헬라어 문장 검색 - ΔιοΞηρ́Ορατιον

(디오, 크리소토모스, 연설 (2), ΠΕΡΙ ΤΟΥ ΔΑΙΜΟΝΟΣ.)

Φασὶ τοὺσ φιλοσόφουσ λέγειν ὡσ ἄρα εὐδαίμων εἰή μόνοσ ὁ σοφόσ. ‐ Δ. Λέγουσι γάρ. ‐ Ἆῤ οὖν ἀληθῆ σοι δοκοῦσι λέγειν; ‐ Δ.

Ἔμοιγε. ‐ Τί οὖν οὐχὶ κἀμοὶ ἔφρασασ τὴν διάνοιαν ἀ τῶν; ‐ Δ. Εἂν ἐμοὶ σὺ πρῶτον εἴπῃσ ὅ,τι νομίζεισ τὸν δαίμονα εἶναι. ‐ Ἐγὼ μὲν τὸ κρατοῦν ἑκάστου καὶ καθ̓ ὃν ζῇ τῶν ἀνθρώπων ἕκαστοσ, ὁμοίωσ μὲν ἐλεύθεροσ, ὁμοίωσ δὲ δοῦλοσ, καὶ πλούσιοσ καὶ πένησ καὶ βασιλεὺσ καὶ ἰδιώτησ, καὶ πράττει ὅσα ἂν πράττῃ. ‐ Δ. ἑκάστου, ὃ δαίμονα καλεῖσ, ἢ ἔξωθεν ἄρχον τι καὶ κύριον τοῦ ἀνθρώπου;

‐ Ἔγωγε.

‐ Δ. Ἆρά γε ἄνθρωπον ἕτερον; ἔστι γάρ που ἄνθρωποσ ὁ μὲν ἑνόσ τινοσ κρατῶν, ὁ δὲ πολλῶν, καὶ ἄγων ὅπῃ τε καὶ ὅπωσ αὐτὸσ βούλεται ἤτοι πειθοῖ ἢ βίᾳ ἢ καὶ ἀμφοτέροισ. λέγω δὲ οὐδὲν ἄγνωστον, ἀλλὰ τούσ τε δημαγωγούσ, οἷσ πάντα πείθονται αἱ πόλεισ καὶ ὅπωσ ἂν ἐκεῖνοι ἐξηγῶνται καὶ συμβουλεύωσιν, οὕτω πράττουσιν, ἐάν τε πολεμεῖν συμβουλεύωσιν ἐάν τε εἰρήνην ἄγειν ἐάν τε τείχη οἰκοδομεῖσθαι ἐάν τε τριήρεισ κατασκευάζεσθαι ἐάν τε θυσίασ θύειν ἐάν τε ἐκβάλλειν τινὰσ αὐτῶν ἢ χρήματα ἀφαιρεῖσθαι ἢ καὶ ἀποσφάττειν· καὶ τοὺσ βασιλέασ καὶ τοὺσ τυράννουσ, ὁμοίωσ δὲ καὶ τοὺσ δεσπότασ τῶν οἰκετῶν, ὅσοι ἀργύριον καταβαλόντεσ ἢ ἄλλῳ τῳ τρόπῳ κέκτηνταί τινα· ὡσ ἂν εἰ Λυκοῦργόν τε Λακεδαιμονίων δαίμονα καλοῖσ ἑ̓κείνου γὰρ κελεύσαντοσ ἔτι νῦν μαστιγοῦνται Λακεδαιμόνιοι καὶ θυραυλοῦσι καὶ γυμνητεύουσι καὶ ἄλλα πολλὰ καὶ χαλεπὰ δόξαντα ἂν ἑτέροισ ἀνέχονταἰ καὶ Πεισίστρατον Ἀθηναίων τῶν πρότερον.

