헬라어 문장 검색 - ΔιοΞηρ́Ορατιον

(디오, 크리소토모스, 연설 (2), ΠΕΡΙ ΤΗΣ ΑΥΤΟΥ ΦΙΑΗΚΟΙΑΣ.)

Ἐδέοντο μὲν πάλαι τῶν οἰκείων τῶν ἐμῶν τινεσ ἐντυγχάνειν μοι· καὶ τῶν πολιτῶν δὲ ἐλέγοντο ἐπιθυμεῖν πολλοὶ θεάσασθαι, νομίζοντεσ πλέον τι παρὰ τοὺσ ἄλλουσ ἔχειν με διὰ τὴν ἄλην καὶ τὴν μεταβολὴν τοῦ βίου καὶ διὰ τὴν δοκοῦσαν αὐτοῖσ τοῦ σώματοσ ταλαιπωρίαν· τελευτῶντεσ δὲ ἤδη καὶ ἐνεκάλουν, ἀδικεῖσθαι φάσκοντεσ. ἐγὼ δὲ οὐκ ἤθελον ἐγγὺσ ἰέναι πρὸσ αὐτοὺσ τοὺσ ὁρ́ουσ, ἀλλὰ ἐδόκει μοι τὸ τοιοῦτο παντελῶσ ἀχθομένου τινὸσ εἶναι τῇ φυγῇ καὶ ἐπιθυμοῦντοσ κατελθεῖν· ὥσπερ οἱ μηδὲν καταλιπόντεσ ἐν τῇ κύλικι δῆλοί εἰσι πάνυ διψῶντεσ. ἐλθὼν οὖν εἰσ Κύζικον ἐκεῖ διέτριβον καὶ παρεῖχον, εἴ τισ βούλεταί μοι τῶν ἐπιτηδείων συγγίγνεσθαι.

καὶ δὴ τὸ τοῦ κιθαρῳδοῦ τοῦτο ὃ λέγουσιν ἔσωσέ με, ᾠδήν τινα ᾅσαντα αὐτοῖσ.

ἐπεὶ γὰρ ἧκεν ὁ ἄριστοσ τῶν νῦν κιθαρῳδῶν, ὡσ δ̓ ἔνιοί φασιν, οὐδὲ τῶν πρότερον οὐδενὸσ ἐνδεέστεροσ, ἀλλ̓ οὐδὲ Ἀρίονοσ τοῦ ἐκ πελάγουσ, μαντευόμενοι δῆλον ὅτι, πῶσ γὰρ ἂν εἰδεῖεν τὸ σαφὲσ οὐκ ἀκούσαντεσ ἐκείνου; ‐ ὡσ δ̓ οὖν τάχιστα ᾔσθοντο ἐπιδημοῦντα τὸν ἄνδρα, εὐθὺσ καὶ σπουδὴ ἀμήχανοσ καὶ πάντεσ ἐβάδιζον εἰσ τὸ βουλευτήριον. ἐγὼ οὖν καὶ αὐτὸσ, ἐξεῖναι νομίζων καὶ ἡμῖν ἀκοῦσαι καὶ μεταλαβεῖν οὕτω καλῆσ εὐωχίασ ἐν ἀνθρώποισ τρισχιλίοισ καὶ πλείοσιν, ἧκον ἐν πρώτοισ πάνυ θαρρῶν.

εἰμὶ δὲ φιλήκοοσ καὶ φιλόμουσοσ ἀτεχνῶσ, οὐ πάνυ ἔμπειροσ ὢν μουσικῆσ· ὥστε εἴπερ ἔτυχον γεγονὼσ κατὰ ταὐτὸν Ὀρφεῖ, δοκῶ μοι, πρῶτοσ ἂν ἐπηκολούθουν, εἰ καὶ ἔδει μετὰ νεβρῶν τινων ἢ μόσχων, οὐδὲν αἰδούμενοσ· συναγελάζομαι θρεμμάτων, ὡραίων καὶ καλῶν, ἄλλωσ δὲ θορυβούντων καὶ σκιρτᾶν προθυμουμένων.

τοῦτο δὲ πέπονθα πρὸσ τοὺσ σοφιστάσ τε καὶ ῥήτορασ ἅπαντασ σχεδόν.

καθάπερ οἱ πτωχοὶ καὶ τοὺσ μετρίωσ εὐπόρουσ μακαρίζουσι διὰ τὴν αὑτῶν ἀπορίαν, κἀγὼ τοὺσ ἁμῃγέπῃ δυνατοὺσ λέγειν θαυμάζω καὶ ἀγαπῶ διὰ τὸ αὐτὸσ ἀδύνατοσ εἶναι λέγειν. τὸ μέντοι τῶν κιθαρῳδῶν τε καὶ νὴ Δία τῶν ὑποκριτῶν οὐ παῤ ὀλίγον μοι δοκεῖ διαφέρειν πρὸσ ἡδονήν. ἥ τε γὰρ φωνὴ μείζων καὶ δῆλον ὅτι ἐμμελεστέρα ἥ τε λέξισ οὐκ αὐτοσχέδιοσ, ὥσπερ ἡ τῶν ῥητόρων ἐξ ὑπογύου τὰ πολλὰ πειρωμένων λέγειν, ἀλλὰ ποιητῶν ἐπιμελῶσ καὶ κατὰ σχολὴν πεποιηκότων. καὶ τά γε πολλὰ αὐτῶν ἀρχαῖά ἐστι καὶ πολὺ σοφωτέρων ἀνδρῶν ἢ τῶν νῦν·

τὰ μὲν τῆσ κωμῳδίασ ἅπαντα· τῆσ δὲ τραγῳδίασ τὰ μὲν ἰσχυρά, ὡσ ἐοίκε, μένει· λέγω δὲ τὰ ἰαμβεῖα· καὶ τούτων μέρη διεξίασιν ἐν τοῖσ θεάτροισ· τὰ δὲ μαλακώτερα ἐξερρύηκε τὰ περὶ τὰ μέλη· ὥσπερ οἶμαι τῶν ἀνθρώπων τῶν παλαιῶν ὅσα μέν ἐστι στερεὰ τοῦ σώματοσ, ὑπομένει τῷ χρόνῳ, τά τε ὀστᾶ καὶ οἱ μύεσ, τἄλλα δὲ ἐλάττω γίγνεται.

οὐκοῦν τὰ σώματα ὁρᾶται τὰ τῶν παντελῶσ γερόντων ἐνδεδωκότα καὶ λαγαρά· ὅσοι δ̓ αὖ παχεῖσ γέροντεσ ὑπὸ πλούτου καὶ τρυφῆσ, ἰσχυροῦ μὲν οὐδενὸσ προσόντοσ ἔτι, πιμελῆσ δὲ ἀντὶ τῶν σαρκῶν, εὐτραφεῖσ δὴ ὁρῶνται καὶ νεώτεροι τοῖσ πολλοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dio, Chrysostom, Orationes, ΠΕΡΙ ΤΗΣ ΑΥΤΟΥ ΦΙΑΗΚΟΙΑΣ.

(디오, 크리소토모스, 연설 (2), ΠΕΡΙ ΤΗΣ ΑΥΤΟΥ ΦΙΑΗΚΟΙΑΣ.)

상위

목록

SEARCH

MENU NAVIGATION