헬라어 문장 검색 - ΔιοΞηρ́Ορατιον

(디오, 크리소토모스, 연설 (2), ΚΟΜΗΣ ΕΓΚΩΜΙΟΝ.)

Ἀναστὰσ ἑώθεν καὶ τοὺσ θεοὺσ προσειπὼν ὅπερ εἰώθα, ἐπεμελούμην τῆσ κόμησ· καὶ γὰρ ἐτύγχανον μαλακώτερον τὸ σῶμα ἔχων· ἡ δὲ ἠμέλητο ἐκ πλείονοσ. πάνυ γοῦν συνέστραπτο καὶ συνεπέπλεκτο τὰ πολλὰ αὐτῆσ, οἱο͂ν τῶν οἰῶν τὰ περὶ τοῖσ σκέλεσιν αἰωρούμενα· πολὺ δὲ ταῦτα σκληρότερα ὡσ ἂν ἐκ λεπτοτέρων συμπεπλεγμένα τῶν τριχῶν. ἦν οὖν ὀφθῆναί τε ἀγρία ἡ κόμη καὶ βαρεῖα, μόλισ δὲ διελύετο καὶ τὰ πολλὰ αὐτῆσ ἀπεσπᾶτο καὶ διετείνετο. οὐκοῦν ἐπῄει μοι τοὺσ φιλοκόμουσ ἐπαινεῖν, οἳ φιλόκαλοι ὄντεσ καὶ τὰσ κόμασ περὶ πλείστου ποιούμενοι ἐπιμελοῦνται οὐ ῥᾳθύμωσ, ἀλλὰ κάλαμόν τινα ἔχουσιν ἀεὶ ἐν αὐτῇ τῇ κόμῃ, ᾧ ξαίνουσιν αὐτήν, ὅταν σχολὴν ἄγωσι, καὶ τοῦτο δὴ τὸ χαλεπώτατον, χαμαὶ κοιμώμενοι φυλάττουσιν ὅπωσ μηδέποτε ἅψωνται τῆσ γῆσ, ὑπερείδοντεσ ὑπὸ τὴν κεφαλὴν μικρὸν ξύλον, ὅπωσ ἀπέχῃ τῆσ γῆσ ὡσ πλεῖστον, καὶ μᾶλλον φροντίζουσι τοῦ καθαρὰν φέρειν τὴν κόμην ἢ τοῦ ἡδέωσ καθεύδειν· ἡ μὲν γὰρ καλούσ τε καὶ φοβεροὺσ ἐοίκε ποιεῖν, ὁ δὲ ὕπνοσ, κἂν πάνυ ἡδὺσ ᾖ, βραδεῖσ τε καὶ ἀφυλάκτουσ. δοκοῦσι δέ μοι καὶ Λακεδαιμόνιοι μὴ ἀμελεῖν τοῦ τοιούτου πράγματοσ, οἳ τότε ἥκοντεσ πρὸ τῆσ μάχησ τῆσ μεγάλησ τε καὶ δεινῆσ, ὅτε μόνοι τῶν Ἑλλήνων ἔμελλον δέχεσθαι βασιλέα, τριακόσιοι τὸν ἀριθμὸν ὄντεσ, ἐκάθηντο ἀσκοῦντεσ τὰσ κόμασ. δοκεῖ δέ μοι καὶ Ὅμηροσ πλείστησ ἐπιμελείασ ἀξιοῦν τὸ τοιοῦτον. ἀπό γε μὲν ὀφθαλμῶν οὐ πολλάκισ ἐπαινεῖ τοὺσ καλούσ, οὐδὲ ἀπὸ τούτου μάλιστα ἡγεῖται τὸ κάλλοσ ἐπιδείξειν. οὐδενὸσ οὖν τῶν ἡρώων ὀφθαλμοὺσ ἐγκωμιάζει ἢ Ἀγαμέμνονοσ, ὥσπερ καὶ τὸ ἄλλο σῶμα ἐπαινεῖ αὐτοῦ· καὶ οὐ μόνον τοὺσ Έλληνασ ἑλίκωπασ καλεῖ· ἀλλ̓ οὐδὲν ἧττον καὶ τὸν Ἀγαμέμνονα τὸ κοινὸν ἐπὶ τοῖσ Ἕλλησιν· ἀπὸ δὲ τῆσ κόμησ πάντασ· πρῶτον μὲν Ἀχιλλέα, ξανθῆσ δὲ κόμησ ἕλε Πηλείωνα· ἔπειτα Μενέλαον ξανθὸν ἐπονομάζων ἀπὸ τῆσ κόμησ· τῆσ δὲ Ἕκτοροσ χαίτησ μέμνηται, ἀμφὶ δὲ χαῖται κυάνεαι πεφόρηντο. Εὐφόρβου γε μὴν τοῦ καλλίστου τῶν Τρώων ἀποθανόντοσ οὐδὲν ἄλλο ὠδύρετο λέγων, αἵματί οἱ δεύοντο κόμαι Χαρίτεσσιν ὁμοῖαι, πλοχμοί θ̓ οἳ χρυσῷ τε καὶ ἀργύρῳ ἐσφήκωντο· καὶ τὸν Ὀδυσσέα ὅταν ἐθέλῃ καλὸν γεγονότα ὑπὸ τῆσ Ἀθηνᾶσ ἐπιδεῖξαι· φησὶ γοῦν, κυάνεαι δ̓ ἐγένοντο ἔθειραι. πάλιν δ̓ ἐπὶ τοὺ αὐτοῦ, καδδὲ κάρητοσ οὔλασ ἧκε κόμασ, ὑακινθίνῳ ἄνθει ὁμοίασ. καὶ πρέπειν γε μᾶλλον τοῖσ ἀνδράσι φαίνεται καθ̓ Ὅμηρον ὁ κόσμοσ ὁ τῶν τριχῶν ἢ ταῖσ γυναιξί. γυναικῶν γοῦν περὶ κάλλουσ διεξιὼν οὐ τοσαυτάκισ φαίνεται κόμησ μεμνημένοσ· ἐπεί τοι καὶ τῶν θεῶν τὰσ μὲν θηλείασ ἄλλωσ ἐπαινεῖ. χρυσῆν γὰρ Ἀφροδίτην καὶ βοῶπιν Ἥραν καὶ Θέτιν ἀργυρόπεζαν. τοῦ Διὸσ δὲ μάλιστα ἐπαινεῖ τὰσ χαίτασ· ἀμβρόσιαι δ̓ ἄρα χαῖται ἐπερρώσαντο ἄνακτοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dio, Chrysostom, Orationes, ΚΟΜΗΣ ΕΓΚΩΜΙΟΝ.

(디오, 크리소토모스, 연설 (2), ΚΟΜΗΣ ΕΓΚΩΜΙΟΝ.)

상위

목록

SEARCH

MENU NAVIGATION