헬라어 문장 검색 - ΔιοΞηρ́Ορατιον

(디오, 크리소토모스, 연설 (2), ΦΙΛΟΦΡΟΝΗΤΙΚΟΣ ΠΡΟΣ ΤΗΝ ΠΑΤΡΙΔΑ ΕΙΣΗΓΟΥΜΕΝΗΝ ΑΥΤΩΙ ΤΙΜΑΣ.)

Ἐμοί, ὦ ἄνδρεσ πολῖται, οὔτε ὄψισ ἡδίων ἐστὶ τῆσ ὑμετέρασ οὔτε φωνὴ προσφιλεστέρα οὔτε τιμαὶ μείζουσ τῶν ἐνθάδε οὔτε ἔπαινοσ λαμπρότεροσ ἢ ὁ παῤ ὑμῶν· οὐδ̓ ἂν ξύμπαντεσ οἱ Ἕλληνεσ, πρὸσ δὲ αὐτοῖσ ὁ Ῥωμαίων δῆμοσ ἐμὲ θαυμάζωσι καὶ ἐπαινῶσιν, οὐκ ἂν οὕτωσ τοῦτο εὐφράναι τὴν ἐμὴν διάνοιαν. τῷ γὰρ ὄντι πολλὰ σοφὰ καὶ θεῖα εἰρηκὼσ Ὅμηροσ οὐδὲν σοφώτερον ἔφη τούτου τοῦ ἔπουσ οὐδὲ ἀληθέστερον ,ὣσ οὐδὲν γλύκιον ἧσ πατρίδοσ. εὖ μέντοι ἐπίστασθε ὅτι τὰσ τιμὰσ ἔχω πάσασ, καὶ ὅσασ νῦν εἰσηγεῖσθε καὶ εἴ τινεσ ἄλλαι εἰσίν, ἐν τῇ ὑμετέρᾳ εὐνοίᾳ καὶ φιλίᾳ καὶ οὐδενὸσ ἄλλου ἐγὼ δέομαι.

τοῦτο γὰρ ἀνθρώπῳ ἱκανώτατον ἐπιεικεῖ, τὸ ἀγαπᾶσθαι ὑπὸ τῶν αὑτοῦ πολιτῶν, καὶ ὁ τοῦτο ἔχων τί ἂν ἔτι προσδέοιτο εἰκόνων ἢ κηρυγμάτων ἢ κηρυγμάτων ἢ προεδριῶν;

ἱεροῖσ.

ἓν γὰρ ῥῆμα πλείονοσ ἄξιον ἀπ̓ εὐνοίασ ῥηθὲν καὶ φιλίασ ἢ τὸ ξύμπαν ἐν ἀνθρώποισ χρυσίον καὶ στέφανοι καὶ τὰ ἄλλα, ὅσα δοκεῖ λαμπρά· ὥστε μοι πειθόμενοι οὕτω ποιεῖτε.

εἰ δὲ ἄρα καὶ τοιαύτασ τινὰσ δεῖ με τιμὰσ ἔχειν, πολλαί μοι καὶ ἄλλαι εἰσὶ παῤ ὑμῖν, τοῦτο μὲν αἱ τοῦ πατρὸσ τοῦ ἐμοῦ, ὅσαισ ἐκεῖνον ἐτιμήσατε, ὡσ ἄνδρα ἀγαθὸν καὶ ὅσον ἔζη χρόνον δικαίωσ προεστῶτα τῆσδε τῆσ πόλεωσ, τοῦτο δὲ τῆσ μητρόσ, ἧσ ὑμεῖσ ἱδρύσασθε καὶ ἄγαλμα καὶ ἱερόν, τοῦτο δὲ αἱ τῶν πάππων καὶ αἱ τῶν ἄλλων προγόνων, ἔτι δὲ αἱ τῶν ἀδελφῶν καὶ τῶν ἄλλων συγγενῶν. καὶ γὰρ ἀνδριάντασ πολλοὺσ καὶ ταφὰσ δημοσίασ καὶ ἀγῶνασ ἐπιταφίουσ καὶ ἄλλα πολλὰ καὶ τίμια, ἃ ἐκείνοισ παρὰ τῆσδε τῆσ πόλεωσ γέγονεν, οὐδενὸσ ἐγὼ ἐπιλέλησμαι, ἀλλὰ ἐπίσταμαι πάντα ὡσ οἱο͂́ν τε μάλιστα, καὶ οἶμαι τὰσ ὑπὲρ τούτων χάριτασ αὐτὸσ ὑμῖν ὀφείλειν, καὶ εὔχομαι τοῖσ θεοῖσ ἱκανὸσ γενέσθαι ἀποτίνειν. πολλοῦ μὲν γὰρ ἐπίσταμαι κἀκείνουσ γενομένουσ ἀξίουσ καὶ δικαίωσ ἁπάντων τυχόντασ, ὅμωσ δὲ ἐν ἅπασιν ὑπερέβαλεν ἡ πόλισ.

