헬라어 문장 검색 - Αππιαν́ΤηεΦορέ26́

(아피아노스, The Foreign Wars, chapter 15)

Μετ’ οὐ πολὺ δὲ ἀγχοτάτω τῆσ Νομαντίασ δύο στρατόπεδα θέμενοσ, τῷ μὲν ἐπέστησε τὸν ἀδελφὸν Μάξιμον, τοῦ δὲ αὐτὸσ ἡγεῖτο. Νομαντίνων δὲ θαμινὰ ἐκτασσόντων καὶ προκαλουμένων αὐτὸν ἐσ μάχην ὑπερεώρα, οὐ δοκιμάζων ἀνδράσιν ἐξ ἀπογνώσεωσ μαχομένοισ συμπλέκεσθαι μᾶλλον ἢ συγκλείσασ αὐτοὺσ ἑλεῖν λιμῷ. φρούρια δ’ ἑπτὰ περιθείσ, πολιορκίαν . . . ἐπιγράψασ ἑκάστοισ οὓσ ἔδει πέμπειν. ὡσ δὲ ἦλθον, ἐσ μέρη πολλὰ διεῖλεν αὐτούσ, καὶ τὴν ἑαυτοῦ στρατιὰν ἐπιδιεῖλεν· εἶθ’ ἡγεμόνασ ἐπιστήσασ ἑκάστῳ μέρει προσέταξε περιταφρεύειν καὶ περιχαρακοῦν τὴν πόλιν. ἦν δὲ ἡ περίοδοσ ἡ μὲν αὐτῆσ Νομαντίασ τέσσαρεσ καὶ εἴκοσι στάδιοι, ἡ δὲ τοῦ χαρακώματοσ ὑπὲρ τὸ διπλάσιον. καὶ τοῦτο διῄρητο πᾶν οἱ κατὰ μέροσ ἕκαστον. καὶ προείρητο, εἴ τι ἐνοχλοῖεν οἱ πολέμιοι, σημεῖον ἐξαίρειν, ἡμέρασ μὲν φοινικίδα ἐπὶ δόρατοσ ἱψηλοῦ, νυκτὸσ δὲ πῦρ, ἵνα τοῖσ δεομένοισ ἐπιθέοντεσ αὐτόσ τε καὶ Μάξιμοσ ἀμύνοιεν. ὡσ δ’ ἐξείργαστο πάντα αὐτῷ, καὶ τοὺσ κωλύοντασ εἶχεν ἱκανῶσ ἀπομάχεσθαι, ἑτέραν τάφρον ὤρυσσεν οὐ μακρὰν ὑπὲρ ἐκείνην, καὶ σταυροὺσ αὐτῇ περιεπήγνυ, καὶ τεῖχοσ ᾠκοδόμει, οὗ τὸ μὲν πάχοσ ἦν πόδεσ ὀκτώ, τὸ δὲ ὕψοσ δέκα χωρὶσ τῶν ἐπάλξεων. πύργοι τε πανταχόθεν αὐτῷ διὰ πλέθρου περιέκειντο. καὶ λίμνην συνάπτουσαν οὐκ ἐνὸν περιτειχίσαι, χῶμα αὐτῇ περιέθηκεν ἴσον τῷ τείχει καὶ τὸ βάθοσ καὶ τὸ ὕψοσ, ὡσ ἂν εἰή καὶ τόδε ἀντὶ τείχουσ. Οὕτω μὲν ὁ Σκιπίων ὅδε πρῶτοσ, ὡσ ἐμοὶ δοκεῖ, περιετείχισε πόλιν οὐ φυγομαχοῦσαν·

