Dio, Chrysostom, Orationes, ΠΕΡΙ ΑΝΑΧΩΡΗΣΕΩΣ. 36:

ἄλλωσ μὲν οὖν οὐ πάνυ τι ἡγεῖτο δυνατόν, εἰ δὲ θεόσ τισ ὑπόσχοιτο καὶ δοίη, τάχ̓ ἂν γενέσθαι τὸ τοιοῦτον. καὶ τίνα δὴ θεὸν ἄλλην εἰκὸσ τὰσ τοιαύτασ χαρίζεσθαι χάριτασ ἢ τὴν κρατοῦσάν τε καὶ ἄρχουσαν τῶν περὶ τοὺσ γάμουσ τε καὶ ἔρωτασ; οὔκουν ἐκείνησ διδούσησ ἀδύνατον ἡγεῖτο τὸν γάμον. πῶσ ἂν οὖν ἐκείνην πείσαι χαρίσασθαι ἢ εἰ τρόπον τινὰ γίγνοιτο αὐτὸσ προσφιλὴσ τῇ θεῷ καὶ δωρεάν τινα καὶ χάριν δεδωκώσ;