦν καὶ στρατιὰ καὶ χρήματα, οὐδενὸσ δ’ ἐρετικοῦ παραπέμποντοσ αὐτὰσ ἄνεμοσ ἐσ Σαρδόνα κατήνεγκε, καὶ ὁ τῆσ Σαρδόνοσ στρατηγὸσ ἐπιπλεύσασ μακραῖσ ναυσὶ κατέδυσε μὲν αὐτῶν εἴκοσιν, ἑξήκοντα δ’ ἔλαβεν· αἱ δὲ λοιπαὶ διέφυγον ἐσ Καρχηδόνα. καὶ ὁ Ἀννίβασ ἔτι μᾶλλον ἀπορούμενόσ τε καὶ τὰ παρὰ Καρχηδονίων ἀπεγνωκώσ, οὐδὲ Μάγωνοσ αὐτῷ τι, τοῦ ξενολογοῦντοσ ἐν Κελτοῖσ καὶ Λίγυσιν, ἐπιπέμποντοσ, ἀλλὰ τὸ μέλλον ἔσεσθαι περιορωμένου, συνιδὼν ὅτι μένειν ἐπὶ πλεῖον οὐ δυνήσεται, αὐτῶν ἤδη Βρεττίων ὡσ ἀλλοτρίων ὅσον οὔπω γενησομένων κατεφρόνει, καὶ ἐσφορὰσ ἐπέβαλλεν αὐτοῖσ πάνυ πολλάσ, τάσ τε ὀχυρὰσ τῶν πόλεων μετῴκιζεν ἐσ τὰ πεδινὰ ὡσ βουλευούσασ ἀπόστασιν, πολλούσ τε τῶν ἀνδρῶν αἰτιώμενοσ διέφθειρεν, ἵνα τὰσ περιουσίασ αὐτῶν σφετερίζοιτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 8

(아피아노스, The Foreign Wars, chapter 8)

상위

목록

SEARCH

MENU NAVIGATION