τόν τε Δόριον ποταμόν, συμφερόμενον τῷ περιτειχίσματι καὶ πολλὰ τοῖσ Νομαντίνοισ χρήσιμον ἔσ τε ἀγορᾶσ κομιδὴν καὶ διαπομπὴν ἀνδρῶν, ὅσοι κατ’ αὐτὸν κολυμβηταί τε καὶ σκάφεσι μικροῖσ ἐλάνθανον, ἢ ἱστίοισ, ὅτε λάβρον εἰή τὸ πνεῦμα, ἐβιάζοντο, ἢ κώπαισ κατὰ τὸ ῥεῦμα, ζεῦξαι μὲν οὐκ ἐδύνατο πλατὺν ὄντα καὶ πάνυ ῥοώδη, φρούρια δὲ ἀντὶ γεφύρασ αὐτῷ δύο περιθεὶσ ἀπήρτησε καλῳδίοισ δοκοὺσ μακρὰσ ἐξ ἑκατέρου φρουρίου, καὶ ἐσ τὸ πλάτοσ τοῦ ποταμοῦ μεθῆκεν, ἐχούσασ ἐμπεπηγότα πυκνὰ ξίφη τε καὶ ἀκόντια. αἱ δ’ ὑπὸ τοῦ ῥοῦ, τοῖσ ξίφεσι καὶ τοῖσ ἀκοντίοισ ἐμπίπτοντοσ, ἀεὶ περιστρεφόμεναι οὔτε διανηχομένουσ οὔτ’ ἐπιπλέοντασ οὔτε ὑποδύνοντασ εἰών λαθεῖν. τοῦτο δ’ ἦν οὗ μάλιστα ὁ Σκιπίων ἐπεθύμει, μηδενὸσ αὐτοῖσ ἐπιμιγνυμένου μηδ’ ἐσιόντοσ ἀγνοεῖν αὐτοὺσ ὅ τι γίγνοιτο ἔξω· οὕτω γὰρ ἀπορήσειν ἀγορᾶσ τε καὶ μηχανῆσ πάσησ. Ὡσ δ’ ἡτοίμαστο πάντα, καὶ καταπέλται μὲν ἐπέκειντο τοῖσ πύργοισ ὀξυβελεῖσ τε καὶ λιθοβόλοι, ταῖσ δ’ ἐπάλξεσι παρέκειντο λίθοι καὶ βέλη καὶ ἀκόντια, τὰ δὲ φρούρια τοξόται καὶ σφενδονῆται κατεῖχον, ἀγγέλουσ μὲν ἐπέστησε πυκνοὺσ κατὰ τὸ ἐπιτείχισμα πᾶν, οἳ νυκτόσ τε καὶ ἡμέρασ ἔμελλον ἄλλοι παρ’ ἄλλων τὸν λόγον ἐκδεχόμενοι μηνύσειν αὐτῷ τὰ γιγνόμενα, κατὰ δὲ πύργον ἐκέλευσεν, εἴ τι γίγνοιτο, σημεῖον ἐκ πρώτου τοῦ πονοῦντοσ αἴρεσθαι, καὶ τὸ αὐτὸ πάντασ ἐπαίρειν ὅταν τὸν ἀρξάμενον θεάσωνται, ἵνα τὸ μὲν κίνημα παρὰ τοῦ σημείου θᾶσσον ἐπιγιγνώσκοι, τὸ δὲ ἀκριβὲσ παρὰ τῶν ἀγγέλων.

