Dio, Chrysostom, Orationes, ΠΟΛΙΤΙΚΟΣ ΕΝ ΤΗΙ ΠΑΤΡΙΔΙ. 21:

διαφθείρων δὲ καὶ τὸν δῆμον αὐτὸσ ἐφιστάμενοσ κατήγοροσ καὶ τοῖσ αὑτοῦ ῥήμασι καὶ τῇ γλώττῃ παρανομῶν εἰσ τοὺσ πολίτασ, εἰσ τοὺσ δημότασ, καὶ πολλὰ ἕτερα ποιῶν, ἅ αἰσχύνομαι καθ̓ ἕκαστον λέγειν· πονηρὸν δὲ παράδειγμα παρέχων ἑαυτὸν καὶ νεωτέροισ καὶ πρεσβυτέροισ ἀπονίασ καὶ τρυφῆσ καὶ ἀπιστίασ· δεκάζων δὲ τὸ πλῆθοσ, ἵνα μηδεὶσ αὐτῷ προφέρῃ τὰ τότε πραχθέντα, ἀλλὰ τοῦ μίσουσ καὶ τῆσ ἐπιβουλῆσ λήθην τινὰ ποιήσωνται. φέρε δὴ πρὸσ ταῦτα ἀπολογήσομαι, ὦ ἄνδρεσ Προυσαεῖσ, κἂν δοκῇ ὑμῖν ἀκούσασι, κατεψηφίσασθέ μου· καὶ γὰρ τοῦ Σωκράτουσ οἱ Ἀθηναῖοι ἀκούσαντεσ κατεψηφίσαντο.