Dio, Chrysostom, Orationes, ΕΝ ΤΗΙ ΠΑΤΡΙΔΙ ΠΕΡΙ ΤΗΣ ΠΡΟΣ ΑΠΑΜΕΙΣ 9:

τοῦτον ἐμοῦ τότε εἰπόντοσ τὸν λόγον, ἐπήρθη τε πρὸσ αὐτὸν ὁ δῆμοσ· οὐ γάρ ἐστε ἀγεννεῖσ οὐδὲ ἀναίσθητοι τὰσ φύσεισ· καὶ πολλοὶ προετράπησαν φιλοτιμηθῆναι τῶν πολιτῶν. πάλιν δὲ ὕστερον ἐμοῦ τὸ πρᾶγμα ἐφ̓ ὑμῖν ποιουμένου πολλάκισ μὲν ἐν τῷ βουλευτηρίῳ, πολλάκισ δ̓ ἐν τῷ θεάτρῳ, ἵνα, εἰ μὴ δοκιμάζοιτε μηδὲ βούλοισθε, μηδένα ἐνοχλῶ· τὴν γὰρ ἀσχολίαν τὴν ἐσομένην ὑπώπτευόν μοι περὶ ταῦτα· πολλάκισ μὲν ὑφ̓ ὑμῶν ἐκυρώθη, πολλάκισ δὲ ὑπὸ τῶν ἡγεμόνων, οὐδενὸσ ἀντειπόντοσ.