Dio, Chrysostom, Orationes, ΠΕΡΙ ΣΩΚΡΑΤΟΥΣ.

(디오, 크리소토모스, 연설 (2), ΠΕΡΙ ΣΩΚΡΑΤΟΥΣ.)

Ἱππίασ ὁ Ἠλεῖοσ καὶ Γοργίασ ὁ Λεοντῖνοσ καὶ Πῶλοσ καὶ Πρόδικοσ οἱ σοφισταὶ χρόνον τινὰ ἤνθησαν ἐν τῇ Ἑλλάδι καὶ θαυμαστῆσ ἐτύγχανον φήμησ, οὐ μόνον ἐν ταῖσ ἄλλαισ πόλεσιν, ἀλλὰ καὶ ἐν τῇ Σπάρτῃ καὶ παῤ Ἀθηναίοισ, καὶ χρήματα πολλὰ συνέλεξαν, δημοσίᾳ τε παρὰ τῶν πόλεων καὶ παρὰ δυναστῶν τινων καὶ βασιλέων καὶ ἰδιωτῶν, ὡσ ἕκαστοσ ἔχοι δυνάμεωσ. ἔλεγον δὲ πολλοὺσ μὲν λόγουσ, νοῦν δὲ οὐκ ἔχοντασ οὐδὲ βραχύν·

ἐφ̓ ὧν ἔστιν οἶμαι χρήματα πορίζειν καὶ ἀνθρώπουσ ἠλιθίουσ ἀρέσκειν. ἄλλοσ δέ τισ ἀνὴρ Ἀβδηρίτησ οὐχ ὅπωσ ἀργύριον παῤ ἑτέρων ἐλάμβανεν, ἀλλὰ καὶ διέφθειρε τὴν οὐσίαν τὴν αὑτοῦ συχνὴν οὖσαν καὶ ἀπώλεσε φιλοσοφῶν ἀναισθήτωσ δῆλον ὅτι καὶ ζητῶν ὧν οὐδὲν ὄφελοσ αὐτῷ.

ἦν δὲ καὶ Σωκράτησ Ἀθήνησι πένησ ἀνὴρ καὶ δημοτικόσ, οὐδὲ οὗτοσ ὑπὸ τῆσ πενίασ ἀναγκαζόμενοσ οὐθὲν λαμβάνειν· καίτοι γυναῖκα εἶχεν οὐ μισοῦσαν ἀργύριον καὶ παῖδασ δεομένουσ διατροφῆσ καὶ τῶν νέων λέγεται τοῖσ πλουσιωτάτοισ συνεῖναι, ὧν φασιν ἐνίουσ μηδενὸσ ἁπλῶσ φείδεσθαι πρὸσ αὐτόν. ἦν δὲ τἄλλα τῷ τρόπῳ κοινὸσ καὶ φιλάνθρωποσ, καὶ παρεῖχεν αὑτὸν τοῖσ βουλομένοισ προσιέναι καὶ διαλέγεσθαι, περί τε τὴν ἀγορὰν τὰ πολλὰ διατρίβων καὶ εἰσ τὰσ παλαίστρασ εἰσιὼν καὶ πρὸσ ταῖσ τραπέζαισ καθεζόμενοσ ὡ̔́σπερ οἱ τὰ ὤνια τὰ φαῦλα δεικνύντεσ ἐν τῇ ἀγορᾷ καὶ περιφέροντεσ ἐπὶ τὰσ θύρασ̓ εἴ τισ ἄρα ἐθελήσει πυθέσθαι τι καὶ ἀκοῦσαι τῶν νεωτέρων ἢ τῶν πρεσβυτέρων.

οἱ μὲν οὖν πολλοὶ τῶν δυνατῶν καὶ ῥητόρων προσεποιοῦντο μηδὲ ὁρᾶν αὐτόν·

ὁ δὲ προσελθών, ὥσπερ οἱ προσπταίσαντεσ, ἀλγήσασ ταχὺ ἀπηλλάττετο. ἀλλὰ δὴ τῶν μὲν θαυμαζομένων ἐκείνων σοφιστῶν ἐκλελοίπασιν οἱ λόγοι καὶ οὐδὲν ἢ τὰ ὀνόματα μόνον ἔστιν·

οἱ δὲ τοῦ Σωκράτουσ οὐκ οἶδ̓ ὅπωσ διαμένουσι καὶ διαμενοῦσι τὸν ἅπαντα χρόνον, τούτου δὲ αὐτοῦ γράψαντοσ ἢ καταλιπόντοσ οὔτε σύγγραμμα οὔτε διαθήκασ. ἐτελεύτα γὰρ ὁ ἀνὴρ ἀδιάθετοσ τήν τε σοφίαν καὶ τὰ χρήματα. ἀλλὰ οὐσίαν μὲν οὐκ εἶχεν, ὥστε δημευθῆναι, καθάπερ εἰώθε γίγνεσθαι ἐπὶ τῶν καταδικασθέντων· οἱ λόγοι δὲ τῷ ὄντι ἐδημεύθησαν μὰ Δί̓ οὐχ ὑπ̓ ἐχθρῶν, ἀλλὰ ὑπὸ τῶν φίλων·

οὐδὲν μέντοι ἧττον καὶ νῦν φανερῶν τε ὄντων καὶ τιμωμένων ὀλίγοι ξυνιᾶσι καὶ μετέχουσιν.

상위

Dio, Chrysostom (디오, 크리소토모스)

목록

일치하는 문장이 없습니다.

SEARCH

MENU NAVIGATION