Dio, Chrysostom, Orationes, ΑΠΟΛΟΓΙΣΜΟΣ ΟΠΩΣ ΕΣΧΗΚΕ ΠΡΟΣ ΤΗΝ ΠΑΤΡΙΔΑ. 10:

ταῦτα δὲ εἰ μέν ἐστι χρήσιμα καὶ μεγάλα, μὴ πολλοῖσ ὑπάρξαντα ἑτέροισ ἀλλ̓ ἢ μιᾷ πόλει, καὶ ταύτῃ σχεδόν τι τῶν ἐλλογιμωτάτων κατὰ τὴν Ἀσίαν καὶ τηλικοῦτον ἐχούσῃ δίκαιον πρὸσ τὸν αὐτοκράτορα, τοῦ θεοῦ παῤ ἐκείνοισ μαντευσαμένου καὶ προειπόντοσ τὴν ἡγεμονίαν αὐτῷ καὶ πρώτου πάντων ἐκείνου φανερῶσ αὐτὸν ἀποδείξαντοσ τῶν ὅλων κύριον· οὐ λέγω τοιοῦτον οὐδέν. ὅτι δ̓ ὑμεῖσ μάλιστα τούτου ἐπεθυμεῖτε, καὶ χρόνοσ ἦν πολύσ, ὃν ἠλπίζετε, ἐξηπάτησθε, τοῖσ ὑποσχομένοισ μόνον τῶν ἰδιωτῶν οὑ̓ γὰρ δὴ τῶν ἡγεμόνων οὐδεὶσ οὔτε προσεδόκησε πώποτε οὔτε ὑπέσχετὀ τιμὰσ ὑπερβαλλούσασ ἐδίδοτε πρὸ πολλοῦ τῆσ πόλεωσ ἀπαντῶντεσ πανδημεὶ ἢ περιμένοντεσ ἐν ἑτέραισ πόλεσι·