호흡부호 보기
강세부호 보기
장단부호 보기
작은 Iota 보기
모든 부호 보기
θυσίη δὲ τοῖσι Πέρσῃσι περὶ τοὺσ εἰρημένουσ θεοὺσ ἥδε κατέστηκε· οὔτε βωμοὺσ ποιεῦνται οὔτε πῦρ ἀνακαίουσι μέλλοντεσ θύειν, οὐ σπονδῇ χρέωνται, οὐκὶ αὐλῷ, οὐ στέμμασι, οὐκὶ οὐλῇσι· τῶν δὲ ὡσ ἑκάστῳ θύειν θέλῃ, ἐσ χῶρον καθαρὸν ἀγαγὼν τὸ κτῆνοσ καλέει τὸν θεόν, ἐστεφανωμένοσ τὸν τιάραν μυρσίνῃ μάλιστα. ἑωυτῷ μὲν δὴ τῷ θύοντι ἰδίῃ μούνῳ οὔ οἱ ἐγγίνεται ἀρᾶσθαι ἀγαθά, ὁ δὲ τοῖσι πᾶσι Πέρσῃσι κατεύχεται εὖ γίνεσθαι καὶ τῷ βασιλέι·
ἐν γὰρ δὴ τοῖσι ἅπασι Πέρσῃσι καὶ αὐτὸσ γίνεται. ἐπεὰν δὲ διαμιστύλασ κατὰ μέλεα τὸ ἱρήιον ἑψήσῃ τὰ κρέα ὑποπάσασ ποίην ὡσ ἁπαλωτάτην, μάλιστα δὲ τὸ τρίφυλλον, ἐπὶ ταύτησ ἔθηκε ὦν πάντα τὰ κρέα. διαθέντοσ δὲ αὐτοῦ Μάγοσ ἀνὴρ παρεστεὼσ ἐπαείδει θεογονίην, οἱήν δὴ ἐκεῖνοι λέγουσι εἶναι τὴν ἐπαοιδήν·
ἄνευ γὰρ δὴ Μάγου οὔ σφι νόμοσ ἐστὶ θυσίασ ποιέεσθαι. ἐπισχὼν δὲ ὀλίγον χρόνον ἀποφέρεται ὁ θύσασ τὰ κρέα καὶ χρᾶται ὅ τι μιν λόγοσ αἱρέει.
호흡부호 보기
강세부호 보기
장단부호 보기
작은 Iota 보기
모든 부호 보기