헬라어 문장 검색 - ΔιοΞηρ́Ορατιον

(디오, 크리소토모스, 연설 (2), ΠΕΡΙ ΕΥΔΑΙΜΟΝΙΑΣ.)

Οἱ πολλοὶ ἄνθρωποι καθόλου μὲν οὐδὲν πεφροντίκασιν ὁποίουσ χρὴ εἶναι οὐδὲ ὅ,τι βέλτιστον ἀνθρώπῳ ἐστίν, οὗ ἕνεκα χρὴ πάντα τἄλλα πράττειν, ἰδίᾳ δὲ ἐσπουδάκασιν οἱ μὲν ἱππεύειν, οἱ δὲ στρατηγεῖν, οἱ δὲ περὶ ἀγωνίαν, οἱ δὲ περὶ μουσικήν, ἄλλοι περὶ γεωργίαν, ἄλλοι δύνασθαι λέγειν. ἥντινα δὲ χρείαν αὐτοῖσ ἔχει τούτων ἕκαστον ἢ τί τὸ ὄφελοσ ἐξ αὐτοῦ γίγνοιτ̓ ἂν οὐκ ἴσασιν οὐδὲ ζητοῦσιν. τοιγαροῦν ἱππεῖσ μὲν ἀγαθοὶ γίγνονται τινέσ, οἳ ἂν φιλοπονῶσιν αὐτὸ καὶ ἐκμελετῶσι, καὶ παλαῖσαι ἄλλοι ἄλλων ἱκανώτεροι καὶ πυκτεῦσαι καὶ δραμεῖν καὶ τἄλλα ἀγωνίσασθαι, καὶ τοῦ σπόρου μὴ διαμαρτεῖν, καὶ πλέοντεσ μὴ διαφθεῖραι τὴν ναῦν, καὶ τὰ κατὰ μουσικήν τινεσ ἐπίστανται βέλτιον ἑτέρων·

ἀγαθὸν δὲ ἄνδρα καὶ φρόνιμον, καὶ αὐτὸ τοῦτο εἰδότα ὅστισ ἐστὶν ὁ χρηστὸσ ἀνὴρ καὶ νοῦν ἔχων, οὐδένα τούτων ἔστιν εὑρεῖν. αὐτίκα περὶ τὸ λέγειν ἐσπουδάκασι πολλοὶ τῶν ἐλευθέρων καὶ φιλοτίμων εἶναι δοκούντων, οἱ μὲν ὥστε ἐν δικαστηρίοισ ἀγωνίζεσθαι καὶ πρὸσ δῆμον λέγοντεσ, διὰ δὲ τοῦτο ἰσχύειν πλέον τῶν ἄλλων καὶ πράττειν ὅ,τι ἂν αὐτοὶ θέλωσιν, οἱ δὲ τῆσ δόξησ ἕνεκα τῆσ ἀπὸ τοῦ πράγματοσ, ὅπωσ δεινοὶ νομίζωνται. τινὲσ δὲ αὐτῆσ φασι τῆσ ἐμπειρίασ ἐπιθυμεῖσ ἐπιθυμεῖν, καὶ τούτων οἱ μὲν λέγοντεσ, οἱ δὲ συγγράφοντεσ μόνον, οὓσ ἔφη τισ τῶν πρότερον μεθόρια εἶναι τῶν φιλοσόφων καὶ τῶν πολιτικῶν·

ὅ,τι δὲ συμφέρει πράττουσιν ἢ πρὸσ ὅ,τι ἡ δόξα αὐτοῖσ ὠφέλιμοσ ἢ τί τῆσ ἐμπειρίασ ταύτησ ὄφελοσ οὐ σκοποῦσιν.

ἐγὼ δέ φημι πάντα τἄλλα δίχα τῆσ τοιαύτησ ἐπιμελείασ καὶ ζητήσεωσ ὀλίγου ἄξια εἶναι, τῷ δὲ ἐκεῖνο ἐννοήσαντι καὶ ξυνέντι, τούτῳ καὶ τὸ λέγειν καὶ τὸ στρατηγεῖν καὶ ὅ,τι ἂν ἄλλο ποιῇ ξυμφέρον τε εἶναι καὶ ἐπ̓ ἀγαθῷ γίγνεσθαι.

ἐπεὶ τό γε ἐπαινεῖσθαι καθ̓ ἑαυτὸ ὑπὸ ἀνθρώπων ἀνοήτων, οἱοῖ́περ εἰσὶν οἱ πολλοί, ἢ τὸ δύνασθαι ἐν τοῖσ τοιούτοισ ἢ τὸ ἡδέωσ ζῆν οὐδὲν ἂν διαφέροι πρὸσ εὐδαιμονίαν τοῦ ψέγεσθαι καὶ μηδὲν ἰσχύειν καὶ ἐπιπόνωσ ζῆν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dio, Chrysostom, Orationes, ΠΕΡΙ ΕΥΔΑΙΜΟΝΙΑΣ.

(디오, 크리소토모스, 연설 (2), ΠΕΡΙ ΕΥΔΑΙΜΟΝΙΑΣ.)

상위

목록

SEARCH

MENU NAVIGATION