헬라어 문장 검색 - ΔιοΞηρ́Ορατιον

(디오, 크리소토모스, 연설 (2), ΔΙΑΤΡΙΒΗ ΠΕΡΙ ΤΩΝ ΕΝ ΣΥΜΠΟΣΙΩΙ.)

Οἱ ἄνθρωποι γίγνονται καταφανεῖσ ὁποίαν ἔχουσι διάνοιαν ἕκαστοσ ἐν ταῖσ πανηγύρεσιν οὐχ ἧττον ἢ ἐν τοῖσ συμποσίοισ, πλὴν ὅτι ποικιλώτερον τὸ τῶν πανηγύρεων καὶ χρόνου πλείονοσ. οὐκοῦν εἰσ τὰ συμπόσια δήπου οἱ μέν τινεσ ἀφικνοῦνται τοῦ πιεῖν ἕνεκεν καὶ οὐθὲν ἄλλο πράττουσιν, ὥσπερ οἱ διψῶντεσ τῶν ὁδοιπόρων, ἐπειδὰν ἔλθωσιν ἐπὶ κρήνην τινά, πίνουσιν ἐπικύψαντεσ. ἀλλὰ ἐκεῖνοι μὲν ἐμπλησθέντεσ καὶ τὸ δίψοσ ἀποσβέσαντεσ ἡσυχῇ ἀπαλλάττονται, οὔτε πράξαντεσ οὔτε εἰπόντεσ ἄτοπον οὐδέν· οἱ δὲ πολλὰ καὶ δυσχερῆ ἐνίοτε καὶ λέγουσι καὶ δρῶσιν. οὐ γὰρ ὁμοίωσ ὑποδέχονται τοὺσ δεομένουσ αὐτῶν αἵ τε Νύμφαι καὶ ὁ Διόνυσοσ·

ἀλλὰ ἅτε διθύραμβοσ ὢν ὁ Διόνυσοσ καὶ ὑπὸ κεραυνοῦ καὶ βροντῆσ γενόμενοσ, ὥσ φασιν οἱ ποιηταί, τοὺσ ἀμαθέστερον χρωμένουσ ἀτεχνῶσ πυρὸσ πίμπλησι καὶ τῷ ὄντι πολλοὺσ αὐτῶν ἐμβροντήτουσ ἐποίησεν. οὗτοι μὲν οὖν σχεδόν τι μαινόμενοι πολλὰ κακὰ δρῶσιν, ὥσπερ Ὅμηρόσ φησι τὸν Κένταυρον μεθυσθέντα ἐν τῇ τοῦ Πειρίθου οἰκίᾳ κακὰ ἐργάσασθαι. ἄλλοι δὲ φύσει ἀδολέσχαι οἱο͂ν ἀκροατῶν τινων λαβόμενοι τῶν συμποτῶν ἀναισθήτουσ καὶ μακροὺσ διατίθενται λόγουσ·

οἱ δὲ ᾅδουσι καὶ ἀπᾴδουσι, σφόδρα ἄμουσοι ὄντεσ, καὶ σχεδόν τι μᾶλλον λυποῦσι τῶν μαχομένων καὶ λοιδορουμένων. ἕτεροι δὲ αὐστηροὶ καὶ σώφρονεσ εἶναι λέγοντεσ ἀποκναίουσιν ἀηδίᾳ, μήτε ποτοῦ τὸ μέτριον μήτε λαλιᾶσ κοινωνεῖν ἀξιοῦντεσ.

δεξιότητι καὶ πειθοῖ προσαγόμενοσ τοὺσ παρόντασ, ὥστε ἐμμελέστερον καὶ φιλικώτερον ξυνεῖναι ἀλλήλοισ.

τὰ μὲν δὴ τῶν συμποσίων τοιαῦτα·

ἀφικνοῦνται δὲ καὶ πρὸσ τὰσ πανηγύρεισ, οἱ μὲν ἱστορίασ ἕνεκεν τῶν τε ἄλλων θεαμάτων καὶ τῶν ἀγώνων· καὶ τούτων ὅσοι σφόδρα ἐσπουδακότεσ περὶ τὸ πρᾶγμα, διατελοῦσιν οὐθὲν ἄλλο πράττοντεσ ἐξ ἑωθινοῦ· πολλοὶ δὲ ὤνια κομίζοντεσ παντοδαπά, ἀγοραῖοσ ὄχλοσ, οἱ δέ τινεσ ἑαυτῶν ἐπιδειξόμενοι τέχνασ καὶ δημιουργίασ, ἄλλοι δὲ σοφίαν τινὰ αὑτῶν ἐκφαίνοντεσ, πολλοὶ μὲν ποιήματα ἐπιδεικνύντεσ τραγῳδίασ τε καὶ ἐπῶν, πολλοὶ δὲ καταλογάδην συγγράμματα, τὸν σχολῆσ ἕνεκεν ἥκοντα καὶ ῥᾳθυμεῖν βουλόμενον ἐνοχλοῦντεσ· οὗτοι δὲ μάλιστα ἐοίκασι τοῖσ μινυρίζουσι καὶ ᾅδουσιν ἐν τοῖσ συμποσίοισ, ὧν ἐξ ἀνάγκησ ἀκούειν ἔστι, κἂν μὴ θέλῃ τισ.

