헬라어 문장 검색 - ΔιοΞηρ́Ορατιον

(디오, 크리소토모스, 연설 (2), ΠΕΡΙ ΤΥΧΗΣ ΤΡΙΤΟΣ.)

Οἱ σφόδρα τῇ τύχῃ πεπιστευκότεσ καὶ τῇ παρουσίᾳ ταύτησ ἐπαιρόμενοι δοκοῦσί μοι κάλλιστα συνηγορεῖν αὐτῇ καὶ παρασκευάζειν ὅπωσ ἐπειδὰν μεταπέσῃ, μηδεὶσ αὐτῇ μέμφηται. τοὐναντίον γὰρ ἅπαντεσ τῇ βαρύτητι τῶν εὐτυχούντων δυσχεραίνοντεσ καὶ τὴν ὕβριν αὐτῶν μεμισηκότεσ ὅταν καταλίπῃ τινὰ αὐτῶν, ἐπαινοῦσι καί φασι δικαίαν αὐτοῖσ γεγονέναι τὴν μεταβολήν. δεῖ δὲ τοὺσ νοῦν ἔχοντασ οὕτωσ χρῆσθαι τοῖσ αὐτομάτοισ ἀγαθοῖσ ὥστε ὑπαρχόντων μὲν αὐτῶν μηδένα ἐγκαλεῖν, ἐὰν δὲ παύσηταί ποτε, μηδένα ἐφήδεσθαι. τῷ παντὶ γὰρ κρεῖττόν ἐστιν ἐνδεῶσ πράττοντα ἀγαπᾶσθαι καὶ δοκεῖν πᾶσι παρὰ τὴν ἀξίαν ἀπαλλάττειν ἢ τοὐναντίον εὐτυχοῦντα μισεῖσθαι καὶ προσέτι καὶ τῇ τύχῃ γίγνεσθαι βλασφημίασ αἴτιον, ὡσ τοὺσ πονηροὺσ ἀντὶ τῶν χρηστῶν εὐεργετεῖν προαιρουμένῃ.

οἱ μὲν οὖν πολλοὶ τῶν ἀνθρώπων τοὺσ βαρέωσ χρωμένουσ τοῖσ ἐκ τῆσ τύχησ ὑπάρχουσι πονηροὺσ μὲν εἷναί φασι καὶ τῶν ἀγαθῶν ἀναξίουσ, οὐ μὴν ἀτυχεῖσ γε εἰώθασι λέγειν· ἐμοὶ δὲ τοὐναντίον οὗτοι δοκοῦσι πάντων ἀτυχέστατοι καθεστηκέναι.

τὸ γὰρ ἐκ τῶν νομιζομένων ἀγαθῶν μηδενὸσ χρηστοῦ, βλασφημίασ δὲ καὶ μίσουσ ἀπολαύειν πρὸσ τῷ τὴν αὑτοῦ κακίαν γνωριμωτέραν πᾶσι ποιεῖν, πῶσ οὐχὶ μεγάλη καὶ φανερὰ δυστυχία;

διόπερ οἶμαι τοῖσ ἀνοήτοισ λυσιτελεῖ τῷ παντὶ μᾶλλον ἐνδεῶσ πράττειν καὶ μήτε ἐξουσίασ μήτε πλούτου μήτε τῶν τοιούτων μηδενὸσ τυγχάνειν. ταπεινοὶ μὲν γὰρ ὄντεσ λανθάνειν τοὺσ πολλοὺσ ἔμελλον, ὁποῖοι κατὰ τρόπον ὑπάρχουσιν, ἀρθέντεσ δὲ ὑπὸ τῆσ τύχησ ἐπίσημον τὴν πονηρίαν ἔσχον. ὥσπερ οὖν τοῖσ τὸ σῶμα φαύλωσ διακειμένοισ βέλτιον καθ̓ αὑτοὺσ ἀποδύεσθαι καὶ μηδέποτε εἰσ τὸ κοινόν, ὅπωσ μηδένα ἔχωσι τῆσ περὶ τοῦτο αἰσχύνησ μάρτυρα·