οἶσθα γὰρ δήπου ὅτι Πεισιστράτου προστατοῦντοσ καὶ ἄρχοντοσ εἰσ μὲν τὴν πόλιν οὐ κατῄεσαν ὁ δῆμοσ, ἐν δὲ τῇ χώρᾳ διατρίβοντεσ γεωργοὶ ἐγίγνοντο· καὶ τὴν Ἀττικήν, πρότερον ψιλὴν καὶ ἄδενδρον οὖσαν, ἐλαίαισ κατεφύτευσαν, Πεισιστράτου προστάξαντοσ·

καὶ τἄλλα ὅπωσ ἐκεῖνοσ ἐβούλετο, οὕτωσ ἔπραττον. ὕστερον δὲ ἴσωσ ἄλλουσ τε φαίη τισ ἂν καὶ Θεμιστοκλέα καὶ Περικλέα γενέσθαι οὑ̓ γὰρ ἀνήκοοσ δήπου τυγχάνεισ περὶ τοῖν ἀνδροῖν̓ τὸν μέν, ὅτι ναυμαχεῖν Ἀθηναίουσ ἠνάγκασε πεζοὺσ πρότερον ὄντασ καὶ τὴν χώραν καὶ τὴν πόλιν προεμένουσ τοῖσ βαρβάροισ καὶ θεῶν ἱερὰ καὶ τάφουσ προγόνων ἐν ταῖσ ναυσὶ ποιήσασθαι πάντα τὰ σφέτερα πράγματα ‐ καὶ ὕστερον τὸν Πειραιᾶ τειχίσαι πλειόνων ἢ ἐνενήκοντα σταδίων καὶ ἄλλα τοιαῦτα προσέταξεν αὐτοῖσ, ὧν τὰ μὲν ἐπὶ τοσοῦτον ἔπραττον ἐφ̓ ὅσον ἐκεῖνοσ παρῆν, τὰ δὲ καὶ φυγόντοσ αὐτοῦ καὶ τελευτήσαντοσ.

καὶ μετὰ ταῦτα ἄλλουσ τινὰσ ἴσωσ φήσεισ δαίμονασ γεγονέναι τῶν Ἀθηναίων, οἱο͂ν Ἀλκιβιάδην τὸν Κλεινίου καὶ Νικίαν καὶ Κλέωνα καὶ Ὑπέρβολον, τοὺσ μέν τινασ ἐπιεικεῖσ τυχόν, τοὺσ δὲ πάνυ πονηρούσ τε καὶ χαλεπούσ.

ἔτι δὲ Κῦρον Περσῶν ἀπὸ χρόνου τινὸσ δαίμονα γενέσθαι βασιλικόν τινα καὶ ἐλευθέριον, ὃσ δουλεύοντασ αὐτοὺσ Μήδοισ πρότερον εἰσ ἐλευθερίαν ἀφείλετο καὶ πάντων ἀπέφηνε δεσπότασ τῶν κατὰ τὴν Ἀσίαν. ἔτι δὲ Καμβύσην καὶ Δαρεῖον καὶ τοὺσ ἄλλουσ τοὺσ ἐφεξῆσ, τὸν μὲν Καμβύσην τά τε χρήματα αὐτῶν ἀναλίσκοντα καὶ αὐτοὺσ κατατοξεύοντα καὶ στρατείασ προστάσσοντα χαλεπὰσ καὶ συνεχεῖσ καὶ μηδέποτε ἐῶντα οἴκοι μένειν·

τὸν δὲ Δαρεῖον χρήματα μὲν ὡσ οἱο͂́ν τε πολλὰ συναγαγόντα καὶ τῇ χώρᾳ γενόμενον αἴτιον ὅπωσ ἐργασθήσεται, πολέμουσ δὲ καὶ τοῦτον ἀναγκάζοντα πολεμεῖν χαλεποὺσ καὶ ἐπικινδύνουσ, καθάπερ οἶμαι τὸν πρὸσ Σκύθασ καὶ τὸν πρὸσ Ἀθηναίουσ.

οὕτω δὲ καὶ Νουμᾶν μὲν Ῥωμαῖοι τυχὸν ἂν λέγοιεν αὑτῶν δαίμονα, Καρχηδόνιοι δὲ Ἄννωνα καὶ Ἀννίβαν, Μακεδόνεσ δὲ Ἀλέξανδρον ἢ Φίλιππον, ὃσ Μακεδόνασ ταπεινοὺσ ὄντασ καὶ ἀσθενεῖσ, τοῦ πατρὸσ αὐτοῦ παραχωρήσαντοσ Ὀλυνθίοισ τῆσ ἀρχῆσ, ἰσχυροὺσ ἐποίησε καὶ πολεμικοὺσ καὶ μικροῦ δεῖν ἁπάσησ Εὐρώπησ ἐγκρατεῖσ.