καὶ γὰρ ὅσα οὐκ ἐδυνήθησαν βουληθέντεσ διὰ τύχην τινά, καὶ τούτων αὐτοῖσ χάριν ἀπεδίδου ἡ πατρίσ. ὁ γοῦν πάπποσ ὁ ἐμόσ, εἰ ἐπὶ πλέον ἀπώνατο τῆσ φιλίασ τοῦ τότε αὐτοκράτοροσ, ἀλλὰ μὴ βραχὺσ παντελῶσ ἐγένετο ὁ χρόνοσ, διενοεῖτο, ὥσ φασιν, ἐλευθερίαν τῇ πόλει λαβεῖν καὶ ἤδη περὶ τούτου πεποίητο τὸν λόγον. οὐ δεῖ δὲ ἀπελπίζειν, ἑώσ ἂν ἀγαθοὺσ καὶ φιλοτίμουσ ἄνδρασ ἡ πόλισ φέρῃ ὁποίουσ καὶ τοὺσ νῦν.

ἐγὼ γὰρ ἐν πολλαῖσ γεγονὼσ πόλεσιν οὐκ οἶδα βελτίουσ ἄνδρασ τῶν παῤ ὑμῖν. ἐμαυτὸν ἕνεκα τιμῶν.

ἠκροασάμην γὰρ δὴ καὶ τούτων καίτοι σφόδρα αἰδούμενοσ ὅμωσ διὰ τοὺσ λέγοντοσ αὐτούσ, ἀγάμενοσ τῶν ἀνδρῶν τό τε ἄφθονον καὶ τὴν προθυμίαν, ἔτι δὲ τὴν περὶ τὸ εἰπεῖν δύναμιν. οὐ δὴ θαυμαστόν, εἰ ἐγὼ πατρίδα τοιαύτην οὕτω σφόδρα ἠγάπηκα ὥστε οὔτ̓ ἄν Ἀθήνασ οὔτε Ἄργοσ οὔτε Λακεδαίμονα, αἵπερ εἰσὶ πρῶται καὶ ἐνδοξόταται τῶν Ἑλληνίδων, εἱλόμην ἂν εἶναί μοι πατρίδασ πρὸ ταύτησ·

καὶ τοῦτο ἔργῳ ἐδήλωσα.

πολλῶν γὰρ πολλαχῇ παρακαλούντων με καὶ μένειν καὶ προΐστασθαι τῶν κοινῶν οὐ νῦν μόνον, ἀλλὰ καὶ πρότερον, ὅτε ἤμην φυγάσ ̔καὶ ψηφίσματα ἔπεμψάν τινεσ πρὸσ τὸν αὐτοκράτορα χάριν εἰδότεσ τῆσ εἰσ ἐμὲ τιμῆσ̓, οὐδὲ πώποτε ἄχρι λόγου τὸ τοιοῦτον ὑπεσχόμην, ἀλλ̓ οἰδ̓ οἰκίαν ἢ χωρίον ἐκτησάμην παῤ ἑτέροισ, ὡσ μηδὲν ᾖ μοι σημεῖον ἀλλαχοῦ πατρίδοσ. καὶ γὰρ ἄν εἰή δεινόν, εἰ οἱ ἄνθρωποι ἀδικώτεροι ἔσονται τῶν μελιττῶν.

