Dio, Chrysostom, Orationes, ΤΩΝ ΕΝ ΚΙΛΙΚΙΑΙ ΠΕΡΙ ΕΛΕΥΘΕΡΙΑΣ. 16:

τί γὰρ ἦν ἡ Κνωσίων εἱρκτὴ καὶ τὸ τοῦ Λαβυρίνθου σκολιὸν πρὸσ τὴν σκολιότητα καὶ τὸ δυσεύρετον τῆσ ἀφροσύνησ; τί δ̓ ἡ Σικελικὴ φρουρὰ τῶν Ἀττικῶν αἰχμαλώτων, οὓσ εἰσ πέτραν τινὰ ἐνέβαλον; τί δ̓ ὁ Λακώνων Κεάδασ καὶ τὸ παρὰ Πέρσαισ οἴκημα μεστὸν τέφρασ, ἢ νὴ Δία εἴ τινασ κόρασ χαλεποὶ πατέρεσ, ὡσ ὁ τῶν ποιητῶν λόγοσ, ̔χαλκέων περιβόλων̓ ἐφρούρησαν εἱ̔ρκταῖσ̓. οὐδ̓ ἐγὼ νήφειν ἐν τοῖσ λόγοισ ἔτι μοι δοκῶ τῶν ἀνθρωπίνων συμφορῶν μνησθεὶσ ἐπὶ πλέον καὶ τῆσ αἰσχρᾶσ καὶ δυσχεροῦσ δουλείασ, λείασ, ἣν δεδούλωσθε πάντεσ·