τῆσ δὲ στρατιᾶσ οὔσησ σὺν τοῖσ ἐπιχωρίοισ ἐσ ἑξακισμυρίουσ, τὸ μὲν ἥμισυ διετέτακτο αὐτῷ τειχοφυλακεῖν, καὶ ἐσ τὰ ἀναγκαῖα, εἴ πῃ δεήσειε, μεταχωρεῖν, δισμύριοι δὲ τειχομαχήσειν ἔμελλον, ὅτε χρεία γένοιτο, καὶ τούτοισ ἐφεδρεύειν ἕτεροι μύριοι. χωρίον δὲ καὶ τούτων ἑκάστοισ διετέτακτο· καὶ μεταπηδᾶν, εἰ μὴ κελεύσειεν, οὐκ ἐξῆν. ἐσ δὲ τὸ τεταγμένον εὐθὺσ ἀνεπήδων, ὅτε τι σημεῖον ἐπιχειρήσεωσ ἐπαρθείη. Οὕτω μὲν τῷ Σκιπίωνι πάντα ἀκριβῶσ διετέτακτο· 93. οἱ δὲ Νομαντῖνοι πολλάκισ μὲν τοῖσ φυλάσσουσιν ἐπεχείρουν, ἄλλοτε ἄλλῃ κατὰ μέρη, ταχεῖα δ’ αὐτίκα καὶ καταπληκτικὴ τῶν ἀμυνομένων ἡ ὄψισ ἦν, σημείων τε ὑψηλῶν πανταχόθεν αἰρομένων καὶ ἀγγέλων διαθεόντων, καὶ τῶν τειχομάχων ἀθρόωσ ἀναπηδώντων ἐσ τὰ τείχη, σαλπικτῶν τε κατὰ πάντα πύργον ἐξοτρυνόντων, ὥστε τὸν κύκλον ὅλον εὐθὺσ ἅπασιν εἶναι φοβερώτατον, ἐσ πεντήκοντα σταδίουσ ἐπέχοντα ἐν περιόδῳ. καὶ τόνδε τὸν κύκλον ὁ Σκιπίων ἑκάστησ ἡμέρασ τε καὶ νυκτὸσ ἐπισκοπῶν περιῄει. Ὁ μὲν δὴ τοὺσ πολεμίουσ ὧδε συγκλείσασ οὐκ ἐσ πολὺ ἀρκέσειν ἐνόμιζεν, οὔτε τροφῆσ ἔτι προσιούσησ σφίσιν οὔτε ὅπλων οὔτ’ ἐπικουρίασ· 94. Ῥητογένησ δέ, ἀνὴρ Νομαντῖνοσ, ᾧ Καραύνιοσ ἐπίκλησισ ἦν, ἄριστοσ ἐσ ἀρετὴν Νομαντίνων, πέντε πείσασ φίλουσ, σὺν παισὶν ἄλλοισ τοσοῖσδε καὶ ἵπποισ τοσοῖσδε ἐν νυκτὶ συννεφεῖ διῆλθε λαθὼν τὸ μεταίχμιον, κλίμακα φέρων πτυκτήν, καὶ φθάσασ ἐσ τὸ περιτείχισμα ἀνεπήδησεν αὐτόσ τε καὶ οἱ φίλοι, καὶ τοὺσ ἑκατέρωθεν φύλακασ ἀνελόντεσ τοὺσ μὲν θεράποντασ ἀπέπεμψαν ὀπίσω, τοὺσ δ’ ἵππουσ διὰ τῆσ κλίμακοσ ἀναγαγόντεσ ἐξίππευσαν ἐσ τὰσ Ἀρουακῶν πόλεισ σὺν ἱκετηρίαισ, δεόμενοι Νομαντίνοισ συγγενέσιν οὖσιν ἐπικουρεῖν. τῶν δ’ Ἀρουακῶν οἱ μὲν οὐδ’ ὑπήκουον αὐτῶν, ἀλλ’ εὐθὺσ ἀπέπεμπον δεδιότεσ. Λουτία δὲ πόλισ ἦν εὐδαίμων, τριακοσίουσ σταδίουσ ἀφεστῶσα ἀπὸ Νομαντίνων, ἧσ οἱ μὲν νέοι περὶ τοὺσ Νομαντινουσ ἐσπουδάκεσαν καὶ τὴν πόλιν ἐσ συμμαχίαν ἐνῆγον, οἱ πρεσβύτεροι δ’ ἐμήνυσαν κρύφα τῷ Σκιπίωνι. καὶ ὁ Σκιπίων ὀγδόησ ὡρ́ασ πυθόμενοσ ἐξήλαυνεν αὐτίκα σὺν εὐζώνοισ ὅτι πλείστοισ, καὶ ἅμα ἑῴ τὴν Λουτίαν φρουρᾷ περιλαβὼν ᾔτει τοὺσ ἐξάρχουσ τῶν νέων. ἐπεὶ δ’ ἐξωρμηκέναι τῆσ πόλεωσ αὐτοὺσ ἔλεγον, ἐκήρυξε διαρπάσειν τὴν πόλιν, εἰ μὴ τοὺσ ἄνδρασ παραλάβοι. οἱ μὲν δὴ δείσαντεσ προσῆγον αὐτούσ, ἐσ τετρακοσίουσ γενομένουσ· ὁ δὲ τὰσ χεῖρασ αὐτῶν ἐκτεμὼν ἀνέστησε τὴν φρουράν, καὶ διαδραμὼν αὖθισ ἅμ’ ἑῴ τῆσ ἐπιούσησ παρῆν ἐσ τὸ στρατόπεδον. Νομαντῖνοι δὲ κάμνοντεσ ὑπὸ λιμοῦ πέντε ἄνδρασ ἔπεμπον ἐσ τὸν Σκιπίωνα, οἷσ εἴρητο μαθεῖν εἰ μετριοπαθῶσ σφίσι χρήσεται παραδοῦσιν αὑτούσ.

