Dio, Chrysostom, Orationes, ΔΙΑΤΡΙΒΗ ΠΕΡΙ ΤΩΝ ΕΝ ΣΥΜΠΟΣΙΩΙ. 4:

οὐ γὰρ ὁμοίωσ ὑποδέχονται τοὺσ δεομένουσ αὐτῶν αἵ τε Νύμφαι καὶ ὁ Διόνυσοσ· ἀλλὰ ἅτε διθύραμβοσ ὢν ὁ Διόνυσοσ καὶ ὑπὸ κεραυνοῦ καὶ βροντῆσ γενόμενοσ, ὥσ φασιν οἱ ποιηταί, τοὺσ ἀμαθέστερον χρωμένουσ ἀτεχνῶσ πυρὸσ πίμπλησι καὶ τῷ ὄντι πολλοὺσ αὐτῶν ἐμβροντήτουσ ἐποίησεν. οὗτοι μὲν οὖν σχεδόν τι μαινόμενοι πολλὰ κακὰ δρῶσιν, ὥσπερ Ὅμηρόσ φησι τὸν Κένταυρον μεθυσθέντα ἐν τῇ τοῦ Πειρίθου οἰκίᾳ κακὰ ἐργάσασθαι.