τὸν αὐτὸν οἶμαι τρόπον, οἷσ συμβέβηκε τὴν ψυχὴν ἀγεννῆ καὶ μοχθηρὰν ὑπάρχειν, λυσιτελὲσ ἂν εἰή δήπου ἐν ἀγνοίᾳ τοῦ βίου καὶ σκότει τῆσ τύχησ διατελεῖν. ‐ ἀδίκωσ μοι δοκοῦσιν οἱ πολλοὶ τῶν ἀνθρώπων τῆσ τύχησ κατηγορεῖν, ὡσ οὐδὲν ἐχούσησ βέβαιον οὐδὲ πιστόν, ἀλλὰ ταχὺ δὴ μάλα, οἷσ ἂν παρῇ, τούτουσ καταλειπούσησ καὶ μεθισταμένησ πρὸσ ἑτέρουσ. εἰ μὲν γὰρ καλῶσ ἦν ἰδεῖν χρωμένουσ ὡσ τὸ πολὺ τοῖσ παῤ αὐτῆσ ἀγαθοῖσ τοὺσ λαμβάνοντασ καὶ μὴ τοὐναντίον εὐθὺσ ὕβρεωσ καὶ μισανθρωπίασ καὶ θρασύτητοσ ἐμπιμπλαμένουσ, οὐκ ἂν ὀρθῶσ ἐποίει μὴ τοῖσ αὐτοῖσ παραμένουσα·

νῦν δὲ οἶμαι προαιρεῖται μὲν εὐεργετεῖν ἕκαστον ὡσ χρηστὸν καὶ τῶν παῤ αὐτῆσ δωρεῶν ἄξιον, ἐπειδὰν δὲ φαῦλον αἴσθηται καὶ ταπεινόν, καταισχύνοντα τὴν εὔνοιαν τὴν παῤ αὐτῆσ, εἰκότωσ ἀφίσταται καὶ ζητεῖ πάλιν ἄλλον, ἐὰν ἄρα ἐπιεικέστερον εὑρεῖν δύνηται.

πονηρῶν δὲ τῶν πλείστων ὑπαρχόντων καὶ τῆσ ἀνθρωπίνησ φύσεωσ σπανίωσ τινὰ φερούσησ ἐπιτήδειον εὖ πράττειν, ἐξ ἀνάγκησ συνεχεῖσ ποιεῖται τὰσ μεταβολάσ, πολὺ δὲ μᾶλλον διὰ τὴν ἡμετέραν ἢ τὴν αὑτῆσ φύσιν.

ἔστι δὲ ἄτοπον, εἴ τισ αὐτὸσ μὲν οὐ δύναται φέρειν ἐνίουσ τῶν εὐτυχούντων, ἀλλὰ μικρὸν χρόνον ὁμιλήσασ ἀφίσταται, καὶ μᾶλλον αἱρεῖται τὴν αὑτοῦ πενίαν ὅπωσ ἂν ἐνδέχηται φέρειν ἢ φορτικῶν καὶ ἀνοήτων ἀνέχεσθαι τρόπων· παραμένειν ἀνδραπόδῳ μηδενὸσ ἀξίῳ.

παρὰ γὰρ τῶν πλουσίων εἰσ μὲν τοὺσ συμβιοῦντασ ἀνθρώπουσ ἡ ὕβρισ ἐστὶ λοιδορία, προπηλακισμόσ, κατάγελωσ, τὸ πληγῆναι πολλάκισ, εἰσ δὲ τὴν τύχην αὐτὴν ὑπερηφανία, βαρύτησ, μικρολογία. ‐ ἀδικώτατά μοι δοκοῦσιν ἐγκαλεῖν οἱ πολλοὶ τῇ τύχῃ. νῦν μὲν γὰρ αὐτὴν αἰτιῶνται, φάσκοντεσ ἄπιστον εἶναι καὶ μηδὲν ἔχειν βέβαιον. εἰ δ̓ ἀεὶ τοῖσ αὐτοῖσ παρέμενεν, οὐκ ἔστιν ὅπωσ οὐχὶ τῷ παντὶ μείζονοσ καὶ δικαιοτέρασ ἐτύγχανε κατηγορίασ.

καὶ σκαιότητοσ εἶναι μεστούσ, εἰ καθόλου μὴ τὴν ἐλπίδα τῆσ μεταβολῆσ ὑφεωρῶντο;

φασὶ πολλοὶ τὴν τύχην ἄκριτον εἶναι καὶ πονηροῖσ ἀνθρώποισ προσμένειν, τῶν χρηστῶν δὲ ἀμελεῖν, ὅταν ὁρῶσι τοὺσ ἠξιωμένουσ τῶν παῤ ἐκείνησ ἀγαθῶν βαρεῖσ ὄντασ καὶ δυσχρήστουσ καὶ ἀγεννεῖσ.