Ἀλέξανδροσ δὲ ὕστερον μετ̓ ἐκεῖνον εἰσ τὴν Ἀσίαν ἐξαγαγὼν ἅμα μὲν πλουσιωτάτουσ ἁπάντων ἀνθρώπων ἀπέδειξεν, ἅμα δὲ πενιχροτάτουσ, καὶ ἅμα μὲν ἰσχυρούσ, ἅμα δὲ ἀσθενεῖσ, φυγάδασ τε καὶ βασιλέασ τοὺσ αὐτούσ, Αἴγυπτον μὲν καὶ Βαβυλῶνα καὶ Σοῦσα καὶ Ἐκβάτανα προσθείσ, Αἰγὰσ δὲ καὶ Πέλλαν καὶ Δῖον ἀφελόμενοσ. Καρχηδονίουσ δὲ Ἄννων μὲν ἀντὶ Τυρίων ἐποίησε Λίβυασ, καὶ Λιβύην κατοικεῖν ἀντὶ Φοινίκησ, καὶ χρήματα πολλὰ κεκτῆσθαι καὶ συχνὰ ἐμπόρια καὶ λιμένασ καὶ τριήρεισ, καὶ πολλῆσ μὲν γῆσ, πολλῆσ δὲ θαλάττησ ἄρχειν.

Ἀννίβασ δὲ πρὸσ τῇ Λιβύῃ καὶ τῆσ Ἰταλίασ αὐτῆσ κρατῆσαι παρέσχεν ἑπτακαίδεκα ἔτη.

αὖθισ δὲ αἴτιοσ ἐγένετο ἀναστάτουσ γενέσθαι καὶ τὴν πόλιν αὐτὴν μεταβαλεῖν ὑπὸ Ῥωμαίων, πολλοὺσ πρότερον τῶν Ῥωμαίων ἀπολέσασ, καὶ μικρὸν ἀποσχὼν αὐτὴν ἑλεῖν τὴν Ῥώμην, οὐ βουληθεὶσ δέ, ὥσ φασι, διὰ τοὺσ οἴκοι ἀντιστασιώτασ. καὶ τοῦτον ἴσωσ οὔτε Καρχηδονίοισ οὔτε Ῥωμαίοισ ἀγαθὸν δαίμονα προσήκει αὑτῶν καλέσαι.

Νουμᾶσ δὲ τὴν Ῥώμην παραλαβὼν μικρὰν καὶ ἄδοξον, ἔτι δὲ ἐν ἀλλοτρίᾳ χώρᾳ διῳκισμένην καὶ σύγκλυδασ καὶ πονηροὺσ ἔχουσαν τοὺσ ἐνοικοῦντασ, ἔτι δὲ τοῖσ προσχώροισ πᾶσιν ἐχθροὺσ καὶ πένητασ καὶ ἀγρίουσ καὶ ἐπικινδύνωσ ζῶντασ διὰ τὴν Ῥωμύλου χαλεπότητα, τήν τε γῆν αὐτοὺσ βεβαίωσ ἔχειν ἐποίησε καὶ φίλουσ εἶναι τοῖσ περιοίκοισ καὶ νόμουσ καὶ θεοὺσ καὶ πολιτείαν κατεστήσατο, καὶ πάσησ αἴτιοσ ὑπῆρξε τῆσ λεγομένησ ὕστερον εὐδαιμονίασ.

ἔχοιμι δ̓ ἂν καὶ περὶ τῶν ἄλλων λέγειν πόλεων καὶ γενῶν καὶ ἀνθρώπων τὸν αὐτὸν τρόπον εὖ τε καὶ κακῶσ πραξάντων διά τινασ ἄρχοντασ αὐτῶν γενομένουσ καὶ προστάτασ·

ἀλλὰ ἱκανῶσ οἶμαι τὴν ἐμαυτοῦ διάνοιαν ἐνδεδεῖχθαι. εἰ δὴ τούτουσ καλεῖσ δαίμονασ τῶν ὑπ̓ αὐτοῖσ δἰ οὓσ ἕκαστοι βέλτιον ἢ χεῖρον ἔπραξαν, ἡδέωσ ἂν ἀκούοιμι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dio, Chrysostom, Orationes, ΠΕΡΙ ΤΟΥ ΔΑΙΜΟΝΟΣ.

(디오, 크리소토모스, 연설 (2), ΠΕΡΙ ΤΟΥ ΔΑΙΜΟΝΟΣ.)

상위

목록

SEARCH

MENU NAVIGATION