οὐδέποτε γὰρ ἐκείνων μία καταλιποῦσα τὸ αὑτῆσ σμῆνοσ εἰσ ἕτερον μετέστη τὸ μεῖζον ἢ μᾶλλον εὐθενοῦν, ἀλλὰ τὸν ἴδιον ἑσμὸν πληροῖ τε καὶ αὔξει, κἂν ψυχρότερον ᾖ τὸ χωρίον καὶ αἱ νομαὶ χείρουσ καὶ ἡ δρόσοσ ἐλάττων κἂν δυσκολώτερον τὸ ἔργον τὸ περὶ τὰ κηρία κἂν ὁ γεωργὸσ ἀμελέστεροσ. οὕτωσ δὲ ἄγαν αὐτάσ φασι φιλεῖν ἀλλήλασ καὶ τὸ ἴδιον σμῆνοσ ἑκάστην, ὥστε ἐπειδὰν ἔξω ὑπὸ χειμῶνοσ ἀποληφθῶσι πολλοῦ γενομένου πνεύματοσ, λίθον εἰσ τοὺσ πόδασ ἑκάστη λαβοῦσα ὥσπερ ἑρ́μα οὕτωσ πέτονται, ὅπωσ μὴ παρενεχθῶσιν ὑπὸ τοῦ πνεύματοσ μηδὲ τοῦ σμήνουσ διαμάρτωσιν. ὅταν δὲ δὴ καὶ πρόθυμον οὕτωσ καὶ ἀγαθὴν ἔχῃ τισ πατρίδα, πῶσ οὐ χρὴ πάντα τἄλλα περὶ ἐλάττονοσ ποιεῖσθαι ταύτησ;

διανοουμένουσ ὡσ φιλονικήσοντασ ἀλλήλοισ ἄνευ φθόνου καὶ ζηλοτυπίασ καὶ τοῖσ ἄλλοισ ἀνθρώποισ ὑπὲρ ἀρετῆσ καὶ εὐδοξίασ τῆσ τε αὑτῶν καὶ τῆσ πατρίδοσ καὶ ὅπωσ πρωτεύσῃ ἕκαστοσ ἐν τῇ πατρίδι τῷ δίκαιόσ τε εἶναι καὶ φιλόπολισ καὶ μὴ ἀδύνατοσ ἀγαθόν τι ποιεῖν καὶ αὔξειν τὴν πατρίδα.

εὖ γὰρ ἴστε ὅτι οὐ μεγίστη τῶν πόλεων οὖσα οὐδὲ πλεῖστον χρόνον οἰκουμένη πολλῶν γνωριμωτέρα ἐστὶ καὶ παρὰ τοῖσ ἄλλοισ ἀνθρώποισ, καὶ σχεδόν τι πρὸσ ἅπαντασ ἀγωνιουμένουσ τοὺσ Ἕλληνασ πάλαι παρέχει τοὺσ αὑτῆσ πολίτασ οὐκ ἐν τοῖσ ὑστάτοισ οὐδ̓ ἐν τοῖσ τρίτοισ ἢ δευτέροισ ἀριθμουμένουσ.

λέγω δὲ οὐχ ὑπὲρ ἐμαυτοῦ τοῦτον ἐγὼ τὸν λόγον, ἀλλὰ ὑπὲρ τῶν ἄλλων, ὧν οἱ μὲν ἀποδημήσαντεσ καὶ πλείοσι φανεροὶ γενόμενοι φανερὰν τὴν δόξαν ἐκτήσαντο, οἱ δὲ ἐνθάδε πολιτευόμενοι καὶ μένοντεσ οὐδὲν χείρουσ ἐκείνων εἰσὶν οὔτε περὶ τοὺσ λόγουσ οὔτε περὶ τὰ ἔργα. ὁρῶ δὲ οὐ μόνον ἀπὸ λόγων, ἀλλὰ καὶ ἀπὸ φιλοσοφίασ ἄνδρασ ἀγαθοὺσ καὶ ἀξιολόγουσ γιγνομένουσ ἐν τῇ πόλει·