Αὐάροσ δ’ αὐτῶν ἡγούμενοσ πολλὰ μὲν περὶ τῆσ προαιρέσεωσ καὶ ἀνδρείασ τῶν Νομαντίνων ἐσεμνολόγησε, καὶ ἐπεῖπεν ὡσ οὐδὲ νῦν ἁμάρτοιεν, ὑπὲρ παίδων καὶ γυναικῶν καὶ ἐλευθερίασ πατρίου κακοπαθοῦντεσ ἐσ τοσόνδε κακοῦ. "διὸ καὶ μάλιστα," εἶπεν, "ὦ Σκιπίων, ἄξιόν ἐστι σέ, τοσῆσδε ἀρετῆσ γέμοντα, φείσασθαι γένουσ εὐψύχου τε καὶ ἀνδρικοῦ, καὶ προτεῖναι τὰ φιλανθρωπότερα τῶν κακῶν ἡμῖν, ἃ καὶ δυνησόμεθα ἐνεγκεῖν, ἄρτι πειρώμενοι μεταβολῆσ. ὡσ οὐκ ἐφ’ ἡμῖν ἔτι ἐστίν, ἀλλ’ ἐπὶ σοί, τὴν πόλιν ἢ παραλαβεῖν, εἰ τὰ μέτρια κελεύοισ, ἢ μαχομένην ὑπεριδεῖν ἀπολέσθαι. " ὁ μὲν Αὐάροσ ὧδε εἶπεν, ὁ δὲ Σκιπίων ᾑ̓́σθετο γὰρ παρὰ τῶν αἰχμαλώτων τὰ ἔνδον̓ ἔφη δεῖν αὐτοὺσ ἐγχειρίσαι τὰ κατὰ σφᾶσ καὶ σὺν ὅπλοισ παραδοῦναι τὴν πόλιν. ὧν ἀπαγγελθέντων οἱ Νομαντῖνοι, χαλεποὶ καὶ τέωσ ὄντεσ ὀργὴν ὑπ’ ἐλευθερίασ ἀκράτου καὶ ἀηθείασ ἐπιταγμάτων, τότε καὶ μᾶλλον ὑπὸ τῶν συμφορῶν ἠγριωμένοι τε καὶ ἀλλόκοτοι γεγονότεσ τὸν Αὐάρον καὶ τοὺσ σὺν αὐτῷ πέντε πρέσβεισ ἀπέκτειναν ὡσ κακῶν ἀγγέλουσ καὶ τὸ σφέτερον ἀσφαλὲσ ἴσωσ διῳκημένουσ παρὰ τῷ Σκιπίωνι. Μετὰ δ’ οὐ πολὺ πάντων αὐτοὺσ τῶν ἐδεστῶν ἐπιλιπόντων, οὐ καρπὸν ἔχοντεσ, οὐ πρόβατον, οὐ πόαν, πρῶτα μέν, ὥσπερ τινὲσ ἐν πολέμων ἀνάγκαισ, δέρματα ἕψοντεσ ἐλιχμῶντο, ἐπιλιπόντων δ’ αὐτοὺσ καὶ τῶν δερμάτων ἐσαρκοφάγουν ἕψοντεσ τὰ ἀνθρώπεια, πρῶτα μὲν τὰ τῶν ἀποθνησκόντων κοπτόμενα ἐν μαγειρείοισ, ἐπὶ δ’ ἐκείνοισ τῶν νοσούντων κατεφρόνουν, καὶ τοὺσ ἀσθενεστέρουσ ἐβιάζοντο οἱ δυνατώτεροι.

κακῶν τε οὐδὲν αὐτοῖσ ἀπῆν, ἠγριωμένοισ μὲν τὰσ ψυχὰσ ὑπὸ τῶν τροφῶν, τεθηριωμένοισ δὲ τὰ σώματα ὑπὸ λιμοῦ καὶ λοιμοῦ καὶ κόμησ καὶ χρόνου. οὕτω δ’ ἔχοντεσ αὑτοὺσ ἐπέτρεπον τῷ Σκιπίωνι. ὁ δ’ ἐκέλευεν αὐτοὺσ τῆσ μὲν ἡμέρασ ἐκείνησ συνενεγκεῖν τὰ ὅπλα ἔνθα συνέταξε, τῆσ δ’ ἐπιούσησ προσελθεῖν ἐσ ἕτερον χωρίον. οἱ δ’ ὑπερεβάλοντο τὴν ἡμέραν, ομολογήσαντεσ ὅτι πολλοὶ τῆσ ἐλευθερίασ ἔτι ἔχονται καὶ ἐθέλουσιν αὑτοὺσ ἐξαγαγεῖν τοῦ βίου. τὴν οὖν ἡμέραν ᾔτουν ἐσ τοῦ θανάτου τὴν διάθεσιν. Τοσόσδε ἔρωσ ἐλευθερίασ καὶ ἀνδραγαθίασ ἦν ἐν πόλει βαρβάρῳ τε καὶ σμικρᾷ.

