헬라어 문장 검색 - ΔιοΞηρ́Ορατιον

(디오, 크리소토모스, 연설 (2), ΠΕΡΙ ΤΟΥ ΒΟΥΛΕΥΕΣΘΑΙ.)

Πάλαι καθήμενοσ καὶ ὑμῶν ἀκούων, ὅτε πολλὰσ ὡρ́ασ διετρίβετε παρά τινι τῶν πολιτικῶν βουλευόμενοι περί τινων πραγμάτων σκοπῶ παῤ ἐμαυτῷ καὶ ἀναζητῶ τί ἐστι τοῦτο ὅ φατε βουλεύεσθαι ; ἆρα γὰρ περὶ τούτου τισ βουλεύεται τοῦ πράγματοσ ὃ οἶδέ τε καὶ ἐπίσταται; ‐ Οὐ δοκεῖ μοι περὶ ὧν τισ οἶδε, περὶ τούτων βουλεύεσθαι, ἀλλὰ ἤδη εἰδέναι.

‐ Τί δαί; ἃ οὐκ οἶδεν οὐδὲ ἐπίσταται, περὶ τούτων ὥσπερ διαμαντευόμενοσ καὶ ἀναζητῶν γνῶναι ἃ οὐκ οἶδεν; ‐ Οὐ δοκεῖ μοι οὐδὲ οὗτοσ δύνασθαι βουλεύεσθαι περὶ τούτων περὶ ὧν οὐδεμίαν ἐπιστήμην ἔχει. ‐ Ὅρα οὖν μὴ τοιόνδε τι ᾖ τὸ βουλεύεσθαι ὥστε τινὰ μὲν εἰδέναι, τινὰ δὲ ἀγνοεῖν, καὶ τοῦτο ᾖ περὶ οὗ βουλεύονται ἄνθρωποι;

ἵνα δὲ μᾶλλον τῷ λόγῳ παρακολουθήσωμεν, δἰ εἰκόνοσ τινὸσ ἐπιδείξομεν αὐτό. δὲ περὶ τῆσ οἰκίασ αὐτοῖν, ὥστε ἐξ ὧν οἴδαμεν, ἐκ τούτων καὶ περὶ ὧν οὐδέπω ἴσμεν τεκμαίρεσθαι·

καθάπερ οἱ ἀρτιάζοντεσ ἴσασι μὲν ὅτι ἐν ταῖσ χερσὶν ἔχουσιν οἱ προκαλεσάμενοι αὐτοὺσ χρῆμα, οὐ μέντοι ὅτι τοσοῦτον, ἀλλ̓ ἐνίοτε καὶ ἐπέτυχον εἰπεῖν, καὶ οὕτω δὴ κρατήσαντεσ ἀπηλλάγησαν.

μὴ ἄρα καὶ τὸ βουλεύεσθαι τοιοῦτον ᾖ, ὥστε εἰδέναι μέν τι ‐ τὰ δὲ ἄλλα, ὅσα ἀγνοοῦμεν, στοχασάμενοι ἐνίοτε αὐτομάτωσ ἐπετύχομεν καὶ μετ̓ οὐδεμιᾶσ ἐπιστήμησ. Φέρε γὰρ ἴδωμεν ὁποῖόν ἐστι τὸ πρᾶγμα.

τὰ ὄντα καὶ ἔστι καὶ ἐγένετο καὶ ὑφέστηκε, τὰ δὲ μὴ ὄντα οὔτε ἔστιν οὔτε ἐγένετο οὔτε ὑφέστηκεν. οὐ δεῖ μὲν οὖν περὶ τῶν ὄντων· ἔστι γὰρ οὐδὲν ὄφελοσ περὶ τῶν γεγονότων καὶ ὑφεστηκότων βουλεύεσθαι· τί γὰρ καὶ βουλευσόμεθα περὶ αὐτῶν; ἵνα μὴ γένηται τὰ γεγονότα; οὐ δύναται μὴ γεγονέναι. ἀλλ̓ ἵνα μὴ ᾖ τὰ ὄντα; πῶσ δυνάμεθα ποιῆσαι μὴ εἶναι; ἀλλ̓ ἵνα μὴ ὑφεστήκῃ; πᾶν τὸ ὂν ὑπόστασιν ἔχει. ἀλλὰ περὶ μὲν τῶν ὄντων τί ἄν τισ καὶ βουλεύοιτο; περὶ τίνων οὖν βουλευόμεθα;

περὶ τῶν μὴ ὄντων, ὡσ ὁ λόγοσ ὑποδείκνυσι· τὰ δὲ μὴ ὄντα οὔτε ἔστιν οὔτε γέγονεν οὔτε ὑφέστηκεν. περὶ τῶν οὐκ ὄντων οὖν τίσ δύναται βουλεύεσθαι καὶ περὶ τῶν οὐχ ὑφεστώτων; τὸ γὰρ οὐκ ὂν οὐδέν ἐστι.