ὑπὲρ ὧν ἐγὼ καὶ ἰδίᾳ τοὺσ νέουσ καὶ κοινῇ, ὅταν ᾖ καιρόσ, οὐκ ὀκνήσω παρακαλεῖν. καὶ τὸν δῆμον ὑμᾶσ ἀξιῶ, ἃ μὲν ἔστι παρὰ τῶν κρατούντων, ταῦτα ἐλπίζειν ὡσ ἐσόμενα καὶ εὔχεσθαι συμβαίνειν τινὰ τιμὴν ἢ δόξαν ἢ εὐπορίαν χρημάτων· ἃ δὲ ἔστι παῤ αὐτῶν, ἔχειν, εὐταξίᾳ τῶν ἄλλων δήμων διαφέροντασ, αἰδοῖ, τῷ πείθεσθαι τοῖσ ἀγαθοῖσ ἀνδράσι, φιλεργίᾳ, σωφροσύνῃ τῇ περὶ τὸν καθ̓ ἡμέραν βίον, τῷ μήτε τῶν σωμάτων ἀμελεῖν μήτε τῆσ ψυχῆσ, καθ̓ ὅσον ἑκάστῳ σχολὴν δίδωσι τὰ αὑτοῦ πράγματα, τῷ προθύμωσ ἐκτρέφειν τέκνα καὶ παιδεύειν, τῷ παρέχειν Ἑλληνικὴν τῷ ὄντι καὶ ἀθόρυβον καὶ καθεστῶσαν τὴν πόλιν καὶ τὸ δριμὺ καὶ τὸ ἀνδρεῖον τῆσ φύσεωσ καὶ τὴν σύνεσιν ἐπὶ τὰ μείζω καὶ καλλίω τρέπειν, διχοφροσύνησ δὲ καὶ ταραχῆσ καὶ τοῦ προσκρούειν ἀλλήλοισ ὡσ οἱο͂́ν τε ἀπέχεσθαι.

ἔστι γάρ, ὦ ἄνδρεσ, καὶ δήμου παιδεία καὶ πόλεωσ ἦθοσ φιλόσοφον καὶ ἐπιεικέσ.

καὶ οὐ μόνον Λακεδαιμονίοισ οὐδὲ Ἀθηναίοισ τὸ παλαιὸν καὶ ἄλλοισ τισὶ συνέβη διὰ τὸ κοσμίωσ πολιτεύεσθαι μεγάλασ καὶ ἐπιφανεῖσ ἐκ πάνυ μικρῶν καὶ ἀσθενῶν ἀποδεῖξαι τὰσ πόλεισ, ἀλλὰ καὶ τῶν νῦν ἔξεστι τὸ τοιοῦτον τοῖσ βουλομένοισ. ταῦτα γὰρ ὑμᾶσ ἐπιτηδεύοντασ πλέον ὀνήσει καὶ τοῦ πλήθουσ τῶν βουλευτῶν καὶ τοῦ παῤ ὑμῖν τὰ πράγματα ἄγεσθαι καὶ τοῦ πρόσοδόν τινα χρημάτων ἔξωθεν ὑμῖν ὑπάρξαι καὶ τῆσ ἐλευθερίασ αὐτῆσ, ἐὰν ἄρα καὶ τούτου τύχητέ ποτε.

εὖ γὰρ ἴστε ὅτι τὴν μὲν λεγομένην ἐλευθερίαν καὶ τὸ ὄνομα τοῦθ̓, ὃ παρὰ τῶν κρατούντων καὶ δυναμένων γίγνεται, ἐνίοτε οὐ δυνατὸν κτήσασθαι·

τὴν δὲ ἀληθῆ ἐλευθερίαν καὶ ἔργῳ περιγιγνομένην τοῖσ ἀνθρώποισ καὶ ἀνὴρ καὶ πόλισ ἑκάστη παῤ αὑτῆσ λαμβάνει, μεγαλοφρόνωσ καὶ μὴ ταπεινῶσ μηδ̓ ἀνελευθέρωσ διοικοῦσα τὸ καθ̓ αὑτήν.

ἵνα δὲ καὶ ἀλλαχόθεν εἰδῆτε τὴν ἐμὴν γνώμην, ἀναγνώσομαι ὑμῖν ἐπιστολὴν ἥν τε αὐτὸσ ἐπέστειλα τῷ αὐτοκράτορι, ὅτε ἐκλήθην, ὅτι ἐν ἐκείνῃ παρεκάλουν ἀφεθῆναι πρὸσ ὑμᾶσ, καὶ ἣν ἐκεῖνοσ ἀντέγραψεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dio, Chrysostom, Orationes, ΦΙΛΟΦΡΟΝΗΤΙΚΟΣ ΠΡΟΣ ΤΗΝ ΠΑΤΡΙΔΑ ΕΙΣΗΓΟΥΜΕΝΗΝ ΑΥΤΩΙ ΤΙΜΑΣ.

(디오, 크리소토모스, 연설 (2), ΦΙΛΟΦΡΟΝΗΤΙΚΟΣ ΠΡΟΣ ΤΗΝ ΠΑΤΡΙΔΑ ΕΙΣΗΓΟΥΜΕΝΗΝ ΑΥΤΩΙ ΤΙΜΑΣ.)

상위

목록

SEARCH

MENU NAVIGATION