δοκεῖ δέ μοι ἡ τύχη πρὸσ αὐτοὺσ δίκαια ἂν εἰπεῖν ὅτι φύσει φιλάνθρωποσ οὖσα ἀεί τισι πάρεστιν ἡμῶν, οὐχ αἱρουμένη τοὺσ ἀξίουσ οὐδὲ τοὺσ πονηρούσ, ἀεὶ δὲ οἱοίσ ἂν αὐτοῖσ παραγένηται, τοιούτουσ αὐτοὺσ ὄντασ ἐξελέγχεσθαι. δεῖν οὖν τὴν αὑτῶν αἰτιᾶσθαι φύσιν, μὴ τὴν ἐκείνησ, ὅτι τοιοῦτοι καθεστήκασιν, ὥστε ὁ μὲν ἐνδεῶσ ἔτι πράττων ἄξιοσ εἶναι δοκεῖ βέλτιον ἀπαλλάττειν, ὅτῳ δ̓ ἂν ὑπάρξῃ τὰ παῤ αὐτῆσ ἀγαθά, εὐθὺσ μοχθηρὸσ πέφηνεν. ἔστι γὰρ ὅμοιον ὥσπερ εἴ τισ, ἀγγείων πολλῶν ὄντων, μηδενὸσ δὲ ὑγιοῦσ, τὸν εἰσ αὐτὰ ἐγχέοντα ψέγοι βλέπων ῥέον ἀεὶ τὸ πληρούμενον.

εἴποι γὰρ ἄν, Ἀλλ̓ ἔστι πάντα τοιαῦτα· ἑώσ δ̓ ἂν ᾖ κενά, λανθάνει. θαυμάζω πῶσ ποτε οἱ πολλοὶ τὴν τύχην φασὶν ἐπικίνδυνον εἶναι καὶ μηδὲν τῶν παῤ αὐτῆσ ὑπάρχειν βέβαιον.

ἐπειδάν τινι δῷ τὰ παῤ αὑτῆσ ἀγαθά ̔ταῦτα δ̓ ἐστὶ χρήματα, ἰσχύσ, δόξα, τιμαί̓ τούτοισ οὐδένα κωλύει χρῆσθαι κατὰ τρόπον καὶ νὴ Δία γε εἰσ τἀσφαλὲσ αὑτοῖσ κατατίθεσθαι, λέγω δὲ οὐκ εἰσ τὴν οἰκίαν ἔνδον οὐδ̓ εἰσ τὸ ταμιεῖον οὐδὲ κλεῖσ ἐφιστάντασ καὶ μοχλούσ οὑ̓ φυλάττεται γὰρ ὑπὸ τούτων οὐδὲν τῶν παῤ αὐτῆσ̓ ἀλλ̓ εἰσ εὔνοιαν ἀνθρώπων, πατρίδοσ εὐεργεσίαν, φίλων βοήθειαν.

οὐκοῦν οὐδέποτε οὐδὲν ἀφείλετο ἡ τύχη τοὺσ γε ἅπαξ κτησαμένουσ τῶν οὕτωσ ἀποκειμένων.

οὗτοι γάρ εἰσι θησαυροὶ βέβαιοι καὶ πᾶσι φανεροὶ τῶν αὐτομάτωσ περιγιγνομένων. ἐὰν δέ τισ λαβὼν ῥίψῃ ἢ καὶ νὴ Δία κακῶσ θῇ, θύραισ καὶ κλεισὶ πιστεύων, οὐκέτ̓ οἶμαι δἰ ἐκείνην ἀπόλλυνται. σφόδρα δὲ καὶ τοῦτο ἄτοπον·