ἐσ γὰρ ὀκτακισχιλίουσ ἐπ’ εἰρήνησ γενόμενοι οἱᾶ μὲν καὶ ὅσα Ῥωμαίουσ ἔδρασαν, οἱάσ δὲ συνθήκασ αὐτοῖσ ἔθεντο ἐπὶ ἴσῃ καὶ ὁμοίᾳ, οὐδέσι ταῦτα συνθέσθαι Ῥωμαίων ὑποστάντων, οἱο͂ν δ’ ὄντα τὸν τελευταῖον στρατηγόν, ἓξ μυριάσιν αὐτοὺσ περικαθήμενον, προυκαλέσαντο πολλάκισ ἐσ μάχην. ὁ δὲ ἦν ἄρα στρατηγικώτεροσ αὐτῶν, ἐσ χεῖρασ οὐκ ἰὼν θηρίοισ, ἀλλὰ τῷ λιμῷ σφᾶσ κατεργαζόμενοσ, ἀμάχῳ κακῷ, ᾧ δὴ καὶ μόνῳ ληφθῆναί τε δυνατὸν ἦν ἄρα Νομαντίνουσ, καὶ ἐλήφθησαν μόνῳ. Ἐμοὶ μὲν δὴ ταῦτα περὶ Νομαντίνων εἰπεῖν ἐπῆλθεν, ἐσ τὴν ὀλιγότητα αὐτῶν καὶ φερεπονίαν ἀφορῶντι, καὶ ἔργα πολλά, καὶ χρόνον ὅσον διεκαρτέρησαν· οἱ δὲ πρῶτα μὲν αὑτούσ, οἱ βουλόμενοι, διεχρῶντο, ἕτεροσ ἑτέρωσ· οἱ λοιποὶ δ’ ἐξῄεσαν τρίτησ ἡμέρασ ἐσ τὸ δεδομένον χωρίον, δυσόρατοί τε καὶ ἀλλόκοτοι πάμπαν ὀφθῆναι, οἷσ τὰ μὲν σώματα ἦν ἀκάθαρτα καὶ τριχῶν καὶ ὀνύχων καὶ ῥύπου μεστά, ὠδώδεσαν δὲ χαλεπώτατον, καὶ ἐσθὴσ αὐτοῖσ ἐπέκειτο πιναρὰ καὶ ἥδε καὶ οὐχ ἧσσον δυσώδησ. ἐφαίνοντο δὲ τοῖσ πολεμίοισ ἐλεεινοὶ μὲν ἀπὸ τῶνδε, φοβεροὶ δ’ ἀπὸ τῶν βλεμμάτων· ἔτι γὰρ αὐτοὺσ ἐνεώρων ἔκ τε ὀργῆσ καὶ λύπησ καὶ πόνου καὶ συνειδότοσ ἀλληλοφαγίασ. Ἐπιλεξάμενοσ δ’ αὐτῶν πεντήκοντα ὁ Σκιπίων ἐσ θρίαμβον, τοὺσ λοιποὺσ ἀπέδοτο, καὶ τὴν πόλιν κατέσκαψε, δύο μὲν τάσδε πόλεισ δυσμαχωτάτασ ἑλὼν στρατηγὸσ ὅδε Ῥωμαίων, Καρχηδόνα μὲν αὐτῶν Ῥωμαίων ψηφισαμένων διὰ μέγεθοσ πόλεωσ τε καὶ ἀρχῆσ καὶ εὐκαιρίαν γῆσ καὶ θαλάσσησ, Νομαντίαν δὲ σμικράν τε καὶ ὀλιγάνθρωπον, οὔπω τι Ῥωμαίων περὶ αὐτῆσ ἐγνωκότων, αὐτόσ, εἴτε συμφέρειν Ῥωμαίοισ ἡγούμενοσ, εἴτε ἄκροσ ὢν ὀργὴν καὶ φιλόνεικοσ ἐσ τὰ λαμβανόμενα, εἴθ’ ὡσ ἔνιοι νομίζουσι, τὴν δόξαν ἡγούμενοσ διώνυμον ἐπὶ τοῖσ μεγάλοισ γίγνεσθαι κακοῖσ·

καλοῦσι γοῦν αὐτὸν οἱ Ῥωμαῖοι μέχρι νῦν, ἀπὸ τῶν συμφορῶν ἃσ ἐπέθηκε ταῖσ πόλεσιν, Ἀφρικανόν τε καὶ Νομαντῖνον. τότε δὲ τὴν γῆν τὴν Νομαντίνων τοῖσ ἐγγὺσ οἰκοῦσι διελών, καὶ ταῖσ ἄλλαισ πόλεσι χρηματίσασ, καὶ εἴ τι ἦν ὕποπτον, ἐπιπλήξασ τε καὶ ζημιώσασ χρήμασιν, ἀπέπλευσεν ἐπ’ οἴκου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 15

(아피아노스, The Foreign Wars, chapter 15)

상위

목록

SEARCH

MENU NAVIGATION