Dio, Chrysostom, Orationes, ΠΕΡΙ ΕΙΡΗΝΗΣ ΚΑΙ ΠΟΛΕΜΟΥ.

(디오, 크리소토모스, 연설 (2), ΠΕΡΙ ΕΙΡΗΝΗΣ ΚΑΙ ΠΟΛΕΜΟΥ.)

πρότερον καὶ Κλεισθένησ καὶ Πεισίστρατοσ, ἑώσ ἔτι ῥήτωρ καὶ δημαγωγὸσ ἠνείχετο καλούμενοσ· Ἀριστείδην μὲν γὰρ καὶ Λυκοῦργον καὶ Σόλωνα καὶ Ἐπαμεινώνδαν, καὶ εἴ τισ ἕτεροσ τοιοῦτοσ, φιλοσόφουσ ἐν πολιτείᾳ θετέον ἢ ῥήτορασ κατὰ τὴν γενναίαν τε καὶ ἀληθῆ ῥητορικήν ‐ λέγω δὲ οἱο͂ν περί τε ἀγωγῆσ τῶν νέων συμβουλεύοντεσ καὶ νομοθετοῦντεσ, ὥσπερ ἐν Λακεδαίμονι Λυκοῦργοσ, καὶ περὶ τῆσ ἐρωτικῆσ ὁμιλίασ καὶ περὶ χρημάτων κτήσεωσ, ὅσην τε καὶ ὅπωσ δεῖ ποιεῖσθαι, καὶ περὶ γάμου καὶ περὶ κοινωνίασ καὶ περὶ νομίσματοσ καὶ περὶ τιμῆσ καὶ ἀτιμίασ καὶ περὶ οἴκων κατασκευῆσ, καὶ πότερα χρὴ τετειχισμένην οἰκεῖν πόλιν ἢ καθάπερ ὁ θεὸσ παρῄνεσε Λακεδαιμονίοισ, ἀτείχιστον, καὶ περὶ ἀσκήσεωσ τῶν πολεμικῶν καὶ τάξεωσ οὐ μόνον ὁπλιτικῆσ, ἀλλὰ καὶ οἱάν Ἐπαμεινώνδασ εὑρεῖν λέγεται, τοὺσ ἐραστὰσ μετὰ τῶν ἐρωμένων τάξασ, ἵνα σῴζοιντο μᾶλλον καὶ μάρτυρεσ ὦσιν ἀλλήλοισ τῆσ ἀρετῆσ καὶ τῆσ κακίασ·

καὶ τὸν λόχον τοῦτον ἱερὸν ἐπονομασθέντα κρατῆσαι Λακεδαιμονίων τῇ περὶ Λεῦκτρα μάχῃ, ξυμπάντων ἐκείνοισ ἑπομένων τῶν Ἑλλήνων·

τὸ δὲ δὴ κεφάλαιον, καὶ πολλάκισ πολλοῖσ παρέπιπτε, περί τε εἰρήνησ καὶ πολέμου, ὃ νῦν τυγχάνει ζητούμενον.

πᾶν δὲ τὸ τοιοῦτον γένοσ παρὰ τοῖσ φιλοσόφοισ καλεῖται περὶ τοῦ προσήκοντοσ, οἱο͂ν εἰ γαμητέον, εἰ πολιτευτέον, εἰ βασιλείᾳ χρηστέον ἢ δημοκρατίᾳ ἢ ἄλλῃ τινὶ καταστάσει πολιτείασ· ἐν οἷσ ἐστι καὶ τοῦτο, ἐμοὶ δοκεῖν, εἰ πολεμητέον. οὐ γὰρ μόνον ἁπλῶσ οἱ φιλόσοφοι ζητοῦσι περὶ τούτων, ἀλλὰ πηνίκα καὶ πρὸσ τίνασ καὶ τίνοσ συμβάντοσ ἢ μὴ συμβάντοσ ἕκαστα τούτων πρακτέον. διαφέρει δὲ τοσοῦτον, ὅτι οἵ γε ῥήτορεσ ἐπὶ τῶνδε ἢ τῶνδε σκοποῦσιν, οἱο͂ν εἰ συμφέρει πολεμεῖν Ἀθηναίοισ πρὸσ Πελοποννησίουσ ἢ βοηθεῖν Κερκυραίοισ πρὸσ Κορινθίουσ ἢ Φιλίππῳ συμμαχῆσαι Θηβαίοισ ἐπὶ Φωκέασ ἢ Ἀλεξάνδρῳ διαβῆναι εἰσ τὴν Ἀσίαν.

ἐν γὰρ ταύταισ ἁπάσαισ ταῖσ βουλαῖσ οὐχ ἥκιστα ἐμπίπτει καὶ τὸ τοιοῦτον, εἰ δίκαιον τοῖσ μὴ προαδικήσασι πολεμεῖν·

εἰ συμβέβηκεν ἀδίκημα παρὰ τούτων οἷσ διανοοῦνται πολεμεῖν, πηλίκον τι τοῦτο τὸ συμβεβηκόσ. οἱ φιλόσοφοι δὲ πόρρωθεν τὰ πράγματα ὁρῶσιν, ἐπ̓ αὐτῶν ἐξετάζοντεσ ὁποῖ̓ ἄττα ἐστίν. πολὺ γὰρ κρεῖττον τὸ βεβουλεῦσθαι περὶ ἁπάντων ἐκ πλείονοσ καὶ διεγνωκότασ ἐπειδὰν ἥκῃ τινὸσ πράγματοσ καιρόσ, αὐτούσ τε εἰδότασ ἔχειν χρῆσθαι καὶ ἑτέροισ παραινεῖν, ἀλλὰ μὴ τρόπον τινὰ ἐξαίφνησ ληφθέντασ ταράττεσθαι καὶ αὐτοσχεδιάζειν περὶ ὧν οὐκ ἴσασιν. οἱ μὲν γὰρ ῥήτορεσ, ὅταν δέῃ σκοπεῖν περί τινοσ, οὐδὲν εἰδότεσ τῶν ἄλλων πλέον οὐδὲ ἐσκεμμένοι πρότερον, ἅμα τε αὐτοὶ βουλεύονται τρόπον τινὰ καὶ συμβουλεύουσιν ἑτέροισ.

οἱ φιλόσοφοι δὲ περὶ τῶν πράξεων προοίδασι καὶ πάλαι βεβουλευμένοι τυγχάνουσιν· ὥστε ἄν τισ αὐτοὺσ παρακαλῇ συμβούλουσ τῶν πόλεων ἢ τῶν ἐθνῶν ἢ τῶν βασιλέων, κρεῖττον ἕξουσι καὶ ἀσφαλέστερον ἀποφαίνεσθαι οὐ τὸ ἐπιὸν αὐτοῖσ, οὐδὲ νῦν μὲν ταῦτα, πάλιν δὲ τἀναντία, δἰ ὀργὴν ἢ φιλονικίαν ἢ χρήμασι πληγέντεσ, ὥσπερ ἐπὶ τρυτάνησ, ἔφη τισ οἶμαι τῶν ῥητόρων αὐτῶν, κατὰ τὸ λῆμμα ἀεὶ ῥέποντεσ.

λέγω δὲ οὐ ψέγων ῥητορικὴν οὐδὲ ῥήτορασ τοὺσ ἀγαθούσ, ἀλλὰ τοὺσ φαύλουσ καὶ τοὺσ προσποιουμένουσ τὸ πρᾶγμα.

상위

Dio, Chrysostom (디오, 크리소토모스)

목록

일치하는 문장이 없습니다.

SEARCH

MENU NAVIGATION