Dio, Chrysostom, Orationes, ΤΩΝ ΕΝ ΚΙΛΙΚΙΑΙ ΠΕΡΙ ΕΛΕΥΘΕΡΙΑΣ. 6:

δῆλον οὖν ὅτι πονηροὺσ ἔγραφε νόμουσ, εἴπερ τοὺσ ἀρέσοντασ πονηροῖσ ἔγραφεν· ἀλλ̓ ὅμωσ καὶ αὐτὸσ τούτοισ ἐχρῆτο πονηροῖσ τε οὖσι καὶ οὐκ ἀρέσκουσιν αὐτῷ. δῆλον οὖν ὅτι τούτων μὲν οὐδενὶ μετῆν αὐτονομίασ, οὐδὲ ἐσπούδαζον οὐδὲ ἐπολέμουν, ὅπωσ ὦσιν ἐλεύθεροι· ἀλλὰ γὰρ ἄφθονόν τε καὶ πολλὴν δουλείαν ἐντὸσ τῶν τειχῶν ἐγκαθείρξαντεσ ἔπειτα ἐπάλξεσι καὶ πύργοισ καὶ βέλεσιν ἠμύνοντο, ὅπωσ μὴ εἰσίοι ἔξωθεν παῤ αὐτούσ, ὥσπερ εἴ τισ τῆσ νεὼσ διερρηγμένησ κλύδωνοσ ἔνδον ὄντοσ φυλάττοιτο καὶ πράγματα ἔχοι, μήποτε ἄνωθεν ὑπερβάλῃ. καθάπερ οὖν φασι τοὺσ Τρῶασ ὑπὲρ τῆσ Ἑλένησ πολιορκεῖσθαι καὶ ἀποθνῄσκειν οὐκ ἔνδον οὔσησ, ἀλλ̓ ἐν Αἰγύπτῳ, ταὐτὸ πάθοσ οὗτοι πεπόνθεσαν·