πρὸσ γὰρ τῷ πολλὰ βλασφημεῖν διὰ λόγων κατὰ τῆσ τύχησ ἔτι καὶ πλάσται καὶ γραφεῖσ αὐτὴν λοιδοροῦσιν, οἱ μὲν ὡσ μαινομένην καὶ διαρρίπτουσαν γράφοντεσ, οἱ δὲ ἐπὶ σφαίρασ βεβηκυῖαν, ὡσ οὐκ ἀσφαλῶσ οὐδὲ ἀκινδύνωσ ἐρηρεισμένην, δέον ἡμᾶσ αὐτοὺσ τοιούτουσ πλάττειν καὶ γράφειν τοὺσ ἐμπλήκτωσ καὶ κακῶσ πᾶσι χρωμένουσ καὶ μὰ Δία γε οὐκ ἐπὶ σφαίρασ, ἀλλ̓ ἐπ̓ ἀνοίασ ἑστηκότασ, καὶ μὴ μάτην τῇ τύχῃ μέμφεσθαι. περὶ πάντων μέν, ὡσ εἰπεῖν, οἱ πολλοὶ τῶν ἀνθρώπων οὐκ ὀρθῶσ ὑπολαμβάνουσι, μάλιστα δὲ τὴν ὑπὲρ τῆσ τύχησ δόξαν ψευδῆ καὶ πεπλανημένην ἔχουσιν.

φασὶ γὰρ αὐτὴν διδόναι μὲν τοῖσ ἀνθρώποισ τἀγαθά, ῥᾳδίωσ δὲ ἀφαιρεῖσθαι· καὶ διὰ τοῦτο ὡσ ἄπιστον βλασφημοῦσι καὶ φθονεράν.

ἐγὼ δὲ οὐ διδόναι φημὶ τὴν τύχην τούτων οὐδέν, ὧν οἱ πολλοὶ νομίζουσιν. ᾧ γὰρ κύριοσ ἕκαστοσ γίγνεται τῶν ὑπαρχόντων καὶ δἰ οὗ μόνου κεκτῆσθαι τἀγαθὰ ἀσφαλῶσ ἔστιν, οὐ δίδωσιν αὐτοῖσ μετὰ τῶν χρημάτων καὶ τῆσ δόξησ καὶ τῆσ δυνάμεωσ.

τοῦτο δέ ἐστιν οὗ χωρὶσ οὐκ ἔστιν οὐδὲ τῶν ἄλλων ἔχειν οὐδέν, οἰέσθαι μέντοι καὶ ἀπατᾶσθαι. καθάπερ οὖν οὐδὲ ἡμεῖσ, ὅταν εἰσ τὴν οἰκίαν τινὰ εἰσαγάγωμεν ἢ τὸ χωρίον ἢ σκεύη τινὰ παράσχωμεν, εὐθὺσ κύριον ἐκείνων τοῦτον ἀπεδείξαμεν, ἂν μὴ προσῇ τὸ μετὰ ἀσφαλείασ τινὸσ καὶ γράμματοσ, οὕτω καὶ ἡ τύχη κύριον οὐδένα ποιεῖ τῶν ὑφ̓ αὑτῆσ διδομένων, ἐὰν μὴ προσῇ τὸ μετὰ νοῦ καὶ φρονήσεωσ τινὰ λαμβάνειν. οἱ μὲν πολλοὶ τῶν ἀνθρώπων εἰώθασιν εὐδαιμονίζειν εὐθὺσ οἷσ ἂν ὁρῶσι τὰ παρὰ τῆσ τύχησ ὑπάρχοντα, ὥσπερ τοῖσ πλέουσι συνήδονται πνεῦμα ὁρῶντεσ ἐπέχον, οὐκ εἰδότεσ οὔτ̓ εἰ φορὸν αὐτοῖσ τοῦτό ἐστιν οὔτ̓ εἰ κυβερνήτην ἔχουσιν ἔμπειρον.

ἐγὼ δ̓ οἶμαι τότε δεῖν μακαρίουσ κρίνειν τοὺσ ἐν ἀφθόνοισ ὄντασ τοῖσ παρὰ τῆσ τύχησ, ὅταν αὐτοῖσ καὶ τὸ φρονεῖν παρῇ.

καθ̓ αὑτὰ γὰρ ταῦτα δηλονότι εἰ τοῖσ ἀνοήτοισ γένοιτο κινδύνου καὶ δυστυχίασ αἴτια.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dio, Chrysostom, Orationes, ΠΕΡΙ ΤΥΧΗΣ ΤΡΙΤΟΣ.

(디오, 크리소토모스, 연설 (2), ΠΕΡΙ ΤΥΧΗΣ ΤΡΙΤΟΣ.)

상위

목록

SEARCH

MENU NAVIGATION