ἐν τούτοισ ὁ δυνάμενοσ λόγουσ εἰπεῖν ὠφελίμουσ καὶ συμφέροντασ καὶ τὴν ὅλην σύνοδον εὐσχημονεστέραν καὶ ἀμείνω παρασχεῖν, οὗτοσ ὑπὸ τῆσ ταραχῆσ καὶ τοῦ πλήθουσ τῶν ἄλλων ἡσυχίαν ἄγει καὶ τρέπεται καθ̓ αὑτόν.

πεπόνθασι γὰρ δὴ οἱ πολλοὶ πρὸσ τοὺσ ἐκ φιλοσοφίασ λόγουσ ὅπερ οἶμαι πρὸσ τὰ τῶν ἰατρῶν φάρμακα. οὔτε γάρ τισ ἐκείνοισ εὐθὺσ πρόσεισιν οὐδὲ ὠνεῖται, πρὶν ἢ περιπεσεῖν φανερῷ νοσήματι καὶ ἀλγῆσαί τι τοῦ σώματοσ·

καὶ τῶν δοκούντων χαλεπῶν.

αὐτίκα τὸν εὐτυχοῦντα, ὁποίαν τινά φασιν οἱ πολλοὶ τὴν εὐτυχίαν, οἱο͂ν χρήματα ἐκ δανείων πολλὰ ἢ χώραν ἱκανὴν κεκτημένον καὶ αὐτὸν ὑγιαίνοντα τέκνων σῳζομένων καὶ γυναικόσ, καί τινα δύναμιν καὶ ἀρχὴν ἔχοντα μεγάλην ἄνευ πολέμου καὶ στάσεωσ καί τινων φανερῶν κινδύνων, οὐκ ἂν εὑρ́οι τισ ῥᾳδίωσ προσιόντα τοῖσ τοιούτοισ οὐδὲ ἀξιοῦντα κοινωνεῖν τῶν ἐκ φιλοσοφίασ λόγων. εἰ δέ τῳ ξυμβαίη τι πταῖσμα κατὰ τὸν βίον καὶ ἤτοι πένησ ἐκ πλουσίου γένοιτο ἢ ἀσθενὴσ καὶ ἀδύνατοσ ἐκ δυναμένου ἢ ἄλλην τινὰ ἔχων λύπην, οἱ δὲ οἰκειότερόν πωσ διατίθενται πρὸσ τὸ πρᾶγμα καὶ τρόπον τινὰ ὑπομένουσι τοὺσ τῶν φιλοσόφων λόγουσ καί πώσ φασι δεῖσθαι παραμυθίασ.

ὡσ τότε δέον σκοπεῖν ὅπωσ μετρίωσ φέρῃ τισ τὰ γιγνόμενα καὶ δυνήσονται ἀντέχειν τοῖσ λοιποῖσ, πρότερον δὲ οὔ·

ὥσπερ καὶ περὶ τὸ σῶμα ἔχουσι σχεδὸν οἱ ἀνόητοι·

τὸν μὲν ἄλλον χρόνον οὐθὲν αὐτοῖσ μέλει ὅπωσ δύνωνται ὑγιαίνειν, ἀλλὰ σιτίοισ τε καὶ οἴνῳ καὶ ἀφροδισίοισ καὶ τῇ ἄλλῃ διαίτῃ ὡσ οἱο͂́ν τε ἀκολάστωσ καὶ ἀδεῶσ χρῶνται, ἐὰν δ̓ ἄρα τισ καταλαμβάνῃ κόποσ καὶ πυρετὸσ περὶ τὰσ τοῦ ἀέροσ μεταβολάσ θεραπεύειν σφᾶσ κελεύουσι μεστοὶ ὄντεσ ἀταξίασ πολλῆσ καὶ νοσημάτων ἰσχυρῶν, οἱο͂ν εἰκὸσ τοὺσ τοιούτουσ καταλαμβάνειν, ὅπωσ δὲ μηδὲν ἰατροῦ δεήσονται, τοῦτο τὴν ἀρχὴν οὐ σκοποῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dio, Chrysostom, Orationes, ΔΙΑΤΡΙΒΗ ΠΕΡΙ ΤΩΝ ΕΝ ΣΥΜΠΟΣΙΩΙ.

(디오, 크리소토모스, 연설 (2), ΔΙΑΤΡΙΒΗ ΠΕΡΙ ΤΩΝ ΕΝ ΣΥΜΠΟΣΙΩΙ.)

상위

목록

SEARCH

MENU NAVIGATION