Dio, Chrysostom, Orationes, ΚΟΡΙΝΘΙΑΚΟΣ. 26:

καὶ γάρ τοι καὶ ἀγῶνα πρῶτον ἐνταυθοῖ τεθῆναί φασιν ὑπὸ τῶν δύο θεῶν, καὶ νικῆσαι Κάστορα μὲν στάδιον, Κάλαϊν δὲ δίαυλον· καὶ γὰρ Κάλαΐν φασι δραμεῖν, ἀπεχόμενον τοῦ πέτεσθαι. δεῖ δὲ καὶ τοὺσ ἄλλουσ, ἐπείπερ ἠρξάμεθα, ἀθλοφόρουσ τε λεχθῆναι καὶ νικηφόρουσ. Ὀρφεὺσ κιθάρᾳ, Ἡρακλῆσ πάμμαχον, πυγμὴν Πολυδεύκησ, πάλην Πηλεύσ, δίσκον Τελαμών, ἐνόπλιον Θησεύσ. ἐτέθη δὲ καὶ ἵππων ἀγών, καὶ ἐνίκα κέλητι μὲν Φαέθων, τεθρίππῳ δὲ Νηλεύσ. ἐγένετο δὲ καὶ νεῶν ἅμιλλα, καὶ Ἀργὼ ἐνίκα, καὶ μετὰ ταῦτα οὐκ ἔπλευσεν, ἀλλὰ αὐτὴν ἀνέθηκεν ὁ Ιἄσων ἐνταῦθα τῷ Ποσειδῶνι, καὶ τὸ ἐπίγραμμα ἐπέγραψεν, ὃ λέγουσιν Ὀρφέωσ εἶναι·