Dio, Chrysostom, Orationes, ΠΕΡΙ ΔΟΥΛΕΙΑΣ ΚΑΙ ΕΛΕΥΘΕΡΙΑΣ Β. 47:

ἀλλὰ μὴ οὐχ οὕτωσ ᾖ λεγόμενοσ ἐξ ἀρχῆσ ὁ δοῦλοσ, ὑπὲρ ὅτου ἀργύριόν τισ τοῦ σώματοσ κατέβαλεν ἢ ὃσ ἂν ἐκ δούλων λεγομένων ᾖ γεγονώσ, ὥσπερ οἱ πολλοὶ νομίζουσι, πολὺ δὲ μᾶλλον ὅσπερ ἀνελεύθεροσ καὶ δουλοπρεπήσ. τῶν μὲν γὰρ λεγομένων δούλων πολλοὺσ ὁμολογήσομεν δήπου εἶναι ἐλευθερίουσ, τῶν δέ γε ἐλευθέρων πολλοὺσ πάνυ δουλοπρεπεῖσ. ἔστι δὲ ὡσ περὶ τοὺσ γενναίουσ καὶ τοὺσ εὐγενεῖσ. τούτουσ γὰρ οἱ ἐξ ἀρχῆσ ὠνόμασαν τοὺσ εὖ γεγονότασ πρὸσ ἀρετήν, οὐδὲν πολυπραγμονοῦντεσ ἐκ τίνων εἰσίν·