Dio, Chrysostom, Orationes, ΠΕΡΙ ΛΟΓΟΥ ΑΣΚΗΣΕΩΣ. 26:

εἴτε ἐν πολέμῳ τισ στρατηγῶν εἴτε πόλεωσ ἀφηγούμενοσ, εἴτε ἐν δήμῳ λέγων εἴτε ἐν βουλευτηρίῳ, εἴτε καὶ ἐν δικαστηρίῳ μὴ ὡσ ῥήτωρ ἐθέλοι μόνον, ἀλλὰ καὶ ὡσ πολιτικὸσ καὶ βασιλικὸσ ἀνὴρ τὰ τῷ τοιούτῳ προσήκοντα ἐν δίκῃ εἰπεῖν· πάντων ἄριστοσ ἐμοὶ δοκεῖ καὶ λυσιτελέστατοσ πρὸσ ταῦτα πάντα Ξενοφῶν. τά τε γὰρ διανοήματα σαφῆ καὶ ἁπλᾶ καὶ παντὶ ῥᾴδια φαινόμενα, τό τε εἶδοσ τῆσ ἀπαγγελίασ προσηνὲσ καὶ κεχαρισμένον καὶ πειστικόν, πολλὴν μὲν ἔχον πιθανότητα, πολλὴν δὲ χάριν καὶ ἐπιβολήν, ὥστε μὴ λόγων δεινότητι μόνον, ἀλλὰ καὶ γοητείᾳ ἐοικέναι τὴν δύναμιν.