Dio, Chrysostom, Orationes, ΠΕΡΙ ΔΟΥΛΕΙΑΣ ΚΑΙ ΕΛΕΥΘΕΡΙΑΣ Β. 7:

ἀδύνατον γάρ σοι δοκεῖ εἶναι ἐξ ἄλλου ἀνδρὸσ κυῆσαι ἐλευθέρου ἢ καὶ τοῦ αὑτῆσ δεσπότου. οὐ πολλοὶ Ἀθηναίων συγγίγνονται θεραπαίναισ αὑτῶν, οἱ μέν τινεσ κρύφα, οἱ δὲ καὶ φανερῶσ; οὐ γὰρ δήπου βελτίουσ εἰσὶ πάντεσ τοῦ Ἡρακλέουσ, ὃσ οὐδὲ τῇ Ιἀρδάνου δούλῃ συγγενέσθαι ἀπηξίωσεν, ἐξ ἧσ ἐγένοντο οἱ Σάρδεων βασιλεῖσ. ἔτι δὲ δοκεῖ σοι, ὡσ ἐοίκε, Κλυταιμνήστρα μὲν, Τυνδάρεω θυγάτηρ, γυνὴ δὲ Ἀγαμέμνονοσ, μὴ μόνον Ἀγαμέμνονι συνεῖναι τῷ αὑτῆσ ἀνδρί, ἀλλὰ καὶ ἀποδημήσαντοσ ἐκείνου Αἰγίσθῳ συγγενέσθαι, καὶ Αἐρόπη ἡ Ἀτρέωσ γυνὴ τὴν Θυέστου προσδέξασθαι ὁμιλίαν, καὶ ἄλλαι πολλαὶ καὶ πάλαι καὶ νῦν ἐνδόξων καὶ πλουσίων ἀνδρῶν γυναῖκεσ ἑτέροισ συγγίγνεσθαι καὶ παῖδασ ἐνίοτε ἐξ ἐκείνων ποιεῖσθαι·