οὐδεὶσ ἄρα δύναται βουλεύεσθαι περὶ τῶν μὴ ὄντων. ἡ γὰρ βουλὴ ἐπί τινί ἐστιν. τὸ δὲ μὴ ὂν οὔ τί ἐστιν. οὐκ ἄρα οὐδὲ τὸ βουλεύεσθαι περὶ τῶν μὴ ὄντων δύναιτ̓ ἂν εἶναι. Τί οὖν;

ὁ ἄμουσοσ καὶ ὁ ἀνεπιστήμων ἁρμονίασ καὶ μέλουσ καὶ ῥυθμοῦ καὶ τῆσ τούτων τάξεωσ καὶ κινήσεωσ δύναιτ̓ ἂν καλῶσ βουλεύσασθαι περὶ μουσικῆσ καὶ τῶν ἔργων τῶν κατὰ μουσικήν; ‐ Οὐδαμῶσ. ‐ Τί δέ; ὁ γεωμετρίασ ἄπειροσ περὶ σώματοσ καὶ μήκουσ καὶ πλάτουσ καὶ βάθουσ βουλευόμενοσ ἂν καλῶσ βουλεύοιτο; ‐ Οὐδὲ οὗτοσ.

‐ Τί δέ; ὁ νεὼσ ἄρχειν οὐκ ἐπιστάμενοσ περὶ νεὼσ ἀρχῆσ καὶ ἔργων κυβερνητικῶν ἱκανῶσ ἂν βουλευόμενοσ βουλεύοιτο; ‐ Οὐδὲ οὗτοσ.

‐ Ὅστισ ἄρα οὐδὲν ἱκανῶσ περὶ οὐδενὸσ οὔτε πεπαίδευται οὔτε οἶδεν, οὗτοσ οὐδὲ βουλεύσασθαι περὶ τούτων ἱκανόσ ἐστιν; χρὴ οὖν ἐπιμελεῖσθαι μάλιστα φρονήσεωσ καὶ παιδείασ, ἵνα ἡμῖν ᾖ ῥᾴδιον περὶ ἁπάντων πραγμάτων βουλεύεσθαι καὶ εἰδέναι τὸ συνοῖσον ἑκάστῃ βουλῇ καὶ μὴ διαμαρτάνειν, ἀλλὰ καθάπερ οἱ μουσικοὶ καὶ οἱ γεωμέτραι καὶ οἱ κυβερνῆται περὶ τῶν ἰδίων ἔργων οὐκ ἀτέχνωσ σκέπτονται καὶ ἅπαντεσ οἱ περί τι δεινοὶ καὶ συνεῖναι περὶ αὐτῶν ἱκανοί εἰσιν, οὕτω δὴ καὶ ἡμεῖσ περὶ τῶν ἰδίων ἱκανοὶ ὦμεν βουλεύεσθαι καὶ λέγειν. ἄτοπον γὰρ τοὺσ μὲν ἀρτιάζοντασ σύνεσιν ἐπιδείκνυσθαι, καὶ ταῦτα εἰκάζοντασ καὶ μὴ ὁρῶντασ τοῦτο περὶ οὗ ἀποφαίνονται, τοὺσ δὲ περὶ πραγμάτων βουλευομένουσ μήτε ξύνεσιν μήτε ἐπιστήμην μήτε ἐμπειρίαν ἐπιδείκνυσθαι, καὶ τούτων ἐνίοτε τῶν μεγίστων ὄντων, περὶ ὁμονοίασ καὶ φιλίασ οἰκιῶν καὶ πόλεων καὶ περὶ εἰρήνησ καὶ πολέμου καὶ περὶ κατοικισμοῦ καὶ περὶ κατοικίσεωσ, περί τε παίδων καὶ γυναικῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dio, Chrysostom, Orationes, ΠΕΡΙ ΤΟΥ ΒΟΥΛΕΥΕΣΘΑΙ.

(디오, 크리소토모스, 연설 (2), ΠΕΡΙ ΤΟΥ ΒΟΥΛΕΥΕΣΘΑΙ.)

상위

목록

SEARCH

MENU NAVIGATION