헬라어 문장 검색 - ΗεροδόΤηεΗιστ́1́068́

(헤로도토스, The Histories, book 1, chapter 68)

τούτων ὦν τῶν ἀνδρῶν Λίχησ ἀνεῦρε ἐν Τεγέῃ καὶ συντυχίῃ χρησάμενοσ καὶ σοφίῃ. ἐούσησ γὰρ τοῦτον τὸν χρόνον ἐπιμιξίησ πρὸσ τοὺσ Τεγεήτασ, ἐλθὼν ἐσ χαλκήιον ἐθηεῖτο σίδηρον ἐξελαυνόμενον, καὶ ἐν θώματι ἦν ὀρέων τὸ ποιεόμενον. μαθὼν, δέ μιν ὁ χαλκεὺσ ἀποθωμάζοντα εἶπε παυσάμενοσ τοῦ ἔργου "ἦ κου ἄν, ὦ ξεῖνε Λάκων εἴ περ εἶδεσ τό περ ἐγώ, κάρτα ἂν ἐθώμαζεσ, ὅκου νῦν οὕτω τυγχάνεισ θῶμα ποιεύμενοσ τὴν ἐργασίην τοῦ σιδήρου.

ἐγὼ γὰρ ἐν τῇδε θέλων τῇ αὐλῇ φρέαρ ποιήσασθαι, ὀρύσσων ἐπέτυχον σορῷ ἑπταπήχεϊ·

ὑπὸ δὲ ἀπιστίησ μὴ μὲν γενέσθαι μηδαμὰ μέζονασ ἀνθρώπουσ τῶν νῦν ἄνοιξα αὐτὴν καὶ εἶδον τὸν νεκρὸν μήκεϊ ἴσον ἐόντα τῇ σορῷ· μετρήσασ δὲ συνέχωσα ὀπίσω. " ὃ μὲν δή οἱ ἔλεγε τά περ ὀπώπεε, ὁ δὲ ἐννώσασ τὰ λεγόμενα συνεβάλλετο τὸν Ὀρέστεα κατὰ τὸ θεοπρόπιον τοῦτον εἶναι, τῇδε συμβαλλόμενοσ· τοῦ χαλκέοσ δύο ὁρέων φύσασ τοὺσ ἀνέμουσ εὑρ́ισκε ἐόντασ, τὸν δὲ ἄκμονα καὶ τὴν σφῦραν τόν τε τύπον καὶ τὸν ἀντίτυπον, τὸν δὲ ἐξελαυνόμενον σίδηρον τὸ πῆμα ἐπὶ πήματι κείμενον, κατὰ τοιόνδε τι εἰκάζων, ὡσ ἐπὶ κακῷ ἀνθρώπου σίδηροσ ἀνεύρηται.

συμβαλόμενοσ δὲ ταῦτα καὶ ἀπελθὼν ἐσ Σπάρτην ἔφραζε Λακεδαιμονίοσσι πᾶν τὸ πρῆγμα.

οἳ δὲ ἐκ λόγου πλαστοῦ ἐπενείκαντὲσ οἱ αἰτίην ἐδίωξαν. ὁ δὲ ἀπικόμενοσ ἐσ Τεγέην καὶ φράζων τὴν ἑωυτοῦ συμφορὴν πρὸσ τὸν χαλκέα ἐμισθοῦτο παρ’ οὐκ ἐκδιδόντοσ τὴν αὐλήν· χρόνῳ δὲ ὡσ ἀνέγνωσε, ἐνοικίσθη, ἀνορύξασ δὲ τὸν τάφον καὶ τὰ ὀστέα συλλέξασ οἴχετο φέρων ἐσ Σπάρτην.

καὶ ἀπὸ τούτου τοῦ χρόνου, ὅκωσ πειρῴατο ἀλλήλων, πολλῷ κατυπέρτεροι τῷ πολέμῳ ἐγίνοντο οἱ Λακεδαιμόνιοι· ἤδη δέ σφι καὶ ἡ πολλὴ τῆσ Πελοποννήσου ἦν κατεστραμμένη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 68

(헤로도토스, The Histories, book 1, chapter 68)

상위

목록

SEARCH

MENU NAVIGATION