헬라어 문장 검색 - ΔιοΞηρ́Ορατιον

(디오, 크리소토모스, 연설 (2), ΔΙΑΛΕΞΙΣ ΕΝ ΤΗΙ ΠΑΤΡΙΔΙ.)

Ὅπωσ μὲν ὑμεῖσ διανοεῖσθε περὶ ἐμοῦ καὶ τῆσ ἐμῆσ εἴτε σοφίασ εἴτε ἀμαθίασ οὐ δύναμαι ξυμβαλεῖν, πότερον ὄντωσ ἐπιθυμεῖτε τῶν λόγων, ὡσ ἀκουσόμενοί τι θαυμαστὸν καὶ τοιοῦτον ὁποῖον οὐκ ἂν ἑτέρου τῶν νῦν, ἢ τοὐναντίον, ὡσ ἐμὲ ἐξελέγξοντεσ καὶ ἀποδείξοντεσ οὐθὲν μέγα οὐδὲ σπουδαῖον ἐπιστάμενον. εἰ μὲν γὰρ οὕτωσ ἔχετε, θαρρῶν ὑμῖν παρέχω ἐμαυτόν, ἵνα ἐμπλήσητε τὴν προθυμίαν·

εἰ δὲ μή, φοβοῦμαι τὴν ἐναντίαν δόξαν, μήποτε ἀκούσαντεσ ἔπειτα οὐ δικαίωσ ἐμοῦ καταγνῶτε, ὅτι αὐτοὶ οὐκ ὀρθῶσ ἐδόξατε. οὐδέποτε γὰρ οὐδενὶ ἔγωγε τοῦτο ὑπεσχόμην, ὡσ ἱκανὸσ ὢν λέγειν ἢ φρονεῖν ἢ πλέον τι γιγνώσκειν τῶν πολλῶν, ἀλλ̓ ὑπὲρ αὐτοῦ τούτου διαμαχόμενοσ ἑκάστοτε καὶ ἀντιλέγων τοῖσ ἀξιοῦσιν ἔπειτα εἰσ τὸ λέγειν καθίσταμαι· καὶ πολλοὶ τοῦτο αὐτὸ ἐπίδειξιν ἡγήσαντο. ὅμωσ δὲ καὶ αὐτὸσ ἑτέραν καὶ ἑτέραν λαμβάνω ὁδόν.

ὅταν μὲν γὰρ εἰσ ἐμαυτὸν ἀπίδω καὶ τὴν ἀπειρίαν τὴν ἐμαυτοῦ, περὶ πάντα μὲν ἁπλῶσ, μάλιστα δὲ τὴν περὶ τοὺσ λόγουσ, ὡσ ἰδιώτησ ὢν διανοοῦμαι καὶ τὸ λοιπὸν ἰδιώτου βίον βιωσόμενοσ· ὑπονοεῖν ἐμαυτὸν ἀναγκάζομαι, μὴ ἄρα τι τῶν ἐμῶν λόγου ἄξιον καὶ λανθάνω πεπονθὼσ τὸ αὐτὸ ἐνίοισ τῶν ζῴων, ἃ χρήσιμα ὄντα τοῖσ ἀνθρώποισ καὶ δύναμίν τινα ἔχοντα ἐν αὑτοῖσ πρὸσ ἰάσιν νοσημάτων ἤτοι χολῆσ ἢ αἵματοσ ἢ πιμελῆσ ἢ τριχῶν οὐκ ἴσασιν, οἱ δὲ ἄνθρωποι εἰδότεσ διώκουσιν αὐτὰ καὶ πειρῶνται πάντα τρόπον συλλαβεῖν, οὐ τῶν κρεῶν ἕνεκεν, ἀλλ̓ ἐκείνησ τῆσ δυνάμεωσ.

μὴ ἄρα κἀμὲ ἀναγκάζουσιν ἑκάστοτε λέγειν, οὐδὲν δεόμενοι τῶν λόγων, ἀλλ̓ ἑτέρου τινόσ.

οὐδὲ γὰρ ἐκεῖνο δύναμαι ὑπονοῆσαι, ὅτι ἀγνοοῦντεσ δὴ καὶ ἀνήκοοι ὄντεσ ἐσπουδάκασιν, ὥσπερ ἀμέλει πολλοὶ πολλῶν διὰ τὴν ἄγνοιαν ἐπιθυμοῦσιν. πάντεσ γάρ, ὡσ ἔποσ εἰπεῖν, τοὺσ μὲν ἐμοὺσ λόγουσ ἐπίστανται καὶ διαφέρουσιν αὐτοὺσ ἄλλοι ἀλλαχοῦ, ὥσπερ τὰ φαῦλα ᾅσματα οἱ παῖδεσ ἐν ταῖσ πόλεσιν ᾅδουσι τὸ πρὸσ ἑσπέραν·

καὶ τοὺσ ἐμοὺσ λόγουσ σχεδὸν πάντεσ ἀλλήλοισ ἀπαγγέλλουσιν, οὐχ ὅπωσ ἐρρήθησαν, ἀλλ̓ ἔτι βελτίουσ ποιήσαντεσ κατὰ τὴν αὑτῶν δύναμιν, οἱ μὲν ἑκόντεσ ἐπανορθούμενοι καὶ δῆλον ὅτι αἰσχυνόμενοι τὸ μεμνῆσθαι τοιούτων ἀλλάττοντεσ καὶ μετατιθέντεσ πολλὰ καὶ κρείττονα, οἱ δὲ ἴσωσ καὶ ἄκοντεσ διὰ τὸ μὴ σφόδρα μεμνῆσθαι· ὥστε οὐκέτι ὀβολοῦ, καθάπερ εἶπέ τισ, εὔπορον ἐκ τῆσ ἀγορᾶσ πρίασθαι τὴν ἐμὴν σοφίαν, ἀλλὰ κύψαντα ἀνελέσθαι χαμᾶθεν.

σχεδὸν οὖν παραπλήσιον πεπόνθασιν οἱ ἐμοὶ λόγοι τῷ κεράμῳ τῷ Τενεδίῳ· ἐκεῖθεν πᾶσ μὲν ὁ παραπλέων ἐμβάλλεται κέραμον, οὐδεὶσ δὲ ὑγιῆ διακομίζει ῥᾳδίωσ, ἀλλὰ οἱ πολλοὶ σαθρὸν ποιήσαντεσ ἢ συντρίψαντεσ ὄστρακα ἔχοντεσ λανθάνουσιν αὑτούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dio, Chrysostom, Orationes, ΔΙΑΛΕΞΙΣ ΕΝ ΤΗΙ ΠΑΤΡΙΔΙ.

(디오, 크리소토모스, 연설 (2), ΔΙΑΛΕΞΙΣ ΕΝ ΤΗΙ ΠΑΤΡΙΔΙ.)

상위

목록

SEARCH

MENU NAVIGATION